దుబ్బాక ఉప ఎన్నికల బరిలోకి దిగితే చంపేస్తామంటూ బిగ్ బాస్ ఫేం కత్తి కార్తీకకు బెదిరింపులు రావడం కలకలం రేపుతోంది.   ఎమ్మెల్యే సోలిపేట రామలింగారెడ్డి ఆకస్మిక మరణంతో దుబ్బాక నియోజకవర్గంలో ఉప ఎన్నిక అనివార్యమైన సంగతి తెలిసిందే. ప్రధాన పార్టీలు ఈ ఉపఎన్నికల్లో గెలవడం కోసం ఇప్పటికే ప్రయత్నాలు మొదలుపెట్టాయి. ఇదిలా ఉంటే, ఈ స్థానం నుంచి కత్తి కార్తీక స్వతంత్ర అభ్యర్థిగా పోటీ చేయనున్నారు. ఈ క్రమంలో గత నెల రోజులుగా కార్తీక దుబ్బాకలో పర్యటిస్తూ ప్రజా సమస్యలపై అవగాహన పెంచుకొంటున్నారు. అయితే, ప్రచారంలో దూసుకెళ్తున్న కార్తీకకు ప్రత్యర్థి వర్గాల నుంచి పరోక్షంగా బెదిరింపులు ఎదురయ్యాయి. అన్నీ సర్దుకొని హైదరాబాద్‌కు వెళ్లిపోవాలని, లేదంటే సజీవ దహనం చేస్తామని దుండగులు హెచ్చరించారని కత్తి కార్తీక వెల్లడించారు.  కార్తీక డ్రైవర్ షరీఫ్ ద్విచక్ర వాహనంపై గురువారం హైదరాబాద్ నుంచి దుబ్బాకకు వస్తున్న క్రమంలో.. రామాయంపేటలోని అడిగాస్ హోటల్ దగ్గర ఓ ఇన్నోవాలో వచ్చిన నలుగురు వ్యక్తులు డ్రైవర్‌ను అడ్డగించారు. "నువ్వు కత్తి కార్తీక డ్రైవర్‌వు కదా. కార్తీకతో పాటు నువ్వు కూడా అన్నీ సర్దుకొని హైదరాబాద్ పారిపోండి. లేదంటే సజీవంగా కాల్చివేస్తాం." అని హెచ్చరించారు. దీంతో భయపడిపోయిన డ్రైవర్ బైక్ అక్కడే వదిలిపెట్టి పొలాల్లోకి పరుగెత్తి.. వెంటనే కత్తి కార్తీకకు ఫోన్ చేసి చెప్పగా వెంటనే ఆమె బయలుదేరి ఆ ప్రదేశానికి చేరుకున్నారు. అక్కడి నుంచి ఆమె పోలీస్ స్టేషన్‌కు వెళ్లి తనకు బెదిరింపులు ఎదురయ్యాయని ఫిర్యాదు చేశారు. కేసు నమోదు చేసిన పోలీసులు విచారణ జరిపి చర్యలు తీసుకుంటామని చెప్పారు.
ఏపీలో అంతర్వేది రథం దగ్ధం, విజయవాడ ఇంద్రకీలాద్రిపై వెండి సింహాలు మాయంతో పాటు పలు ప్రార్ధనా ప్రదేశాలలో దేవుళ్ల విగ్రహాల ధ్వంసం నేపథ్యంలో బీజేపీ చలో అమలాపురం అని పిలుపునిచ్చింది. ఏపీ బీజేపీ అధ్యక్షుడు సోము వీర్రాజు అమలాపురంలోని ఆర్డీవో కార్యాలయ ముట్టడికి పిలుపునివ్వడంతో పోలీసులు అప్రమత్తమ్యారు. బీజేపీ నేతలు ఆర్డీవో కార్యాలయానికి వెళ్లకుండా నిరోధించడానికి అర్ధరాత్రి నుంచే పార్టీ నేతలను పోలీసులు హౌస్ అరెస్ట్‌లు చేస్తున్నారు. ఐతే పోలీసుల కళ్లు గప్పి రాష్ట్ర ప్రధాన కార్యదర్శి విష్ణువర్ధన్ రెడ్డి గత రాత్రి అమలాపురం చేరుకున్నారు. దీంతో సమాచారం అందుకున్న పోలీసులు అర్ధరాత్రి ఒంటి గంట సమయంలో ఆయన్ను అదుపులోకి తీసుకుని రాత్రంతా కారులోనే తిప్పినట్లుగా వార్తలు వస్తున్నాయి. అసలు తనను ఎక్కడికి తీసుకెళ్తున్నారో కూడా చెప్పడం లేదని ఈ సందర్భంగా విష్ణువర్ధన్ రెడ్డి ఆరోపించారు. కేంద్ర సహాయమంత్రి హోదా కలిగిన తన పట్ల పోలీసులు వ్యవహరించిన తీరు సరికాదని మండిపడ్డారు. అంతేకాకుండా ఏపీ బీజేపీ అధ్యక్షుడు సోము వీర్రాజు, మాజీ అధ్యక్షుడు కన్నా లక్ష్మీనారాయణలను హౌస్ అరెస్ట్ చేసారు. బీజేపీ చలో అమలాపురం పిలుపుతో బయట ప్రాంతాల నుంచి వేలాది మంది వస్తారన్న అనుమానంతో స్థానిక వ్యాపారులు స్వచ్ఛందగా షాపులు మూసివేశారు.

