ALSO ON TELUGUONE N E W S
  తెలుగు సినిమా ప్రముఖులే లక్ష్యంగా బుధవారం ఉదయం హైదరాబాద్ లోని ఇన్ కమ్ (ఐటీ) టాక్స్ అధికారులు రైడ్స్ చేయడం ప్రారంభించారు. దాంతో షెడ్యూల్ ప్రకారం జరగవలసిన కొన్ని షూటింగ్ లు రద్దయ్యాయి. ఓ ప్రెస్ మీట్ లొకేషన్ మారింది. టాలీవుడ్ ప్రముఖులు కాస్త ఇబ్బందికి గురయ్యారనే మాట అక్షర సత్యం. అసలు వివరాల్లోకి వెళితే... ప్రముఖ నిర్మాత, డిస్ట్రిబ్యూటర్, ఇండస్ట్రీ కింగ్ పిన్ అయినటువంటి దగ్గుబాటి సురేష్ బాబు ఆఫీసుల్లో బుధవారం ఉదయం ఐటీ అధికారులు సోదాలు నిర్వహించారు. దగ్గుబాటి కుటుంబానికి చెందిన రామానాయుడు స్టూడియోలో సురేష్ బాబు ఆఫీస్ ఉంది. అలాగే, డిస్ట్రిబ్యూషన్ సంస్థ ఆఫీస్ కూడా! అందువల్ల, బుధవారం ఉదయం రామానాయుడు స్టూడియోలో సోదాలు నిర్వహిస్తున్న సమయంలో ఇతరులు రాకుండా, ఐటీ అధికారులు గేటు తాళాలు వేశారు. దాంతో స్టూడియోలో షూటింగ్ ప్లాన్ చేసుకున్న కొందరు ఇబ్బంది పడ్డారు. 'మిస్ మ్యాచ్' ప్రెస్ మీట్ లొకేషన్ రామానాయుడు స్టూడియో నుండి ఫిల్మ్ చాంబర్ కు మారింది.  సురేష్ బాబు ఆఫీసుతో పాటు ప్రముఖ యువ హీరో నాని ఇంటిపై కూడా ఐటీ అధికారులు రైడ్ చేశారు. ఏడాదికి మినిమమ్ రెండు చిత్రాల్లో నాని నటిస్తారు. ఇటీవల ఆయన పారితోషకం పెరిగిందనే వార్తలు వచ్చాయి. ఈ నేపధ్యంలో నానిపై ఐటి అధికారుల కన్ను పడి ఉండవచ్చు. సూపర్ స్టార్ మహేష్ బాబు ఇంటిపై కూడా ఐటీ రైడ్ జరిగిందనే వార్తలు వస్తున్నాయి‌. ఇది నిజమో కాదో తెలియాల్సి ఉంది.
  సూపర్‌స్టార్ మహేశ్ మోస్ట్ యాంటిసిపేటెడ్ మూవీ 'సరిలేరు నీకెవ్వరు' ప్రమోషన్స్‌ను స్టార్ట్ చేసేందుకు నిర్మాతలు ముహూర్తం నిర్ణయించారు. అనిల్ రావిపూడి డైరెక్షన్‌లో తయారవుతున్న ఈ యాక్షన్ ఎంటర్‌టైనర్ టీజర్‌ను నవంబర్ 22న లాంచ్ చేయనున్నారు. ఈ విషయాన్ని ప్రొడక్షన్ హౌస్ ఏకే ఎంటర్‌టైన్‌మెంట్స్ తన అఫిషియల్ ట్విట్టర్ అకౌంట్ ద్వారా మంగళవారం సాయంత్రం 6:03 గంటలకు వెల్లడి చేసింది. దీని కోసం టాలీవుడ్‌లోనే తొలిసారిగా 'అన్‌లాక్' టూల్‌ను ప్రవేశపెట్టింది. అంటే ట్విట్టర్ అకౌంట్‌లో అదిపెట్టిన 'అన్‌లాక్' టూల్‌ను క్లిక్ చేస్తే మనకు టీజర్ రిలీజ్ డేట్ రివీల్ అవుతుందన్న మాట. అలా ఫ్యాన్స్‌లో 'సరిలేరు నీకెవ్వరు' టీజర్ డేట్ ఎప్పుడా అనే క్యూరియాసిటీని అమితంగా క్రియేట్ చేశారు. నవంబర్ 22న మూవీ ఫస్ట్ టీజర్ వస్తుందనే సమాచారంతో మహేశ్ ఫ్యాన్స్‌లో సంబరాలు ఒక్కసారిగా అంబరాన్ని అంటాయి. "గెట్ రెడీ పీపుల్. మాస్ మహేశ్ బాబు మేనియా బిగిన్స్ విత్ 'సరిలేరు నీకెవ్వరు' టీజర్! లెట్స్ సెట్ ద స్క్రీన్స్ ఆన్ ఫైర్" అంటూ ఏకే ఎంటర్‌టైన్‌మెంట్స్ ట్వీట్ చేసింది. క్షణాల వ్యవధిలోనే 'సరిలేరు నీకెవ్వరు' అనే హ్యాష్‌టాగ్ ట్విట్టర్ ట్రెండింగ్‌లోకి రావడం విశేషం. దానికంటే ముందు 'అన్‌లాక్ ఎస్ఎల్ఎన్ టీజర్ డేట్' అనే హ్యాష్‌టాగ్ ట్రెండింగ్‌లో ఉంది. అంటే ఈ రెండు హ్యాష్‌టాగ్‌లూ ఇప్పుడు ట్విట్టర్ వేదికపై హల్‌చల్ చేస్తున్నాయి. 'సరిలేరు నీకెవ్వరు' టీజర్ లోడ్ అవుతున్నదనే విషయాన్ని మూడు రోజుల క్రితమే, అంటే నవంబర్ 16నే అనిల్ రావిపూడి బయటపెట్టాడు. 'టీజర్ లోడింగ్' అంటూ 'సరిలేరు నీకెవ్వరు' ట్యాగ్‌ను జోడించడంతో దానికి విపరీతమైన రెస్పాన్స్ వచ్చింది. అతి త్వరలోనే మూవీ టీజర్ బయటకు రానున్నదనే విషయం తెలియడంతో, ఆ డేట్ ఎప్పుడా అనే ఆత్రుతతో మహేశ్ ఫ్యాన్స్ అల్లాడిపోతూ వచ్చారు.  మంగళవారం మధ్యాహ్నం టీజర్ రిలీజ్ డేట్ టైం సాయంత్రం 6:03 గంటలకు వెల్లడి అవుతుందంటూ ఫ్యాన్స్‌ను ప్రొడక్షన్ హౌస్ ఊరించింది. 