Home » కవితలు » విరిసిన కవిహృదయం



Facebook Twitter Google
విరిసిన కవిహృదయం

పద్య కవిత 
చైత్ర వసంతాన శ్రీవిళంబి  (విరిసిన కవిహృదయం)


 చం||  యుగముల కాదియై, గణన యోగ్యముగా, ప్రభవాదిపేరులన్
           జగతిని కాల చక్రమున, చైత్ర వసంత, శుభోదయంబుగన్
           సుగతిని జూపి మానిసికి, సుందర నందన మౌచు ధాత్రికిన్
           ప్రగతి ఫలాలు పంచగను, వచ్చెనుగాదియు శ్రీవిళంబిగన్ "

 చం||   సగటున వర్షపాతమును, సాలున, పంటకు గిట్టుబాటునున్
            తగిన యుపాధి కల్పనలు, తగ్గని రాబడి వస్తుసేవలన్
            తగవులు లేని పాలనము, ధర్మము దప్పని నాయకత్వమున్
            సొగసగు జీవనంబు, మన సొంతము నూతన వత్సరంబునన్"

తే||గీ||   వత్స వత్సరానికుగాది, వచ్చుచుండ 
            నిత్య శోభలన్ వర్థిల్లు, నేలతల్లి 
            ప్రకృతి యందాలు, మానవుల్, పాడుజేయ
            కాలమే, కరవాలమై, కలచివేయు"

 ఉ||      పచ్చని పైటవేసికొని, బారులు తీరగచెట్టుకొమ్మలున్
            విచ్చిన పూలు దాల్చికొని, వేళలు గాచగ తీవెకోమలుల్
            అచ్చికబుచ్చికన్, నెమలు లాడగ, కోయిల గుంపు పాడగన్ 
            వచ్చెను, నేత్ర పర్వముగ, వ్యక్తము కాగ, వసంత మీయెడన్"

ఆ||వె||  మధురమైన తెలుగు, మాకందమేయని
             చిలుక పలికె నోట, తెలుగు మాట 
             మధువుకన్న తెలుగు, మాధుర్యమనుకొని 
             తెలుగు పదము గ్రోలె, తేనెతిండి " .

రచన:- పొనకంటి దక్షిణామూర్తి 


నా దేశం
Aug 14, 2019
మేలు
Aug 5, 2019
చాలా రోజుల తర్వాత వర్షంలో తడిశా
Aug 2, 2019
కొమ్మన కోయిలలు వరసన పాడితే
Jun 27, 2019
ఆశ (కవిత)
Jun 14, 2019
సంస్కృతి, సంప్ర‌దాయం సంద‌డిచేసేలా.. పసుపు, కుంకుమ ప‌ల్ల‌వి పాడిన శుభ‌వేళ‌..
Apr 5, 2019
ఇదే మాట ఇదే మాట పదే పదే అనేస్తాను.
Apr 30, 2019
అమ్మ నుంచే మన అమ్మ భాష ఆటలతో ఆనందభాష్పాలు
Feb 20, 2019
నేను నిన్ను ప్రేమిస్తున్నా...............తెలుగులో... ముజే తుమ్ సే ప్యార్ హై.............హిందీలో.........
Feb 13, 2019
నీ కనుపాపలోని ప్రతి స్వప్నం నా గురించే అనుకున్నా...
Feb 12, 2019
TeluguOne For Your Business
About TeluguOne