What actually Vijaya Sai means

Publish Date:Sep 17, 2020

The statement made by YSR Congress Party MP Vijaya Sai Reddy on the Floor of Parliament on Thursday (September 17) on the judicial system certainly came as a surprise not only to the members of the judiciary and Parliament but also to the media persons as well, albeit for different reasons.   First and foremost let us see as to why the media persons are shocked at the statement made by the YSRCP MP. He said "a quite unusually and legally questionable decision has been in the interim order of the Andhra Pradesh High Court imposing a ban on the media, even on social media." To a certain extent he is right.   But if one goes through what decisions the ruling YSR Congress Party in Andhra Pradesh, which Vijaya Sai Reddy represents, has taken on the media houses it really comes as a shock to anyone. For instance, notices were served on the chairman and anchor, who is also a senior journalist of a popular satellite Telugu news channel really comes as a shock to anyone.  Not only this. Even a panelist who took part in a debate is also served the notices and are made to run all the way from Hyderabad, the capital city of Telangana where the headquarters of the chanel is located to Guntur, in Andhra Pradesh , which is over 300 km.    They are asked to appear before the Andhra Pradesh police, almost every alternate day for taking certain details pertaining to the case. In any defamation case, only journalists and the media head of the particular institution can be summoned by the police. What is surprising in this case is that as to why the chairman of the news channel has been held responsible for what was aired by it.    Similar is the case with regard to Managing Director of a website K Ravi Shankar. For a video that was uploaded on the website, that was felt to be objectionable by the ruling party in Andhra Pradesh, the managing director has been served notices. The issue did not end there. FIR (First Information Report) has been filed against him and the policeman came all the way from Guntur to Vijayawada and seized  some hard discs and other material from the head office located again in Hyderabad. He too was made to appear before the Andhra Pradesh police.   However, in both the instances, the Andhra Pradesh High Court dismissed the cases filed against both the media houses.  In fact, in the case of the Teluguone.com Managing Director, the High Court even commented that "registration of crime by the police without material evidence to constitute cognisable offense creates an impression of kakistocracy in the public mind that may even lead to anarchy."    The YSRCP MP said in Parliament on Thursday that "it is unusual in the sense that there appears to be no material to justify the censorship other than the allegation by the petitioner." He even said that it prevents the legitable State Government even to the effect there is no substance in the allegation. Going by Vijaya Sai Reddy's statement itself is it not "unusual' to summon the chairman of the popular satellite news channel and the managing director of the website in these defamation cases.    The general practice is that any story that appears either in the print media or in the electronic media, the first thing the person concerned should do is that a denial should be given to the respective media house. If the denial is not published or not aired, as the case may be, then the affected person or institution has every right to move the court with a defamation suit. In bot the instances, no denial was given to the media houses. Is it not 'unusual' in the YSRCP MP's own terminology? It is a fact that the Indian Constitution has not given unfettered power to any of the four organs, bet it Legislature, Executive, Judiciary or the Media.    Coming to the judiciary and the legislature, it is very important to be taken into consideration to study interrelations and intra relations of the two important pillars of democracy. In the preamble of the Indian Constitution, utmost importance is given to the justice at the highest level. The Constitution lays down the structure and defines and demarcates the role and functions of Parliament and judiciary and establishes norms for checks and balances.    In the statute, there is a separation of functions but not powers. While judicial review over administrative action has evolved on the lines of common law doctrines such as ‘proportionality’, ‘legitimate expectation’, ‘reasonableness’ and principles of natural justice, the Supreme Court of India and the various High Courts are given powerSs to rule on the constitutionality of legislative as well as administrative actions.    In majority of the cases, the power of judicial review is exercised to protect and enforce the fundamental rights guaranteed in Part III of the Constitution (Balakrishnan 2009). The higher courts are also approached to rule on questions of legislative competence, mostly in the context of Centre-State relations since Article 246 of the Constitution read with the 7th Schedule, contemplates a clear demarcation as well as a zone of intersection between the law-making powers of Parliament and the various State Legislatures.    The warrant for judicial review comes from a combined reading of Articles 13, 32 and 142 of the Constitution. Article 13(2) provides that “The State shall not make any law which takes away or abridges the rights conferred by this part and any law made in contravention of this clause shall, to the extent of the contravention, be void (Govt. of India 2007) while Article 32 and 226 give any person the right to move the Supreme Court or the High Court, respectively, for the enforcement of fundamental rights guaranteed in Part III of the Constitution.    Article 142 provides that the Supreme Court “may pass such decree or make such order as is necessary for doing complete justice in any cause or matter,” and such decree or order is “enforceable throughout the territory of India.” (Govt. of India 2007: 58). Article 142, especially the phrase “complete justice”, has given the judiciary a virtual license to intervene in any matter whatsoever. Perhaps, Vijaya Sai Reddy has forgotten this while mentioning that 'Andhra Pradesh has not only been suffering financially and economically but also judicially."    In addition to these textual enablers, the courts have over the years, created their own powers in a number of domains. He might not be aware that the Indian Supreme Court is the ultimate interpreter and guardian of the Constitution. It can invalidate a law enacted by the legislature in certain circumstances (Chatterjee 2005) If the legislature makes a law by transgressing its jurisdiction. or if a law abridges the Fundamental Rights of the Citizens.    If Vijaya Sai Reddy is aware of the Supreme Court's power that the apex court is the ultimate authority to decide whether a law imposes unreasonable restriction on the enjoyment of the Right to Freedom guaranteed under Article 19 of the Constitution, he could have knocked at the doors of the highest court of India, instead of making such remarks on teh floor of Parliament.    What is surprising and shocking even to the legal luminaries is that the YSRCP MP has every right to approach the apex court against the High Court orders. They are of the strong opinion that as ton why the YSRCP MP made such sweeping remarks in Parliament before approaching the Supreme Court.  Quoting Article 129 of the Indian Constitution, they said “the Supreme Court shall be a court of record and shall have all the powers of such a court including the power to punish for contempt of itself.”    Since, Vijaya Sai Reddy made the charges against the judiciary, he certainly attracts contempt. In this regard, the legal experts quote the case of Baradanath Mishra vs the Registrar of the Orissa High Court. In this case, the Odisha High Court held that the court has to ask whether the vilification is of the judge as a judge, or it is the vilification of the judge as an individual. If the latter the judge is left to his private remedies and the court has no power to commit for contempt. If it is the former, the court will proceed with scrupulous care in cases that are clear and beyond a reasonable doubt. And hence, in this case, the YSRCP MP went on record making such remarks against the judiciary.    They even point out the Pritam Lal vs High Court of Madhya Pradesh in which the Supreme  Court held that to preserve the proceedings of the courts from interference and to keep the streams of justice pure, it becomes the duty of the court to punish the contemner in order to preserve its dignity.   No one can claim immunity from law if his or her act or conduct interferes or obstructs the due course of justice. In this case the court even felt that making libellous accusations against the sitting judges of the High Court amounts to interference with the administration of justice.   Even iIn Shamsher Singh Bedi vs High Court of Punjab and Haryana, the Supreme  Court held that if remarks made against the judge are scandalous and can pervert the course of justice by interfering with the proper administration of justice, then it amounts to contempt.    The same jurisprudence was reiterated in Dr D.C. Saxena vs Hon’ble The Chief Justice of India where the court held that scandalising the court or judge, undermines people’s confidence in the administration of justice and brings the court into disrepute. Such disrespect tantamounts to criminal contempt. A scurrilous attack on a judge questioning his authority would amount to contempt. The legal experts are expressing surprise as to how the YSRCP MP, who is well versed with legal laws and the parliamentary democracy, has missed these facts before making such a statement with members of Parliament as witnesses.    So, members of the media, the judiciary and the legislature are now expressing surprise at Vijaya Sai Reddy's remarks made on the floor of Parliament.
సాక్షాత్తు పార్లమెంట్‌లో న్యాయస్థానాలను టార్గెట్ చేస్తూ వైసీపీ ఎంపీలు వ్యాఖ్యలు చేస్తున్నారు. తాజాగా అమరావతి భూములకు సంబంధించి ఏర్పాటైన సిట్ విచారణపై హైకోర్టు స్టే ఇవ్వడం పై విజయసాయిరెడ్డి సందర్భం లేకుండానే రాజ్యసభలో ప్రసంగించారు. దీనిపై రాజ్యసభ డిప్యూటీ చైర్మన్ అభ్యంతరం చెప్పినా ఆయన ఆపలేదు. అంతేకాకుండా పార్లమెంట్ బయట మీడియాతో మాట్లాడుతూ న్యాయ వ్యవస్థ పక్షపాతంతో వ్యవహరిస్తోందని వైసీపీ రాజ్యసభ సభ్యుడు విజయసాయిరెడ్డి తీవ్ర వ్యాఖ్యలు చేశారు. చట్టం ముందు అందరూ సమానులే అనే సూత్రాన్ని న్యాయ వ్యవస్థ విస్మరిస్తోందని అయన తీవ్ర వ్యాఖ్యలు చేసారు. ధర్మాన్ని కాపాడాల్సిన వారు పక్షపాతంతో వ్యవహరిస్తున్నారని ఆయన విమర్శించారు. పౌరుల ప్రాథమిక హక్కులను కూడా హరిస్తున్నాయని, మీడియా గొంతు నొక్కుతున్నాయని న్యాయ వ్యవస్థ పై తీవ్ర ఆరోపణలు చేశారు. ఈ అంశంలో కేంద్ర ప్రభుత్వం జోక్యం చేసుకోవాలని కూడా అయన డిమాండ్ చేశారు. తను ఏ జడ్జికి ఉద్దేశాలు ఆపాదించడం లేదని అయితే న్యాయస్థానాలు మాత్రం మీడియా నోరు నొక్కుతున్నాయని విమర్శించారు. విజయసాయిరెడ్డి న్యాయవ్యవస్థపై ఈ స్థాయిలో విరుచుకుపడటానికి కారణం మాజీ ఏజీ దమ్మాలపాటి శ్రీనివాస్ విషయంలో ఏసీబీ నమోదు చేసిన ఎఫ్ఐఆర్ మీడియాలో, సోషల్ మీడియాలో రాకుండా హైకోర్టు ఆదేశాలివ్వడమే.   అయితే న్యాయ వ్యవస్థపై వైసీపీ నేతల వ్యాఖ్యలకు టీడీపీ నేతలు వెంటనే స్ట్రాంగ్ కౌంటర్ ఇచ్చారు. న్యాయ వ్యవస్థ మీడియా గొంతు నొక్కిందని వైసీపీ నేతలు అంటున్నారని ఐతే వివేకా హత్య కేసులో విచారణ అంశాలు మీడియాలో రాకూడదని కోర్టుకు వెళ్లి మరీ స్టే తెచ్చుకున్న విషయం వారు మరిచిపోయారా అని ఈ సందర్భంగా వారు ప్రశ్నిస్తున్నారు. సాక్షాత్తు జడ్జిలను కూడా బెదిరింపులకు గురిచేస్తున్నారని.. అలాగే కోర్టులను కూడా బ్లాక్‌మెయిల్‌ చేయాలనే ఉద్దేశ్యంతోనే ఎపి ప్రభుత్వం వ్యవహరిస్తోందని దీనికోసం న్యాయమూర్తులను భయబ్రాంతులకు గురి చేసైనా.. తమ దారిలోకి తెచ్చుకునేందుకు ప్రయత్నిస్తున్నారని టీడీపీ ఎంపీ రామ్మోహన్ నాయుడు వైసిపి పై మండిపడ్డారు.
ప్రపంచాన్ని మృత్యువాకిట నిలిచేలా చేసిన కరోనా వైరస్ చైనా ల్యాబ్ లోనే పుట్టిందని వెల్లడించిన చైనా శాస్త్రవేత్త లీ మెంగ్ యాన్ ట్విట్టర్ ఖాతాను ఆ సంస్థ సస్పెండ్ చేసింది. ట్విట్టర్ నిబంధనలను అతిక్రమించింది అంటూ మెసెజ్ పెట్టిన ట్విట్టర్ ఏ నిబంధనలను ఉల్లంఘించినందుకు ఆమె ఖాతాను సస్పెండ్ చేస్తున్నారో వెల్లడించలేదు.   కరోనా వైరస్ చైనా ల్యాబ్ లోనే తయారు అయ్యిందని ఇటీవలే ఆమె సంచలన వ్యాఖ్యలు చేశారు. అందుకు సంబంధించిన ఆధారాలన్నీ తనతో ఉన్నాయని చెప్పారు. అయితే ప్రాణభయంతో తాను చైనా నుంచి అమెరికా వెళ్ళిపోయానన్నారు.   గతంలోనూ కరోనా వైరస్ చైనానే తయారు చేసింది అని చెప్పిన శాస్త్రవేత్త మరణించారు. ఇప్పుడు మరో శాస్త్రవేత్త ప్రాణాలు అరచేతిలో పెట్టుకుని విదేశాల్లో బతుకుతున్నారు. అయితే సోషల్ మీడియా ద్వారా ఆమె ప్రజలతో కనెక్ట్ కాకుండా ఖాతాను సస్పెండ్ చేయడం అమానుషం అంటూ నెటిజన్లు ఆగ్రహం వ్యక్తం చేస్తున్నారు.
కొద్ది రోజులుగా వైసిపి కి చుక్కలు చూపిస్తున్న నరసాపురం ఎంపీ రఘురామకృష్ణం రాజు తాజాగా తన తోటి వైసిపి ఎంపీ పై ప్రివిలేజ్ నోటిస్ ఇచ్చారు. బాపట్ల వైసిపి ఎంపీ నందిగం సురేశ్‌పై లోక్‌సభ స్పీకర్ ఓం బిర్లాకు ఎంపీ రఘురామకృష్ణ రాజు ఫిర్యాదు చేశారు. ఎంపీ సురేష్ ఈ రోజు మీడియాతో మాట్లాడుతూ తనను అసభ్య పదజాలంతో దూషించారని పేర్కొంటూ రఘురామరాజు స్పీకర్ ను కలిసి ప్రివిలేజ్ నోటీస్ ఇచ్చారు. ఈ సందర్భంగా నందిగం సురేశ్ మీడియాతో మాట్లాడిన వీడియో టేపును అయన స్పీకర్‌కు అందజేశారు. సురేష్ తనను అసభ్య పదజాలంతో కించపరిచేవిధంగా వ్యాఖ్యలు చేశారని స్పీకర్‌కు రఘురామరాజు తెలిపారు.   ఈరోజు మధ్యాహ్నం పార్లమెంట్ వెలుపల మీడియాతో మాట్లాడిన నందిగం సురేశ్ ఎంపీ రఘురామరాజుపై తీవ్రస్థాయిలో మండిపడ్డ సంగతి తెలిసిందే. తమ పార్టీ ఎంపీల గురించి, అలాగే తమ ముఖ్యమంత్రిని ఉద్దేశించి పిచ్చివాగుడు వాగితే పిచ్చి కుక్కను కొట్టినట్టు కొడతామని రఘురామరాజునుద్దేశించి సురేశ్ హెచ్చరించారు. రఘురామరాజు ఒళ్లు దగ్గర పెట్టుకుని మాట్లాడాలని కూడా సురేష్ ఈ సంసంర్భంగా వ్యాఖ్యానించారు. మిథున్ రెడ్డి మళ్ళీ పోటీ చేస్తే నాలుగు ఓట్లు కూడా రావని రఘురామరాజు అంటున్నారని... అయితే ఢిల్లీలో గలీజు పనులు, మోసగాడు, చీటర్ లాంటి పదవులకు పోటీ పడితే ఎంపీల ఓట్లన్నీ ఆయనకే పడతాయని సురేష్ ఎద్దేవా చేశారు. తాజాగా సురేష్ చేసిన ఈ వ్యాఖ్యలపై రఘురామరాజు ప్రివిలేజ్ నోటిస్ ఇచ్చారు.
కరోనా వైరస్ కారణంగా మరో ఎంపీ కన్నుమూశారు. నిన్న కరోనా కారణంగా ఏపీలోని తిరుపతి ఎంపీ బల్లి దుర్గాప్రసాద్ కన్నుమూయగా.. తాజాగా బీజేపీ రాజ్యసభ సభ్యుడు అశోక్ గస్తీ(55) కరోనా బారిన పడి మృతి చెందారు. ఇటీవల కరోనా పరీక్షలు చేయించుకోగా.. ఆయనకు పాజిటివ్ అని తేలింది. దీంతో ఈ నెల 2న బెంగళూరులోని మణిపాల్ ఆసుపత్రిలో చేరారు. ఆరోగ్యం క్షీణించడంతో గురువారం సాయంత్రం ఆసుపత్రిలో తుదిశ్వాస విడిచారు.   కర్ణాటక రాయచూర్‌కు చెందిన అశోక్‌ గస్తీ విద్యార్థి దశ నుంచి ఆయన ఆరెస్సెస్ లో ఉన్నారు. ఆ తర్వాత బీజేపీలో చేరి క్రియాశీలకంగా పనిచేసి అంచెలంచెలుగా ఎదిగారు. ఈ ఏడాది జూన్‌లో జరిగిన ఎన్నికల్లో కర్ణాటక నుంచి రాజ్యసభకు అశోక్‌ గస్తీ తొలిసారి ఎన్నికయ్యారు. జులై 22న ఆయన రాజ్యసభ ఎంపీగా ప్రమాణస్వీకారం చేశారు. అయితే, రాజ్యసభకు ఎన్నికైన మూడు నెలలలోపే, ఒక్కసారి కూడా పార్లమెంటు సమావేశాలకు హాజరు కాకుండానే ఆయన కన్నుమూశారు.
ఈశాన్య రాష్ట్రమైన అస్సోంలోని గౌహతిలో వందేళ్ల బామ్మ మాయి హందిక్యూ ఒకరు కరోనాపై విజయం సాధించారు. మహమ్మారి సోకినంత మాత్రాన భయాందోళనలకు గురై అభద్రతా భావానికి లోను కావద్దని ధైర్యంగా పోరాడాలని సందేశాన్ని ఇచ్చారు. అసలు వివరాల్లోకి వెళితే... గౌహతిలోని ఒక వృద్ధాశ్రమంలో సెప్టెంబర్ 7న ఇద్దరు మహిళలు కరోనా పాజిటివ్ గా నిర్ధారణ అయ్యారు. అందులో ఒకరికి 75 సంవత్సరాలు. మరొకరు 100 ఏళ్ల బామ్మ.‌ ఇద్దరిని నగరంలోని మహేంద్ర మోహన్ చౌదరి కొవిడ్-19 ఆస్పత్రిలో చేర్చారు. వైద్యులు, నర్సులు వాళ్లను చాలా జాగ్రత్తగా చూసుకున్నారు. బుధవారం ఇద్దరికీ టెస్టులు చేయగా నెగిటివ్ రిజల్ట్స్ వచ్చాయి. దాంతో ఆస్పత్రి నుంచి డిశ్చార్జి చేశారు.వాళ్ళిద్దరు తిరిగి వృద్ధాశ్రమానికి చేరుకున్నారని ఆరోగ్య శాఖ మంత్రి హిమంత్ బిశ్వ శర్మ ట్వీట్ చేశారు.
రాజ్యసభలో కరోనా నియంత్రణ చర్యలపై చర్చ సందర్భంగా వైసీపీ ఎంపీ విజయసాయిరెడ్డి చేసిన వ్యాఖ్యలు దుమారం రేపుతున్నాయి. కరోనా పోరులో ఏపీ ప్రభుత్వ వైఫల్యాలను టీడీపీ ఎంపీ కనకమేడల ఎండగట్టారు. అయితే ఆ తర్వాత మాట్లాడిన విజయసాయి.. కరోనా నియంత్రణ చర్యలపై మాట్లాడకుండా ఇతర విషయాలు ప్రస్తావిస్తూ.. కోర్టులని తప్పుబట్టారు. రాష్ట్ర ప్రభుత్వం తీసుకుంటున్న నిర్ణయాలపై కోర్టులు స్టేలు విధిస్తున్నాయని, రాష్ట్ర ప్రగతిని అడ్డుకుంటున్నాయని, తమ ప్రభుత్వంపై పక్షపాత ధోరణితో వ్యవహరిస్తున్నాయని తీవ్ర వ్యాఖ్యలు చేశారు.   ఈ క్రమంలో సబ్జెక్ట్ దాటి మాట్లాడుతున్నారంటూ.. విజయసాయిని డిప్యూటీ ఛైర్మన్ హరివంశ్ అడ్డుకునే ప్రయత్నం చేశారు. అయినా విజయసాయి ఏమాత్రం పట్టించుకోకుండా తన ధోరణిలో మాట్లాడుతూ పోయారు. ఈ సందర్భంగా కనకమేడల కూడా అభ్యంతరం వ్యక్తం చేశారు. కరోనా గురించి మాట్లాడకుండా, ఇతర అంశాల గురించి మాట్లాడటం ఏమిటని ప్రశ్నించారు. కోర్టు పరిధిలో ఉన్న అంశాల గురించి పార్లమెంటులో మాట్లాడటం దారుణమని, కోర్టులను కూడా బెదిరించే ధోరణిలో మాట్లాడుతున్నారని కనకమేడల విమర్శించారు.   రాజ్యసభలో కోర్టులపై విజయసాయి చేసిన వ్యాఖ్యలపై విమర్శలు వ్యక్తమవుతున్నాయి. ఏడాదిలోపే ఆర్థిక అవినీతి కేసుల విచారణ పూర్తి చెయ్యాలని సుప్రీం కోర్టు నిర్ణయించడంతో విజయసాయి వెన్నులో వణుకు మొదలయ్యింది. అందుకే న్యాయవ్యవస్థ పై దాడి చేస్తున్నారు అని టీడీపీ నేత బుద్దా వెంకన్న విమర్శించారు.    కాగా, ప్రజాప్రతినిధులపై ఉన్న కేసుల విచారణను ఏడాదిలోపు పూర్తి చేయాలనే పిటిషన్ ను సుప్రీంకోర్టు ధర్మాసనం తాజాగా విచారించిన సంగతి తెలిసిందే. ప్రత్యేక కోర్టుల ఏర్పాటుకు కేంద్రం కూడా సుముఖత వ్యక్తం చేసింది. ఈ నేపథ్యంలోనే విజయసాయి వెన్నులో వణుకు మొదలయ్యిందని బుద్దా వెంకన్న వ్యాఖ్యలు చేశారు.   "11 ఛార్జ్ షీట్లు,లక్ష కోట్ల దోపిడీ, సూట్ కేసు కంపెనీల సూత్రదారి, క్విడ్ ప్రో కో పిత, 16 నెలలు జైల్లో ఉండి బెయిల్ పై వచ్చిన విజయసాయి రెడ్డి, వైఎస్ జగన్ లు న్యాయ వ్యవస్థ గురించి మాట్లాడటం వింతగా ఉంది." అంటూ ట్విట్టర్ వేదికగా బుద్దా వెంకన్న విమర్శించారు.
ప్రపంచం మొత్తం కరొనాతో సతమతమవుతోంది. ఒక్క మనదేశంలోనే కరోనా వైరస్ పాజిటివ్ కేసుల సంఖ్య తాజాగా అర కోటి.. అంటే 50 లక్షలకు చేరాయి. ఈ పరిస్థితుల్లో కరోనా వ్యాక్సిన్ కోసం ప్రజలు వేయి కళ్ళతో ఎదురుచూస్తున్నారు. అయితే ఇప్పటికే మొట్టమొదటి కరోనా వ్యాక్సిన్ "స్పుత్నిక్-v" ను రిజిస్టర్ చేసిన రష్యా తాజాగా దీని పై జరిగిన ట్రయల్స్ ఫలితాలను రష్యా ఆరోగ్య శాఖ మంత్రి మిఖైల్ మురష్కో ప్రకటించింది. ప్రస్తుతం మూడో దశ ట్రయల్స్ లో భాగంగా వ్యాక్సిన్ తీసుకున్న 300 మంది వాలంటీర్లలో 14 శాతం మంది వాలంటీర్లకు ఒళ్లు నొప్పులు, నీరసం, జ్వరం వంటి సైడ్ ఎఫెక్ట్ లు వచ్చాయని అయన చెప్పారు. అయితే ఈ సైడ్ ఎఫెక్స్ అన్నీ తాము ముందుగా ఊహించినవేనని అంతేకాకుండా అవి సాధారణంగా ఒకటి రెండు రోజుల్లో తగ్గి పోతాయని అయన తెలిపారు.   ఇది ఇలా ఉండగా తమ వ్యాక్సిన్ మూడోదశ క్లినికల్ ట్రయల్స్ ప్రపంచ వ్యాప్తంగా త్వరలో ప్రారంభవుతాయని రష్యా ఈమధ్య ప్రకటించింది . దాదాపు 40 వేల మందికి ఈ టీకా ఇస్తామని చెప్పింది. ఈ నేపథ్యంలో రష్యా ఇప్పటికే 300 మంది వాలంటీర్లకు వ్యాక్సిన్‌ మొదటి డోసు ఇవ్వగా మరో డోసు 21 రోజుల తరువాత ఇవ్వనున్నారు. వ్యాక్సిన్ వేయించుకున్న వాలంటీర్ల కోసం ఒక యాప్‌ను రూపొందించారు. ఒక వేళ ఎటువంటి అనారోగ్య సమస్యలు తలెత్తినా ఆ యాప్‌ ద్వారా తెలియజేయాలని ఆయన చెప్పారు. ఈ వ్యాక్సిన్ మూడో దశ ట్రయల్స్ కోసం 55 వేల మంది వాలంటీర్లు ముందుకు రాగా వీరిలో 40 వేల మందిని ఎంపిక చేసి వారికి ఈ వ్యాక్సిన్ ఇవ్వనున్నారు. ఈ మూడో దశ ట్రయల్స్ ఫలితాలు అక్టోబర్ నవంబర్ మధ్య వెల్లడయ్యే అవకాశం ఉంది. అంతేకాకుండా ఒకపక్క మూడో దశ ట్రయల్స్ జరుగుతుండగానే రష్యాలో ప్రజలందరికి నవంబర్ చివరి నుండి వ్యాక్సిన్ ఇవ్వడానికి ఏర్పాట్లు జరిగిపోతున్నాయి.
తరాలు తిన్నా తరగని ఆస్తి ఉన్నా ఇంకా వేల కోట్ల సంపాదన కోసం కక్కుర్తి పడే మహానుభావులు ఉన్న ఈ కాలంలో అమెరికా కు చెందిన ఒక పారిశ్రామికవేత్త ఏకంగా తన జీవితకాలం కష్టపడి సంపాదించిన 58 వేల కోట్ల ఆస్తిని గుప్త దానంగా ఇచ్చేసారు. అమెరికాకు చెందిన ప్రముఖ పారిశ్రామికవేత్త, విమానాశ్రయాల్లో ఉండే "డ్యూటీ ఫ్రీ షాపర్స్" సహ వ్యవస్థాపకుడు చార్లెస్ చక్ ఫీనీ తనకున్న యావదాస్తిని గుప్త దానం చేసేశారు. ప్రస్తుతం అయన ఆస్తి మొత్తం విలువ 58 వేల కోట్ల రూపాయలు. 2012లోనే ఈ మొత్తాన్ని ఆయన తన స్వచ్ఛంద సంస్థ "అట్లాంటిక్‌ ఫిలాంత్రోపీస్‌" ద్వారా దానం చేయనున్నట్టు ప్రకటించారు. అయన ఇలా దానంగా ఇచ్చిన దానిలో సగ భాగాన్ని విద్య కోసమే అందించారు. మిగిలిన దానిని మానవ హక్కులు, సామాజిక మార్పులు, ఆరోగ్య సమస్యలు వంటి అంశాల్లో తోడ్పడేందుకు దానంగా ఇచ్చారు. ఈ నెలతో ఆయన దానాలు పూర్తైపోవడంతో.. ఈ నెల 14న ఫీనీ స్వచ్ఛంద సంస్థ ప్రయాణం కూడా ముగిసింది. పదవీ విరమణ తర్వాత అయన తన భార్యతో కలిసి జీవించేందుకు కేవలం రూ.14కోట్లనే ఉంచుకుని, మిగిలిన మొత్తాన్ని వివిధ స్వచ్ఛంద సంస్థలకు దానమిచ్చేశారు.   ఈ సందర్భంగా ఫీని మాట్లాడుతూ.. తన జీవితంలో చాలా నేర్చుకున్నానని, అయితే తాను బతికి ఉండగానే ఈ మంచి కార్యక్రమం పూర్తయినందుకు తనకు చాలా సంతోషంగా ఉందని అయన ఫోర్బ్స్‌ పత్రికతో వ్యాఖ్యానించారు. ఒకప్పుడు 58వేల కోట్ల ఆస్తిని కలిగిన ఈ అపర కుబేరుడు ప్రస్తుతం శాన్‌ఫ్రాన్సిస్కోలో ఒక మామూలు అపార్ట్‌మెంట్ లో తన భార్యతో కలిసి ఓ మధ్యతరగతి వ్యక్తి లాగా విశ్రాంత జీవితాన్ని గడుపుతుండటం మరో విశేషం. ప్రపంచ కుబేరుల జాబితాలో స్థానం సంపాదించి అనేక దాతృత్వ కార్యక్రమాలు చేపడుతున్న బిల్‌ గేట్స్‌, వారెన్‌ బఫెట్‌ ఇద్దరూ కూడా తమ దాతృత్వం వెనుక స్ఫూర్తి ఫీనీయే అని చెప్పడం విశేషం. "మేము సంపాదించిన అపార సంపదను దానం చేసేందుకు చక్‌ మాకు ఓ దారిని ఏర్పరిచాడు. మన ఆస్తిలో సగం కాదు, యావదాస్తిని దానం చేయాలంటూ తను నాతో పాటు ఎంతోమందిలో స్ఫూర్తిని నింపాడు’’ అని బిల్‌ గేట్స్‌ పేర్కొన్నారు.