'అన్‌లాక్ ఎస్ఎల్ఎన్ టీజర్ డేట్'తో ప్రి సెలబ్రేషన్స్ మొదలవుతున్నాయంటూ అది ట్వీట్ చేసింది. మరో మూడు గంటల తర్వాత టీజర్ డేట్‌ను అన్‌లాక్ చేయడానికి 'సరిలేరు నీకెవ్వరు' టీం ఒక యూనిక్ ప్లాన్‌తో వస్తోందని తెలిపారు. "సినిమా ప్రమోషన్స్‌ను మొదలుపెట్టడానికి మూవీ మేకర్స్ రంగం సిద్ధం చేశారు. టీజర్ త్వరలోనే బయటకు వస్తుందంటూ ఇప్పటికే నిర్మాతలు ప్రకటించారు. తాజాగా టీజర్ డేట్‌ను అన్‌లాక్ చెయ్యడానికి ఒక యూనిక్ ప్లాన్‌తో ముందుకు వచ్చారు. ట్విట్టర్ వేదికపై అన్‌లాక్ ఫీచర్‌ను ఉపయోగించడం ఒక తెలుగు సినిమాకి సంబంధించి ఇదే ప్రథమం. ఏకే ఎంటర్‌టైన్‌మెంట్స్ ట్విట్టర్ అకౌంట్‌పై 6:03 గంటలకు టీజర్ డేట్, టైంను వెల్లడి చేస్తారు. దీని కోసం ఒక కొత్త టూల్‌ను నిర్మాతలు ఉపయోగిస్తున్నారు" అంటూ తెలిపింది. ఫ్యాన్స్‌లో ఉత్కంఠ మరింత పెరిగింది. దాన్ని ఇంకా పెంచుతూ, మరో రెండు గంటల తర్వాత "ఈరోజును 'సూపర్‌ఫ్యాన్స్'కు అంకితం చేస్తున్నాం. గెట్ రెడీ ఫర్ ద మాస్ మహేశ్ బాబు ధమాకా ఎట్ 6:03 పీఎం" అంటూ ట్వీట్ చేసింది ప్రొడక్షన్ హౌస్. ఆ వెంటనే డైరెక్టర్ అనిల్ రావిపూడి రంగం మీదకు వచ్చాడు. "సూపర్‌స్టార్‌కు సంబంధించిన మాసివ్ న్యూస్‌ను వెల్లడి చేయబోతోంది ఎవరో ఊహించండి. 'నువ్వు'.. ఎందుకంటే .. సరిలేరు నీకెవ్వరు" అంటూ ట్వీట్ చేశాడు. దాంతో అదెలాగా? అంటూ ఫ్యాన్స్ అందరూ ఆశ్చర్యంలో మునిగిపోయారు. అన్నట్లే ఏకే ఎంటర్‌టైన్‌మెంట్స్ 'అన్‌లాక్' టూల్‌తో టీజర్ డేట్‌ను బయటపెట్టింది. ఫ్యాన్స్ అంతా ఆ టూల్‌ను అన్‌లాక్ చేసి 'సరిలేరు నీకెవ్వరు' టీజర్ డేట్ నవంబర్ 22 అనే విషయం తెలుసుకున్నారు. వెంటనే సంబరాల్లో మునిగిపోయారు.  ఆ తర్వాత టీజర్ రిలీజ్ టైంను కూడా ప్రొడక్షన్ హౌస్ బయటపెట్టింది. ఆ టైం.. 22 నవంబర్ సాయంత్రం 5:04 గంటలు! "నవంబర్ 22 సాయంత్రం 5:04 గంటలకు మేజర్ అజయ్ కృష్ణను చూడండి" అంటూ ఏకే ఎంటర్‌టైన్‌మెంట్స్, శ్రీ వెంకటేశ్వరా క్రియేషన్స్ సంస్థలు రెండూ ట్వీట్ చేశాయి. అంటే శుక్రవారం మహేశ్ ఫ్యాన్స్‌కు ఒక పెద్ద పండగే. మహేశ్ జోడీగా రష్మికా మందన్న నటిస్తోన్న ఈ సినిమాలో విజయశాంతి, ప్రకాశ్ రాజ్, రాజేంద్రప్రసాద్ కీలక పాత్రలు చేస్తున్నారు. జనవరి 12న 'సరిలేరు నీకెవ్వరు' ప్రేక్షకుల ముందుకు వస్తోంది. ఇంతదాకా మూవీకి సంబంధించిన ప్రచారం ఎప్పుడు మొదలవుతుందా అని అత్యంత ఆత్రుతగా ఎదురు చూస్తూ వస్తున్న వాళ్లు సంబరాల్లో మునిగి తేలుతున్నారు. 22న టీజర్ అనే ఒక చిన్న శాంపిల్‌తో మేజర్ అజయ్ కృష్ణగా మహేశ్ ఎలా ఫ్యాన్స్‌ను వెర్రెత్తిస్తాడో.. వెయిట్ అండ్ సీ.. 
సెలబ్రిటీ ఫ్యామిలీగా ముంబైలో కానీ, దేశవ్యాప్తంగా కానీ అమితాబ్ ఫ్యామిలీకి ఉన్న పేరే వేరు. అమితాబ్, జయా బచ్చన్.. ఇద్దరూ సినిమాల్లో జంటగా నటించి, ప్రేమలో పడి పెళ్లాడారు. అదే రీతిలో వాళ్లు కలిసి చేసిన సినిమాలు తక్కువైనా అభిషేక్ బచ్చన్, ఐశ్వర్యా రాయ్ ప్రేమించుకొని పెళ్లి చేసుకున్నారు. ఇలా ఆ ఫ్యామిలీ సినీ రంగంలోనే మోస్ట్ సెలబ్రేటెడ్ ఫ్యామిలీగా గుర్తింపు తెచ్చుకుంది. అయితే అభిషేక్ కంటే ముందు సల్మాన్ ఖాన్, వివేక్ ఓబరాయ్, మోడల్ రాజీవ్ ముల్‌చందానితో ఐశ్వర్య ఎఫైర్లు నడిపిందనే ప్రచారాలు ఏ రీతిన మీడియాలో హల్‌చల్ చేశాయో మనకు తెలుసు.  ఆ విషయం అలా ఉంచితే, మామ అమితాబ్‌పై ఐశ్వర్య ఆగ్రహించిందనే వార్త కొన్ని రోజులుగా బాలీవుడ్‌లో బాగా చలామణిలోకి వచ్చింది. కారణం.. 'చెహ్రే' మూవీలో ఇమ్రాన్ హష్మితో కలిసి అమితాబ్ నటిస్తుండటం! దానికీ, ఆమె కోపానికీ లింకేమిటి అనుకుంటున్నారా? లింకు ఉంది. ఇమ్రాన్ హష్మి అంటే ఐశ్వర్యకు ఏమాత్రం గిట్టదు. ఐదేళ్ల క్రితం, అంటే 2014లో పేరుపొందిన టీవీ షో 'కాఫీ విత్ కరణ్'లో పాల్గొన్న ఇమ్రాన్, హోస్ట్ కరణ్ జోహార్ అడిగిన ఒక ప్రశ్నకు జవాబిస్తూ, ఐశ్వర్యా రాయ్‌పై నెగటివ్ కామెంట్స్ చేశాడు. ఐశ్వర్యను 'ఫేక్ అండ్ ప్లాస్టిక్' అంటూ అభివర్ణించాడు. అతడి వ్యాఖ్యలు పెద్ద దుమారాన్ని సృష్టించాయి. అప్పట్నుంచీ ఇమ్రాన్ అంటే మండిపడుతూ వస్తోంది ఐశ్వర్య. అతడితో కలిసి నటించడానికి వచ్చిన అవకాశాల్ని మరో మాట లేకుండా తిరస్కరిస్తూ వచ్చింది. ఆ ఉదంతం జరిగి ఐదేళ్లయినా ఐశ్వర్య మర్చిపోలేదు. తాను ఆ మాటల్ని ఉద్దేశపూర్వకంగా అనలేదని ఇమ్రాన్ సంజాయిషీ ఇచ్చుకున్నా అతడిని ఐశ్వర్య క్షమించలేదు. "అది నవ్వులాటగా చెప్పిన మాట. దాన్ని