గుర్రం పై గోవిందుడు
on Jul 3, 2014
గుర్రం స్వారీ చేస్తూ, కత్తి తిప్పే హీరోలంటే నేటికీ క్రేజ్ ఎక్కువే అని మగధీర చిత్రం నిరూపించింది. మగధీర చిత్రంలో గుర్రం మీద రామ్ చరణ్ స్వారీ చేసిన తీరు చాలా మందిని ఆశ్చర్యపరిచింది. రియల్ లైఫ్ లో కూడా చరణ్ గుర్రం స్వారీ చక్కగా చేయగలగడంతో ఆ సినిమాలో క్యారెక్టర్ కి మరింత గ్రేస్ వచ్చిందని కూడా అన్నారు. తనకెంతో ఇష్టమైన గుర్రపు స్వారీ చేస్తూ మరోసారి రామ్ చరణ్ ప్రేక్షకుల ముందుకు రాబోతున్నారు.
గోవిందుడు అందరివాడేలే చిత్రంలో కొన్ని సన్నివేశాలలో రామ్ చరణ్ గుర్రపు స్వారీ చేస్తూ కనిపించబోతున్నాడు. మగధీరా చిత్రంతో ఎంతగానో ఆకట్టుకున్న రామ్ చరణ్, కాజల్ ఈ చిత్రంలో మరోసారి జంటగా కనిపించనున్నారు. హైదరాబాద్ నానాక్ రాం గూడాలో ఈ సినిమా షూటింగ్ జరుగుతోంది. అక్టోబర్ 1 న ఈ చిత్రాన్ని విడుదల చేసేందుకు ప్రయత్నాలు జరుగుతున్నాయి.