అదే పోరాట స్ఫూర్తి మరోసారి   లక్షలాది మంది భారతీయులు ఐక్యగళంతో స్వేచా గీతాన్ని ఆలపించగా బ్రిటిష్ రాజరికవ్యవస్థ తలవంచి వెనుతిరిగింది. స్వాతంత్య్రం కోసం సాగిన శతాబ్దాల పోరాటం ఫలితంగా ఎర్రకోటపై 15ఆగస్టు 1947న త్రివర్ణ పతాకం ఎగిరింది. దేశమంతా సంబురాలు అంబరాన్ని అంటిన వేళ భారతదేశానికి నడిబొడ్డున ఉన్న హైదరబాద్ సంస్థాన ప్రజలు మాత్రం బిక్కుబిక్కు మంటూ ప్రాణాలు అరచేతిలో పెట్టుకుని మరో పోరాటానికి సన్నద్దంగా ఉన్నారు. అప్పటి వరకూ బ్రిటిష్ వారికి సామంతుడిగా ఉన్న హైదరాబాద్ నవాబు మీర్ ఉస్మాన్ అలీఖాన్ బ్రిటిష్ వారు వెళ్ళిపోవడంతో  భారత్ లోనూ, పాకిస్తాన్ లోను కలవకుండా స్వతంత్రంగా ఉంటానంటూ ప్రకటించాడు. అయితే  సంస్థానంలోని ప్రజలు మాత్రం భారతదేశంలో కలవాలని కోరుకున్నారు. వారి ఆకాంక్ష నెరవేరడానికి హైదరాబాద్ లో జాతీయ పతాకం ఎగరడానికి 13నెలల రెండు రోజులు పట్టింది. మరో స్వాతంత్య్ర పోరాటం అవసరమైంది.   ఆనాటి హైదరాబాద్ సంస్థానంలోని తెలంగాణ, మరాఠ్వాడా, కర్ణాటక రాష్ట్రాల్లోని  కొన్ని జిల్లాలు కలిసి హైదరాబాద్ సంస్థానంగా ఉండేది. ఇక్కడ కొనసాగే ప్యూడల్ పాలన లో  ఒకవైపు  జాగీర్దార్లు, భూస్వాముల వెట్టి చాకిరి చెరలో గ్రామీణ ప్రజానీకం బానిసలుగా బతికేవారు. మరోవైపు నిజాం అండతో చెలరేగిపోయిన రజాకార్లు  గ్రామాలపై పడి ప్రజలను దోచుకుంటూ వారి ధన, మాన, ప్రాణాలతో చెలగాటం ఆడేవారు. నిజాం ప్రోద్భలంతో రజాకార్ల నాయకుడు కాశీం రజ్వీ ఢిల్లీ ఎర్రకోటపై అసఫ్ జాహీ పతాకాన్ని ఎగురవేస్తానని తన అహంకారాన్ని చాటుకున్నాడు. దాంతో హైదరాబాద్ సంస్థానంలోని పార్టీలు, ప్రజాసంఘాలు నిజాం వ్యతిరేక పోరాటానికి సిద్ధమయ్యాయి. స్వామి రామానంద తీర్థ నాయకత్వంలో కాంగ్రెసు నాయకులు ఉద్యమంలో పాలుపంచుకునారు. ఆర్యసమాజ్, స్టేట్ కాంగ్రెస్ తమ తమ మార్గాల్లో పోరాటాన్ని చేపట్టగా ఈ సంస్థలన్నింటి పై ఉక్కుపాదం మోపాడు నిజాం నవాబు ఉస్మాన్ అలీఖాన్. పోరాడి సాధించుకున్న స్వేచ్ఛాభారతంలో మతఘర్షణలు, ప్రజల మానప్రాణాలకు రక్షణ లేకపోవడంతో హైదరాబాద్ సంస్థానంపై చర్య తీసుకోవడానికి కేంద్రం సిద్ధమైంది. ఆనాటి హోంశాఖ మంత్రి, సర్దార్ వల్లభాయి పటేల్ నేతృత్వంలో సైనిక చర్య తప్పదని  నిర్ణయించుకున్నారు. దానికి ఆపరేషన్ పోలో, పోలీస్ యాక్షన్ పేరు పెట్టారు. అయితే కేంద్రం తనపై చర్యలు తీసుకుంటుందన్న విషయాన్ని ముందే ఊహించిన నిజాం నవాబు పాకిస్తాన్ సాయం కోరడంతో పాటు ఐక్యరాజ్య సమితిని ఆశ్రయించాడు.. దాంతో పరిస్థితి చేయిదాటి పోతుందన్న విషయం గుర్తించిన కేంద్ర హోం మంత్రి ఆదేశాల మేరకు మేజర్‌ జనరల్‌ జె.ఎన్‌. చౌదరి నాయకత్వంలో 13సెప్టెంబర్ 1948న భారత సైన్యం హైదరాబాద్ సంస్థానాన్ని ముట్టడించింది. ఎదుర్కొనలేక నిజం నవాబు 17 సెప్టెంబర్ 1948లో భారతదేశంలో విలీనం అవుతున్నానని ప్రకటించి కేంద్ర సైన్యం ముందు నిజాం లొంగిపోయాడు.  దాంతో పోలీస్ యాక్షన్ ఐదు రోజుల్లో అనుకున్న లక్ష్యాన్ని సాధించింది. భారత త్రివర్ణ పతాకం హైదరాబాద్ లో రెపరెపలాడింది.     ఆపరేషన్ పోలోలో 1373 మంది రజాకార్లు హతమయ్యారు. మరో 1911 మంది బందీలుగా పట్టుబడ్డారు. హైదరాబాదు సైన్యంలో 807 మంది చనిపోగా, 1647 మంది పట్టుబడ్డారు. భారత సైన్యం 10 మంది సైనికులను కోల్పోయింది. నిజాం ప్రధానమంత్రి మీర్‌ లాయిక్‌ ఆలీ, రజాకార్ల నాయకుడు ఖాసిం రజ్వీ అరెస్టయ్యారు. నిజాం 23 సెప్టెంబర్ న ఐక్యరాజ్యసమితి భద్రతా సమితిలో ఇచ్చిన తన ఫిర్యాదును వెనక్కి తీసుకున్నాడు. హైదరాబాద్ సైనిక గవర్నర్ గా మేజర్ జనరల్ జె.ఎన్. చౌదరి బాధ్యతలు తీసుకున్నారు. 1949 చివరి వరకు చౌదరి సైనిక గవర్నర్ పదవిలో కొనసాగారు.  1950 జనవరిలో సీనియరు ప్రభుత్వ అధికారి ఎం.కె.వెల్లోడి ముఖ్యమంత్రిగా నియమించబడ్డారు. ఆ తర్వాత  1952లో జరిగిన సార్వత్రిక ఎన్నికలు జరిగియి. ఈ ఎన్నికల్లో విజయం సాధించిన కాంగ్రెస్ పార్టీ అధికారంలోకి వచ్చింది. బూర్గుల రామకృష్ణారావు ముఖ్యమంత్రిగా బాధ్యతలు స్వీకరించారు.   ఆ తర్వాత ఆంధ్రరాష్ట్ర ఏర్పాటు, ఆంధ్రప్రదేశ్ అవతరణ జరిగాయి. 17 సెప్టెంబర్ ను ప్రతి ఏటా హైదరాబాద్ విమోచన దినోత్సవంగా ప్రజాసంఘాలు, పార్టీలు నిర్వహించేవి. తెలంగాణ ప్రత్యేక రాష్ట్ర ఉద్యమం ప్రారంభంలో టిఆర్ఎస్ పార్టీ నేత చంద్రశేఖర్ రావు తెలంగాణ ఏర్పాటు తర్వాత అధికారికంగా విమోచనా దినోత్సవాన్ని నిర్వహిస్తామని ఎన్నో వేదికలపై చెప్పారు. ప్రజల ఆకాంక్షల మేరకు వందలాది మంది ఆత్మార్పణ తర్వాత తెలంగాణ ప్రత్యేక రాష్ట్రం వచ్చింది. ఎప్పటిమారిదిగానే అధికారం అడినమాట తప్పేలా చేసింది. తెలంగాణ ప్రజలు గత ఏడేండ్లుగా విమోచన దినోత్సవాన్ని అధికారికంగా నిర్వహించాలని కోరుతున్నారు. బిజేపీ నాయకులు తెలంగాణలో ప్రజా యాత్రలు, కాగడాల ప్రదర్శనలు నిర్వహించి మరీ ప్రజల్లో చైతన్యం కల్పిస్తున్నారు. అయినా ప్రభుత్వం విమోచనా దినోత్సవం పై ఒక మాటకూడా మాట్లాడలేదు. విమోచనా దినోత్సవాన్ని అధికారికంగా నిర్వహిస్తే మజ్లీస్ పార్టీ నుంచి వ్యతిరేకత రావడంతో పాటు వారి ఓటుబ్యాంక్ గల్లంతు అవుతుందన్న ఆలోచనతో టిఆర్ఎస్ మౌనం వహిస్తోంది అన్నది విపక్షాల వాదన.   బ్రిటిష్ వారిని వెనక్కి పంపిన ఐక్యమత్యం, నిజాం నవాబును లొంగదీసిన చైతన్యం ప్రజాస్వామ్యం ముసుగులో ప్రజలను దోచుకుంటున్న నాయకులకు బుద్ధి చెప్పేందుకు మరోసారి ప్రజల్లో రావాలని కోరుకుందాం.
కరోనా వైరస్ ప్రపంచాన్ని అతలాకుతలం చేస్తున్న నేపథ్యంలో రష్యా ప్రపంచంలోనే మొట్టమొదటి కరోనా వ్యాక్సిన్‌ "స్పుత్నిక్‌-v"ని రిజిస్టర్ చేసిన సంగతి తెలిసిందే. ప్రస్తుతం ఒక అంతర్జాతీయ సంస్థ పర్యవేక్షణలో ఈ వ్యాక్సిన్ ట్రయల్స్ జరుగుతున్నాయి. అయితే తాజాగా కుదిరిన ఒక ఒప్పందం ప్రకారం రష్యా వ్యాక్సిన్ 10 కోట్ల డోసులు భారత్ కు అందనున్నాయి. ఈ వ్యాక్సిన్ పై సకాలంలో ప్రయోగ పరీక్షలు పూర్తయి, భారత ఔషధ నియంత్రణ సంస్థ నుండి వేగంగా అనుమతులు లభిస్తే డిసెంబరు నుండి ఈ వ్యాక్సిన్‌ పంపిణీ ప్రారంభం కావచ్చని తెలుస్తోంది.   భారత్ లో ఈ వ్యాక్సిన్ ట్రయల్స్, ఉత్పత్తి, పంపిణి కోసం హైదరాబాద్‌ కేంద్రంగా పని చేస్తున్న డాక్టర్‌ రెడ్డీస్ ‌ల్యాబ్స్ తో ఒప్పందం కుదుర్చుకున్నామని రష్యన్‌ డైరెక్ట్‌ ఇన్వె్‌స్టమెంట్‌ ఫండ్‌ (ఆర్‌డీఐఎఫ్‌) సీఈవో కిరిల్‌ దిమిత్రీవ్‌ ఒక ప్రకటనలో తెలిపారు. డాక్టర్‌ రెడ్డీస్‌ కో-చైర్మన్‌ జి.వి.ప్రసాద్‌ కూడా ఈ ఒప్పందాన్ని ధ్రువీకరించారు. "స్పుత్నిక్‌-v" మూడోదశ ప్రయోగ ట్రయల్స్, పంపిణీ విషయంలో ఆర్‌డీఐఎఫ్ తో కలిసి రెడ్డీస్ ల్యాబ్స్ పనిచేయనున్నట్లు ప్రసాద్‌ ప్రకటించారు. ప్రస్తుతం ఈ వ్యాక్సిన్ ట్రయల్స్‌కు అనుమతుల అంశం ప్రస్తుతం ఔషధ నియంత్రణ సంస్థల పరిశీలనలో ఉందని ఆయన తెలిపారు. ఇండియా‌లోని వ్యాక్సిన్‌ తయారీ సంస్థల సహాయ సహకారాలతో మొత్తం 30 కోట్ల డోసుల ఉత్పత్తికి రష్యా ఒప్పందాలు కుదుర్చుకోగా, వాటిలో 10 కోట్ల డోసుల వ్యాక్సిన్ ను డాక్టర్‌ రెడ్డీస్ ‌ల్యాబ్స్ ద్వారా మనదేశంలో పంపిణీ చేయనుంది.
తెలంగాణ అసెంబ్లీ సమావేశాల్లో అధికార టీఆర్ఎస్ మరోసారి వ్యూహాత్మకంగా వ్యవహరించింది. తమకు కావాల్సిన కీలక బిల్లులను ఆమోదించుకుని అసెంబ్లీని నిరవధికంగా వాయిదా వేసుకుంది. ఈనెల 7న ప్రారంభమైన అసెంబ్లీ వర్షకాల సమావేశాలు.. కేవలం ఎనిమిది రోజులకే ముగిశాయి.  అసెంబ్లీని ఈనెల 28 వరకు నిర్వహించాలని మొదట నిర్ణయించారు. ప్రతిపక్షాలు కోరితే ఎన్ని రోజులైనా సభ జరిపేందుకు ప్రభుత్వం సిద్ధమని బీఏసీ సమావేశంలో సీఎం కేసీఆర్ చెప్పారు. కాని ఎనిమిది రోజులు మాత్రమే సభ జరిపి నిరవధికంగా వాయిదా వేశారు. కరోనా వ్యాప్తి నేప‌థ్యంలో బీఏసీ క‌మిటీ సూచ‌న‌, అన్ని ప‌క్షాల స‌భ్యుల విజ్ఞ‌ప్తి మేర‌కు స‌భ‌ను నిర‌వ‌ధికంగా వాయిదా వేయాల్సి వ‌స్తుంద‌ని స్పీక‌ర్ పోచారం ప్ర‌క‌టించారు. అసెంబ్లీ స‌మావేశాల‌కు హాజ‌రైన ఇద్ద‌రు ఎమ్మెల్యేల‌కు, పోలీసు, శాస‌న‌స‌భ సిబ్బందిలో కొంద‌రికి క‌రోనా సోకింద‌న్నారు. మొత్తం 12 బిల్లుల‌పై చ‌ర్చించి స‌భ ఏకగ్రీవంగా ఆమోదం తెలిపింద‌ని స్పీక‌ర్ పోచారం తెలిపారు.   అయితే విపక్షాలు మాత్రం ప్రభుత్వం తీరుపై మండిపడుతున్నాయి. సభలో తమకు కావాల్సిన బిల్లులు పాస్ చేసుకున్న ప్రభుత్వం.. కరోనా సాకుతో సభను వాయిదా వేసిందని ఆరోపిస్తున్నాయి. ఈ సెషన్ లోనే అత్యంత కీలకమైన, సీఎం కేసీఆర్ ప్రతిష్టాత్మకంగా భావిస్తున్న కొత్త రెవిన్యూ చట్టాన్ని ప్రభుత్వం ఆమోదించుకుంది. ప్రైవేట్ విశ్వవిద్యాలయాల బిల్లుకు సభ ఆమోదం తెలిపింది. కీలకమైన టీఎస్- బి పాస్, జీఎస్టీ  సవరణ బిల్లులు ఆమోదం లభించింది. కేంద్రం ప్రతిపాదించిన విద్యుత్ సవరణ చట్టాన్ని వ్యతిరేకిస్తూ  ఉభయ సభల్లో తీర్మానం చేశారు. తమకు కావాల్సిన బిల్లుకు ఆమోదం లభించగానే ప్రభుత్వం వ్యూహాత్మకంగా సభలను వాయిదా వేసిందనే ఆరోపణలు వస్తున్నాయి.    కరోనా భయంతోనే సభను వాయిదా వేయాల్సి వస్తే.. అసలు అసెంబ్లీ సమావేశాలే జరపాల్సి ఉండవద్దని చెబుతున్నారు. ఎందుకంటే అసెంబ్లీ సమావేశాల ప్రారంభానికి రెండు రోజుల ముందే మంత్రి హరీష్ రావుకు కరోనా సోకింది. ఆయనతో కాంటాక్టు ఉన్న కొందరు ఎమ్మెల్యేలు క్వారంటైన్ కు వెళ్లారు. ఇక సమావేశాల రెండో రోజే అసెంబ్లీ సిబ్బందికి కరోనా పాజిటివ్ వచ్చింది. అసెంబ్లీలో పాసులు జారీ చేసిన ఉద్యోగికి కరోనా పాజిటివ్ వచ్చింది. పాజిటివ్‌గా నిర్ధారణ అయిన ఉద్యోగి అసెంబ్లీ సమావేశాల సందర్భంగా విధుల్లో ఉండటంతో ప్రజాప్రతినిధులను కరోనా భయం వెంటాడింది. అతని ద్వారా ఎంతమందికి వైరస్ సోకిందోమోనన్న ఆందోళన వ్యక్తమైంది. అసెంబ్లీ భద్రతా సిబ్బందికి కరోనా టెస్టులు చేయడం లేదనే విమర్శలు వచ్చాయి. అయినా అసెంబ్లీని కొనసాగించింది ప్రభుత్వం.    కరోనా సోకిన మంత్రి హరీష్ రావు కోలుకుని అసెంబ్లీకి వచ్చారు. ప్రభుత్వం మాత్రం కరోనా కారణంతో సభను వాయిదా వేసింది. అసెంబ్లీ సిబ్బందికి కరోనా సోకినా సభ నిర్వహించిన ప్రభుత్వం.. అంతా సర్దుకున్నాకా అసెంబ్లీకి వాయిదా వేయడమేంటనే చర్చ ప్రజల్లోనూ జరుగుతోంది. గతంలోనూ చాలా సార్లు అసెంబ్లీ సమావేశాలపై సీఎం కేసీఆర్ మాట తప్పారని విపక్షాలు ఆరోపిస్తున్నాయి. విపక్షాలు కోరితే ఎన్ని రోజులైనా సభ జరుపుతామని చెప్పడం.. మధ్యలోనే వాయిదా వేసుకుని వెళ్లడం ఆయనకు  అలవాటేనని విపక్ష నేతలు ఆరోపిస్తున్నారు. సభ జరిగితే ప్రభుత్వ వైఫల్యాలపై విపక్ష సభ్యులు ప్రశ్నిస్తారన్న భయంతోనే ప్రభుత్వం అసెంబ్లీని వాయిదా వేసిందని ప్రతిపక్ష సభ్యులు ఆరోపిస్తున్నారు.    అసెంబ్లీ సమావేశాల్లో ఈసారి విపక్షాలు ప్రజాసమస్యలపై గట్టిగానే ప్రభుత్వాన్ని నిలదీసిందనే చర్చ జనాల్లో జరుగుతోంది. భట్టీ విక్రమార్క, కోమటిరెడ్డి రాజగోపాల్ రెడ్డిలు మంత్రులతో వాగ్వాదాలకు దిగారు. ఇక ఎమ్మెల్యే సీతక్క ప్రజా సమస్యలను ప్రస్తావించి ప్రభుత్వాన్ని ఇరుకున పెట్టిందనే అభిప్రాయం వ్యక్తమవుతోంది. సభలో విపక్షాల వాయిస్ పెరిగితే తమకు ఇబ్బంది వస్తుందనే భయంతోనే ప్రభుత్వం అసెంబ్లీని కరోనా కారణంతో తొందరగా ముగించి ఉండవచ్చని రాజకీయ వర్గాల్లోనూ చర్చ జరుగుతోంది.
రాజధాని అమరావతికి కూతవేటు దూరంలో ఉన్న కృష్ణా జిల్లా గన్నవరం నియోజకవర్గం ఎప్పటినుండో టీడీపీకి కంచుకోట. అటువంటి నియాజకవర్గం నుండి టీడీపీ తరుఫున పోటీ చేసి గెలిచిన వల్లభనేని వంశీ తరువాత జరిగిన కొన్ని రాజకీయ పరిణామాలతో సీఎం జగన్ కు జై కొట్టి వైసిపిలో చేరిపోయారు. వైసిపిలో చేరిన తరువాత ఇక్కడి ఎమ్మెల్యే, అలాగే వైసిపి నియోజకవర్గ ఇంచార్జి కూడా తానేనని వంశీ ప్రకటించుకున్న సంగతి తెలిసిందే. అవసరమైతే ఎమ్మెల్యే పదవికి రాజీనామా చేసి వైసిపి తరుఫున పోటీ చేసి గెలిచి సీఎం జగన్ కు గిఫ్ట్ గా ఇస్తానని వంశీ ఒక పక్కన గంభీరమైన ప్రకటనలు చేస్తున్నారు. అయితే వైసిపిలో ఇప్పటికే ఉన్న దుట్టా రామచంద్రరావు, యార్లగడ్డ వెంకట్రావు వర్గాలు మాత్రం ఆసక్తిగా పరిస్థితులను గమనిస్తున్నాయి.   ఇది ఇలా ఉండగా తాజాగా నియోజకవర్గంలో మళ్ళీ ఎన్నిక జరిపితే ఎవరికి ఓటేస్తారనే విషయం పై ఒక సర్వే జరిగింది. అయితే ఈ సర్వేలో కొన్ని షాకింగ్ ఫలితాలు వచ్చాయి. ఇక్కడ ఉప ఎన్నిక కనుక వస్తే.. వైసిపి తరుఫున వంశీ నిలబడితే ఆయనకు వ్యతిరేకంగా ఓటేయడానికి ప్రజలు సిద్ధంగా ఉన్నట్లుగా సర్వేలో వెల్లడైంది. అంతేకాకుండా టీడీపీ తరుఫున ఎవరు పోటీ చేసినా ఆ పార్టీనే గెలిపించుకుంటామని 54 శాతం మంది తెలిపారు. దీనికి గల ప్రధాన కారణాలు.. ఒకటి వంశీ పార్టీ మారినా టీడీపీ కేడర్ ఏమాత్రం చెక్కు చెదరకపోవడంతో పాటు తాము కష్టపడి గెలిపిస్తే తమను పట్టించుకోకుండా కేవలం తన స్వార్ధం కోసం వైసిపిలోకి జంప్ అయ్యాడని గుర్రుగా ఉన్నారట. రెండు.. వైసిపి కేడర్ కూడా పార్టీ పై ఎంత అభిమానం ఉన్నా వంశీ పోకడలు నచ్చకపోవడంతో పాటు ఎప్పటినుండో పార్టీలో ఉన్న కేడర్ పై దాడులు చేయడంతో వారు కూడా వంశీని ఓడించడానికి సిద్ధంగా ఉన్నారట.   తాజాగా జరిపిన సర్వేలో నియోజకవర్గంలోని మొత్తం 3200 మంది నుండి అభిప్రాయాలూ సేకరించారట.. ఈ సర్వేలో టీడీపీకే ఓటు వేస్తాం అని ఏకంగా 54శాతం మంది చెప్పడంతో ప్రస్తుతం వంశీ మీద నియోజకవర్గంలో ఏ స్థాయిలో వ్యతిరేకత ఉందో చెప్పకనే చెపుతోంది. వంశీ పార్టీ మారడానికి కారణాలు ఏవైనా అటు టీడీపీ కేడర్ ఇటు వైసిపి కేడర్ కూడా వంశీని ఓడించడానికి సిద్దమవడం ఒక రకంగా గన్నవరం లో వంశీ పొలిటికల్ లైఫ్ పతనావస్థకు చేరుకున్నట్టేనని రాజకీయ విశ్లేషకులు భావిస్తున్నారు. దీంతో వంశీ పరిస్థితి రెంటికి చెడ్డ రేవడి చందంగా తయారైందని పొలిటికల్ సర్కిల్స్ లో టాక్ వినిపిస్తోంది.
ప్రజాప్రతినిధులు దోషులుగా తేలితే ఎన్నికల్లో పోటీ చేయకుండా జీవితకాలం వారిని నిషేధించాలనే అంశంపై త్వరలో పరిశీలిస్తామని చెప్పింది సుప్రీంకోర్టు. ప్రజాప్రతినిధులపై ఉన్న కేసుల విచారణను ఏడాదిలోపు పూర్తి చేయాలనే పిటిషన్ ను సుప్రీంకోర్టు ధర్మాసనం విచారించింది. ఈ కేసుకు సంబంధించి  అమికస్ క్యూరీగా ఉన్న విజయ్ హన్సారియా సుప్రీంకు నివేదిక అందించారు. దేశంలో ఇప్పటికే ప్రజాప్రతినిధులు, మాజీలకు సంబంధించి 4,400 కేసులు పెండింగ్ లో ఉన్నాయని తన నివేదికలో పేర్కొన్నారు. రాష్ట్రాల హైకోర్టులు ఇచ్చిన సమాచారం మేరకు ఈ నివేదికను తయారు చేసినట్టు తెలిపారు.   తెలంగాణలో 118 కేసులు పెండింగ్ లో ఉన్నాయని... ఒక్క హైదరాబాదులోనే ప్రజాప్రతినిధులపై 13 సీబీఐ కేసులు పెండింగ్ లో ఉన్నాయని అమికస్ క్యూరీ వెల్లడించారు. వీరిలో ఒక ఎమ్మెల్యేకు జీవితఖైదు విధించే స్థాయి కేసు కూడా విచారణలో ఉందని చెప్పారు. ప్రజాప్రతినిధుల కేసుల విచారణకు పలు రాష్ట్రాల్లో ప్రత్యేక కోర్టులను ఏర్పాటు చేశారని... హైదరాబాదులో సీబీఐ, ఈడీ కోర్టుల్లో కేసులు పెండింగ్ లో ఉన్నాయని తెలిపారు. ప్రజాప్రతినిధులపై ఉన్న కేసుల సత్వర విచారణకు జిల్లాకు ఒక ప్రత్యేక కోర్టును ఏర్పాటు చేస్తే బాగుంటుందని అమికస్ క్యూరీ సుప్రీంకోర్టుకు సూచించారు. కర్ణాటక వంటి హైకోర్టుల్లో అవినీతి నిరోధక చట్టం కింద కేసులు ఉన్నాయని... తెలంగాణలో ప్రజాప్రతినిధులపై అవినీతి నిరోధక చట్టం, మనీలాండరింగ్ నిరోధక చట్టాల కింద ప్రజాప్రతినిధులపై కేసులు ఉన్నాయని... వీటిలో కొన్ని కేసులపై తెలంగాణ హైకోర్టు స్టే విధించిందని హన్సారియా తెలిపారు. కొన్ని కేసుల్లో ట్రయల్స్ ప్రారంభం కాలేదని, మరికొన్న కేసుల్లో ఛార్జిషీట్లు ఇంకా వేయలేదని చెప్పారు.   జస్టిస్ ఎన్వీ రమణ నేతృత్వంలోని ధర్మాసనం స్పందిస్తూ, కొన్ని రాష్ట్రాల్లో రెండు, మూడు కేసులు మాత్రమే ఉంటాయని... అలాంటి వాటికి సంబంధించి ఆయా రాష్ట్రాల హైకోర్టులకు కొన్ని ఆదేశాలను జారీ చేస్తామని తెలిపింది. సీబీఐ, ఈడీ నమోదు చేసిన కొన్ని కేసుల్లో విచారణ ఇంకా ప్రారంభం కాలేదని చెప్పింది. కేసు విచారణలకు సంబంధించి అనేక సమస్యలు ఉన్నాయని... పబ్లిక్ ప్రాసిక్యూటర్లను అపాయింట్ చేయకపోవడం, ఛార్జ్ షీట్లు ఫైల్ చేయకపోవడం, సాక్షులను పిలవకపోవడం వంటి సమస్యలు ఉన్నాయని చెప్పారు. రాష్ట్రంలో ఒకే స్పెషల్ కోర్టు ఉంటే నిర్ణీత గడువులోగా దర్యాప్తును ముగించడం కష్టమని వ్యాఖ్యానించింది.   ఒక్కో ప్రత్యేక కోర్టు ఎన్ని కేసులు విచారించాలనే విషయాన్ని సుప్రీం నిర్ణయిస్తే బాగుంటుందని ఈ సొలిసిటర్ జనరల్ మెహతా చెప్పారు. రాష్ట్ర భౌగోళిక పరిస్థితులను దృష్టిలో పెట్టుకుని ఒక్కో స్పెషల్ కోర్టుకు ఎన్ని కేసులు ఇవ్వాలనే విషయాన్ని ఆయా హైకోర్టుల చీఫ్ జస్టిస్ లు నిర్ణయించినా బాగుంటుందన్నారు. ప్రత్యేక కోర్టుల ఏర్పాటు కోసం రాష్ట్రాలకు కేంద్రం నిధులను విడుదల చేసిందని... అయితే అనేక రాష్ట్రాలు ఇంత వరకు యూసీలను పంపలేదని చెప్పారు. జీవితఖైదు శిక్ష పడే కేసులు, అవినీతి నిరోధక చట్టం కిందకు వచ్చే కేసులకు తొలి ప్రధాన్యత ఇవ్వాలని అన్నారు. కోర్టు ఏం చెప్పినా అమలు చేసేందుకు సిద్ధంగా ఉన్నామని చెప్పారు మెహతా. ప్రత్యేక కోర్టులు, మౌలికవసతుల కల్పనకు రెండు నెలల సమయం ఇవ్వాలని కోరారు. దీనిపై  స్పందించిన ధర్మాసనం.. హైకోర్టులు, ట్రయల్ కోర్టులకు రేపటిలోగా కొన్ని ఆదేశాలను జారీ చేస్తామని తెలిపింది.
తిరుపతి ఎంపీ, మాజీ మంత్రి బల్లి దుర్గాప్రసాద్ బుధవారం చెన్నయ్ అపోలో హాస్పిటల్ లో కరోనాకు చికిత్స పొందుతూ కన్నుమూశారు. కొద్దీ రోజుల క్రితం కరోనా బారిన పడిన అయన చెన్నయ్ అపోలో హాస్పిటల్ లో చేరారు. అక్కడ చికిత్స తీసుకుంటూ ఈరోజు సాయంత్రం కన్నుమూశారు. దుర్గాప్రసాద్ 1985లో టీడీపీ వ్యవస్థాపకుడు ఎన్టీఆర్ ప్రోత్సాహంతో రాజకీయ రంగప్రవేశం చేశారు. ఒకపక్క న్యాయవాద వృత్తిలో ఉంటూనే అయన రాజకీయాల్లో ప్రవేశించారు. 28 ఏళ్ల వయసులోనే అసెంబ్లీకి ఎన్నికైన బల్లి దుర్గా ప్రసాద రావు నెల్లూరు జిల్లా గూడురు నియోజకవర్గం నుంచి నాలుగుసార్లు ఎమ్మెల్యేగా, ఒకసారి మంత్రిగా పనిచేశారు. ఆయన స్వస్థలం నెల్లూరు జిల్లా వెంకటగిరి. 1996లో చంద్రబాబు కేబినెట్‌లో విద్యాశాఖ మంత్రిగా కూడా అయన పనిచేశారు. 2019 ఎన్నికలకు ముందు వై‌సీపీలో చేరి తిరుపతి ఎంపీగా ఎన్నికయ్యారు.
నేడు డాక్టర్‌ కోడెల శివప్రసాదరావు మొదటి వర్థంతి. రూపాయి డాక్టరుగా పేదల మనసు గెలిచిన ఆయన.. ఎన్టీఆర్ ఆహ్వానంతో రాజకీయాల్లోకి వచ్చారు. అలనాటి అరాచకాలకు ఎదురు నిలిచి, పల్నాటి గడ్డలో అభివృద్ధికి బాటలు పరిచి.. నరసరావుపేట కి నగిషీలు అద్ది, కోటప్పకొండకు కొత్త రూపు తెచ్చి పల్నాటి పులిగా పేరుతెచ్చుకున్నారు.   గుంటూరు జిల్లా కండ్లగుంట గ్రామంలో 1947 మే 2 వ తేదీన సంజీవయ్య, లక్ష్మీనర్సమ్మ దంపతులకు కోడెల జన్మించారు. వారిది మధ్యతరగతి కుటుంబం. చిన్న తనంలోనే తోబుట్టువులు అనారోగ్యంతో చనిపోవడం కోడెలను తీవ్రంగా కలిచివేచింది. ఆ విషాదమే ఆయనలో డాక్టర్ కావాలనే ఆలోచనకు బీజం వేసింది. ఆర్థిక స్తోమత అంతంతమాత్రమే ఉన్నా.. ఆయన తాతగారి ప్రోత్సాహంతో వైద్య విద్యనభ్యసించారు.   పల్నాడు ప్రాంత పేదప్రజలకు వైద్యసేవలు అందించాలని నరసరావుపేటలోని రాజాగారికోటలో ఆసుపత్రి నెలకొల్పి వైద్యవృత్తిని చేపట్టారు కోడెల. ఆయన దగ్గరకు గ్రామీణ ప్రాంతాలకు చెందిన పేదవారు అధికంగా వచ్చేవారు. వైద్యవృత్తిని ఎప్పుడూ కోడెల సంపాదన మార్గంగా చూడలేదు. అందుకే ఆపదలో ఉన్నవారు జేబులో డబ్బు ఉందా లేదా అని ఆలోచించకుండా డాక్టరు కోడెల ఉన్నారన్న ధైర్యంతో ఆసుపత్రి గడప తొక్కేవారు. ఆయన పేదల డాక్టరుగా, రూపాయి డాక్టరుగా ఎందరో హృదయాల్లో స్థానం సంపాదించుకున్నారు.   తెలుగుదేశం పార్టీ వ్యవస్థాపకులు ఎన్టీఆర్ దృష్టి కోడెల సేవపై పడి, 1983లో పార్టీలోకి ఆహ్యానించారు. రాజకీయాల ద్వారా ప్రజలకు మరింత సేవ చేయాలన్న తలంపుతో ఎన్టీఆర్ పిలుపు మేరకు కోడెల తెలుగుదేశంలో చేరారు. మొదటిసారిగా ఆయన నరసరావుపేట నియోజకవర్గం నుంచి ఎమ్మెల్యేగా విజయం సాధించారు. ఒకవైపు ఎమ్మెల్యేగా పనుల వత్తిడిలో ఉంటూనే, మరోవైపు ప్రజలకు వైద్యసేవలు అందించేవారు. 1983 నుంచి 1999 వరకు ఐదు సార్లు వరుసగా నరసరావుపేట నుంచి ఎమ్మెల్యేగా ఎన్నికై రికార్డు సృష్టించారు. ఎన్టీఆర్‌, చంద్రబాబు మంత్రి వర్గాల్లో పనిచేశారు. రాష్ట్ర విభజన తరువాత నవ్యాంధ్రప్రదేశ్‌ తొలి శాసన స్పీకర్ గా పనిచేశారు.    ప్రభుత్వంలో ఉన్నా, విపక్షంలో ఉన్నా ప్రజా సమస్యలపై ఆయన రాజీ లేని పోరాటం చేశారు. వైఎస్‌ హయాంలో రైతుల కోసం గొంతెత్తి లాఠీ దెబ్బలు తిని.. జైలుకు వెళ్లారు. కోటప్పకొండ పవిత్రతను కాపాడాలంటూ నరసరావుపేట నుంచి కొండపైదాకా నడిచారు. కోటప్పకొండ ఆలయ అభివృద్ధికి కోడెల ఎంతో కృషి చేశారు.   స్వచ్ఛఆంధ్రప్రదేశ్ కన్వీనర్‌గా నరసరావుపేట, సత్తెనపల్లిలో రికార్డుస్థాయిలో స్వచ్ఛ కార్యక్రమాలు నిర్వహించారు. స్వచ్ఛఆంధ్రప్రదేశ్ లో భాగంగా కోడెల సత్తెనపల్లి నియోజకవర్గంలో లక్ష మరుగుదొడ్లు నిర్మించి, లిమ్కా బుక్ ఆఫ్ రికార్డులో చోటు సాధించారు. వ్యక్తిగత మరుగుదొడ్లు, శ్మశానవాటికలు, స్వచ్ఛ భారత్‌ వంటి కార్యక్రమాల్లో చొరవ చూపించి దేశానికే ఈ నియోజకవర్గం ఒక దిక్సూచిగా నిలిపారు.   ప్రతి సంవత్సరం ఆయన పుట్టినరోజు సందర్భంగా, వేడుకలు జరుపుకోకుండా, ఏదో ఒక సామాజిక సేవ చేయడం కోడెల ఆనవాయితీ. పుట్టినరోజు సందర్భంగా ఒకసారి 50 వేల ఇంకుడు గుంతలు తవ్వించి రికార్డు సృష్టించారు. 2017 మే 2న కోడెల పుట్టినరోజు సందర్భంగా నరసరావుపేటలో పదివేల మందికి పైగా అవయవదాన పత్రాలు సమర్పించే సేవా కార్యక్రమం నిర్వహించారు. 11,987 మంది గుంటూరు జిల్లా ప్రజలు అవయవదానానికి అంగీకారం తెలిపి గిన్నీస్‌ రికార్డు సృష్టించారు.   టీడీపీ అధికారంలో ఉన్నా, ప్రతిపక్షంలో కూర్చోవాల్సి వచ్చినా ఆయన ఎన్నడూ కండువా మార్చలేదు. 36 ఏళ్లు టీడీపీలోనే ఉన్నారు. పార్టీ మారమని ఎవరు ఎన్ని ఇబ్బందులు పెట్టినా, వ్యక్తిగతంగా కించపరచినా ఎప్పుడూ పార్టీ మారలేదు. డాక్టర్ గా, రాజకీయ నాయకుడిగా.. నరసరావుపేట, సత్తెనపల్లి నియోజకవర్గాల్లో ఎంతో సేవ చేసి.. పేదల మనిషిగా, పల్నాటిపులిగా పేరు తెచ్చుకున్న ఆయన.. కొందరు ఆయనపై వేసిన నిందలను, తప్పుడు ప్రచారాలను తట్టులోలేక.. మానసికంగా కృంగిపోయి.. గతేడాది ఇదే రోజున అవమానలను భరించలేక పరువుకోసం ప్రాణం తీసుకున్నారు.
డా.కోడెల శివప్రసాద రావు మొదటి వర్థంతి సందర్భంగా హిందూపురం ఎమ్మెల్యే, నందమూరి బాలకృష్ణ ఘన నివాళులు అర్పించారు.   నేడు కోడెల శివ ప్రసాద రావు మొదటి వర్థంతి సందర్భంగా, బసవతారకం ఇండో అమెరికన్ క్యాన్సర్ హాస్పిటల్ మరియు రీసెర్చి ఇన్సిస్టిట్యూట్ లో దివంగత నేత సంస్మరణ సభ నిర్వహించారు. ఈ కార్యక్రమంలో బాలకృష్ణ తో పాటు హాస్పిటల్ వైద్యులు, సిబ్బంది తదితరులు పాల్గొన్నారు. కోడెల చిత్రపటానికి పూల మాలలు వేసి నివాళులు అర్పిచారు.   ఈ సందర్భంగా బాలకృష్ణ మాట్లాడుతూ.. స్వర్గీయ డా. కోడెల శివ ప్రసాద రావు తెలుగుదేశం పార్టీలో చేరిన నాటి నుండి సమాజానికి సేవ చేయాలన్న పడ్డ తపన, చేపట్టిన కార్యక్రమాలు ఆయనను చిరస్మరణీయునిగా మిగిల్చాయని గుర్తు చేసుకొన్నారు. నిబద్దత కలిగిన కార్యకర్తగా, నాయకునిగా తన నియోజకవర్గమే కాకుండా రాష్ట్రాభివృద్దిలో ఆయన కీలక పాత్ర పోషించారని అన్నారు. క్యాన్సర్ హాస్పిటల్ స్థాపన లోనూ కోడెల సేవలు చరిత్రలో నిలిచిపోతాయని, అటువంటి మహనీయుల ఆశయాలను కొనసాగించాల్సిన భాద్యత అందరిపై ఉందని పేర్కొన్నారు. మొదటి వర్థంతి సందర్భంగా కోడెల కుటుంభ సభ్యులకు బాలకృష్ణ ప్రగాడ సానుభూతి తెలిపారు. ఈ సందర్భంగా కార్యక్రమానికి హాజరైన రోగులు, హౌస్ కీపింగ్, సెక్యూరిటీ తదితర సిబ్బందికి బాలకృష్ణ అన్నదానం చేశారు.

