TeluguOne Services
Copyright © 2000 - , TeluguOne Sahityam - All rights reserved.
నే చేరాల్సిన గమ్యం
గమ్యమేదో తెలియదు కానీ..
'నీకై' నడిచిన ఆడుగులు
ఇంకా ఆగలేదు,
నీతో నడిచినవి ఆగాయంతే..!
తేడా ఎంతుందన్నది,
నీలోని నాకే తెలుసు.
అసలు నిన్ను నువ్వు చూసుకుంటావు,
బాగానే ఉంది...!
ఆ 'నేను' కనపడలేదంటే అబద్దమేనేమో..!
కలలెంత పచ్చిగా ఉంటాయో,
ఎండుటాకులా రాలుతున్న
నా మది అణువులనడుగు..!
రోజుకో కొత్తదనాన్ని
నీ పాత జ్ఞాపకాల్లోనే గమనిస్తున్నా..
నమ్ముతావా దూరమెంత దగ్గరని?
నా 'నీడ'నడిగితే,
మాయమైన నీ తోడుని
గుర్తెరుగుతుంది...!
ఇదేనేమో ,
నే చేరాల్సిన గమ్యం మరి..
దానికై వేస్తున్న
అజ్ఞాతపు అడుగుల సాక్షిగా...!!!
--Raghu Alla
TeluguOne Services
Copyright © 2000 - , TeluguOne Sahityam - All rights reserved.
|