ఆమె సీరియస్‌గా తీసుకొని బాధపడుతుందని ఊహించలేదు. ఐశ్వర్యా రాయ్‌కి నేను బిగ్ ఫ్యాన్‌ని. ఎప్పుడైనా ఆమెను కలుసుకొనే అవకాశం వస్తే, నా మాటలకు క్షమాపణలు చెబుతాను. ఎందుకంటే వ్యక్తిగతంగా ఆమెను బాధపెట్టే ఉద్దేశం నాకేమాత్రమూ లేదు" అని తెలిపాడు ఇమ్రాన్. తన మాటలకు ఇమ్రాజ్ సంజాయిషీ చెప్పినా, అతడన్న 'ఫేక్ అండ్ ప్లాస్టిక్' కామెంట్స్ ఐశ్వర్య మనసు నుండి తొలగిపోలేదు. ఆ మాటల్ని మరచిపోయే మూడ్‌లో ఆమె లేదు. అలాంటి పరిస్థితుల్లో ఇమ్రాన్‌తో కలిసి తన మామ అమితాబ్ బచ్చన్ నటిస్తుండటాన్ని ఐశ్వర్య జీర్ణించుకోలేక పోతోందని బాలీవుడ్ వర్గాల్లో చర్చ నడుస్తోంది. ఇప్పటివరకూ అమితాబ్, ఇమ్రాన్ కలిసి నటించలేదు. రుమి జాఫ్రీ డైరెక్ట్ చేస్తోన్న 'చెహ్రే' మూవీలో మొట్టమొదటిసారిగా వాళ్లు కలిసి నటిస్తున్నారు. ఆ మూవీలో 'తీన్ మార్' ఫేం కృతి ఖర్బందా, రియా చక్రవర్తి, సిద్ధాంత్ కపూర్, అన్ను కపూర్ కీలక పాత్రలు చేస్తున్నారు. తనను ఒక పబ్లిక్ ప్లాట్‌ఫాంపై కించపరిచే విధంగా మాట్లాడిన ఇమ్రాన్‌తో ఎలా కలిసి పనిచేస్తారని మామ అమితాబ్‌పై ఐశ్వర్య ఆగ్రహంతో ఉన్నదంటూ కొంత కాలం క్రితమే వార్తలు బయటకు వచ్చాయి. ఇప్పటికీ ఆ విషయంలో ఐశ్వర్య ధోరణి మారలేదంటున్నాయి ఆ కుటుంబ సన్నిహిత వర్గాలు. ఆ సినిమా చేస్తున్నప్పట్నుంచీ అమితాబ్‌తో ఆమె అంటీముట్టనట్లుగా వ్యవహరిస్తున్నదని లేటెస్టుగా ప్రచారం నడుస్తోంది. గతంలో 'బాద్‌షాహో' సినిమాలో అజయ్ దేవ్‌గణ్ జోడీగా నటించే అవకాశం వచ్చినప్పుడు, ఆమె తిరస్కరించింది. కారణం.. అందులో ఇమ్రాన్ హష్మి ఉండటం. అతడితో కలిసి పనిచేయడాన్ని ఆమె ఏమాత్రమూ ఇష్టపడటం లేదని అందరికీ తెలిసిందప్పుడే.  అంతేకాదు, ఇమ్రాన్‌పై తన ఆగ్రహాన్ని వ్యక్తం చేసే అవకాశం వచ్చినప్పుడు ఆమె దాచుకోలేదు. ఇటీవల ఒక ఇంటర్వ్యూలో, "మీకు బాధ కలిగించిన ,మీపై వచ్చిన వరస్ట్ కామెంట్ ఏమిటి?" అనే ప్రశ్న ఎదురైనప్పుడు, ఏమాత్రం తడుముకోకుండా "నేను ఫేక్ అండ్ ప్లాస్టిక్ అనే కామెంట్‌ను" అని బదులిచ్చింది ఐశ్వర్య. అయితే మీడియాలో తన కామెంట్ ప్రచారంలో ఉన్నందువల్లే ఆమె దాన్ని మరచిపోలేదంటున్నాడు ఇమ్రాన్. వినోదం కోసం కరణ్ జోహార్ ఇలాంటి మాటల్ని అనిపిస్తుంటాడనీ, వాటిని సీరియస్‌గా తీసుకోవాల్సిన అవసరం లేదనీ అతను తెలిపాడు. అయితే సున్నితమనస్కురాలిగా ముద్రపడిన ఐశ్వర్య మాత్రం ఇప్పట్లో అతడి మాటని మర్చిపోయేట్లు లేదు. కాగా అమితాబ్, ఇమ్రాన్ కలిసి నటిస్తోన్న 'చెహ్రే' సినిమా 2020 ఏప్రిల్ 24న విడుదల కానున్నది.
  నాని, శ్రద్ధా శ్రీనాథ్ జంటగా నటించిన 'జెర్సీ' మూవీ ప్రేక్షకులను ఆకట్టుకొని, విమర్శకుల ప్రశంసలు పొందిన సంగతి తెలిసిందే. గౌతమ్ తిన్ననూరి డైరెక్ట్ చేసిన ఈ సినిమా ఇప్పుడు హిందీలో రీమేక్ అవుతోంది. నాని కేరెక్టర్‌ను షాహిద్ కపూర్ చేస్తున్నాడు. ఇటీవలే 'అర్జున్‌రెడ్డి' రీమేక్ 'కబీర్ సింగ్'గా నటించి, సూపర్ హిట్ కొట్టిన షాహిద్, వెంటనే మరో తెలుగు రీమేక్‌కు సంతకం చెయ్యడం గమనార్హం. ఈ మూవీలో నాయికగా మృణాల్ ఠాకుర్ ఎంపికైంది. 'సూపర్ 30', 'బాట్లా హౌస్' సినిమాలతో తన నటనతో అలరించిన మృణాల్‌కు ఇది భిన్న కేరెక్టర్. షాహిద్‌తో కలిసి నటిస్తుండటంపై మాట్లాడుతూ "షాహిద్ జోడీగా 'జెర్సీ'లో నటించనుండటం నన్ను ఉద్వేగానికి గురి చేస్తోంది. ఒరిజినల్ సినిమా చూసినప్పుడు ఆ ఎమోషనల్ జర్నీకి పడిపోయాను" అని చెప్పింది మృణాల్. సినిమాలో ఆమెది చాలా కీలక పాత్ర. 36 ఏళ్ల వయసులో దేశానికి ప్రాతినిథ్యం వహించే అవకాశం దక్కించుకున్న ఒక క్రికెటర్ జీవితంలోని హృదయాన్ని మెలిపెట్టే దశను చూపించే ఆ కథలో, ఆ క్రికెటర్‌కూ, ప్రేమించి పెళ్లి చేసుకున్న అతని భార్యకూ మధ్య నెలకొన్న ఘర్షణ కీలక పాత్ర పోషిస్తుంది. అంతకుముందు, తన ఇన్‌స్టాగ్రాం పేజీలో జెర్సీలోని తన లుక్‌ను వెల్లడి చేశాడు షాహిద్. చేతిలో క్రికెట్ బ్యాట్‌తో, వైట్ జెర్సీలో కనిపిస్తున్న అతను "జెర్సీ ప్రిపరేషన్స్ బిగిన్స్' అంటూ పోస్ట్ చేశాడు.
