Home » కథలు » పులిప్రార్థన



Facebook Twitter Google
పులిప్రార్థన

పులిప్రార్థన

 


దైవభక్తుడు ఒకడు కాలినడకన వెళ్తున్నాడు తీర్థయాత్రలకని. అలా ఒకరోజున అడవిలో నడుస్తుండగా మధ్యాహ్నం అయ్యింది. అక్కడే ఒక పెద్ద చెట్టు కనబడేసరికి, దాని నీడన చేరి కూర్చున్నాడు విశ్రాంతిగా.

అకస్మాత్తుగా ఒక పులి వచ్చి అతనికి ఎదురుగా నిల్చున్నది . దైవభక్తుడు భయంతో గజగజ వణికాడు. తప్పించుకునే అవకాశం లేదు. ఎలాగూ పులి తనను తినేస్తుంది. ఆ సమయంలో అతనికి దేవుడు గుర్తుకొచ్చాడు. "స్వామీ! ఇక నా భారం నీదే" అని కళ్ళు మూసుకొని దేవుణ్ణి ప్రార్థించడం మొదలుపెట్టాడు.

ఎంతసేపటికీ పులి తన మీదికి దూకదే!? దేవుడు తనని కాపాడాడా? అతనికి అనుమానం వచ్చి కళ్ళు తెరచి చూశాడు.  ఆశ్చర్యం! పులి కూడా చేతులు జోడించి కళ్ళు మూసుకొని ప్రార్థిస్తూ కనిపించింది. అతనికి ఏమీ అర్థం కాలేదు. "దైవమహిమ! స్వామీ, నువ్వు నా చెంతే ఉన్నావు" అనుకున్నాడు. ఇంకొంత ధైర్యం వచ్చింది. అడిగాడు-"ఓ పులీ! నేనంటే ప్రాణ భయంతో దేవుణ్ని ప్రార్థిస్తున్నాను. మరి నువ్వెందుకు ప్రార్థిస్తున్నావు?' అని.

"మీవల్లనే కదా, మా జాతి రానురాను అంతరించిపోతున్నది?! కొన్ని సంవత్సరాలకు ఇంక ఒక్క పులి కూడా ఈ భూమి మీద కనబడదు. ఇప్పుడు నా దురదృష్టం కొద్దీ నీకు ఎదురు పడ్డాను కదా, నువ్వు నన్ను చంపకూడదని దేవుణ్ని వేడుకుంటున్నాను" అన్నది పులి. మనిషి సిగ్గుతో తల వంచుకొని నిష్ర్కమించాడు అక్కడి నుండి.

- కొత్తపల్లి.ఇన్ వారి సౌజన్యంతో


ఒక ఊరికి వరదలు వచ్చాయి. అందరూ హడావిడిగా ఇళ్ళు వదిలేసి వెళ్ళాల్సిన...
Sep 18, 2018
అనగనగా ఒక పెద్ద రాజ్యం. ఆ రాజ్యానికి ఒక రాజు ఉండేవాడు...
Sep 11, 2018
దొండపాడు గ్రామంలో రాజు అనే పిల్లవాడొకడు ఉండేవాడు. వాడికి చదువు అంతగా రాదు.
Sep 10, 2018
బాంబే, ఒక హైటెక్ సిటీ. అందులో పేరుమోసిన సర్కస్ ఒకటి ఉంది.
Sep 7, 2018
అనగనగా ఒక అడవిలో ఒక కాకి, ఒక కోయిల ఉండేవి...
Sep 4, 2018
రామాపురం అనే ఊళ్ళో పుల్లమ్మ, పుల్లయ్య అనే పేద బ్రాహ్మణ దంపతులు ఉండేవాళ్ళు.
Sep 1, 2018
నువ్వు యెన్నయినా చెప్పు సురేష్ బాబు, వాడి గతం తెలిసినవారెవరికి వాడిపై ప్రేమ, అభిమానం ఉన్నట్టుండి పుడుతాయా...
Aug 27, 2018
అనగనగా ఒక రాజుగారికి ఒక ఏనుగు ఉండేది...
Aug 22, 2018
అనగనగా ఒక ఊళ్లో ఒక బిచ్చగాడు ఉండేవాడు. అతని పేరు పుల్లప్ప.
Jul 26, 2018
మామిళ్ళపల్లిలో పెద్ద మర్రి చెట్టు ఒకటి ఉండేది. ఆ చెట్టు తొర్రలో ఒక పిట్ట, దాని పిల్ల నివసిస్తూ ఉండేవి.
Jul 25, 2018
TeluguOne For Your Business
About TeluguOne