అధ్య‌క్షా.. నాకు సెల‌వు కావాలి!

పార్ల‌మెంటు మొద‌లై ప‌ట్టుమ‌ని మూడు రోజులు కూడా కాలేదు. ఆదిలోనే హంస‌పాదు ఎదుర‌వుతున్న‌ది. ఎంపీల్లో చాలామంది పార్ల‌మెంటుకి హాజ‌ర‌య్యేందుకు బొత్తిగా ఇష్ట‌ప‌డ‌టం లేదు. క‌రోనా వైర‌స్ ఏమాత్రం జాలి లేకుండా త‌న మానాన తాను దూకుడుగా ఎగిరి గంతేస్తున్న ఈ త‌రుణంలో ఎవ‌రికి వారు మేక‌పోతు గాంభీర్యం ప్ర‌ద‌ర్శిస్తూ పార్ల‌మెంటుకి వ‌స్తున్న‌ట్టు అనిపిస్తున్న‌ది. బుధ‌వారం మాజీ ప్ర‌ధాన‌మంత్రి మ‌న్మోహ‌న్ సింగ్, మాజీ ఆర్ధిక మంత్రి చిదంబ‌రంతో స‌హా డ‌జ‌నుకు పైగా ఎంపీలు సెల‌వు చీటీలు స‌మ‌ర్పించారు. వ‌యోభారం వ‌ల్ల స‌మావేశాల‌కు రాలేక‌పోతున్నారా అంటే అదేమీ కాదు. క‌రోనా కార‌ణంగా ముందు జాగ్ర‌త్త చ‌ర్య‌ల‌తోనే వారీ నిర్ణ‌యానికొచ్చారు. మ‌న్మోహ‌న్ సింగ్ వ‌య‌స్సు 87 ఏళ్లు. అందువ‌ల్ల ఆయ‌న అవ‌స్ధ‌ని అర్ధం చేసుకోవ‌చ్చు. ఎక్కువ వ‌య‌స్సున్న వాళ్ల‌ని క‌రోనా అతి సునాయాసంగా ఆక‌ర్షిస్తున్న‌ద‌న్న వైద్యుల అప్ర‌మ‌త్త‌త నేప‌థ్యంలో మ‌న్మోహ‌న్ సింగ్ సెల‌వు పెట్ట‌డాన్ని పెద్ద‌గా అభ్యంత‌ర‌పెట్ట‌లేము. ఇక చిదంబ‌రం. ఆయ‌నకు 75 ఏళ్లు. కాబ‌ట్టి చిదంబ‌రానికీ మిన‌హాయింపు ఇవ్వొచ్చు. ఇలాంటి పెద్ద‌లు ఈ స‌మావేశాల చివ‌రి దాకా సెల‌వు అడిగారు. వీళ్లే కాదు. వైకాపా త‌ర‌పున రాజ్య‌స‌భ‌కు ఎన్నికైన పిర‌మ‌ల్ న‌త్వానీ కూడా సెల‌వు పెట్టారు. ఇలా మొత్తంమీద ప‌ద‌మూడు మంది దాకా సెల‌వు బాట‌లో ఉన్నారు. రాజ్య‌స‌భ చైర్మ‌న్ వెంక‌య్య నాయుడు వీరంద‌రికీ సెల‌వు మంజూరు చేశారు. మ‌రి రేప‌ట్నుంచి ఇంకా ఎంత‌మంది ఇదే బాట‌లో ప‌య‌నిస్తారో తెలీదు.    ఇటు రాజ్య‌స‌భ‌, అటు లోక్‌స‌భ ఇలా సెల‌వుల ప‌ర్వంలో ఉంటే స‌మావేశాలు స‌జావుగా సాగుతాయా అన్న సందేహాలున్నాయి. అయితే ప్ర‌స్తుతం ఉభ‌య స‌భ‌లు అటు సంఖ్యాప‌రంగానే కుదించుకున్నాయి. పూర్తి స్ధాయిలో స‌భ్యులు హాజ‌రు కావ‌డం లేదు. అలాగే ప్ర‌శ్నోత్త‌రాలు ఎత్తేశారు. ఇలా కీల‌క‌మైన స‌భా కార్య‌క్ర‌మాల‌నే కుదించాల్సి వ‌చ్చింది. మ‌రి రాజ్యాంగ నియ‌మాల ప్ర‌కారం పార్ల‌మెంటు జ‌ర‌పాలి. పెండింగ్ బిల్లులు ఉంటాయి. వాటిని ఆమోదించి చ‌ట్ట‌రూపం తేవాలి. అవి నిజానికి చాలా ముఖ్యమైన‌విగా ఉంటాయి. కాని అవ‌త‌ల క‌రోనా ప‌రిస్థితి అలా ఉన్న‌ప్పుడు ప్ర‌భుత్వం కూడా మ‌మ అనే ప‌ద్ద‌తిలోనే స‌భ‌ను సాగిస్తున్న‌ది. అందువ‌ల్ల ఎంత‌మంది స‌భ్యులు సెల‌వులు పెట్టినా స‌భ‌లో పూర్తి చేయాల్సిన ప్ర‌భుత్వ‌ప‌ర‌మైన కార్య‌క్ర‌మాలు పూర్తి చేయ‌డానికి పెద్ద‌గా అడ్డంకులు ఏవీ ఉండ‌క‌పోవ‌చ్చు. ఎటొచ్చీ స‌మావేశాల చివ‌రిదాకా ఎంత‌మంది స‌భ‌లో నిలుస్తార‌న్న‌దే ప్ర‌శ్న‌. తామెవ్వ‌రం లేకుండా బిల్లులు ఆమోదించ‌డానికి వీల్లేద‌ని ఎంత‌మంది అడ‌గ‌గ‌ల‌రు? అడిగితే ప్ర‌భుత్వం మిన్న‌కుంటుందా? అవ్వా కావాలి..బువ్వా కావాలి అంటే కుద‌ర‌దు..అవ‌త‌ల క‌రోనాకి లీవూ మీరే అడుగుతారు..మ‌ళ్లీ బిల్లుల మీద చ‌ర్చ‌లో మీరే ఉండాల‌ని అడుగుతారా అంటూ ఎదురుదాడి చెయ్య‌దా? -రాజా రామ్మోహ‌న్ రాయ్‌

జ‌యా బ‌చ్చ‌న్‌ అగ్గిమీద‌ గుగ్గిలం!

జ‌యాబ‌చ్చ‌న్‌..డెబ్బ‌య్ రెండేళ్ల రాజ్య‌స‌భ స‌భ్యురాలు..అంటే పెద్ద‌ల స‌భ‌లో స‌భ్యురాల‌న్న మాట‌. అంటే ఆమె ఏమి చెప్పినా పెద్ద‌రికంతో చెప్పిన‌ట్ట‌న్న‌మాట‌! పెద్ద‌రికంతో చెప్పాలి కాబ‌ట్టి..క‌నీసం అలా చెప్పిన‌ట్ట‌యినా అనిపించాలి కాబ‌ట్టేమో ఆమె ఆచితూచి మాట్లాడుతుంటారు. ఆమాట‌కొస్తే ఆచితూచే స‌భ‌కూ వ‌స్తుంటారు. ఇంకా స్ప‌ష్టంగా చెప్పాలంటే ఏదైనా చెప్పాల‌నుకున్న‌ప్పుడే స‌భ‌కు వ‌స్తుంటార‌ని అనుకునేవాళ్లూ ఉన్నారు! అలానే మంగ‌ళ‌వారం నాడు స‌భ‌కి వ‌చ్చారు. ఆమె వ‌చ్చారంటే ఏదో పెద్ద విష‌య‌మే ఆమె మాట్లాడ‌తార‌ని అనుకోవ‌చ్చు. అలాగే ఒక పెద్ద విష‌య‌మే లేవ‌నెత్తారు. ఏదో కొంద‌రి కార‌ణంగా సినిమా ప‌రిశ్ర‌మ మొత్తాన్ని భ్ర‌ష్టు ప‌ట్టిస్తున్నార‌ని ఆమె ఆక్రోశించారు. ముఖ్యంగా బీజేపీ ఎంపీ,భోజ్‌పురి న‌టుడు ర‌వి కిష‌న్ మీద అగ్గిగుగ్గిల‌మే అయ్యారు. సినీ ప‌రిశ్ర‌మ అన‌గానే సోష‌ల్ మీడియా ఒంటికాలికి మీదికి లేస్తుంద‌ని, ప్ర‌భుత్వం సినీ ప‌రిశ్ర‌మ‌కు వీస‌మెత్తు మ‌ద్ద‌తుగా నిల‌వ‌డం లేద‌ని ఆమె దుయ్య‌బ‌ట్టారు.   బాలీవుడ్‌లో డ్ర‌గ్స్ క‌ల‌క‌లం చెల‌రేగి సంచ‌ల‌నంగా మారిన నేప‌థ్యంలో ఆమె ఆవేశం క‌ట్ట‌లు తెంచుకుంటున్న‌ది. మాద‌క ద్ర‌వ్యాల‌ను ఎవ‌రో కొంద‌రు వాడుతున్నంత మాత్రాన మొత్తం ప‌రిశ్ర‌మ‌నే వేలెత్తి చూపుతారా అన్న‌ది ఆమె ప్ర‌శ్న‌. అంత సీనియ‌ర్ స‌భ్యురాలు స‌భ‌లో ఈ అంశాన్ని ఈ కోణంలో ప్ర‌స్తావించ‌డాన్ని సినీ అభిమానులు ఏమాత్రం జీర్ణం చేసుకోలేక‌పోతున్నారు. సినీ ప‌రిశ్ర‌మ‌లోని డ్ర‌గ్స్ మాఫియా భ‌ర‌తం ప‌ట్టాల‌ని ఆమె డిమాండ్ చేసి ఉంటే యావ‌త్ ప్ర‌జానీకం సంతోషించి ఉండేవారు. సుశాంత్ లాంటి యువ‌త‌రాన్ని బ‌ల‌గొంటున్న డ్ర‌గ్స్ మాఫియా ఊసెత్త‌కుండా దాన్ని ఎవ‌రో కొంద‌రికే ప‌రిమిత‌మైన అంశంగా ఆమె భావించ‌డం రాజ్య‌స‌భ స‌భ్యురాలిగా ఆమె స్ధాయికి త‌గిన‌ట్టుగా లేద‌న్న భావ‌న వ్య‌క్త‌మ‌వుతున్న‌ది. మ‌రో న‌టి కంగ‌నా ర‌నౌత్ ఇప్ప‌టికే కొంద‌రి పేర్లు ప్ర‌స్తావించి, వారు ర‌క్త‌ప‌రీక్ష‌లు చేయించుకుని అంద‌రికీ ఆద‌ర్శంగా ఉండాల‌ని ఇచ్చిన పిలుపికి జ‌యాబ‌చ్చ‌న్ ఏమాత్రం స్పందించ‌క‌పోవ‌డం ఇక్క‌డ గుర్తించాల్సిన అంశం. కంగ‌నా ర‌నౌత్ బ‌హిరంగంగా పేర్లు ప్ర‌స్తావించిన‌ప్పుడు యావ‌త్ బాలీవుడ్ మౌన‌మే వ‌హించింది. అంటే దాన‌ర్ధం ఏమిటి? ఆ పెద్ద‌వాళ్ల గొడ‌వ‌లో వేలు పెట్ట‌డం ఇష్టం లేద‌నా? లేక కంగ‌నా లేవ‌నెత్తిన అంశంలో వాస్త‌వం ఉంద‌నా? ఇంకా చెప్పాలంటే సినీప‌రిశ్ర‌మ‌లో డ్ర‌గ్స్ మాఫియా గురించి కంగ‌నాయే ధైర్యంగా నోరెత్తింది. ఆమెకి త‌గినంత మ‌ద్ద‌తు రాలేదు.    ఇంక మ‌రో విష‌యం. కంగ‌నా ర‌నౌత్ ముంబాయి ఆఫీసు వివాదాస్ప‌ద‌మై ఇర‌వై నాలుగ్గంట‌ల్లో ముంబాయ్ మున్సిప‌ల్ కార్పొరేష‌న్ అధికారులు ఆమె ఆఫీసు భ‌వ‌నంలో కొంత భాగాన్ని ఆగ‌మేఘాల మీద కూల్చివేసిన‌ప్పుడూ జ‌యాబ‌చ్చ‌న్ నోరు మెద‌ప‌లేదు. మ‌రి కంగ‌నా ర‌నౌత్ కూడా సినీ ప‌రిశ్ర‌మ‌లోని ప్ర‌ముఖ న‌టి, ద‌ర్శ‌కురాలు, నిర్మాత‌గా ఎదిగింది. త‌న‌కంటూ సొంత వ్య‌క్తిత్వంతో బాలీవుడ్‌లో నిల‌బ‌డింది. అటువంటి న‌టికి సంఘీభావంగా నిల‌బ‌డాల్సిన స్ధాయిలో ఉండి కూడా జ‌యాబ‌చ్చ‌న్ అస‌లా అంశం త‌న‌కు సంబంధించ‌నిదిగానే వ్య‌వ‌హ‌రించారు. కంగ‌నా ర‌నౌత్ మ‌హ‌రాష్ట్ర ప్ర‌భుత్వంతోనే యుద్దానికి త‌ల‌ప‌డ్డారు. ముఖ్య‌మంత్రి ఉద్ద‌వ్ థాక్రే కుమారడు ఆదిత్య థాక్రేకు మాద‌క ద్ర‌వ్యాల మాఫియాతో లింకులు న్నాయ‌ని ఆమె నేరుగా ఆరోపించారు. అయితే అది ప్ర‌భుత్వంతో ముడిప‌డి ఉన్న అంశం అయినందున జ‌యాబ‌చ్చ‌న్ ఆ విష‌యం జోలికి వెళ్ల‌లేదు. నిజానికి రాజ్య‌స‌భ‌లో ఆమె ఈ అంశాన్ని కూడా ప్ర‌స్తావించి ఉండాల్సింది. ద‌ర్యాప్తుకి డిమాండ్ చేసి ఉండొచ్చు. కంగ‌నా ర‌నౌత్ మీద రాజ‌కీయ ప్ర‌తీకార చ‌ర్య‌ల్ని నిలువ‌రించాల‌ని గొంతెత్తి ఉండాల్సింది. కాని ఇవేమీ జ‌ర‌గ‌లేదు. సినీ ప‌రిశ్ర‌మ గురించి ఒక సినీ న‌టుడే అలా మాట్లాడ‌టం శోచ‌నీయం అంటూ ర‌వి కిష‌న్ వ్యాఖ్య‌ల గురించి ప్ర‌స్తావించారు. బాలీవుడ్‌లో డ్ర‌గ్స్ తీవ్ర‌త గురించి ఎప్ప‌టిక‌ప్పుడు జ‌రుగుతున్న ప‌రిణామాల గురించి ప్ర‌సారం చేస్తున్న ప్ర‌సార మాధ్య‌మాల‌ను ఆమె త‌ప్పుబ‌డుతున్నారు.    జ‌రుగుతున్న వాస్త‌వాల‌ను అర‌చెయ్యి అడ్డుపెట్టా ఆపాల‌ని ఆమె భావిస్తున్న‌ట్టు అనిపిస్తున్న‌ది. సుశాంత్ మ‌ర‌ణం కేసు ఎన్నెన్ని మ‌లుపులు తిరుగుతున్న‌దో ఆమెకి తెలీద‌ని అనుకోలేము. అలా మ‌లుపులు తిర‌గ‌డంలోని ఉచితానుచితాల గురించీ ఆమెకు ప్రాథ‌మిక స‌మాచారమైనా తెలీద‌నీ భావించ‌లేము. సుశాంత్ కేసులో అది హ‌త్యా? ఆత్మ‌హ‌త్యా? అని తేల్చాల్సిన త‌రుణంలో కేసు ఆ ప‌రిధిని ఎప్పుడో దాటిపోయిన‌ట్టు అనిపిస్తున్న‌ది. ఎందుక‌లా జ‌రిగిందో ఎవ్వ‌రూ అడ‌గ‌డం లేదు. ఇప్పుడ‌ది మాద‌క ద్ర‌వ్యాల వాడ‌కం ద‌గ్గ‌ర‌కొచ్చి రియాను, ఆమె సోద‌రుణ్ని అరెస్టు ఘ‌ట్టం ద‌గ్గ‌ర‌కి తీసుకెళ్లి ఆపింది. ఇన్ని మ‌లుపుల నేప‌థ్యంలో జ‌యాబ‌చ్చ‌న్ సినీప‌రిశ్ర‌మ ద‌య‌నీయ‌ప‌రిస్థితి గురించి ఆందోళ‌న ప‌డ‌టం క‌న్నా, నిజానిజాల వెలికితీత‌కు ప‌ట్టుబ‌ట్టి ఉండాల్సింది! -రాజా రామ్మోహ‌న్ రాయ్‌

రియా చాలా చెప్పింది.. ఆ త‌ర్వాత‌..?