మహేష్ బాబు కామెడీ టైమింగ్ సూపర్ గా ఉంటుంది. 'ఖలేజా', 'దూకుడు' అందుకు ఉదాహరణలుగా చెప్పుకోవచ్చు. కామెడీ సీన్స్ రాయడంలో అనిల్ రావిపూడిది అందెవేసిన చెయ్యి. 'పటాస్' నుండి 'ఎఫ్ 2' వరకు కామెడీతోనే ఈ దర్శకుడు హిట్లు కొట్టాడు. మహేష్, అనిల్ కాంబినేషన్లో తెరకెక్కుతోన్న సినిమా 'సరిలేరు నీకెవ్వరు'. ఇప్పటివరకు విడుదలైన పోస్టర్లు ఇదొక సీరియస్ సినిమా అనే కలర్ ఇచ్చింది. మహేష్ ఆర్మీ ఆఫీసర్ లుక్ ఫస్ట్ వచ్చింది. తర్వాత కొండారెడ్డి బురుజు ముందు మహేష్ గొడ్డలి పట్టుకున్న లుక్ వచ్చింది. అయితే, ఈ సినిమాలో కామెడీ కూడా ఫుల్లుగా ఉంటుందని నటకిరీటి రాజేంద్రప్రసాద్ అన్నారు. "'సరిలేరు నీకెవ్వరు'లో మహేష్ బాబుతో నా పాత్ర టామ్ అండ్ జెర్రీలా ఉంటుంది" అని రాజేంద్రప్రసాద్ అన్నారు. ప్రస్తుతం ఈ సినిమా షూటింగ్ కేరళలో జరుగుతోంది. అక్కడ ఫైట్ సీన్స్ తీస్తున్నారట. ఆల్రెడీ జమ్మూ కశ్మీర్, హైదరాబాద్ లో చాలా వరకు సీన్స్ తీశారు. కేరళ షెడ్యూల్ తో దాదాపు సినిమా పూర్తి అవుతుంది. తమన్నాతో మహేష్ ఇంట్రడక్షన్ సాంగ్ కేరళ నుండి వచ్చాక షూట్ చేసేలా ప్లాన్ చేశారు.
అబ్దుల్లాపూర్ మెట్ తహసీల్దార్ హత్య అనంతరం జంట నగరాల్లో పెట్రోల్ బంక్ యజమానులు ఒక నిర్ణయానికి వచ్చారు. ఎట్టి పరిస్థితుల్లోనూ బాటిల్స్ లో పెట్రోల్ అమ్మకూడదని.. పెట్రోల్ బంకుల్లో యజమానుల బోర్డులు సైతం పెడుతూ జనానికి అవగాహన కల్పిస్తున్నారు. రెవెన్యూ అధికారుల ఆదేశాలతో ఈ నిర్ణయానికి వచ్చినట్లు తెలుస్తుంది. రోడ్డు పక్కన చిన్న చిన్న కొట్లు పంచర్ షాపులో బాటిల్స్ లో పెట్రోల్ అమ్మడం తెలిసిందే. రోడ్డు పై వెళ్లే వాహన దారులు పెట్రోల్ బంకు అందుబాటులో లేనప్పుడు వీరి వద్ద కొనుగోలు చేస్తారు. అయితే ఇది కూడా చట్ట విరుద్ధమని అంటున్నారు పెట్రోల్ బంక్ యజమానులు. అబ్దుల్లాపూర్ మెట్ ఘటనల తర్వాత ఇటీవల కాలంలో చోటు చేసుకుంటున్న పరిణామాల నేపథ్యంలో తాము ఈ నిర్ణయానికి వచ్చామని వెల్లడించారు.వాహన దారుల పరిస్థితి గమనించి అమ్ముతానంటున్నారు.  పెట్రోల్ ను బాటిళ్లో తీసుకెళ్లి  ఎమ్మార్వో హత్య చేశారు. పెట్రోల్ బంకు డీలర్లు అందరం కలసి ఒక నిర్ణయానికి వచ్చామని.. ఇలా అమ్మడం వల్ల జరగకూడనివి జరుగుతున్నాయి కాబట్టి నిజాయితీగా ఎవరికైతే అవసరముందో వాళ్లకే బాటళ్లో ఇవ్వబడుతుందన్నారు. మామూలుగైతే ఈ మధ్య కాలంలో చాలా తగ్గిచేశామని.. ఇంకా ఏమైనా ఆదేశాలు వస్తే మొత్తంగా ఆపేస్తామన్నారు. కేవలం కస్టమర్ ని  దృష్టిలో పెట్టుకొని వాళ్ల ఇబ్బంది తొలగించటానికి మాత్రమే ఒక సహాయక రూపంలోనే ఇవ్వడం జరుగుతుందని ఏ యజమాని వెల్లడించారు.మరోవైపు బంక్ యజమానుల ఆదేశాలనుసారం తాము బాటిల్స్ లో పెట్రోల్ అమ్మడం లేదని.. అది ఎప్పటి నుంచో అమల్లో ఉందని బంక్ లో పని చేసే ఉద్యోగులు చెప్తున్నారు. ప్లాస్టిక్ బాటిల్స్ లో పెట్రోల్ పోయడం వల్ల మంటలు వచ్చే అవకాశం కూడా ఉందంటున్నారు.
