TeluguOne Services
Copyright © 2000 - , TeluguOne Sahityam - All rights reserved.
తెలుగు భూమి - గేయం
1. చూడంగ వలె తెలుగు వాని - చూచి
తీరంగవలె తెలుగు భూమి
ఆ పంచకట్టేటి తీరు - ఓహో
పై పంచ వేసేటి జోరు
మొగమున మీసాలకోరు
ఎంతెంత పనినైన సాధించుతీరు || చూ ||
2. చూడంగవలె తెలుగు భామ - భళిరా!
ధీర శూరర చూడలేమ
కాకతీ రుద్రమ్మ, పలనాటి నాగమ్మ
రామాయణపు మొల్ల లెందరోగాయనులు || చూ ||
౩. ఎతైన తెలుగమ్మ ఎడద - అందులో
ఎన్నెన్నొ భాద్యతల బెడద
తలలోన తంగేటి పులు
పాండవుల పాటతో పనిలోకి వాలు || చూ ||
4. చూడంగవలె తెలుగు భూమి - చూచి
తీరంగవలె తెలుగు భూమి
బంగారములు పండు పైరు - జీవ
నదులుగ పరుగులిడు నీరు
నల్లగ ఎతైన గిరులు - తెల్లగ
వాటిపై సర్వేశు గుడులు || చూ ||
5. అన్న చెల్లలు వరుసలోనో
తల్లిదండ్రుల వరుసలోనో
పల్లెలో నివసించు ప్రజలు
అన్నిరంగాలలో ఆత్మబంధువులు || చూ ||
రచన : నందివాడ కనక దుర్గాప్రసాదరావు