బాలీవుడ్ న‌టుడు సుశాంత్ రాజ్‌పుత్ మ‌ర‌ణం ఎన్నెన్ని సంచ‌ల‌నాలకు సాక్షీభూత‌మైంది! ఎన్నెన్ని మ‌లుపులు తిరుగుతున్న‌ది! ఎంతెంత మందిని బైటికి తీస్తున్న‌ది! ఇదంతా ఒక క్ర‌యిమ్ థ్రిల్ల‌ర్ బాలీవుడ్ సినిమాను త‌ల‌పిస్తున్న‌ది. ప్ర‌ధానంగా రియా చ‌క్ర‌వ‌ర్తి తెర‌మీదికొచ్చింది. ఆమె సుశాంత్ ప్రియురాలిగా ముద్ర‌ప‌డి అనుమానాస్ప‌ద స్వార్ధ‌పూరిత చ‌ర్య‌ల‌తో సుశాంత్ మ‌ర‌ణానికి కార‌ణ‌మైంద‌న్న అభియోగాన్ని ఎదుర్కొంటున్న‌ది. ఇదంతా స‌రే. రోజువారీ ప‌రిణామాలు తెలుస్తూనే ఉన్నాయి. సుశాంత్ మ‌ర‌ణం హ‌త్యా? ఆత్మ‌హ‌త్యా? అన్న‌ది తేల్చేందుకు మొద‌లైన ఈ కేసు ద‌ర్యాప్తు బీహార్‌, మ‌హ‌రాష్ట్ర పోలీసుల మ‌ధ్య భేదాభిప్రాయాల‌తో ఇంకొన్ని మ‌లుపులు తిరిగి చివ‌రికి డ్రగ్స్ బాట ప‌ట్టింది. సుశాంత్ మ‌ర‌ణంతో బాలీవుడ్ లోని కొంద‌రు ప్ర‌ముఖుల పేర్లు గాలిలో ఊగిస‌లాడాయి. కొంద‌రు తెగువ క‌లిగిన వారైతే కొన్ని పేర్లు బ‌య‌ట పెట్టారు కూడా. అందులోని నిజానిజాలు నిర్ధార‌ణ కావాల్సి ఉంది. అలాగే డ్ర‌గ్స్ కేసులోనూ చాలా పేర్లు తెర‌మీదికొస్తున్నాయి. రియా చ‌క్ర‌వ‌ర్తి చెబుతున్న జాబితాలో ప్ర‌ముఖంగా తెలుగు హీరోయిన్ రకుల్ పేరు వ‌చ్చింది. వాళ్లిద్ద‌రూ ముంబాయ్ లో క‌లిసి దిగిన ఫోటోలు కూడా బ‌హిరంగ‌మ‌య్యాయి.    సుశాంత్ కు చెందిన ఒక ఫామ్ హౌజ్‌లో బాలీవుడ్, తాలీవుడ్ ప్ర‌ముఖులు త‌ర‌చూ క‌లిసి పార్టీలు చేసుకుంటుంటార‌ని రియా చెప్పింది. ఆ పార్టీల్లో మాద‌క‌ద్ర‌వ్యాల‌ను తీసుకుంటార‌ని కూడా చెప్పింది. ఇదేదో రియా ఇప్పుడు ఒక అండ‌పిండ బ్ర‌హ్మాండాన్ని బ‌ద్ద‌లు చేసింద‌ని భావించ‌న‌క్క‌ర్లేదు. ఇది బ‌హిరంగ ర‌హ‌స్య‌మే. సినీన‌టులు, ఇంకా చెప్పాలంటే ఈనాటి టీవీ న‌టులు య‌థేచ్చ‌గా మాద‌క ద్ర‌వ్యాల‌ను వాడుతున్నారు. త‌మ గ్లామ‌ర్ పెంచుకోవ‌డానికి అవి వాడ‌క త‌ప్ప‌ద‌ని కొంద‌రు బాహాటంగానే ప్ర‌క‌ట‌న‌లిచ్చారు. కొద్దిపాటి మోతాదులో వాటిని తీసుకోవ‌డం నేరం కాద‌ని కూడా వారు త‌మ చ‌ర్య‌ల్ని స‌మ‌ర్ధించుకుంటున్నారు. ఇదంతా ప‌క్క‌న బెడితే రియా చ‌క్ర‌వ‌ర్తి చెబుతున్న పేర్ల మీద మాద‌క‌ద్రవ్యాల నిరోధ‌క శాఖ అధికారులు ఎలాంటి చ‌ర్య‌లు తీసుకుంటార‌నేది ఇక్క‌డ ముఖ్యాంశం. నిన్న‌టికి నిన్న ఈ కేసు విచారిస్తున్న సంబంధిత శాఖాధికారి త‌మ జాబితాలో బాలీవుడ్ ప్ర‌ముఖుల పేర్లేవీ లేవ‌ని స్ప‌ష్ట‌త‌నిచ్చారు. తాము కేవ‌లం మ‌త్తు ప‌దార్ధాల ఏజెంట్ల‌ను, త‌యీరీదార్ల‌ను, స‌ర‌ఫ‌రాదార్ల‌ను మాత్ర‌మే ప‌ట్టుకుంటున్నామ‌ని, వారిమీదే నిఘా ఉంచామ‌ని వెల్ల‌డించారు. ఇది చాలా కీల‌క ప్ర‌కట‌న‌. మ‌రి రియా చెప్పే పేర్ల సంగ‌తేమిటి? సుశాంత్ మ‌ర‌ణం కేసుని దాని ప‌రిధిని దాటించి మ‌త్తుప‌దార్ధాల వైపుకి మ‌ళ్లించారు. పోనీ మ‌త్తుప‌దార్ధాలు సేవిస్తున్న వారి ఆట క‌ట్టిస్తారా అంటే తాము చేయాల్సింది అది కాద‌ని అధికారులే చెబుతున్నారు.    2017లో  తెలంగాణా రాష్ట్రంలోనూ తెలుగు సినీ న‌టులు మాద‌క ద్ర‌వ్యాలు వాడుతున్నార‌న్న కేసు కొద్ది వారాల పాటు హ‌ల్ చ‌ల్ చేసింది. పూరీ జ‌గ‌న్నాధ్‌, ఛార్మి, న‌వ‌దీప్‌, త‌రుణ్‌, సుబ్బ‌రాజు, సినిమాటోగ్రాఫ‌ర్ శ్యామ్ కె.నాయుడు త‌దిత‌రుల్ని ప్ర‌త్యేక ద‌ర్యాప్తు టీమ్ విచారించింది. అప్ప‌ట్లో అది పెద్ద సంచ‌ల‌నం. ఏరోజుకారోజు ద‌ర్యాప్తుకి పిలిచిన వారిని అరెస్టు చేస్తార‌న్న ఉత్కంఠ‌. కాని అది అతి తేలిగ్గా అట‌కెక్కింది. మాద‌క‌ద్రవ్యాలు తీసుకునే వారు నేర‌స్ధులు కార‌న్న సిద్దాంతాన్ని తెర‌మీదికి తెచ్చారు. కేవలం వీరికి స‌రఫ‌రా చేసిన‌వారిని క‌నుగొనేందుకే వారిని పిలిచి ప్ర‌శ్నించిన‌ట్టు తేల్చేశారు.    ఇప్పుడు రియా డ్ర‌గ్స్ కేసు ఎటు వెళ్ల‌బోతోంది? ఆమెని అరెస్టు చేశారు. ఆమె సుశాంత్‌కి మాద‌క ద్ర‌వ్యాలు ఇచ్చింద‌న్న‌ది అభియోగం. ఒక‌వంక స్వ‌ల్ప మోతాదులో అది తీసుకోవ‌డం నేరం కాదంటున్నారు. మ‌రి ఆమె అత‌డికి స్వ‌ల్ప మోతాదులోనే తెప్పించి ఇచ్చానంటున్న‌ది. దానివ‌ల్లే సుశాంత్ మ‌ర‌ణించాడ‌ని ద‌ర్యాప్తు సంస్ధ‌లు తేలుస్తాయా? సుశాంత్‌ని మాన‌సికంగా వ‌త్తిడికి గురిచేసి, అత‌డికి సినిమా అవ‌కాశాలు రాకుండా చేశార‌న్న ఒక ప్రధాన అభియోగం ఎటు పోయిన‌ట్టు? అది వ‌దిలేసి, సుశాంత్ తండ్రి ఇచ్చిన ఫిర్యాదుతో రియా మీద నిఘా పెట్టారు. సుశాంత్ మ‌ర‌ణించాక అత‌ని బ్యాంకు అకౌంట్ నుంచి కొన్ని కోట్లు మాయ‌మ‌య్యాయి. ఇది రియా ప‌నేన‌ని సుశాంత్ తండ్రి అభియోగం. ఆ ప్ర‌కారం పోలీసులు ఆమె మీద నిఘా పెట్టారు. చివ‌రికి అది మాద‌క ద్ర‌వ్యాల వైపు మ‌ళ్లింది. అంటే ఇప్ప‌టికి రెండు మ‌లుపులు తిరిగిన‌ట్టు. ఇంకా ఎన్ని మ‌లుపులు తిరుగుతంది?  మాద‌క ద్ర‌వ్యాలు తీసుకునే ప్ర‌ముఖ హీరోలు, ద‌ర్శ‌క‌లు పేర్లు సోష‌ల్ మీడియాలో వ‌చ్చేస్తున్నాయి. కంగ‌నా ర‌నౌత్ ప‌రోక్ష ప్రస్తావ‌న‌లో కొన్ని పేర్లు తెర‌మీదికి తెచ్చింది. కాని వారికి ఏమీ కాదు. కేవ‌లం రియాకు మాత్ర‌మే ఇది నేరంగా వ‌ర్తిస్తుంది. మ‌న చ‌ట్టాల్లోని లొసుగులు క్ర‌మ‌క్ర‌మంగా ప్ర‌జ‌ల‌కు అర్ధ‌మ‌వుతున్నాయ్‌! -రాజా రామ్మోహ‌న్ రాయ్‌

శ్రియ 'గ‌మ‌నం'లో నిత్యా మీన‌న్ స్పెష‌ల్ అప్పీరెన్స్‌

  లేడీ డైరెక్ట‌ర్ సుజ‌నా రావు డైరెక్ట్ చేస్తోన్న‌ తొలి చిత్రం 'గ‌మ‌నం' తెలుగు, త‌మిళ, క‌న్న‌డ‌, మ‌ల‌యాళం, హిందీ భాష‌ల్లో పాన్ ఇండియా ఫిల్మ్‌గా నిర్మాణ‌మ‌వుతోంది. రియ‌ల్ లైఫ్ డ్రామాగా 'గ‌మ‌నం' రూపొందుతోంది. గాయ‌ని శైల‌పుత్రీ దేవి అనే ప్ర‌త్యేక పాత్ర పోషిస్తోన్న నిత్యా మీన‌న్ ఫ‌స్ట్ లుక్ పోస్ట‌ర్‌ను శుక్ర‌వారం హీరో శ‌ర్వానంద్ ఆవిష్క‌రించారు. పోస్ట‌ర్‌లో శాస్త్రీయ గాయ‌నిగా ప‌ట్టుచీర ధ‌రించి ఒక క‌చేరీలో గానం చేస్తున్న నిత్యా మీన‌న్ ముఖంలో అంద‌మైన చిరున‌వ్వుతో పాటు ఒక దైవ‌త్వం కూడా గోచ‌రిస్తోంది. క‌థ‌లో నిత్య స్పెష‌ల్ అప్పీరెన్స్ ప్రాధాన్యం ఏమిట‌నేది ఆస‌క్తిక‌రం. ఇటీవ‌ల విడుద‌ల చేసిన శ్రియ ఫ‌స్ట్ లుక్ పోస్ట‌ర్‌కు మంచి రెస్పాన్స్ వ‌చ్చింది. అందులో డీగ్లామ‌ర‌స్‌గా త‌క్కువ మేక‌ప్‌తో, సంప్ర‌దాయ వ‌స్త్ర ధార‌ణ‌తో క‌నిపించిన శ్రియ లుక్‌ అంద‌ర్నీ ఆశ్చ‌ర్య‌ప‌ర‌చింది. ఇప్పుడు, నిత్యా మీన‌న్ ఫ‌స్ట్ లుక్ పోస్ట‌ర్‌ను రిలీజ్ చేసి మ‌రోసారి ఆశ్చ‌ర్య‌ప‌రిచారు నిర్మాత‌లు. ప్ర‌ముఖ ర‌చ‌యిత సాయిమాధ‌వ్ బుర్రా సంభాష‌ణ‌లు రాస్తున్న 'గ‌మ‌నం' చిత్రానికి మేస్ట్రో ఇళ‌య‌రాజా సంగీతం స‌మ‌కూరుస్తున్నారు. సినిమాటోగ్రాఫ‌ర్‌గా ప‌నిచేస్తోన్న జ్ఞాన‌శేఖ‌ర్ వి.ఎస్‌. ఈ చిత్రానికి నిర్మాత‌గానూ వ్య‌వ‌హ‌రిస్తూ, ర‌మేష్ క‌రుటూరి, వెంకీ పుష‌డ‌పు ల‌తో క‌లిసి నిర్మిస్తున్నారు. ఇప్ప‌టికే షూటింగ్ మొత్తం పూర్త‌యిన ఈ చిత్రానికి సంబంధించి పోస్ట్ ప్రొడ‌క్ష‌న్ వ‌ర్క్ జ‌రుగుతోంది. మిగ‌తా తారాగ‌ణం, సాంకేతిక నిపుణుల వివ‌రాలు త్వ‌ర‌లో వెల్ల‌డించ‌నున్నారు.

విజ‌య్ నేష‌న‌ల్ రికార్డ్‌! ఎందులో అంటే...

  లోకేష్ క‌న‌గ‌రాజ్ డైరెక్ట్ చేస్తున్న‌ బిగ్ ఫిల్మ్ 'మాస్ట‌ర్' రిలీజ్ కోసం ఎదురు చూస్తున్నాడు విజ‌య్‌. ఆ సినిమాలో అత‌ను విజ‌య్ సేతుప‌తితో త‌ల‌ప‌డుతూ క‌నిపించ‌నున్నాడు. సొసైటీలో సాధార‌ణ ప‌రిస్థితులు నెల‌కొని, థియేట‌ర్లు తెరుచుకోగానే ఆ సినిమా సాధించే విజ‌యాన్ని సెల‌బ్రేట్ చేసుకోవాల‌ని అభిమానుల‌తో పాటు ఇండ‌స్ట్రీ అంతా ఎదురు చూస్తోంది. 'మాస్ట‌ర్' సినిమా షూటింగ్ సంద‌ర్భంగా త‌మ అభిమాన హీరోను క‌ళ్లారా చూడాల‌ని నైవేలిలో భారీ సంఖ్య‌లో జ‌నం గుమికూడారు. వ్యాన్ పైకి ఎక్కి, ఫ్యాన్స్ అంద‌ర్నీ విష్ చేసిన విజ‌య్‌, వాళ్ల‌తో వ్యాన్ టాప్ నుంచే సెల్ఫీ తీసుకున్నాడు. త‌ర్వాత దాన్ని ఫిబ్ర‌వ‌రి 10న త‌న సోష‌ల్ మీడియా హ్యాండిల్‌లో "థాంక్యూ నైవేలి" అనే క్యాప్ష‌న్‌తో షేర్ చేశాడు. విజ‌య్ ట్వీట్ చేసిన ఆ సెల్ఫీ ప్ర‌స్తుతం ఇండియాలోనే అత్య‌ధిక సంఖ్య‌లో రిట్వీట్ అయిన ట్వీట్‌గా నిలిచింది. ఇప్ప‌టివ‌ర‌కూ దాన్ని 1.48 ల‌క్ష‌ల మంది రిట్వీట్ చేయ‌గా, 3.58 ల‌క్ష‌ల లైక్స్ వ‌చ్చాయి. స్పెష‌ల్‌ హ్యాష్‌ట్యాగ్స్‌, పోస్ట‌ర్ల‌తో ఈ ఫీట్‌ను విజ‌య్ ఫ్యాన్స్ ఓ పండ‌గ‌లా సెల‌బ్రేట్ చేసుకుంటున్నారు.   'మాస్ట‌ర్' మూవీ త‌ర్వాత ఎ.ఆర్‌. మురుగ‌దాస్ డైరెక్ష‌న్‌లో నాలుగో సినిమా చేసేందుకు రెడీ అవుతున్నాడు విజ‌య్‌. స‌న్ పిక్చ‌ర్స్ నిర్మించ‌నున్న ఈ చిత్రం 2021 మొద‌ట్లో ప్రారంభం కానున్న‌ది.

బిగ్ బాస్ 4: "ఉండలేకపోతున్నా.. నిద్ర‌ప‌డ‌త‌లేదు.." ఏడ్చేసిన గంగవ్వ

  బిగ్ బాస్ 4 లేటెస్ట్ ఎపిసోడ్‌లో జోక‌ర్ వేషంలో హౌస్‌లోకి వైల్డ్ కార్డ్ ఎంట్రీ ద్వారా వ‌చ్చిన జ‌బ‌ర్ద‌స్త్ అవినాష్‌కు హౌస్ మెంబ‌ర్స్ స్వాగ‌తం చెప్పారు. అత‌ను లోప‌లికి వ‌చ్చాక గంగ‌వ్వ ఆశీర్వాదాలు తీసుకున్నాడు. గంగవ్వ ఆరోగ్యం కాస్త బాగాలేకపోవడంతో రెస్ట్ తీసుకుంది. లాస్య, అరియానా ఆమెకు సహాయంగా ఉన్నారు. అదే సమయంలో ఆమెను క‌న్ఫెష‌న్ రూమ్‌లోకి రమ్మని బిగ్ బాస్ పిలిచాడు. అఖిల్ సహాయంతో కొంతదూరం నడిచిన గంగవ్వను లాస్య క‌న్ఫెష‌న్ రూమ్‌లోకి తీసుకువెళ్ళి ఎక్కడ కూర్చోవాలో చెప్పింది. నెమ్మదిగా మాట్లాడమని, బిగి బాస్ అడిగిన దానికి సమాధానం చెప్పమని సూచనలు చేసింది. మొదటివారం వీకెండ్ లోనే "ఉండలేకపోతున్న.. నిద్ర పడతలేదు.. నేను వెెళ్లిపోతా.." అంటూ నాగార్జునకు గంగవ్వ చెప్పింది. ఆయ‌న "మావారంతా నిన్ను బాగా చూసుకుంటారు" అని హామీ ఇచ్చాడు. "అయితే నిన్ను పంపించాల్సింది నేను కాదు ప్రేక్షకులు" అంటూ నాగ్ ఆమెను బుజ్జగించారు. అయితే ఏసీ రూంలు, ఎండతగలకపోవడం, సరైన రెస్ట్ లేకపోవడం వల్ల తాను అనారోగ్యం బారిన పడ్డానని, ఒళ్ళునొప్పులు ఎక్కువగా ఉన్నాయని చెప్పింది. ఇక్కడ ఉండటం తన వల్ల కావడం లేదని ఏడ్చిన గంగవ్వను  డాక్టర్ వద్దకు వెళ్లమని బిగిబాస్ సూచించాడు. మీ ఆరోగ్యం త్వరలోనే కుదటపడుతుందని భరోసా ఇచ్చాడు. లాస్య బిగ్‌ బాస్ సూచనల మేరకు గంగవ్వను డాక్టర్ వద్దకు తీసుకువెళ్ళింది. డాక్టర్ ఇచ్చే సూనచలు ఏంట‌నేవి నెక్ట్స్ ఎపిసోడ్ లో తెలుస్తుంది. అయితే గంగవ్వ బిగ్‌ హౌస్ నుంచి వెళ్ళిపోతే చాలామంది ప్రేక్షకులు బిగ్‌ బాస్ కు దూరం అవుతారని భావిస్తున్నారు. మొదటివారం ప్రతిరోజూ హూషారుగా హౌస్ లోని అన్ని కార్యక్రమాల్లో పాల్గొన్న గంగవ్వ ఈ వారం కాస్త డల్ గానే ఉంది. రెండోవారం ఎలిమినేషన్ ప్రక్రియలో ఆమెంతట ఆమె ఎలిమినేషన్ జాబితాలోకి వచ్చింది. మరి ఆమె ఆరోగ్యాన్ని దృష్టిలో ఉంచుకొని హౌస్ నుంచి పంపిస్తారా.. ప్రేక్షకుల కోసం హౌస్ లోనే కొనసాగిస్తారా అనేది వేచిచూడాల్సిందే...

'మ‌హాస‌ముద్రం'లో శ‌ర్వానంద్‌తో సిద్ధార్థ్ సై!

  'ఆర్ఎక్స్ 100' ఫేమ్ అజ‌య్ భూప‌తి ఇద్ద‌రు హీరోల‌తో 'మ‌హాస‌ముద్రం' చిత్రాన్ని రూపొందించేందుకు సంక‌ల్పించాడు. ఇప్ప‌టికే ఓ హీరోగా న‌టించేందుకు శ‌ర్వానంద్ గ్రీన్ సిగ్న‌ల్ ఇచ్చిన విష‌యం తెలిసిందే. ఆ ఆస‌క్తిక‌ర చిత్రాన్ని నిర్మించేందుకు ఎ.కె. ఎంట‌ర్‌టైన్‌మెంట్స్ ముందుకు వ‌చ్చింది. మ‌హేశ్‌తో నిర్మించిన బ్లాక్‌బ‌స్ట‌ర్ మూవీ 'స‌రిలేరు నీకెవ్వ‌రు' త‌ర్వాత అనిల్ సుంక‌ర నిర్మించే సినిమా ఇదే. లేటెస్ట్ ఇన్ఫ‌ర్మేష‌న్ ప్ర‌కారం ఇందులో శ‌ర్వానంద్‌తో ఢీకొనే మ‌రో హీరోగా సిద్ధార్థ్ న‌టించ‌నున్నాడు. 'మ‌హాస‌ముద్రం' స్క్రిప్ట్‌కు ఫిదా అయిన అత‌ను చాలా కాలం త‌ర్వాత టాలీవుడ్‌కు తిరిగొస్తున్నాడు. చివ‌రిసారిగా అత‌ను 2013లో స‌మంత జోడీగా 'జ‌బ‌ర్ద‌స్త్' మూవీ చేశాడు. అది బాక్సాఫీస్ ద‌గ్గ‌ర ఫెయిలైంది. చివ‌ర‌గా అత‌ను జి.వి. ప్ర‌కాశ్‌తో క‌లిసి న‌టించిన డ‌బ్బింగ్ ఫిల్మ్ 'ఎరుపు ప‌సుపుప‌చ్చ' మూవీతో తెలుగు ప్రేక్ష‌కుల ముందుకు వ‌చ్చాడు. శ‌ర్వానంద్‌, సిద్ధార్థ్‌ల‌ను తెర‌పై క‌లిసి చూడ‌టం ప్రేక్ష‌కుల‌కు క‌చ్చితంగా మంచి అనుభూతినిస్తుంద‌ని ఊహించ‌వ‌చ్చు. త్వ‌ర‌లోనే సిద్ధార్థ్‌కు సంబంధించిన అఫిషియ‌ల్ ఎనౌన్స్‌మెంట్ రానున్న‌ది.

బిగ్ బాస్ 4: వైల్డ్ కార్డ్ ద్వారా హౌస్‌లో ఎంట‌రైన జ‌బ‌ర్ద‌స్త్ అవినాష్‌!

  గ్రాండ్‌గా లాంచ్ అయిన బిగ్ బాస్ 4 మునుప‌టి మూడు సీజ‌న్ల లాంచ్ టీవీ రేటింగ్‌ను దాటి, స‌రికొత్త రికార్డును సృష్టించింది. 4వ సీజ‌న్ లాంచ్ ఎపిసోడ్‌కు అత్య‌ధికంగా 18.5 రేటింగ్ వ‌చ్చిన‌ట్లు స్టార్ మా యాజ‌మాన్యం ప్ర‌క‌టించింది. మొత్తం 4.5 కోట్ల మంది ఆ ఎపిసోడ్‌ను వీక్షించారంట‌. అయితే జోష్ విష‌యంలో మునుప‌టి సీజ‌న్ల కంటే ఈ సీజ‌న్ వెన‌క‌ప‌డింద‌నే అభిప్రాయం వ్య‌క్త‌మ‌వుతూ వ‌స్తోంది. కంటెస్టెంట్ల‌లో వీక్ష‌కుల్ని ఆక‌ట్టుకొనే సెల‌బ్రిటీలు త‌క్కువ మంది ఉండ‌ట‌మే దీనికి కార‌ణం. ఆ లోటును భ‌ర్తీ చేయ‌డానికి క‌మెడియ‌న్ల‌ను వైల్డ్ కార్డ్ ఎంట్రీ ద్వారా నిర్వాహ‌కులు తీసుకొస్తున్నారు. తొలివారం డైరెక్ట‌ర్ సూర్య‌కిర‌ణ్ ఎలిమినేట్ అయి వెళ్ల‌గానే 'ఈ రోజుల్లో' మూవీ క‌మెడియ‌న్ సాయికుమార్ పంప‌న బిగ్ బాస్ హౌస్‌లోకి అడుగుపెట్టాడు. అయితే అత‌ను హౌస్‌లో జోష్ నింప‌లేక‌పోతున్నాడు. ప్ర‌స్తుతం ఫోక‌స్ అంతా మోనాల్‌, అభిజీత్‌, అఖిల్ సార్థ‌క్‌ల ల‌వ్ ట్ర‌యాంగిల్ మీదే ఉన్న‌ట్లు క‌నిపిస్తోంది. తాజాగా మ‌రో క‌మెడియ‌న్ వైల్డ్ కార్డ్ ద్వారా బిగ్ బాస్ హౌస్‌లోకి అడుగుపెట్టాడు. అత‌ను జ‌బ‌ర్ద‌స్త్ ప్రోగ్రామ్ ద్వారా పాపుల‌ర్ అయిన అవినాష్‌. నిజానికి బిగ్ బాస్ 4 సీజ‌న్‌లో కంటెస్టెంట్‌గా మొద‌ట్నుంచీ అవినాష్ పేరు వినిపిస్తూ వ‌చ్చింది. ఇప్పుడు వైల్డ్ కార్డ్ ద్వారా అత‌డిని హౌస్‌లోకి పంపి, వీక్ష‌కుల‌కు వినోదాన్ని క‌లిగించాల‌ని నిర్వాహ‌కులు సంక‌ల్పించారు. అవినాష్ ఏ మేర‌కు హౌస్‌లో వినోదాన్ని పంచుతాడో చూడాలి.