  ఆయన ఒక పశువుల వైద్యుడు. ఆ వైద్యుడికి ఒక రోజు తమ ఇంటికి రమ్మంటూ ఒక ఫోన్‌కాల్‌ వచ్చింది. ఆ ఇంట్లో ఓ కుక్క ప్రాణాపాయ స్థితిలో ఉందట. సరే! వైద్యుడు దానిని ఎలాగైనా నయం చేసే అవకాశం ఉందేమో చూసేందుకు సదరు ఇంటికి చేరుకున్నాడు. ఆ ఇంటి పెరట్లోకి అడుగుపెట్టిన వైద్యుడికి ఓ మూలగా కూర్చుని ఉన్న కుక్కని చూడగానే అర్థమైపోయింది. దానికి వయసు మీదపడిపోయిందనీ, తన అనారోగ్యం నుంచి కోలుకునే అవకాశం లేదనీ!   కుక్క చుట్టూ ఆ ఇంటి యాజమానీ, అతని భార్యా, వారి పన్నెండేళ్ల కొడుకూ దీనంగా నిల్చొని కనిపించారు. ‘‘మీకు ఈ మాట వినడం కష్టంగా ఉంటుందని తెలుసు! కానీ వాస్తవం చెప్పక తప్పదు. ఈ కుక్క ఊపిరితిత్తులు క్షీణించిపోయాయి. అది మరెంతో కాలం బతకదు. కానీ దాన్ని కనుక ఇలాగే వదిలేస్తే అది అనుక్షణం నరకయాతన పడాల్సి ఉంటుంది. మీకు సమ్మతం అయితే కనుక అది ఇంక ఎలాంటి బాధా పడకుండా వెంటనే చనిపోయేందుకు ఒక ఇంజక్షను ఇస్తాను,’’ అని చెప్పాడు వైద్యుడు.   వైద్యుడి మాటలు వినగానే వారి మొహాలు పాలిపోయాయి. చిన్నపిల్లగా ఉన్నప్పటి నుంచీ ఆ కుక్క వారి కుటుంబంలో భాగంగా మారిపోయింది. అది లేకుండా వారికి పూటైనా గడిచేది కాదు. పొద్దు పోయేదీ కాదు! అలాంటి కుక్కని తమ చేతులతో తాము చంపాల్సి రావడం వారి గుండెని పిండేసింది. కానీ అది బాధతో చనిపోయేకంటే అనాయాసంగా చనిపోవడమే మేలనిపించింది. దాంతో మనసుని రాయి చేసుకుని ‘మీ ఇష్టం! మీకు ఏది మంచిదనిపిస్తే అదే చేయండి!’ అన్నాడు కుటుంబ యజమాని.   వైద్యుడు నిదానంగా తన బ్యాగ్‌లోంచి ఒక ఇంజక్షను తీసుకుని ఆ కుక్కకు ఇచ్చాడు. మరుక్షణమే అది మూలుగుతూ తన ప్రాణాలను విడిచింది. ఆ దృశ్యంతో కుటుంబసభ్యులలో ఉన్నా కాస్త నెత్తురూ పాలిపోయింది. వారి తలలు వాలిపోయాయి. కుక్క పట్ల వాటి యజమానులు చూపించే అభిమానం వైద్యుడికి కొత్తేమీ కాదు. అందుకనే వారిని కాస్త ఓదార్చేందుకు- ‘‘కుక్కలు కూడా మనలాగే నిండు నూరేళ్లు బతికితే బాగుండు కదా! కానీ పాపం అవి ఎందుకో పది పదిహేను ఏళ్లకు మించి బతకవు,’’ అన్నాడు. వైద్యుని మాటలకు యజమాని కొడుకు చివ్వున తలెత్తి చూశాడు. ‘‘కుక్కలు అంత తొందరగా ఎందుకు చనిపోతాయో నాకు తెలిసిపోయింది!’’ అన్నాడు.   కుర్రవాడు ఏం చెబుతాడా అని అంతా ఆసక్తిగా చూశారు. అతను తన కుర్రతనానికి తగిన సమాధానం ఇస్తాడులే అన్నట్లుగా అతని వంక చులకనగా చూశాడు వైద్యుడు. కానీ అతను చెప్పిన సమాధానానికి వారి దిమ్మ తిరిగిపోయింది. ‘‘మనిషి తన తోటివారిని ప్రేమించేందుకు, ప్రతి రోజునీ కొత్తగా స్వీకరించేందుకు, ప్రతిక్షణం సంతోషంగా జీవించే నేర్పు సాధించేందుకు... చాలా కాలం పడుతుంది. కానీ కుక్కకి ఆ నేర్పు పుట్టుకతోనే వచ్చేస్తుంది. ఆ నేర్పుతోనే అది బతికే కొద్దికాలం హాయిగా బతికేస్తుంది. ఇక దానికి నూరేళ్లు జీవించాల్సిన అవసరం ఏముంది!’’ అన్నాడు కొడుకు తలవంచుకునే. అందరూ కుక్క బతుకంటే హీనమైనదంటారు. కానీ అసూయాద్వేషాలతో నిండు నూరేళ్లు రగిలిపోయేవారికన్నా కుక్క బతుకు ఎంత నయమో కదా! (ప్రచారంలో ఉన్న కథ ఆధారంగా)   - నిర్జర.
  తెల్లారిలేస్తే ఎదో ఒకటి కొనాలనిపిస్తుందా? కనిపించిందల్లా కొనకుండా ఉండలేకపోతున్నారా? అయితే.."కంపల్సివ్ బైయింగ్ డిజార్డర్" ఉందేమో చూసుకోండి అని హెచ్చరిస్తున్నారు పరిశోధకులు. ఆ మధ్య ప్రజల షాపింగ్ అలవాట్లు ఎలా ఉన్నాయో చూద్దామని... స్టాన్ ఫర్డ్ యూనివర్సిటీ "స్కూల్ ఆఫ్ మెడిసిన్" పరిశోధకులు ఓ అధ్యయనం చేశారు. అందులో తేలిన విషయం... ప్రతి 20మందిలో ఒకరికైనా ఈ "కంపల్సివ్ బైయింగ్ డిజార్డర్" ఉందని... ఏమంత అవసరం లేని వస్తువులని కూడా కొనెయ్యటం, తరుచూ షాపింగ్ మాల్స్ కి వెళ్ళటం, తెల్లారి లేచి ఎదో ఒకటి కొనాలనే తాపత్రయం... ఇదో రుగ్మత స్థాయికి చేరి, మానసికంగా, ఆర్థికంగా, కుటుంబ పరంగా... ఎన్నో ఇబ్బందులు ఎదుర్కునే స్థాయికి చేరటం గమనించారు. ఆ అధ్యయనంలో ముఖ్యంగా ఆడవారిలో, అలాగే టీనేజ్ వారిలో ఈ డిజార్డర్ ఎక్కువగా ఉందట. మరి మీరు కూడా అవసరానికి షాపింగ్ చేస్తున్నారా లేక అనవసరంగా కేవలం సరదా కోసం షాపింగ్ చేస్తున్నారో తెలుసుకొని జాగ్రత్తపడితే మంచిది. - రమ
  టిడిపి ప్రభుత్వ హయాంలో విశాఖలో భూ కుంభకోణాలు జరిగాయంటూ అప్పటి ప్రతిపక్షాలు  ఆందోళన చేయడంతో ఐపీఎస్ అధికారి వినీత్ బ్రిజ్ లాల్ అప్పటి జాయింట్ కలెక్టర్ సృజనతో పాటు మరికొంతమంది సభ్యులను భూ ఆక్రమణలపై  అదుపులోకి తీసుకొని విచారించారు. ఫైనల్ గా రిపోర్టు తయారు చేసి ప్రభుత్వానికి సమర్పించినా.. దానిని బయటపెట్టలేదు ప్రభుత్వం. కొత్త ప్రభుత్వం వచ్చాక మళ్లీ సిట్ వేస్తామని.. రిటైర్డ్ ఐఏఎస్ అధికారి విజయ్ కుమార్ ఆధ్వర్యంలో సిట్ వేస్తున్నట్టు ప్రభుత్వం ప్రకటించింది. అక్టోబర్ 22 న విశాఖ చేరుకున్న సిట్ టీమ్ సభ్యులు వీటిపైన దర్యాప్తు చేసేందుకు ప్రత్యేకంగా ఒక ఫార్మెట్ ను సిద్ధం చేసుకుంటామని 26 వ తేదీన నోటిఫికేషన ఇచ్చారు. నవంబర్ 1 నుండి 7 వ తేదీ వరకు పబ్లిక్ నుండి.. 