దోసకాయ ములక్కాడ కూర..

కావలసిన పదార్ధాలు:-
దోసకాయ పెద్దది                                                  - 1 
ములక్కాడ ముక్కలు                                           - 6
ఉల్లిపాయ                                                            - 1 
వెల్లుల్లి                                                                 - 4 రెబ్బలు 
పచ్చి మిర్చి                                                          - 1 
టమాటా                                                                - 1 
మెంతికూర                                                           - 1 కట్ట 
జీలకర్ర                                                                 - 1/2 చెంచా 
ఆవాలు                                                                 - 1/4 చెంచా 
పసుపు                                                                  - చిటికెడు
ఉప్పు                                                                    - 1/2 చెంచా 
కారం                                                                     - కొద్దిగా 
కరివేపాకు, కొత్తిమీర                                               - సువాసనకు తగినంత 

తయారీ విధానం:​

* ముందుగా పొయ్యి మీద మూకుడుపెట్టి నూనె వేసి... జీలకర్ర, వెల్లుల్లి, ఆవాలు, పచ్చిమిరపముక్కలు నిలువుగా తరిగిన ముక్కలు, కరివేపాకు, పసుపు వేసి వేయిస్తూ ఉల్లి ముక్కలు వెయ్యాలి.

* అవి కాస్త వేగాక టమాటా ముక్కలు వేసి వేయించి... ముక్కలుగా తరిగిన దోసముక్కలు, ములక్కాడలు వేసి ఉప్పు వేసి మూతపెట్టి మగ్గనివ్వాలి.

* కమ్మని దోసముక్కలు వాసన వస్తున్నప్పుడు కొద్దిగా నీరుపోసి ములక్కాడ ముక్కలు ఉడికించుకోవాలి. ఈ దశలో మరింత పులుసు కావాలంటే చింతపండు రసంతో ఉడికించుకోవాలి.

* చేదులేని దోస గింజలు కూడా ఈ కూరలో కలిపితే బావుంటుంది.

* ఈ కూర త్వరగా ఉడుకుతుంది ౩ వంతుల భాగం ఉడికాక కడిగి, తరిగి శుభ్ర పరచిన మెంతి ఆకులు పైన వేసి మూతపెట్టి కారం పొడి జల్లి  పొయ్యి మీద నుండి దింపి కొత్తిమీర కాస్త వెన్న వేసి కలుపుకోవాలి.

* మరీ నీళ్ళలాఉంటే కాస్త పిండి పెట్టుకోవచ్చు. ఈ కూర చాలా చాలా బావుంటుంది. ఉత్తినే తినేలా ఉంటుంది. దీనిని చపాతీ అన్నం గోధుమరవ్వ ఉప్మా  అన్నింటిల్లోకి ఆధరువు.