రాజకీయాలకు బలౌతున్న ఐఏఎస్ అధికారులు

ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు. తండ్రి చేతిలో ఎత్తులు చుసిన వారు తనయుడి చేతిలో లోతులు చూస్తున్నారు. వారిద్దరూ సీనియర్ ఐఏఎస్ అధికారులు. ఒకరినైతే మెడపట్టుకుని బయటకు గెంటేశారు. మరొకరిని కులం పేరుతో కుళ్లపొడుస్తున్నారు. విచిత్రం ఏమిటంటే ఈ ఇద్దరు అధికారులూ కూడా చంద్రబాబు అంటే గిట్టనివారే. ఇద్దరు అధికారులు కూడా చంద్రబాబు ముఖ్యమంత్రిగా ఉన్నప్పుడు చిన్న చూపుకు గురి అయిన వారే. ఒకరు బలయ్యారు.. మరొకరు అవుతున్నారు. ఆ ఇద్దరూ ఎవరంటే ఒకరు ఎల్‌వి సుబ్రహ్మణ్యం. రెండో వారు నిమ్మగడ్డ రమేష్ కుమార్. చంద్రబాబు ముఖ్యమంత్రిగా ఉన్న సమయంలో సీనియర్ అయినా ఎల్‌వి సుబ్రహ్మణ్యంకు జగన్ కేసుల్లో సహా ముద్దాయిగా ఉన్నారని ప్రాధాన్య పోస్టులు ఇవ్వలేదు. ఒక సందర్భంలో కీలకమైన వైద్య ఆరోగ్య శాఖ కార్యదర్శి పోస్టు ఇచ్చినా మళ్ళీ ఆయనను అక్కడ నుంచి తీసి అత్యంత చిన్నదైన యువజన శాఖకు మార్చారు. ఇక రమేష్ కుమార్ పరిష్తితి కూడా దాదాపుగా అంతే. చంద్రబాబు హయాంలో ఆయనకు ఏ కీలక శాఖ లభించలేదు. ఈ ఇద్దరూ వై ఎస్ రాజశేఖరరెడ్డి ముఖ్యమంత్రిగా ఉన్నప్పుడే ప్రతిభకు తగిన గుర్తింపు పొందారు. ఎల్‌వి సుబ్రహ్మణ్యం, రమేష్ కుమార్ ఇద్దరూ ఆర్ధిక శాఖను నిర్వహించిన వారే. ఆర్ధిక శాఖలో ఈ ఇద్దరిదీ ప్రత్యేకమైన శైలి అని వారితో సాన్నిహిత్యం ఉన్న అధికారులు అంటారు. రాష్ట్రంలో ఆర్ధిక క్రమశిక్షణ తీసుకురావడంలో బిల్లుల చెల్లింపు తదితర విషయాలలో ఎలాంటి వివాదాలు రాకుండా చూసిన వారన్న విషయాన్ని మర్చిపోలేం అని చెప్తున్నారు. ఆర్ధిక క్రమశిక్షణ తీసుకురావడం, జవాబుదారీతనం, దుబారా తగ్గించడం వంటి విషయాల్లో ఈ ఇద్దరూ అనేక చర్యలు తీసుకున్నారు.వీరికి ఇంకో పోలిక కూడా ఉంది. నిమ్మగడ్డ రమేష్ కుమార్, ఎల్‌వి సుబ్రహ్మణ్యం ఇద్దరూ కూడా తిరుమల తిరుపతి దేవస్థానం ట్రస్టు బోర్డు ముఖ్య కార్యనిర్వహణాధికారులుగా పని చేశారు. ఈ ఇద్దరి హయాంలో తిరుమల పవిత్రత రెండింతలు పెరగడమే కాకుండా క్రమ శిక్షణ ఉండేదన్న విషయం మర్చిపోరాదు. భక్తుల సౌకర్యార్ధం ఈ ఇద్దరి హయాంలో పలు కీలక నిర్ణయాలు తీసుకున్నారు. ఎంతో సీనియర్ రాజకీయ నాయకులు ట్రస్టు బోర్డు చైర్మన్లుగా ఉన్నా కూడా ఎల్‌వి సుబ్రహ్మణ్యం, రమేష్ కుమార్ ఈవోలుగా ఉన్నప్పుడు వీరు చెప్పినట్లే నడచుకునేవారన్న పేరుండేది. వృత్తి పట్ల అంతటి నిబద్ధతతో ఈ ఇద్దరు అధికారులు పని చేశారు. అత్యంత సీనియర్ అయిన ఎల్‌వి సుబ్రహ్మణ్యం ను పక్కన పెట్టి ఆయన కన్నా జూనియర్లకు చంద్రబాబునాయుడు చీఫ్ సెక్రటరీ పదవిని అప్పగించారు. అయినా ఎల్‌వి సుబ్రహ్మణ్యం ఎలాంటి వివాదాస్పద వ్యాఖ్యలు చెయ్యని విషయం మనం చూసాం. సార్వత్రిక ఎన్నికల సమయంలో అప్పటి రాష్ట్ర ప్రభుత్వ ప్రధాన కార్యదర్శి పునేటాను పక్కన పెట్టి కేంద్ర ఎన్నికల సంఘం ఎల్‌వి సుబ్రహ్మణ్యంను రాష్ట్ర ప్రభుత్వ ప్రధాన కార్యదర్శిగా నియమించింది. ఎన్నికల కమీషన్ ప్రధాన కార్యదర్శిగా నియమించాక సహ ముద్దాయిని సిఎస్ గా ఎలా నియమిస్తారని విమర్శించారు కూడా.   ఆ తర్వాత ముఖ్యమంత్రి అయిన జగన్ ఎల్‌వీ ని కొనసాగించగా జగన్ ను అందరూ మెచ్చుకున్నారు కూడా. అయితే ఏమైందో ఏమూ కానీ కొద్ది కాలంలోనే ఎల్‌వి ని అత్యంత అవమానకరంగా పదవి నుంచి జగన్ తొలగించిన విధానం కూడా తెలిసిందే. ఇప్పుడు నిమ్మగడ్డ రమేష్ కుమార్ కు కూడా దాదాపుగా అలానే జరిగింది. ఆయనను రాష్ట్ర ఎన్నికల అధికారిగా నియమించడం చంద్రబాబుకు అస్సలు ఇష్టం లేదు. చంద్రబాబు దగ్గర పని చేయడం రమేష్ కుమార్ కూ ఇష్టం లేదని అంటారు. అయితే తన కార్యదర్శిగా పని చేసిన రమేష్ కుమార్ కు రాష్ట్ర ఎన్నికల సంఘానికి నియమించాలని అప్పటి గవర్నర్ ఇ ఎస్ ఎల్ నర్సింహన్ చంద్రబాబుపై వత్తిడి తెచ్చారనీ. గత్యంతరం లేని పరిస్థితుల్లో చంద్రబాబు రమేష్ కుమార్ కు రాష్ట్ర ఎన్నికల సంఘాన్ని అప్పగించారనీ అంటున్నారు. రమేష్ కుమార్ పేరు బదులు వేరే అధికారి పేరు రాష్ట్ర ఎన్నికల సంఘానికి సిఫారసు చేశామని చంద్రబాబు కూడా చెప్పారు. అటువంటి రమేష్ కుమార్ ఇప్పుడు చంద్రబాబు ఏజెంటుగా జగన్ చేతిలో ముద్ర వేయించుకోవడం దురదృష్టం. ఈ ఇద్దరూ ముక్కుసూటిగా మాట్లాడే అధికారులు. ఎలాంటి మొహమాటం లేకుండా విధులు నిర్వర్తించే వారన్న పేరుంది. అలాంటి ఈ ఇద్దరూ కూడా అత్యంత ఘోరమైన అవమానాన్ని పొందారు. ఈ అవమానాలకు వీరు అర్హులు కాదని మాత్రం కచ్చితంగా చెప్పవచ్చని అధికార వర్గాలు అనుకుంటున్నారు. నాయకులు తమ స్వంత ప్రయోజనాల కోసం అఖిల భారత సర్వీసు అధికారులకు కులాలు, ప్రాంతాలు అంటగట్టడం ఏంటని కొందరు ఆవేదన చెందుతున్నారు.

ఆంధ్ర లో బీజేపీ 'పంచ్' తంత్రం...

  * దిగుమతి నాయకులు, బిజినెస్ లీడర్లు, లాబీయిస్టులు కలిసి బీ జె పి ని ఎటు నడిపిస్తారో....  * ఇంతకీ స్థానిక సమరం లో సత్తా చూపించే ట్యాలెంట్ ఆ పార్టీకి ఉన్నట్టా, లేనట్టా....  * జి వి ఎల్ ఋతుపవనాల్లాంటి వారు... ఇలావచ్చి అలా పలకరించి, అటు నుంచి ఆటే మాయమైపోతారు  * సి ఎం రమేష్ లాబీ మాస్టర్ గా ఢిల్లీ లో ప్రసిద్ధులు.. నోకియా మాదిరి ఈయన కూడా కనెక్టింగ్ పీపుల్ నినాదాన్ని బలంగా నమ్మిన వారు  * సుజనా చౌదరి... గత్యంతరం లేని పరిస్థితుల్లో అమరావతి నినాదాన్ని భుజాన వేసుకుని చందమామ కథలో విక్రమార్కుడి మాదిరి ... వై ఎస్ ఆర్ సి పి లోని బేతాళుడి తో జగడమాడుతుంటారు  * టీ జీ వెంకటేష్.. అవసరార్ధ రాజకీయాల కు కేరాఫ్ అడ్రెస్ .... రాయలసీమ అనేది ఈయనకు ట్యాగ్ లైన్ ...దురదపుట్టినప్పుడు గోక్కోవటానికి ఉపయోగపడే ఆరో వేలుగా ఆయన ఆ నినాదాన్ని బాగా వాడేస్తారు..  * అంగ వంగ కళింగ రాజ్యాలను అవలీలగా గెలిచిన చక్రవర్తి, చివరకు ఆముదాలవలస లో ఓడిపోయినట్టు, రాష్ట్ర బీ జె పి అధ్యక్షుడు కన్నా లక్ష్మీ నారాయణ , చివరకు పవన్ కళ్యాణ్ తో కలిసి స్థానిక సమరం లో బీజేపీకి కాస్తో కూస్తో ఉన్న ఇమేజ్ ని పణం గాపెట్టే సాహసానికి ఒడిగట్టారు  ఆ ఐదుగురూ ఇంతకీ ఏమి చేస్తున్నట్టు..భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్ , కాంగ్రెస్ లో నుంచి బీ జె పి లోకి షిఫ్ట్ అయిన  బీ జె పి అధ్యక్షుడు కన్నా లక్ష్మీ  నారాయణ కలిసి ఈ స్థానిక సమరం లో రాష్ట్రం మొత్తం మీద కనీసం ఒక్కొక్కరికి 50 చొప్పున 250 మంది ఎం పి టి సి లు, జెడ్ పీ టి సి లను  గెలిపించుకురాగలరా అనేది చాలా పెద్ద సందేహం గా కనిపిస్తోంది. ఎందుకంటే, నిన్ననే విజన్ డాక్యుమెంట్ ని కలిసి ఆవిష్కరించిన బీ జె పి , జన సేన కంబైన్ నేతలు , చాలా పెద్ద  దృశ్యాన్నే జనం ముందు ఆవిష్కరించే ప్రయత్నం చేశారు. వై ఎస్ ఆర్ సి పి, తెలుగుదేశం పార్టీ లకు తామే ప్రత్యామ్నాయమన్నట్టు గా ప్రకటించుకున్న ఈ ఐదుగురిదీ  వాస్తవానికి తలో దారీ.. ఎవరు , ఎప్పుడు, ఎందుకు, ఎలా మాట్లాడతారో తెలీని గందర గోళం ....  జి వి ఎల్ నరసింహ రావు ది అయితే సొంత రాజ్యాంగం, పూర్తిగా పార్టీ రాష్ట్ర శాఖ తో  గానీ, లేదా బీ జె పి లో ఉన్నతెలుగుదేశం మాజీ లతో  కానీ ఈయనకు ఎలాంటి సంబంధాలు ఉండవు.  రాష్ట్రాన్ని ఎప్పుడైనా పలకరించడానికి రుతు పవనాల మాదిరి అలా చుట్టపు చూపు గా వచ్చేసి ,  ఇలా మాయమైపోయే  జి వి ఎల్ వ్యవస్థ ల గురించి రాష్ట్ర బీ జె పి లో ఎవరికీ ఎలాంటి క్లూలు ఉండవు. ఈయన దారి రహదారి. ఈయన వ్యవస్థ ఇలాఉంటే, బీ జె పి లో ఉంటూ కూడా ఇంకాతెలుగు దేశం ఎజెండా , జెండా రెండూ మోస్తున్నట్టు కనిపించే సుజనా చౌదరి ఒక్క అమరావతి అంశం మీద తప్పించి, ఇతరత్రా ఏదీ మాట్లాడటానికి ఎక్కువగాఇష్టపడరు. జీ వీ ఎల్ కు, సుజనా కూ క్షణం పడదు. ఆయన ఎడ్డెం అంటే ఈయన తెడ్డెం అనే రకం.. ఏ మాత్రం పొసగని,పొంతన లేని పరస్పర భిన్నమైన అభిప్రాయాలు గల వీరిద్దరూ ఉత్తర ధృవం, దక్షిణ ధృవం మాదిరి ఒకే పార్టీ లో ఉంటూ కూడా కామన్  ఎజెండా తో పని చేసిన దాఖలాలు ఇప్పటివరకూ అయితే లేవు.   ఇహ, సి ఎం రమేష్ గురించి వేరే చెప్పనక్కర్లేదు. ఆయన తన బిజినెస్ వ్యవహారాలను బీ జె పి తో ముడి కట్టేసి, ఏ పార్టీ లో ప్రయాణిస్తున్నాడో కూడా మర్చే పోయి, మొన్నటికి మొన్న పరిమళ్ నత్వాని ని జగన్ మోహన్ రెడ్డి దగ్గర ప్రవేశ పెట్టడం లో కీలక పాత్ర పోషించిన  ఘనుడు. గుర్తు చేస్తే కానీ తానూ బీ జె పి లో ఉన్నాననే విషయం గుర్తుండని ఈయన కు  బీ జె పి, జన సేన కలిసి పోటీ  చేస్తున్న విషయం తెలుసో లేదో అని కూడాపార్టీ శ్రేణులు గుసగుస లాడుకుంటున్నాయి.  ఇహ వీరందరినీ సమన్వయము చేసుకుని  ముందుకెళ్తున్నట్టు భావిస్తూ , బాహ్య ప్రపంచం ముందు ఆవిష్కృతమయ్యే  వ్యక్తి మరెవరో కాదు... సాక్షాత్తూ  రాష్ట్ర బీ జె పి అధ్యక్షుడు కన్నా లక్ష్మీ నారాయణ. ఈయన, పవన్ కళ్యాణ్ తో కలిసి ప్రయాణించటానికి అంతగాసుముఖం గా లేదు...కారణమేమిటంటే, చంద్రబాబు నాయుడు లాంటి యోధులతో పోరాడిన తన రాజకీయం , చివరకు ఇలా ఏ పూట ఎక్కడ ఉంటారో కూడా తెలీని పవన్ కళ్యాణ్ పార్టీతో కలిసి పని చేయాల్సిన దుస్థితికి దిగజారటమేమిటని  తరచూ తనలో తానె కుమిలి పోతున్నట్టు సమాచారం.  ఇహ, టీ జీ వెంకటేష్ అయితే మరీను..... రాయలసీమ నినాదాన్ని తన ట్యాగ్ లైన్ గాచేసుకుని కాలక్షేపం చేసేస్తూ... ప్రస్తుతానికి బీ జె పి లో నివసిస్తూ ....ఈ స్థానిక ఎన్నికల సమరం లో తన పాత్ర ఏమిటో కూడాతెలీకుండా జీవనం వెళ్లదీస్తున్నారు. మొత్తానికి ఈ పంచ పాండవులు స్థానిక సమరం లో తమ 'పంచ్ ' పవర్ ఏమిటో ఈ నెలాఖరు లోగా చుపిస్తారేమోననే బోలెడు , ఇంకా గంపెడాశతో బీ జె పి అభిమానులు ఆత్రంగా ఎదురు చూస్తున్నారు.

ఏపీలో వంద కోట్ల దందా.. రియల్ క్రైమ్ స్టోరీ

సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన.. ఆ రియల్ స్టోరీ టైటిల్ వచ్చేసి.. "ఓ కిడ్నాప్, వంద కోట్ల స్కాం". 'నేనే రాజు నేనే మంత్రి' మూవీలో ఒక డైలాగ్ ఉంటుంది. మీరు ఏ పార్టీకి ఓటేసినా మేమే అధికారంలో ఉంటామని. అవును.. కొందరు రాజకీయ నాయకులు.. ఎన్నికల్లో ప్రజలు ఏ పార్టీని గెలిపిస్తే.. ఆ పార్టీలోకి జంప్ చేస్తారు. అలాగే అధికారులు కూడా.. ఏ పార్టీ అధికారంలోకి వస్తే ఆ పార్టీ నేతలని కాకాపడుతూ వారి ఆటలు సాగిస్తుంటారు. ఈ రియల్ స్టోరీ వింటే అది నిజమని మీకే అర్ధమవుతుంది. కాకినాడలోని సర్పవరంకి చెందిన ఆకుల గోవిందరాజు అనే వ్యక్తికి భోగాపురంలో వంద కోట్ల విలువైన 18 ఎకరాల ల్యాండ్ ఉంది. ఈ ఒక్క విషయం చాలదా.. మాఫియా కన్ను ఆయన మీద పడటానికి. ఎక్కడో ఆకాశంలో ఎగురుతున్న గద్దకి కింద ఉన్న కోడిపిల్ల కనిపించినట్టు.. మాఫియా వాళ్ళకి ఎక్కడున్నా విలువైన ల్యాండ్స్ కనిపిస్తాయి కదా. అలాగే, బలగ ప్రకాష్ అనే మాఫియా లీడర్ కి.. ఆకుల గోవిందరాజుకి చెందిన ల్యాండ్ పై కన్నుపడింది. ఇంకేముంది ఏకంగా పోలీసులనే రంగంలోకి దింపాడు. ఇక పోలీసులైతే ఓ అడుగు ముందుకేసి ఏకంగా కిడ్నాప్ కే తెరలేపారు. 2017.. సెప్టెంబర్ 19 .... శూన్యమాసం.. అమావాస్య.. మంగళవారం.. మధ్యాహ్నానికి- సాయంత్రానికి నడుమ సూర్యుడు మండిపోతున్న సమయం... అబ్బా ఏమన్నా ముహూర్తమా... శూన్యమాసం.. అమావాస్య.. మంగళవారం.. ఇదే కిడ్నాప్ కి సరైన ముహూర్తం అనుకున్నారేమో పోలీసులు... AP 30 AB 6655 నెంబర్ గల ఇన్నోవా కార్ లో.. పోలీసులు ఆకుల గోవిందరాజు ఇంటికి వచ్చారు. కారు నెంబర్ ఫ్యాన్సీగా ఉన్నా, ఆ ఖాకీలు చేసే పని మాత్రం ఏ మాత్రం పద్దతిగా లేదు. వాళ్ళు చేసే పనేంటో ఆ చుట్టుపక్కల ఉన్నవారికి తెలియదు. కొత్త మొహాలు కావడంతో.. చుట్టుపక్కల వారు కొందరు ఆశ్చర్యంతో, కొందరు అనుమానంతో చూస్తున్నారు. వాళ్ళు అలా చూస్తుండగానే.. దొంగల రూపంలో వచ్చిన పోలీసులు.. గోవిందరాజుని ఇన్నోవాలో పడేసి.. జెట్ స్పీడ్ లో హైవే ఎక్కారు. పోలీసుల భాషలో చెప్పాలంటే దీనినే కిడ్నాప్ అంటారు. కారు హైవే మీద దూసుకెళ్తుంది. ఆ స్పీడ్ చూస్తే.. అంబులెన్స్ డ్రైవర్ కావాల్సిన వ్యక్తి ఇన్నోవా డ్రైవ్ చేస్తున్నాడేమో అనిపిస్తుంది. డ్రైవర్ స్టీరింగ్ పట్టుకుంటే.. మనం ఖాళీగా ఉండి ఏం చేస్తాం అనుకున్నారేమో.. మిగతా పోలీసులు గోవిందరాజు పనిపెట్టారు. కారు.. కాకినాడ నుంచి భోగాపురం చేరేవరకు.. అంటే దాదాపు నాలుగు గంటల పాటు... గోవిందరాజుని భయపెట్టారు.. బెదిరించారు.. చిత్రహింసలు పెట్టారు. ఒక్కమాటలో చెప్పాలంటే నరకం చూపించారు. కారు సాయంత్రం 6 గంటలకు భోగాపురం సబ్ రిజిస్టార్ ఆఫీస్ కి చేరుకుంది. ఖాకీలకు భయపడ్డాడో, కాసులకు కక్కుర్తి పడ్డాడో తెలియదు కానీ.. సబ్ రిజిస్టార్ పందిళ్లపల్లి రామకృష్ణ.. సాయంత్రం 4:30 కే రిజిస్ట్రేషన్ కాగితాలు సిద్ధం చేసి.. పదేళ్ల తర్వాత ఫారెన్ నుంచి రిటర్న్ వస్తున్న ఫ్రెండ్ కోసం ఎదురుచూస్తున్నట్టు.. గుమ్మం వైపు చూస్తూ పోలీసుల కోసం ఎదురుచూస్తున్నాడు. ఇంతలో పోలీసులు గోవిందరాజుని తీసుకొని గుమ్మంలోకి అడుగు పెట్టనే పెట్టారు. గుమ్మంలో వాళ్ళ అడుగు పడిందో లేదో.. సబ్ రిజిస్టార్ మోహంలో వెలుగు వచ్చింది. గోవిందరాజు మోహంలో భయం పెరిగింది. భయంతో చూస్తుండగా ఎదురుగా కుర్చీలో కూర్చొని ఉన్న మాఫియా లీడర్ బలగ ప్రకాష్ కనిపించాడు. జర్నీలో పోలీసుల చిత్రహింసలతో భయపడిపోయిన గోవిందరాజు.. బలగ ప్రకాష్ ని చూసి మరింత భయపడ్డాడు. బలగ ప్రకాష్.. పోలీసుల మాదిరి సాగదియ్యలేదు.. కమర్షియల్ సినిమాల్లో విలన్ లాగా ఒక్కటే డైలాగ్ కొట్టాడు.. "సంతకం పెడతావా? సమాధిలో పడుకుంటావా?".... ఆ ఒక్క డైలాగ్ తో గోవిందరాజు భయం చావుభయంగా మారిపోయింది. ఎదురుగా మాఫియా లీడర్.. చుట్టూ భోగాపురం సీఐ నర్సింహారావు, ఎస్సైలు తారక్, మహేష్.. హెడ్ కానిస్టేబుల్ గోవిందరావు.. ఉన్నారు. ఎస్సైల పేర్లు తారక్, మహేష్ అని హీరోల పేర్లు ఉన్నాయి కానీ.. వాళ్ళ బిహేవియర్ మాత్రం పెద్ద విలన్ల పక్కన ఉండే చెంచా విలన్లు లాగా ఉంది. అన్యాయాన్ని అడ్డుకోవాల్సిన పోలీసులే.. మాఫియా లీడర్ తో కలిసిపోయి.. చిత్రహింసలు చేసి బెదిరిస్తుంటే.. తప్పనిసరి పరిస్థితుల్లో, వంద కోట్లు కంటే విలువైన ప్రాణం కోసం, అన్యాయం ముందు తలవంచి గోవిందరాజు సంతకం పెట్టాడు. ఆ ఒక్క సంతకంతో.. గోవిందరాజు మొహంలో తప్ప.. అక్కడున్న అందరి మొహాల్లో లక్ష్మీకళ ఉట్టిపడింది. అన్నట్టు ఇంత జరుగుతున్నా అక్కడ ఇతరులు ఎవరూ లేరా? అని మీకు అనుమానం రావొచ్చు. అక్కడ నిజంగానే ఎవరూ లేరు.. ఎందుకంటే వాళ్ళు పెట్టిన ముహూర్తం అలాంటిది మరి. శూన్యమాసం-అమావాస్య.. బుద్ధి ఉన్నోడు ఎవడైనా రిజిస్ట్రేషన్ పెట్టుకుంటాడా? వీళ్లంటే.. వంద కోట్ల కబ్జా ల్యాండ్ కాబట్టి.. బుద్ధిని పక్కనపెట్టి.. బెదిరించి.. రిజిస్ట్రేషన్ చేపించుకున్నారు. ఇప్పుడు అర్థమైందా వాళ్ళ శూన్యమాసం-అమావాస్య కాన్సెప్ట్ ఏంటో?!!.. ఈ కిడ్నాప్- కబ్జా వ్యవహారంపై.. సర్పవరం పోలీస్ స్టేషన్ లో 330/217 నెంబర్ తో కేస్ రిజిస్టర్ అయింది. అదేంటో.. FIR కూడా అయిన తరువాత.. చార్జిషీట్ దాఖలు చేయడానికి.. రాజమౌళి RRR చేయడానికి తీసుకునే టైం కన్నా ఎక్కువ తీసుకుంటున్నారు సర్పవరం పోలీసులు. రెండున్నరేళ్లుగా నాన్చుతూనే ఉన్నారు. ఈ విషయం గురించి.. ఏపీ హ్యూమన్ రైట్స్ కమిషన్ కి కాకినాడ పోలీసులు రిపోర్ట్ కూడా పంపారు. కానీ చార్జిషీట్ దాఖలు చేసే విషయంలో సర్పవరం సీఐ డిలే చేస్తూనే ఉన్నాడు. ఏంటి ఆ సీఐ ధైర్యం?.. భయపడితే భయపడటానికి ఆయన పోస్ట్ మ్యాన్ కాదు.. పోలీసోడు.. దానికితోడు పొలిటిషీయన్స్ సపోర్ట్ ఉన్నోడు. అవును.. ఈ వ్యవహారంలో.. బడా పొలిటిషీయన్స్ సపోర్ట్ కూడా ఉంది. అదే పోలీసుల ధైర్యం... శ్రీకాకుళం జిల్లాకి చెందిన మాజీ మంత్రి, ప్రస్తుత టీడీపీ నేత.. అలాగే గత ప్రభుత్వ హయాంలో విప్ గా పనిచేసిన నేత.. వీరిద్దరి సాయంతో సర్పవరం పోలీస్ స్టేషన్ ని ఫుల్ గా influence చేసే ప్రయత్నం బలంగా నడుస్తుంది. అందుకే చార్జిషీట్ కి మోక్షం కలగట్లేదు. ఇంత పెద్ద కిడ్నాప్- కబ్జా జరిగితే అస్సలు చర్యలే తీసుకోకుండా ఎలా ఉన్నారని అనుకుంటున్నారేమో... అబ్బో చాలా పెద్ద చర్య తీసుకున్నారు. భోగాపురం ఇన్స్పెక్టర్ ని బదిలీ చేసారు. అదేంటి!!.. అంత జరిగితే కేవలం బదిలీనా అనుకోవద్దు.. రాజకీయ ఒత్తిళ్లు అలాంటివి మరి.. అర్థంచేసుకోవాలి... ఇంకో విషయం ఏంటంటే.. ఈ వ్యవహారం డీజీపీ ఆఫీస్ కి కూడా చేరింది. మరి ఇంకేంటి.. వెంటనే అందరి మీద చర్యలు తీసుకొని ఉంటారుగా అంటారా? అబ్బో.. మీరు పవర్ ఫుల్ పోలీస్ ఆఫీసర్ సినిమాలు చూసి బాగా మోసపోయారు... అలాంటి పప్పులు ఇక్కడ ఉడకవు. వాస్తవానికైతే... CRPC 41A కింద డీజీపీ నియమించే ఓ సీనియర్ అధికారి.. విచారణ జరిపి.. తదుపరి చర్యల వరకు.. ఆ సీఐని సస్పెండ్ చేసే అవకాశముంది. కానీ ఇక్కడ అలాంటిదేం జరగలేదు. ఏదో ఫార్మాలిటీకి బదిలీతో సరిపెట్టారు. గోవిందరాజు ని బెదిరించి వంద కోట్ల విలువైన ల్యాండ్ అన్యాయంగా లాక్కున్నారు. అయినా తప్పు చేసిన వాళ్ళు బాగానే ఉన్నారు. పైగా గోవిందరాజునే ఇంకా టార్చర్ చేస్తున్నారు. రాజకీయ ఒత్తిళ్లలో భాగంగా.. ప్రస్తుత సర్పవరం సీఐ మరియు అర్బన్ డీఎస్పీ.. గోవిందరాజుని పదేపదే తిప్పించుకుంటున్నారు. ఇక కాకినాడలో ఉద్యోగం వెలగపెడుతున్న.. ఇప్పటి ఓ మంత్రిగారి బావమరిది.. రంగంలోకి దిగడంతో ఈ కేసు మరింత డైల్యూట్ అయింది. అసలే భోగాపురంలో ఎయిర్ పోర్ట్ అంటున్నారు. రెక్కలున్న విమానాలు వస్తున్నాయి అంటే.. ఆటోమేటిక్ గా భూముల ధరలకు రెక్కలొస్తాయి కదా.. అందుకే పోలీసులు- పొలిటీషియన్స్ అండతో మాఫియా ఇంతలా రెచ్చిపోతుంది. అంతేకాదు.. ఈ వ్యవహారం వెనుక.. 2017 ప్రాంతంలో ఉత్తరాంధ్ర జిల్లాల్లో పనిచేసిన ఓ కలెక్టర్ మరియు ఎస్పీ పాత్ర ఉన్నట్టు.. సెక్రటేరియట్ వర్గాల వద్ద స్పష్టమైన సమాచారం ఉంది. టీడీపీ పెద్దతలకాయలకు సన్నిహితులైన ఈ ఐఏఎస్, ఐపీఎస్ లు.. వైసీపీ ప్రభుత్వ హయాంలో కూడా తమ హవా కొనసాగించడం... అందరినీ ముక్కు, మూతి ఇలా అన్నింటి మీదా వేలేసుకునేలా చేస్తుంది. ఇంతకీ ఆ ఐఏఎస్ & ఐపీఎస్ ఎవరు? * ఒకరు.. పరుల అవినీతి మీద కాంతివంతంగా దండెత్తే ఐఏఎస్... * ఇంకొకరు.. పొద్దునలేస్తే సుభాషితాలు చెప్పే పాలమీగడ లాంటి ఐపీఎస్.. ఈయనకి టెక్నాలజీ మీద గ్రిప్ బాగా ఎక్కువ. ఈ వ్యవహారంలో వీరిద్దరి పాత్ర కూడా ప్రముఖంగా ఉంది. 'వంద గొడ్లను తిన్న రాబందు కూడా ఒక్క గాలివానకు కూలిపోతుంది' అన్నట్టు.. ఈ అవినీతి రాబందులను భయపెట్టే గాలివాన ఇప్పుడిప్పుడే మొదలవుతుంది. మాఫియా లీడర్ బలగ ప్రకాష్ కనుసన్నల్లో.. ఐఏఎస్, ఐపీఎస్లు, పోలీసులు, పొలిటీషియన్స్ అండతో జరిగిన ఈ అన్యాయంపై.. గోవిందరాజు కొద్ది నెలలుగా పోరాడుతూనే ఉన్నాడు. న్యాయం కోసం ఆయన ఎక్కని గుమ్మం దిగని గుమ్మం లేదు. సన్నిహితుల సాయంతో న్యాయం కోసం పోరాడుతున్నాడు. ఆ పోరాడంతో కొన్ని విషయాలు కూడా వెలుగులోకి వచ్చాయి. వాస్తవానికి అప్పుడు జరిగింది తప్పుడు రిజిస్ట్రేషన్ అని పేర్కొంటూ... భోగాపురం రిజిస్టార్ డాక్యుమెంట్ రైటర్.. 2019 అక్టోబర్ 19 తేదీన.. 164 CRPC స్టేట్మెంట్ ని.. కాకినాడ ఫస్ట్ అడిషనల్ జ్యూడిషల్ సివిల్ జడ్జ్.. ముందట ఇచ్చాడు. అంతేకాదు.. సీసీ కెమెరాలతో దొంగలని పట్టుకునే పోలీసులు.. ఆ సీసీ కెమెరాల పుణ్యమా అని అడ్డంగా బుక్ అయ్యారు. సర్పవరం లో కిడ్నాప్ చేసి.. భోగాపురం తీసుకెళ్లిన.. నాలుగు గంటల తతంగమంతా.. పలు చోట్ల సీసీ కెమెరాలలో రికార్డు అయింది. క్షవరం అయితే కానీ ఇవరం రాదని.. సీసీ కెమెరాలు చూసి దోషులని పట్టుకునే పోలీసులు.. ఆ సీసీ కెమెరాల సంగతి మర్చిపోయి ఇలా దొరికిపోవడం కామెడీగా ఉంది. మొత్తానికి కొద్దికొద్దిగా కదులుతున్న తీగతో.. దందా చేసి ఇన్నాళ్లు డొంకలో దాక్కున్నవారు.. ఇప్పుడిప్పుడే భయంతో వణుకుతున్నారు. ముఖ్యంగా డీజీపీకి కంప్లైంట్ వెళ్లడంతో ఐఏఎస్, ఐపీఎస్ ఒణికిపోతున్నారట. మరి ముఖ్యంగా ఆ ఐపీఎస్ అయితే.. డైపర్ వేసుకొని తిరుగుతున్నాడని టాక్... ఇప్పటికే ఆ ఐపీఎస్ గడిచిన రెండు నెలల్లో.. బలగ ప్రకాష్ టీం తో.. ఒకే హోటల్ లో 17 సార్లు సిట్టింగ్ వేశాడు. దీన్నిబట్టే అర్థంచేసుకోవచ్చు ఆ ఐపీఎస్ ఎంతలా వణికిపోతున్నాడో!! తప్పుని సరిదిద్దాల్సిన పోలీసులే.. ఇంత పెద్ద తప్పు చేశారు. ఈ విషయం డీజీపీ దృష్టికి కూడా వెళ్ళింది. మరి ఆయన ఈ కిడ్నాప్-కబ్జా వ్యవహారంలో ఇన్వాల్వ్ అయినవారిపై ఎలాంటి చర్యలు తీసుకుంటారు?.. బాధితుడికి ఎప్పుడు న్యాయం చేస్తారు? ఆయన ఇలాగే మౌనంగా ఉంటే ప్రజలకు పోలీసు వ్యవస్థ మీదే నమ్మకం పోతుంది. ఇక ఈ విషయంలో సర్కార్ కూడా అడుగు ముందుకేసి బాధితుడికి న్యాయం చేయాల్సిన అవసరముంది. అవినీతి రహిత పాలనే అందించడమే తమ లక్ష్యమని చెప్పుకునే అధికారపార్టీ.. అవినీతి-అన్యాయం చేసిన వారికి.. పరోక్షంగా అండగా ఉండటం ఎంత వరకు కరెక్ట్? గత ప్రభుత్వం మీద, అప్పుడు వారికి సన్నిహితంగా ఉన్న కొందరు అధికారులపైనా.. ఇప్పటి అధికారపార్టీ నేతలు పదేపదే అవినీతి ఆరోపణలు చేస్తుంటారు. మరి ఈ వ్యవహారం మీద ఎందుకు నోరు మెదపడం లేదు? ఇందులో తమ పార్టీ నేతలు కూడా ఉన్నారా? లేక పార్టీ సీనియర్ నేతైన మంత్రి గారి బావమరిది ఇన్వాల్వ్ అయ్యాడని వెనకడుగు వేస్తున్నారా? ప్రభుత్వం దీనిపై స్పందించాలి. ఈ భోగాపురం భాగోతం వెనుకున్న వారిపై ప్రభుత్వం కఠినంగా వ్యవహరించి.. బాధితుడికి న్యాయం చేయాలి. లేదంటే ప్రభుత్వం మీద కూడా నమ్మకం పోతుంది.  