8-9 తేదీల్లో ప్రజా ప్రతినిధుల నుండి.. సలహాలు, ఫిర్యాదులు తీసుకుంటామని ముందు ప్రకటించారు.  పాత సిట్ రిపోర్టును కూడా పరిశీలించి విశాఖ రెవిన్యూ డివిజన్ పరిధిలో ఉన్న 13 మండలాల్లో జరిగిన భూ ఆక్రమణలపైనా పూర్తిస్థాయిలో అధ్యయనం చేస్తామని ప్రకటించింది. ప్రజలు నుండి వివిధ రూపాల్లో వచ్చినటువంటి ఫిర్యాదులను కూడా స్వీకరించారు. సిట్ కు సంబంధించి ప్రత్యేక ఫిర్యాదు ఫార్మెట్ తయారు చేసుకొని 13 మండలాలకు ప్రత్యేక కౌంటర్ లు పెట్టారు. వీటితో పాటు జిల్లాలు ఇతర మండలాలకు మరో 2 కౌంటర్ లు కూడా ఏర్పాటు చేశారు. వీటిలో సిట్..నాన్ సిట్ అని రెండు కౌంటర్లను ఏర్పాటు చేశారు. అప్పటి వరకు 2,434 ఫిర్యాదులు స్వీకరించారు. అందులో 944 మాత్రమే నాన్ సిట్ పరిధిలో ఉన్నట్టు మొదటగా గుర్తించామని తర్వాత మళ్లీ పున పరిశీలన చేసిన తర్వాత ఆఖరిగా 597 మాత్రమే నాన్ సిట్ గా.. 1,500 పైగా సిట్ పరిధిలోకి వచ్చినట్లు గుర్తించామని అధికారులు చెప్తున్నారు.ఫిర్యాదుల స్వీకరణలో ప్రైవేటు, పబ్లిక్ అన్ని కలిపి తీసుకుంటామని.. ఇందులో పబ్లిక్ ప్రైవేటు అనేది ముఖ్యం కాకుండా రిటైర్డ్,ట్యాంపరింగ్ దేనిలో ఉన్నా.. అవన్ని కూడా సిట్ పరిధిలోకి తీసుకువచ్చారు. అన్నింటిని పరిశీలించి 811 అప్లికేషన్స్ డిప్యూటీ కలెక్టర్ల అంశాల వారీగా పరిశీలించేందుకు ఇచ్చారు. చేంజ్ ఆఫ్ కాంప్లికేషన్, పొలిటికల్ సఫరర్స్, ట్యాంపరింగ్, ల్యాండ్ గ్రాబింగ్, వితౌట్ ప్రొసీజర్, ల్యాండ్ అలాట్ మెంట్ విభాగాలూ వర్గీకరించారు. 40 శాతం రికార్డుల ట్యాంపరింగ్, చేయింజ్ ఆఫ్ క్లాసిఫికేషన్ 35 శాతం ,ఆక్రమణలు, భూకబ్జాలు 25 శాతం ఇతర అంశాల వారీగా ఉన్నాయని పూర్తి స్థాయిలో స్టాఫ్ ను తీసుకొని విచారిస్తామంటున్నారు. తమకు చర్యలు తీసుకునే అధికారం లేదని చర్యలను కూడా సిఫార్సు చేసి ప్రభుత్వానికి అప్పగిస్తామంటున్నారు.
  రాజకీయాల్లో ఎప్పుడేం జరుగుతుందో అస్సలు ఊహించలేం... రాజకీయ సమీకరణాలు... పరిస్థితులకు అనుగుణంగా పొలిటికల్ లీడర్స్ ప్రాధాన్యతలు మారిపోతుంటాయ్... అందుకే కొందరు నేతలు... ఎప్పుడు ఏ పార్టీలో ఉంటారో అస్సలు చెప్పలేం... ఎవరూ ఊహించనివిధంగా అప్పటివరకు తీవ్రంగా విమర్శించిన పార్టీలోకే వచ్చిచేరతారు... ఎవరో కొంతమంది తప్ప... దీనికి ఎవరూ అతీతులు కాదు... అందుకు తాజా ఉదాహరణ వల్లభనేని వంశీ, దేవినేని అవినాష్ లే... ఇక, కొందరు విషయంలో అయితే అస్సలు ఊహించలేము... పార్టీ మారతారంటే నమ్మకం కష్టంగానే ఉంటుంది. అయితే, అలాంటి రూమరే ఒకటి ఇప్పుడు ఏపీలో వినిపిస్తోంది. కరుడుగట్టిన తెలుగుదేశం వాదిగా ముద్రపడ్డ కేఈ కృష్ణమూర్తి... వైఎస్సార్ కాంగ్రెస్ పార్టీలో చేరడానికి సిద్ధమైనట్లు చెబుతున్నారు.  మూడు దశబ్దాలుగా కర్నూలు జిల్లా టీడీపీలో బలమైన నేతగా ఉన్న కేఈ ఫ్యామిలీ... కొంతకాలంగా చంద్రబాబుపై తీవ్ర అసంతృప్తిగా ఉన్నారని అంటున్నారు. మంత్రిగా ఉన్నప్పుడు కూడా తనకు స్వేచ్ఛనివ్వలేదని, తనశాఖలో ఇష్టానుసారంగా లోకేష్ అండ్ నారాయణ జోక్యం కల్పించుకున్నారన్న ఆవేదన ఇప్పటికీ వెంటాడుతోందట. అంతేకాదు ఆనాడు రెవెన్యూశాఖలో తాను చేసిన బదిలీలను తనకు చెప్పకుండా నిలిపివేసి చంద్రబాబు తనను అవమానించారన్న బాధ కేఈలో ఉందట. అలాగే, తమ రాజకీయ ప్రత్యర్ధి కోట్ల కుటుంబాన్ని టీడీపీలో చేర్చుకోవడాన్ని అస్సలు జీర్జించుకోలేకపోతున్నారట. తమ మాటకు విలువనివ్వకుండా ఏకపక్షంగా కోట్ల ఫ్యామిలీని టీడీపీలో చేర్చుకున్నారని ఎప్పట్నుంచో గుర్రుగా ఉన్న కేఈ కృష్ణమూర్తి... ఇక తెలుగుదేశానికి భవిష్యత్తు లేదని అంచనాకి వచ్చాకే వైసీపీలో చేరాలని నిర్ణయించుకున్నారని అంటున్నారు. ముఖ్యంగా తన కుమారుడు రాజకీయ భవిష్యత్తు కోసమే ఈ ఆలోచన చేస్తున్నట్లు తెలుస్తోంది. రాజకీయాల నుంచి దాదాపు రిటైర్మెంట్ తీసుకున్న కేఈ కృష్ణమూర్తి... కొడుకు శ్యామ్ బాబు కోసమే వైసీపీలో చేరాలని నిర్ణయం తీసుకున్నారని అంటున్నారు.  అయితే, పత్తికొండ వైసీపీ ఎమ్మెల్యే శ్రీదేవి భర్త నారాయణరెడ్డి హత్య కేసులో కేఈ కృష్ణమూర్తి కుమారుడు శ్యామ్ బాబు ప్రధాన నిందితుడుగా ఉన్నాడు. ఇక, నారాయణరెడ్డి మర్డర్ సమయంలో కేఈ ఫ్యామిలీపై జగన్ సైతం తీవ్ర విమర్శలు చేశారు. అయితే, ఇప్పుడు కేఈ ఫ్యామిలీ మొత్తం వైసీపీ వైపు చూస్తుండటంతో జగన్ నిర్ణయం ఎలాగుంటుందోనన్న చర్చ జరుగుతోంది. అయితే, రాజకీయాల్లోకి వచ్చిన కొత్తలో అంటే సెవంటీస్ లో ... వైఎస్ రాజశేఖర్ రెడ్డి, కేఈ కృష్ణమూర్తి మంచి స్నేహితులు... వీళ్లిద్దరి మధ్య మంచి సత్సంబంధాలు ఉండేవి. ఆ రిలేషన్-షిప్ తోనే జగన్ ను కేఈ సంప్రదించినట్లు చెబుతున్నారు. అన్నీ అనుకున్నట్లు జరిగితే త్వరలోనే కేఈ కృష్ణమూర్తి, కేఈ ప్రభాకర్, కేఈ శ్యామ్ బాబు, కేఈ జయన్న, కేఈ ప్రతాప్  తదితరులు వైసీపీ గూటికి చేరడం ఖాయమంటున్నారు. ఒకవేళ అదే జరిగితే మాత్రం తెలుగుదేశానికి భారీ నష్టం తప్పదు. మరి, ఇది నిజమో కాదో కాలమే చెప్పాలి.
