TeluguOne Services
Copyright © 2000 - , TeluguOne Sahityam - All rights reserved.
స్నేహం - ప్రేమ
-బ్నిం
మధురాతి మధురమౌ
మన స్నేహమును తలవ
మనసుకాహ్లాదమ్ము
కలిగెడిది ఆనాడు -
చెలియా! నీవిప్పుడు
ప్రియురాలిగా మార
నిను తలవ మది రగిలి
కలత కలుగు -
నువ్వొచ్చి
గంటల్ని క్షణాలుగా దొర్లించి
వెళ్ళిపోయాక ఒక్కోక్షణం
గంట సేపు పీక్కుతింటోంది -
అందుకే నువ్వున్న ఆ కొంత సేపూ కూడా.....
చందమామ వెనుక చీకటి ఆకాశమంత
మళ్ళీ నువ్వెళ్ళిపోతావనే చింత -