Home » కవితలు » రా విలంబము లేక విళంబి రమ్ము



Facebook Twitter Google
రా విలంబము లేక విళంబి రమ్ము

రా! విలంబము లేక "విళంబి" రమ్ము  
  


నిగ నిగల మావికొమ్మల 
చిగురులు తిని కోకిలమ్మ చేతములలరన్ 
తెగ ముచ్చట పడిపోవుచు
జగమలరగ పాడుచుండె చైత్రదినములన్


రాగ మధురమ్ముగా చైత్రరాగములను
పాడుచుండ వసంతాన పంచమమున
కోకిలా! మధురమగు నీ కూత చేత
అమనికి వచ్చె మధుమాసమనెడు పేరు!


కొంటె కుఱ్ఱ యొకడు కూ.హు .కూ హు యన
విన్న కోకిలమ్మ విసుగు లేక 
బదులు పల్క సాగె పంచమ స్వరములో
ననగ ననగ రాగ మతిశయల్ల


పూలదండలు  కట్టి ద్వారాలయందు
మామిడాకులు కట్టి గుమ్మముల యందు 
వేపపూల పచ్చడుల నైవేద్య మిచ్చి
మల్లె దండలు వేసి నమస్కరింతు!


వాకిలి యందు తోరణము స్వాగత గతిక యాలపించగా
వేకువలందు నందముగ విచ్చిన మల్లెలు నవ్వుచుండగా
కోకిలలెల్ల కూయ సుమకుంజ పధమ్ముల మెల్ల మెల్లగా
శ్రీకరమై 'విళంబి ' దయచేయుము వేగమె తెల్గు నేలకున్

రచన : డా|| కావూరి పాపయ్య శాస్త్రి


నా దేశం
Aug 14, 2019
మేలు
Aug 5, 2019
చాలా రోజుల తర్వాత వర్షంలో తడిశా
Aug 2, 2019
కొమ్మన కోయిలలు వరసన పాడితే
Jun 27, 2019
ఆశ (కవిత)
Jun 14, 2019
సంస్కృతి, సంప్ర‌దాయం సంద‌డిచేసేలా.. పసుపు, కుంకుమ ప‌ల్ల‌వి పాడిన శుభ‌వేళ‌..
Apr 5, 2019
ఇదే మాట ఇదే మాట పదే పదే అనేస్తాను.
Apr 30, 2019
అమ్మ నుంచే మన అమ్మ భాష ఆటలతో ఆనందభాష్పాలు
Feb 20, 2019
నేను నిన్ను ప్రేమిస్తున్నా...............తెలుగులో... ముజే తుమ్ సే ప్యార్ హై.............హిందీలో.........
Feb 13, 2019
నీ కనుపాపలోని ప్రతి స్వప్నం నా గురించే అనుకున్నా...
Feb 12, 2019
TeluguOne For Your Business
About TeluguOne