  తమిళనాడు రాజకీయం కొత్త మలుపు తిరిగింది. మొన్నటి వరకూ అన్నాడిఎంకె వర్సెస్ డీఎంకే గా ఉన్న రాజకీయం ఇప్పుడు సినిమా స్టార్స్ వర్సెస్ పొలిటికల్ లీడర్స్ గా మారిపోయింది. కమల్ హాసన్, రజినీకాంత్  కలిసి పని చేసేందుకు సిద్ధమవుతున్నారు. ఇన్నాళ్లు కమల్, రజనీ ఎవరికివారే అనే విధంగా  వ్యవహరించారు. కానీ ఇప్పుడు రాజకీయంగా ఇద్దరూ చేతులు కలపాలని నిర్ణయించుకున్నారు. దీంతో తమిళ రాజకీయాలు ఇప్పుడు కొత్త మలుపు తీసుకున్నాయి. తమిళ ప్రజల కోసం కమల్ హసన్ తో కలిసి పని చేసేందుకు ఎలాంటి అభ్యంతరం లేదన్నారు సూపర్ స్టార్ రజినీకాంత్. రాష్ట్ర ప్రయోజనాల కోసం చేతులు కలుపుతాం అన్నారు. తాము ఎప్పటి నుంచో స్నేహితులమని ఇద్దరి ధ్యేయం ప్రజల సంక్షేమమే అన్నారు రజనీ. మరోవైపు రజనీకాంత్ వ్యాఖ్యలపై హర్షం వ్యక్తం చేశారు కమల్. రజనీకాంత్ తో చేతులు కలుపుతానని అన్నారు. తమిళ ప్రజల కోసం ఇద్దరం కలిసి ముందుకు వెళ్లడంలో ఎలాంటి అభ్యంతరం లేదన్నారు. భవిష్యత్తులో ఏం జరుగుతుందో చూడాలి అన్నారు కమల్ హాసన్. వాస్తవానికి రజనీకాంత్ ఇంత వరకు పార్టీ పేరు ప్రకటించలేదు. రెండేళ్లగా ఆయన పార్టీ ఏంటి అనేది చర్చ జరుగుతూనే ఉంది. తమిళనాట రాజకీయ శూన్యత ఉందని అనిపించే దాక తాను సీఎం అయ్యే వరకు ఎంజీఆర్ లా సినిమాలో నటిస్తానంటూ ఇటీవలే చెప్పారు. అయితే సినిమా వాళ్లకు రాజకీయాలు ఏం తెలుసు అని సీఎం పళని స్వామి మండిపడ్డారు. తమిళనాడులో రాజకీయ శూన్యత లేదని కేవలం పబ్లిసిటీ కోసమే సినిమా వాళ్లు విమర్శలు చేస్తున్నారని అన్నారు. ఒక విధంగా చెప్పాలంటే పళనిస్వామి వ్యాఖ్యలే రజనీ, కమల్ కలిసేలా చేసాయంటున్నారు తమిళ ప్రజలు. మరోవైపు కమల్ పార్టీ పెట్టి ఫెయిలయ్యారని రజనీ ఎప్పుడు పార్టీ పెడతారో తెలీదని గౌతమి విమర్శించారు. ఎవరేం చేస్తారో ముందు ముందు తెలుస్తాయంటున్నారు బిజెపి నేత గౌతమి. మొన్నటి ఉప ఎన్నికల్లో పోటీ చేసిన కమల్ హాసన్ పార్టీ సీట్లు గెలుచుకోకపోయినా భవిష్యత్తుపై ప్రజల్లో నమ్మకాన్ని పెంచింది. అందుకే తనకు రజనీకాంత్ తోడైతే అధికారం సాధించొచ్చని ఆలోచన కమల్ కి వచ్చింది. గతంలో సినీ రంగానికే చెందిన ఎంజీఆర్, కరుణానిధి, డీఎంకేలో చేరి కలిసి పనిచేసారు. ఇప్పుడు సినీ రంగానికి చెందిన వారే కలిసి పనిచేయడానికి సిద్ధమయ్యారు. భావసారూప్యత దూకుడులో కరుణానిధికి, కమల్ హాసన్ కు దగ్గరి పోలికలుంటే ఎంజీఆర్ తో రజినీకాంత్ కు దగ్గరి పోలికలున్నాయంటున్నారు విశ్లేషకులు. జయలలిత మరణం తర్వాత కొంత కాలం పాటు సైలెంట్ గా ఉన్న సినీ స్టార్స్ ఇప్పుడు మళ్లీ ఒకటై జనాలలోకి వస్తున్నారు. డిసెంబర్ లో తమిళనాట మునిసిపల్ ఎన్నికలు జరగనున్న పరిస్థితుల్లో రజనీ, కమల్ ఏం చేస్తారనేది ఆసక్తిగా మారింది.  
ఉదయం బ్రేక్ ఫాస్ట్ తిన్నాకా మధ్యాహ్నం లంచ్ తినేలోపు ఏదో ఒకటి తియ్యగా, కారంగా లేదా పుల్లగా తినాలనిపిస్తే ఖచ్చితంగా మీలో ఆందోళన లేదా వత్తిడి ఎక్కువగా ఉన్నాయనే  అర్ధం అంటున్నారు మానసిక శాస్త్రజ్ఞులు. ఎప్పుడు పడితే అప్పుడు ఆకలి లేకపోయినా ఏదో ఒకటి తినాలనుకోవటాన్నే క్రేవింగ్ అంటారట. ఆస్ట్రేలియా లో తాజాగా నిర్వహించిన ఒక సర్వే పురుషులకన్నా ఈ క్రేవింగ్ బారిన ఎక్కువగా పడినది స్త్రీలేలని తేల్చి చెప్పింది. ఇది కొందరిలో స్థిరంగా ఉంటే మరికొందరిలో మారుతూ ఉంటుందిట. ఒక నెలలో ఎక్కువగా  తీపి  పదార్థాలు తినాలని అనిపిస్తే మరో నెలలో పులుపు లేదా కారం ఉన్నవి ఎక్కువగా తినాలనిపిస్తుందిట. మానసిక స్థితిలోని మార్పులలాగానే ఆహారపదార్థాల మీదుండే కోరిక కూడా మారుతూ ఉంటుందిట. అంతేకాదు మానసిక ఆందోళనా,టెన్షన్స్,నిరుత్సాహం ఎక్కువగా ఉన్నవారి మెదడులో కొన్ని రసాయనాలు విడుదల అవుతూ ఉంటాయి. దానితో వారు అతిగా తినటం ద్వారా ఆ ఒత్తిడిని తగ్గించుకునే ప్రయత్నం చేస్తూ ఉంటారు. అలాంటి సమయంలో వాళ్ళు ఎంత తింటున్నదీ,ఏం తింటున్నది అస్సలు పట్టించుకోరట. కేవలం డిప్రెషన్,టెన్షన్ మాత్రమే క్రేవింగ్ కి కారణం కాదు. రక్తంలో గ్లూకోస్ నిలవలు తగ్గిపోవటం, భోజనం చేసే వేళల మధ్య మరీ ఎక్కువ గ్యాప్ రావటం, హార్మోన్ల ఇంబాలన్స్ కూడా క్రేవింగ్ కి కారణాలు అవుతాయని చెపుతున్నారు వైద్యులు. అయితే ఇలాంటి ఇలా క్రేవింగ్ బారిన పడినవాళ్లు దానిని నియంత్రిన్చుకోవటం అంత  పెద్ద పనేం కాదు. ఇది తగ్గుముఖం పట్టాలంటే ఒకేసారి ఎక్కువ మోతాదులో లంచ్,డిన్నర్లాంటివి తీసుకోకుండా ప్రతి మూడు గంటలకి ఒకసారి మితాహారాన్ని తీసుకోవటం వల్ల దీనిని నివారించవచ్చు. ఇలా మితాహారం కొంచెంకొంచెంగా తినటం వల్ల గ్లూకోజ్  పర్సెంటేజ్ నిలకడగా ఉంటుంది. క్రేవింగ్ బారిన పడినవారు పీచుపదార్థం ఎక్కువగా ఉన్న ఆహారం తీసుకోవాలిట. ఫాస్ట్ ఫుడ్స్, ఇన్స్టెంట్ ఫుడ్,ప్యాకేజ్డ్ ఫుడ్స్ కి దూరంగా ఉండాలిట. ఏదైనా తినాలని అనిపించినప్పుడు దాని మీద నుంచి ధ్యాస మారటానికి ఏదో ఒక వ్యాపకం పెట్టుకోవటం అలవాటు చేసుకోవటం ఉత్తమం. ఇలా తగినన్ని జాగ్రత్తలు తీసుకుంటూ ఉంటే క్రేవింగ్ నుండి బయటపడటమే కాదు నాజుకుగా కూడా తయ్యారవుతారు. కళ్యాణి 
  కొలెస్ట్రాల్.... ఈ మాట వినటం సర్వసాదారణం అయిపొయింది. ఇది శరీరంలో సమపాళ్ళలో ఉంటే  పర్వాలేదు కాని కాస్త పెరుగుతున్న సూచనలు కనిపిస్తే మాత్రం జాగ్రత్తలు తీసుకోవటం మొదలుపెట్టాల్సిందే  అంటున్నారు వైధ్యనిపుణులు. మనం తీసుకునే ఆహరపధార్ధాల్లో కొవ్వు శాతం ఎంత ఉందో, ఎంత ఉండచ్చో అనే విషయాలపై అవగాహన లేకపోవటమే కొవ్వు పెరగటానికి ప్రధాన కారణం అంటున్నారు. కొలెస్ట్రాల్ ఎక్కువయితే అది గుండె పోతుకి దారి తీస్తుందని హెచ్చరిస్తున్నారు కార్డియోలజిస్ట్ లు.   అయితే ఆహారంలో  మనం తీసుకునే కొన్ని పదార్ధాల ద్వారా దీనిని నియంత్రించవచ్చు.       *  చూడగానే తన ఎర్రటి రంగుతో కూరాలకి మంచి రంగునిచ్చే మిరపకాయలు కొవ్వుని కరిగిస్తాయట. ఎండుకారం ఒంట్లో వేడి పుట్టేలా చేసి కొవ్వుని నియంత్రిస్తుంది. అంతేకాదు రోగనిరోదక శక్తిని కూడా పెంచుతుందిట. అయితే వేసవిలో మాత్రం వీటి వాడుకలో కొంత మార్పులు చేసుకోవాలి.     *  మిరియాలలో ఉండే పిపరైన్ అనే పదార్థం ఒంట్లో కొవ్వుని పెంచే కణాల పెరుగుదలని నియంత్రిస్తుందిట.కొలెస్ట్రాల్ ఎక్కువగా ఉన్నవారు కూరలలో కారానికి బదులు మిరియాలపొడి వేసుకుంటే మంచి గుణం కనిపిస్తుంది.       *  మసాల దినుసులలో మంచి ఘుమఘుమలాడే దాల్చిన చెక్కకి కూడా కొవ్వుని కరిగించే గుణం ఉంది. ఇది షుగర్ లెవెల్స్ ని అదుపులో ఉంచటం వల్ల బరువు త్వరగా పెరగరు. దాల్చిన చెక్క పొడిలో  కొద్దిగా తేనే కలిపి వేడినీటితో సేవించినా కొవ్వు కరుగుతుంది. ఇలా ఆహారవిషయంలో పాటించే కొద్దిపాటి జాగ్రత్తల వల్ల కొలెస్ట్రాల్ ని అదుపులో ఉంచుకోవచ్చు.    ...కళ్యాణి
  ఎర్రగా, చూడగానే నాలుగు గింజలు నోట్లో వేసుకునేలా ఊరించే దానిమ్మలో మన ఆరోగ్యానికి పనికివచ్చే ఎన్నో పోషకాలు వున్నాయి. దానిమ్మ ఎన్ని రకాలుగా మన ఆరోగ్యానికి ఉపయోగపడుతుందో తెలుసా?... నోటి పూతగా వుంటే ఒక దానిమ్మని వలచి గుప్పెడు గింజలు నోట్లో వేసుకోండి చాలు. దానిమ్మలోని యాంటీ బ్యాక్టీరియన్, యాంటీ వైరల్ గుణాలు నోటి పూత నుంచి ఉపశమనాన్ని కలుగచేస్తాయి. అల్సర్లను నివారిస్తాయి.  ఆడవారు నెలసరి రోజుల్లో దానిమ్మని తింటే ఒత్తిడి తగ్గుతుంది. అలాగే ఆ సమయంలో వుండే ఇతర శారీరక ఇబ్బందులు కూడా తగ్గుతాయి. ఇవేకాదు.. దానిమ్మని రోజూ తినడం అలవాటుగా చేసుకుంటే దానిలోని యాంటీ ఆక్సిడెంట్లు క్యాన్సర్ బారిన పడకుండా చూస్తాయి. అలాగే దీనిని సహజ యాస్పిరిన్ అనచ్చు. ఎందుకంటే రక్త సరఫరాను తగినంతగా వేగవంతం చేస్తుంది. రోజుకి పావు కప్పు దానిమ్మరసం చాలు గుండె భద్రంగా వుండటానికి. ఎముకల ఆరోగ్యానికి కూడా దానిమ్మ చాలామంచిది.  ఆస్టియో ఆర్ద్రస్టియస్‌తో బాధపడేవారు రోజూ దానిమ్మ తింటే ఎంతో ఉపశమనం కలుగుతుంది. వయసు పెరిగేకొద్దీ ఏర్పడే చర్మం ముడతలను నివారించే గుణం కలిగిన దానిమ్మ వృద్ధాప్యాన్ని దూరం చేస్తుంది కూడా. దీనిలోని ఫోలిక్ యాసిడ్ గర్భిణులకు ఎంతో మేలు చేస్తుంది. బిడ్డ చక్కగా ఎదగడానికి దోహదపడుతుంది. రుచిగా, చూడగానే తినాలనిపించే దానిమ్మ మన ఆరోగ్యానికి ఎంతో మంచిదని తెలిశాక తినకుండా వుంటామా! రోజూ తప్పకుండా గుప్పెడు గింజలని నోట్లో వేసుకుందాం. ఆరోగ్యంగా వుందాం.   -రమ 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.