క‌విత‌, ష‌ర్మిలా రాజ్య‌స‌భ‌కు వెళ్తారా?

తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.  సామాజిక కోణంలో తమకు అవకాశం దక్కుతుందని పలువురు సీనియర్లు భావిస్తుండగా, ఇప్పటివరకు పార్టీ తరఫున రాజ్యసభ పదవులు దక్కని వర్గాల వారూ ఆశగా ఎదురుచూస్తున్నారు. పార్టీ అధినేత కేసీఆర్‌ నిర్ణయం కోసం ఉత్కంఠగా ఎదురుచూస్తున్నారు.  నిజామాబాద్‌ మాజీ ఎంపీ కవితను ఈసారి పార్టీ తరఫున రాజ్యసభకు పంపిస్తార‌నే ప్ర‌చారం విస్తృతంగా జరుగుతోంది. అయితే సి.ఎం. కేసీఆర్ ఆలోచ‌నే ఎలా వుందో ఎవ‌రూ అంచ‌నా వేయ‌లేక‌పోతున్నారు. కెటిఆర్ సి.ఎం. అవుతారా? క‌వితా రాజ్య‌స‌భ‌కు వెళ్తారా?  అయితే హ‌రిష్‌రావు ఈ ప‌రిణామాల‌పై ఎలా స్పందిస్తారు? అనే అంశంపై టిఆర్ ఎస్ కార్య‌క‌ర్త‌ల్లో విస్తృతంగా చ‌ర్చ జ‌రుగుతోంది. జాతీయ రాజకీయాల్లోకి వెళ్లాలనుకుంటున్న సీఎం కేసీఆర్‌ తన తరఫున ఢిల్లీ, ఇతర రాష్ట్రాల్లో ఫెడరల్‌ ఫ్రంట్‌ ఏర్పాటు ప్రయత్నాలకు నమ్మకమైన వారి కోసం అన్వేషిస్తున్నారు.  రాజ్యసభ సీటు భర్తీ సామాజిక కోణంలోనే ఉంటుందని టీఆర్‌ఎస్‌ ముఖ్యులు భావిస్తున్నారు. ఏపీ కోటాలో పదవీ విరమణ చేస్తున్న టీఆర్‌ఎస్‌ రాజ్యసభ సభ్యుడు కె.కేశవరావుకు వయసు రీత్యా ఈసారి అవకాశం ఉండకపోవచ్చన్న అంచనాలున్నాయి. రెడ్లకు అవకాశం లభిస్తే, మాజీ ఎంపీ పొంగులేటి శ్రీనివా్‌సరెడ్డి, మాజీీ స్పీకర్‌ కె.ఆర్‌.సురే్‌షరెడ్డి, ఎమ్మెల్సీ నాయిని నర్సింహారెడ్డి మధ్య పోటీ ఉంటుందని చెబుతున్నారు. కమ్మ సామాజిక వర్గానికి ఇవ్వాలనుకుంటే మండవ వెంకటేశ్వరావు, తుమ్మల నాగేశ్వరరావు పేర్లు పరిశీలించవచ్చని అంటున్నారు. బీసీలకు అవకాశం ఇస్తే సిరికొండ మధుసూదనాచారి, బస్వరాజు సారయ్య పేర్లు పరిశీలిస్తారని చెబుతున్నారు. ఎస్సీ కోటాలో భర్తీ చేయాలని భావిస్తే కడియం శ్రీహరి, మాజీ ఎంపీ మంద జగన్నాథం పేర్లు పరిశీలిస్తారని అంటున్నారు. ఎస్సీల్లోనే మాలలకు అవకాశం ఇవ్వాలని అనుకుంటే, టీఎ్‌సఐఐసీ చైర్మన్‌ గాదరి బాలమల్లు, ఎస్టీ అయితే సీతారాంనాయక్‌ పేరు ఉండొచ్చని అంటున్నారు. అనూహ్యంగా ఒక పారిశ్రామికవేత్తను టీఆర్‌ఎస్‌ తరఫున రాజ్యసభకు పంపాలని అనుకుంటే హెటిరో అధినేత పార్థసారథిరెడ్డి పేరు పరిశీలించవచ్చని చెబుతున్నారు.  ఆంధ్రప్రదేశ్ కు చెందిన రాజ్యసభ స్థానాలు ఎవరికీ కేటాయించాలని ఇన్నాళ్లు చర్చించిన అధికార పార్టీ ఓ నిర్ణయానికి వచ్చిందని తెలుస్తోంది. ఈ మేరకు ఏపీ నుంచి రాజ్యసభకు ప్రాతినిధ్యం వహించే వారి జాబితా సిద్ధమైనట్టు సమాచారం.  కీలకమైన పదవులు కావడంతో పార్టీ నమ్ముకున్నోళ్లు.. తమకు అండగా నిలబడిన వ్యక్తులను ఎంపిక చేసినట్లు పార్టీ వర్గాల్లో వార్త వినిపిస్తోంది.  మాజీ ఎంపీ వైవీ సుబ్బారెడ్డి - సజ్జల రామకృష్ణారెడ్డితో పాటు మాజీమంత్రి - ఏపీసీసీ మాజీ అధ్యక్షుడు రఘువీరారెడ్డి ఉన్నట్లు తెలుస్తోంది. అయితే రఘువీరారెడ్డి కాకుంటే సుప్రీంకోర్టు రిటైర్డ్ జస్టిస్ జాస్తి చలమేశ్వర్ కూడా ఉన్నట్లు వార్తలు వస్తున్నాయి. ఈ జాబితా ఫైనలైనట్టు తెలుస్తోంది.  షర్మిల ఆపద సమయంలో జ‌గ‌న్‌కు తోడుగా నిలిచారు. జగనన్న వదిలిన బాణాన్ని అంటూ పాదయాత్ర చేశారు. కష్టకాలంలో పార్టీకి షర్మిల పెద్ద దిక్కుగా నిలిచారు. తన సొంత మీడియా సాక్షి ప్రారంభించినప్పటి నుంచి సజ్జల రామకృష్ణారెడ్డి జగన్ తో ఉన్నారు. సాక్షి పత్రిక ఎడిటోరియల్ డైరెక్టర్ గా కొనసాగుతూనే జగన్ కు రాజకీయాలపై సలహాలు సూచనలు ఇచ్చారు. ఆ తర్వాత సజ్జలను పార్టీలోకి ఆహ్వానించి పెద్ద పదవే ఇచ్చారు. విజయ సాయిరెడ్డి తర్వాత జగన్ కు అత్యంత నమ్మకస్తుడు సజ్జలనే. ఆయన పార్టీలో జగన్ రాజకీయ సలహాదారుడిగా పార్టీ రాజకీయ వ్యవహారాల కమిటీలో పని చేశారు. ప్రస్తుతం ఆంధ్రప్రదేశ్ ప్రభుత్వ సలహాదారుడిగా కొనసాగుతున్నారు. కడప జిల్లాకు చెందిన వ్యక్తి. ఎప్పుడూ తన తోడు ఉండడంతో ఆయనను రాజ్యసభకు జగన్ పంపించనున్నట్టు తెలుస్తోంది. ప్రకాశం జిల్లాకు చెందిన వైవీ సుబ్బారెడ్డి జగన్ పార్టీ పెట్టినప్పటి నుంచి ఉన్నారు. గతంలో ప్రకాశం ఎంపీగా సుబ్బారెడ్డి పని చేశారు. ఈసారి జరిగిన ఎన్నికల్లో సుబ్బారెడ్డి పోటీ చేయలేదు. అప్పుడు ఆయన పదవులు ఆశించకపోవడంతో ఇప్పుడు రాజ్యసభకు పంపించాలని నిర్ణయానికి వచ్చారు. పార్టీలో కీలక నాయకుడిగా గుర్తింపు పొందిన సుబ్బారెడ్డిని రాజ్యసభకు పంపితే న్యాయం జరుగుతుందనే భావనలో జగన్ ఉన్నారంట. అనూహ్యంగా రాజ్యసభకు పంపే జాబితాలో ప్రస్తుతం కాంగ్రెస్ పార్టీ సీనియర్ నాయకుడు రఘువీరారెడ్డి ఉండడం గమనార్హం. అనంతపురము జిల్లాకు చెందిన రఘువీరారెడ్డికి పిలిచి మరి రాజ్యసభ సీటు ఇస్తామంటున్నారు. యాదవ సామాజికి వర్గానికి చెందిన రఘువీరారెడ్డి జగన్ తండ్రి వైఎస్సార్ తో మంచి అనుబంధం ఉంది. అయితే రఘువీరారెడ్డి కాకుంటే మరొకరిని కూడా దృష్టిలో పెట్టుకున్నారు. భారత అత్యున్నత న్యాయస్థానం సుప్రీంకోర్టు జడ్జిగా పని చేసిన జస్టిస్ జాస్తి చలమేశ్వర్ ను రాజ్యసభకు పంపించాలని భావిస్తున్నారంట.  కృష్ణాజిల్లా యాదవ సామాజిక వర్గానికి చెందిన చలమేశ్వర్ సేవలను వినియోగించుకునేలా పార్టీ ఒక నిర్ణయానికి వచ్చిందంట. ఎందుకంటే తరచూ జగన్ న్యాయస్థానాల్లో చిక్కులు ఎదుర్కొంటున్నారు. చలమేశ్వర్ సేవలు వినియోగించుకుంటే జగన్ సేఫ్ గా ఉండడంతో పాటు న్యాయ కోవిదుడికి గౌరవంగా రాజ్యసభను ఇద్దామనే ఆలోచనలో ఉన్నారంట.

అధికారంలో ఉంటే ఒకలా... ప్రతిపక్షంలో ఉంటే మరోలా... వైజాగ్ ఎపిసోడ్ నీతి ఏంటి?

రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా, అనామకులుగా మారిపోయారు. దశాబ్దాల తరబడి రాజ్యాన్ని ఏలినవారు, ఇప్పుడు సైడైపోవాల్సిన పరిస్థితులు ఏర్పడ్డాయి. తెలుగు రాష్ట్రాల్లో పలువురు ఉద్దండుల పరిస్థితి ఇప్పుడలాగే కనిపిస్తోంది. ఎంతోమంది ముఖ్యనేతలు తీవ్ర గడ్డుపరిస్థితులను ఎదుర్కొంటున్నారు. మళ్లీ వాళ్లకు మంచి రోజులు వస్తాయని మాత్రం కచ్చితంగా చెప్పలేని పరిస్థితులు కనిపిస్తున్నాయి. ఆంధ్రప్రదేశ్, తెలంగాణ రెండింటిలోనూ ఊహించని రాజకీయ మార్పులు జరగడంతో ఓడలు బళ్లు... బళ్లు ఓడలయ్యాయి.  అయితే, అధికారంలో ఉండగా ఒకలా, ప్రతిపక్షంలా ఉంటే మరోలా వ్యవహరించడం సర్వసాధారణంగా కనిపిస్తుంది. విపక్ష నేతగా ఉన్న సందర్భాల్లో నేతలు వ్యవహరించే తీరు ఒక్కోసారి సాధారణ ప్రజాస్వామిక సూత్రాలకు విరుద్ధంగా ఉంటుంది. నేటి ముఖ్యమంత్రి వైఎస్ జగన్మోహన్ రెడ్డి మూడేళ్ళ క్రితం విపక్ష నేతగా ఉన్నారు. అప్పట్లో ఆయన ప్రత్యేక హోదా కోసం పట్టుదలతో ఉన్నారు. క్యాండిల్ ర్యాలీ నిర్వహించేందుకు వైజాగ్ పర్యటనకు వెళ్లారు. అప్పటికే అక్కడ సీఐఐ పార్ట్ నర్ షిప్ సమ్మిట్ జరుగుతోంది. ఆ నేపథ్యంలో క్యాండిల్ ర్యాలీకి అనుమతిని ప్రభుత్వం నిరాకరించింది. అయినా కూడా జగన్ వైజాగ్ చేరుకున్నారు. అక్కడి నుంచి నగరంలోకి వెళ్లేందుకు ప్రయత్నించారు. అప్పట్లో పోలీసులు ఆయనను అడ్డుకున్నారు. తనను అడ్డుకోవడంపై అప్పట్లో విపక్ష నేతగా ఉన్న జగన్ తీవ్ర ఆగ్రహం వ్యక్తం చేశారు.  ఇక, ఇప్పడు ఏపీలో రాజధాని రగడ కొనసాగుతోంది. అందులో భాగంగా చంద్రబాబు చేపట్టిన వైజాగ్ యాత్రలో ఉద్రిక్తత చోటు చేసుకుంది. ఇందులో పోలీసులను తప్పు పట్టాల్సింది ఏమీ లేదు. అయితే, ఇలాంటి సమయంలో విపక్ష నాయకులు ప్రతిష్టాత్మకంగా తీసుకుంటారు. ఎలాగైనా పోలీసు వలయాన్ని ఛేదించుకోవాలని తాము అనుకున్నది చేయాలని చూస్తుంటారు. పొలిటికల్ మైలేజ్ పొందాలని ప్రయత్నిస్తుంటారు. చంద్రబాబు వైజాగ్ టూర్లోనూ అదే జరిగిందనే మాట వినిపిస్తోంది. నాయకులు విపక్షంలో ఉన్నప్పుడు పొలిటికల్ మైలేజ్ కోసం ప్రయత్నించడంలో తప్పు లేదు. కాకపోతే...ఆ ప్రయత్నాలు సమాజంలో ఉద్రిక్తతలు పెంచేవిగా మాత్రం ఉండకూడదంటున్నారు. అదే సమయంలో అధికారంలో ఉన్న నాయకులు ప్రజాస్వామ్యంలో విపక్షాలకు ఉండే ప్రాధాన్యాన్ని గుర్తించాలని సూచిస్తున్నారు. అధికారపక్షం, విపక్షం....రెండూ ప్రజాస్వామ్యానికి రెండు చక్రాల్లాంటివని, ఏ ఒక్కటి సరిగా లేకున్నా ప్రజాస్వామ్యం కుంటుపడుతుందని గుర్తుచేస్తున్నారు.

రాజీవ్ గాంధీ మరణించాక ఆ సీక్రెట్ బయటపెట్టిన వాజపేయి!!

అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది. ఒకరిపై ఒకరు హద్దు మీరి విమర్శలు చేసుకోవడమే తప్ప.. విలువైన రాజకీయాలు చేసేవారు ఎంతమంది ఉన్నారు ఈరోజుల్లో. ఎవరు అధికారంలోకి వచ్చినా ప్రతిపక్ష నేతల మీద కక్ష తీచుకోవాలన్న ధోరణే తప్ప.. ప్రజల కోసం ఒకరి సూచనలను ఒకరు గౌరవించుకుంటూ విలువైన రాజకీయాలు చేసేవారు ఎక్కడున్నారు?. ఈతరం రాజకీయ నాయకులు ముందుతరం వారిని చూసి ఎంతో నేర్చుకోవాలి. మాజీ ప్రధానులు రాజీవ్ గాంధీ- వాజపేయి మధ్య జరిగిన ఓ సంఘటన తెలిస్తే.. ఈ తరం రాజకీయ నాయకులు సిగ్గుతో తలదించుకుంటారు. అది రాజీవ్ గాంధీ ప్రధానిగా ఉన్న సమయం. అప్పుడు వాజపేయి ప్రతిపక్ష నేతగా ఉన్నారు. వారి మధ్య జరిగిన ఓ అపురూప సంఘటన గురించి ఇప్పుడు తెలుసుకుందాం.  " సార్..ప్రధానమంత్రి రాజీవ్ గాంధీ గారు లైన్ లో వున్నారు..మీతో మాట్లాడుతారుట ".. ఫోన్ పట్టుకుని వాజపేయి దగ్గరికి వచ్చి చెప్పాడు ఆయన వ్యక్తిగత కార్యదర్శి.." ఫోన్ అందుకున్న వాజపేయి ప్రధానమంత్రి తో రెండు నిమిషాలు మాట్లాడారు. ఫోన్ పెట్టేసి వాజపేయి కార్యదర్శి వంక చూసి "మనం ప్రధానమంత్రి తో పాటు ఐక్యరాజ్యసమితి సమావేశంలో పాల్గొనటానికి అమెరికా వెళ్తున్నాం.. ఏర్పాట్లు చూడండి" అనడంతో తను విన్నది నిజమేనా అని ఆశర్యంతో మరోమారు అటల్జీ ని అడిగి కన్ఫర్మ్ చేసుకున్నాడు కార్యదర్శి. " సార్..పత్రికలకు ప్రెస్ నోట్ పంపమంటారా?" నసిగాడు కార్యదర్శి వాజపేయి ఒక్క క్షణం అతనివంక చూసి నవ్వుతూ "నిక్షేపంగా" అన్నారు. ఈ వార్త అప్పట్లో ఇటు కాంగ్రెస్ పార్టీలోనూ, అటు బీజేపీ లోనూ పెద్ద దుమారం సృష్టించింది. రాజీవ్ గాంధీ నిర్ణయానికి కాంగ్రెస్ పార్టీలో సీనియర్లు సైతం ముక్కున వేలేసుకున్నారు. "సాక్షాత్తు ప్రధానమంత్రి హోదాలో ఐక్యరాజ్యసమితి ప్రతినిధుల సమావేశానికి అటెండ్ అవుతూ ప్రతిపక్షపార్టీ నేతను వెంటపెట్టుకెళ్లటం ఏంటి?" అంటూ పార్టీలో సన్నాయి నొక్కులు నొక్కారు. కానీ రాజీవ్ గాంధీ మాత్రం వాజపేయి ని తీసుకెళ్లడం వెనుక అసలు కారణాన్ని ఎవరికీ చెప్పలేదు. కానీ ఆయన మరణానంతరం వాజపేయే అసలు విషయాన్ని ప్రపంచానికి చెప్పారు.. ఆన్ టోల్డ్ వాజపేయి అనే పుస్తకం ద్వారా.. అదీ ఆయన మాటల్లోనే.. "1985 లోనే నాకు ఒక కిడ్నీ దెబ్బ తిని వైద్యం తీసుకుంటున్నా.1988 నాటికి రెండో కిడ్నీ కూడా దెబ్బతింది. డాక్టర్లు తక్షణం వైద్య చికిత్స అవసరం అన్నారు. ఇక్కడ కన్నా అమెరికాలో మెరుగైన వైద్యం అందుబాటులో ఉన్నందున అక్కడికి వెళ్లి ట్రీట్మెంట్ తీసుకోవాలని డాక్టర్లు సూచించారు. ఈ విషయం తెలుసుకున్న రాజీవ్ గాంధీ ఐక్యరాజ్యసమితి ప్రతినిధుల సమావేశానికి నన్ను కూడా రమ్మని ఫోన్ లో కోరారు. కానీ చివరగా ఆయన ఒక మాట చెపుతూ.. 'అటల్ జీ.. ఈ పర్యటనను పూర్తిగా మీ వైద్యానికి ఉపయోగించుకుని సంపూర్ణ ఆరోగ్యంతో ఇండియా కి రండి' అని చెప్పారు. ఈ రోజు నేను ప్రాణాలతో ఉన్నానంటే అది రాజీవ్ గాంధీ నాకు చేసిన ఉపకారం వల్లనే. నా కన్నా ఇరవై ఏళ్ళ చిన్నవాడు అయిన రాజీవ్ నాకు తమ్ముడిలాంటి వాడే" అని వాజపేయి అన్నారు. అది విలువలతో కూడిన రాజకీయమంటే. రాజీవ్ గాంధీ, వాజపేయి రాజకీయంగా ప్రత్యర్థులు కావచ్చు కానీ ఒకరినొకరు గౌరవించుకుంటూ విలువైన రాజకీయాలు చేశారు. వారిని చూసి ఈ తరం రాజకీయ నాయకులు ఎంతో నేర్చుకోవాలి. పొద్దున్న లేస్తే ఒకరిపై ఒకరు దుమ్మెత్తి పోసుకునే అధికార-ప్రతిపక్ష పార్టీల నాయకులు.. రాజకీయాలు పక్కన పెట్టి అప్పుడప్పుడన్నా నైతిక విలువలు పాటించాలన్న సూత్రం.. ఇలాంటి విషయాలు తెలుసుకుని అయినా పాటిస్తే బాగుండు..!

వాడకపోతే వృధా!

చాలారోజుల క్రితం ఒక గొప్ప వ్యాపారి ఉండేవాడు. వ్యాపార నిమిత్తం అతను ఓసారి దూరదేశాలకు బయల్దేరాడు. వెళ్తూ వెళ్తూ అతను, తన దగ్గర పని చేసే ముగ్గురు పనివాళ్లని పిలిచాడు. ‘చూడండి! నేను తిరిగి రావడానికి కాస్త సమయం పడుతుంది. ఈలోగా నేను మీకో పని అప్పచెబుతున్నాను. మీ ముగ్గురికీ నేను కొంత డబ్బుని ఇస్తున్నాను,’ అంటూ మొదటి వ్యక్తికి ఐదువేలు, రెండో వ్యక్తికి రెండువేలు, మూడో వ్యక్తికి వేయి రూపాయల డబ్బుని చేతికిచ్చాడు.   అలా యజమాని తన ముగ్గురు పనివాళ్లకీ డబ్బుని అందించి ప్రయాణమైపోయాడు. కొంతకాలం తర్వాత యజమాని తిరిగివచ్చాడు. ‘నేను మీకిచ్చిన డబ్బుని ఏం చేశారు?’ అని ఆ ముగ్గురినీ అడిగాడు.   ‘ప్రభూ! వ్యాపారం చేయడం మీ లక్షణం. డబ్బుని స్థిరంగా ఉంచడం మీకు ఇష్టం ఉండదు. మీ మనస్తత్వం తెలిసినవాడిని కనుక మీరిచ్చిన డబ్బుని పెట్టుబడి పెట్టాను. రాత్రింబగళ్లు కష్టపడ్డాను. ప్రస్తుతానికి మీరు ఇచ్చిన డబ్బు రెట్టింపైంది,’ అని పదివేల రూపాయలని చేతిలో పెట్టాడు మొదటి పనివాడు.   ‘ప్రభూ! వ్యాపారం చేయడం నాకు అలవాటైన విద్య కాదు. కానీ డబ్బుని అలా నిరుపయోగంగా ఉండటం నాకు ఇష్టం లేకపోయింది. అందుకనే నష్టం వచ్చే ప్రమాదం ఉందన్న భయం ఉన్నా కూడా ఆ డబ్బుతో వ్యాపారం చేశాను. ఒళ్లు వంచి పనిచేశాను. అదృష్టవశాత్తూ ఫలితం దక్కింది. రెండు వేలు కాస్తా నాలుగు వేలు అయ్యాయి,’ అని చెప్పుకొచ్చాడు రెండో పనివాడు.   ‘ప్రభూ! మీరు పాపం డబ్బుని ఎంతో కష్టపడి సంపాదిస్తూ ఉంటారు. డబ్బు కోసం ఇల్లు విడిచి ఎక్కడెక్కడో వ్యాపారం చేసి వస్తుంటారు. అలాంటి డబ్బుని ఏదో ఒకటి చేసి పాడు చేయడం నాకు ఇష్టం లేకపోయింది. అందుకే ఓ గొయ్యి తీసి ఎవరికీ కనిపించకుండా ఆ డబ్బుని దాచిపెట్టాను. ఇదిగోండి మీరు ఇచ్చిన సొమ్ముని యథావిధిగా మీ చేతిలో పెడుతున్నాను,’ అంటూ వెయ్యి రూపాయలు ఉన్న మూటని వ్యాపారి చేతిలో పెట్టాడు మూడో పనివాడు.   ‘మూర్ఖుడా! డబ్బయినా, ప్రతిభ అయినా ఒక వరంలాంటిది. దాన్ని ఉపయోగించకపోతే ఎవరికీ పనికిరాకుండా పోతుంది. నీకు ఇచ్చిన అవకాశాన్ని వాడుకోలేకపోయావు. ఆ డబ్బు నీకూ ఉపయోగపడలేదు, నాకూ ఉపయోగపడలేదు. మొదటి ఇద్దరూ నేను ఇచ్చిన డబ్బులతో పాటు, వచ్చిన లాభాలని అట్టిపెట్టుకోండి. కానీ మూడో వ్యక్తికి ఇచ్చిన వేయి రూపాయలని కూడా నేను తిరిగి తీసేసుకుంటున్నాను,’ అన్నాడు వ్యాపారి.   ఇది బైబిల్‌లో Parable of the Talents అనే కథ ఆధారంగా రాయబడింది. ఇందులో వ్యాపారి తన ముగ్గురు పనివాళ్లకీ ఇచ్చిన సొమ్ముని ‘Talent’ అని పిలుస్తాడు. Talent అనేది పూర్వకాలంలో డబ్బుకి ఓ కొలబడ్డగా వాడేవారు (మిలియన్, లక్ష, వేయి లాగా). వ్యాపారి మొదటి పనివాడికి ఎనిమిది టాలెంట్లు, రెండోవాడికి రెండు టాలెంట్లు, మూడోవాడికి ఒక్క టాలెంటు ఇచ్చి వెళ్తాడన్నమాట. కానీ ఇక్కడ టాలెంట్ అంటే ప్రతిభ అన్న అర్థం కూడా వస్తుంది! ప్రకృతి మనలో ప్రతి ఒక్కరికీ కొన్ని టాలెంట్స్ ఇస్తుంది. వాటిని సవ్యంగా వాడుకున్నవాడు జీవితంలో పైకి వస్తాడు. ఉన్న ఒక్క టాలెంటునీ వాడుకోకుండా దాచుకున్నవాడు ఎందుకూ కొరగాకుండా పోతాడు. ఎక్కడ ఏ నష్టం వస్తుందో అని భయపడుతూ తన ప్రతిభని అణచివేసిననాడు జీవితం వృధా అయిపోతుంది. - నిర్జర.  

Are Men Unemotional??

Are men from Mars and Women from Venus ??.Why do they think and behave exactly the opposite way on emotions basis?? It is a classic complaint we always hear, that men accuse women of being too emotional and women accuse men of not being emotional enough. They both think that why cant this be the other way round?? Or why cant they behave a bit different?? But the basic issue lies with the brain circuitry system. The emotional processing is different in men and women. Until recently, the chasm between how men and women feel and express emotions was thought to be due to upbringing .Of course, parental upbringing dose make a difference in thought process but still we should also know that the emotional processing in the male and female brain will not be the same genetically. Research suggests that our brains have two emotional systems that work simultaneously: system or MNS (which allows us to emotionally empathize with people); and the parietal junction system or TPJ (which fires the brain's analyze-and-fix-it circuits to look for solutions to emotional problems - cognitive empathy). Males use the latter far more. This prevents their thought processes from being clouded by emotions, strengthening their ability to find practical solutions, but this obviously make them appear to be uncaring and un emotional. Male or female, when we see an emotion on someone else's face, our MNS (emotional empathy system) activates. But, for reasons scientists don't understand, the female brain stays in the sympathetic MNS longer, while the male brain, not built to wallow in anguish, switches to the practical mode. His way of showing that he cares is to try to solve your problems.  So when you see men not reacting to your emotional outburst don’t get worked up, or go bananas, just keep reminding yourself that they are men and they want results soon.  - Pushpa Bhaskar

అలవాటులో పొరపాటు

ఫేస్‌బుక్‌లో విస్తృతంగా ప్రచారంలో ఉన్న కథ ఇది... కొందరు శాస్త్రవేత్తలు ఐదు కోతులను ఒకే గదిలో పెట్టారట. ఆ గది మధ్యలో ఓ పెద్ద బల్లని ఉంచారు శాస్త్రవేత్తలు. ఆ బల్ల మీద వాళ్లు రోజూ ఒక తాజా అరటిపండుని ఉంచేవారట. గదిలో ఉన్న కోతుల్లో ఒకటి ఆ అరటిపండు కోసం బల్ల ఎక్కేందుకు ప్రయత్నించగానే... కింద ఉన్న మిగతా కోతుల మీద చల్లటి నీళ్లను కుమ్మరించేవారు శాస్త్రవేత్తలు. అంటే అరటిపండు కోసం పైకి వెళ్లే కోతి వల్ల కింద ఉన్న కోతులకి శిక్షపడేదన్నమాట. దాంతో కొన్నాళ్లకి ఆ కోతులు పైకి ఎక్కేందుకు సాహసించడం మానేశాయి. ఒకవేళ ఏదన్నా కోతికి నోరూరి బల్లని ఎక్కేందుకు ప్రయత్నించగానే, మిగతా కోతులన్నీ కలిసి దాన్ని లాగిపారేసేవి.   కొద్ది రోజుల తరువాత ఈ ప్రయోగంలో శాస్త్రవేత్తలు ఓ చిన్న మార్పుని తీసుకువచ్చారు. ఆ అయిదు కోతుల్లో ఒకదాన్ని బయటకు తీసుకువెళ్లిపోయి, దాని స్థానంలో ఒక కొత్త కోతిని ప్రవేశపెట్టారు. ఈ కొత్త కోతి అరటిపండుని చూడగానే గభాలున బల్లని ఎక్కేందుకు సిద్ధపడిపోయింది. కానీ వెంటనే ప్రమాదాన్ని గ్రహించిన మిగతా కోతులు, దాన్ని దబదబా కిందకి లాగేశాయి. ఇలా రెండు మూడుసార్లు తన్నులు తిన్న తరువాత, కొత్త కోతి కూడా మిగతా కోతులలాగానే నిమ్మళంగా ఉండిపోయిది. ఒకో వారం గడుస్తున్న కొద్దీ శాస్త్రవేత్తలు ఒకో పాత కోతికి బదులుగా మరో కొత్త కోతిని గదిలో ఉంచసాగారు. కొంతకాలం గడిచేసరికి కొత్త కోతులు అక్కడి వాతావరణానికి, మిగతా కోతుల స్వభావానికి అలవాటుపడిపోయాయి, తాము కూడా అందుకు అనుగుణంగానే ప్రవర్తించడం నేర్చుకునేవి. కొన్నాళ్లకి ఆ గదిలో పాత కోతులేవీ లేకుండా పోయాయి. కొత్త కోతులకి చన్నీళ్లతో విధించే శిక్ష అసలేమాత్రం అనుభవం లేదు. అయినా కూడా ఎప్పుడన్నా ఓ కోతి ఆదమరచి అరటిపండు కోసం బల్ల దగ్గరకు చేరుకోగానే, మిగతా కోతులన్నీ కలిసి దాన్ని కరిచి పారేయడం మానలేదు!!!   కొందరు మనుషులు కూడా బహుశా ఇలాగే ప్రవర్తిస్తూ ఉంటారేమో! ఒక పనిని తాము ఎందుకు చేస్తున్నామో చాలా మంది ఆలోచించరు. దాని వల్ల తనకు ఎలాగూ నష్టం కలుగుతుంది. ఇతరులకు కూడా తన చర్య వల్ల నష్టం కలుగుతున్నా, వీళ్లు తమ తీరుని మార్చుకోరు. ఒక్కసారి మన మొండివైఖరిని పక్కకి పెట్టి విచక్షణకు పదును పెడితే, జీవితంలో చాలా సమస్యలకు పరిష్కారం దొరుకుతుందని ఈ కథ చెబుతోంది. ఆ పరిష్కారం వల్ల మనం ముందుకు సాగడమే కాదు, ఇతరులను కూడా విజయం వైపుగా నడిపించేందుకు దోహదపడిన వారమవుతాం. లేకపోతే...   ..Nirjara

కత్తి కార్తీకకు బెదిరింపులు.. దుబ్బాకలో పోటీ చేస్తే సజీవంగా కాల్చి చంపుతాం

దుబ్బాక ఉప ఎన్నికల బరిలోకి దిగితే చంపేస్తామంటూ బిగ్ బాస్ ఫేం కత్తి కార్తీకకు బెదిరింపులు రావడం కలకలం రేపుతోంది.   ఎమ్మెల్యే సోలిపేట రామలింగారెడ్డి ఆకస్మిక మరణంతో దుబ్బాక నియోజకవర్గంలో ఉప ఎన్నిక అనివార్యమైన సంగతి తెలిసిందే. ప్రధాన పార్టీలు ఈ ఉపఎన్నికల్లో గెలవడం కోసం ఇప్పటికే ప్రయత్నాలు మొదలుపెట్టాయి. ఇదిలా ఉంటే, ఈ స్థానం నుంచి కత్తి కార్తీక స్వతంత్ర అభ్యర్థిగా పోటీ చేయనున్నారు. ఈ క్రమంలో గత నెల రోజులుగా కార్తీక దుబ్బాకలో పర్యటిస్తూ ప్రజా సమస్యలపై అవగాహన పెంచుకొంటున్నారు. అయితే, ప్రచారంలో దూసుకెళ్తున్న కార్తీకకు ప్రత్యర్థి వర్గాల నుంచి పరోక్షంగా బెదిరింపులు ఎదురయ్యాయి. అన్నీ సర్దుకొని హైదరాబాద్‌కు వెళ్లిపోవాలని, లేదంటే సజీవ దహనం చేస్తామని దుండగులు హెచ్చరించారని కత్తి కార్తీక వెల్లడించారు.  కార్తీక డ్రైవర్ షరీఫ్ ద్విచక్ర వాహనంపై గురువారం హైదరాబాద్ నుంచి దుబ్బాకకు వస్తున్న క్రమంలో.. రామాయంపేటలోని అడిగాస్ హోటల్ దగ్గర ఓ ఇన్నోవాలో వచ్చిన నలుగురు వ్యక్తులు డ్రైవర్‌ను అడ్డగించారు. "నువ్వు కత్తి కార్తీక డ్రైవర్‌వు కదా. కార్తీకతో పాటు నువ్వు కూడా అన్నీ సర్దుకొని హైదరాబాద్ పారిపోండి. లేదంటే సజీవంగా కాల్చివేస్తాం." అని హెచ్చరించారు. దీంతో భయపడిపోయిన డ్రైవర్ బైక్ అక్కడే వదిలిపెట్టి పొలాల్లోకి పరుగెత్తి.. వెంటనే కత్తి కార్తీకకు ఫోన్ చేసి చెప్పగా వెంటనే ఆమె బయలుదేరి ఆ ప్రదేశానికి చేరుకున్నారు. అక్కడి నుంచి ఆమె పోలీస్ స్టేషన్‌కు వెళ్లి తనకు బెదిరింపులు ఎదురయ్యాయని ఫిర్యాదు చేశారు. కేసు నమోదు చేసిన పోలీసులు విచారణ జరిపి చర్యలు తీసుకుంటామని చెప్పారు.

చలో అమలాపురం అన్న బీజేపీ నాయకులను స్టేషన్ల చుట్టూ తిప్పుతున్న పోలీసులు

ఏపీలో అంతర్వేది రథం దగ్ధం, విజయవాడ ఇంద్రకీలాద్రిపై వెండి సింహాలు మాయంతో పాటు పలు ప్రార్ధనా ప్రదేశాలలో దేవుళ్ల విగ్రహాల ధ్వంసం నేపథ్యంలో బీజేపీ చలో అమలాపురం అని పిలుపునిచ్చింది. ఏపీ బీజేపీ అధ్యక్షుడు సోము వీర్రాజు అమలాపురంలోని ఆర్డీవో కార్యాలయ ముట్టడికి పిలుపునివ్వడంతో పోలీసులు అప్రమత్తమ్యారు. బీజేపీ నేతలు ఆర్డీవో కార్యాలయానికి వెళ్లకుండా నిరోధించడానికి అర్ధరాత్రి నుంచే పార్టీ నేతలను పోలీసులు హౌస్ అరెస్ట్‌లు చేస్తున్నారు. ఐతే పోలీసుల కళ్లు గప్పి రాష్ట్ర ప్రధాన కార్యదర్శి విష్ణువర్ధన్ రెడ్డి గత రాత్రి అమలాపురం చేరుకున్నారు. దీంతో సమాచారం అందుకున్న పోలీసులు అర్ధరాత్రి ఒంటి గంట సమయంలో ఆయన్ను అదుపులోకి తీసుకుని రాత్రంతా కారులోనే తిప్పినట్లుగా వార్తలు వస్తున్నాయి. అసలు తనను ఎక్కడికి తీసుకెళ్తున్నారో కూడా చెప్పడం లేదని ఈ సందర్భంగా విష్ణువర్ధన్ రెడ్డి ఆరోపించారు. కేంద్ర సహాయమంత్రి హోదా కలిగిన తన పట్ల పోలీసులు వ్యవహరించిన తీరు సరికాదని మండిపడ్డారు. అంతేకాకుండా ఏపీ బీజేపీ అధ్యక్షుడు సోము వీర్రాజు, మాజీ అధ్యక్షుడు కన్నా లక్ష్మీనారాయణలను హౌస్ అరెస్ట్ చేసారు. బీజేపీ చలో అమలాపురం పిలుపుతో బయట ప్రాంతాల నుంచి వేలాది మంది వస్తారన్న అనుమానంతో స్థానిక వ్యాపారులు స్వచ్ఛందగా షాపులు మూసివేశారు.

What actually Vijaya Sai means

The statement made by YSR Congress Party MP Vijaya Sai Reddy on the Floor of Parliament on Thursday (September 17) on the judicial system certainly came as a surprise not only to the members of the judiciary and Parliament but also to the media persons as well, albeit for different reasons.   First and foremost let us see as to why the media persons are shocked at the statement made by the YSRCP MP. He said "a quite unusually and legally questionable decision has been in the interim order of the Andhra Pradesh High Court imposing a ban on the media, even on social media." To a certain extent he is right.   But if one goes through what decisions the ruling YSR Congress Party in Andhra Pradesh, which Vijaya Sai Reddy represents, has taken on the media houses it really comes as a shock to anyone. For instance, notices were served on the chairman and anchor, who is also a senior journalist of a popular satellite Telugu news channel really comes as a shock to anyone.  Not only this. Even a panelist who took part in a debate is also served the notices and are made to run all the way from Hyderabad, the capital city of Telangana where the headquarters of the chanel is located to Guntur, in Andhra Pradesh , which is over 300 km.    They are asked to appear before the Andhra Pradesh police, almost every alternate day for taking certain details pertaining to the case. In any defamation case, only journalists and the media head of the particular institution can be summoned by the police. What is surprising in this case is that as to why the chairman of the news channel has been held responsible for what was aired by it.    Similar is the case with regard to Managing Director of a website K Ravi Shankar. For a video that was uploaded on the website, that was felt to be objectionable by the ruling party in Andhra Pradesh, the managing director has been served notices. The issue did not end there. FIR (First Information Report) has been filed against him and the policeman came all the way from Guntur to Vijayawada and seized  some hard discs and other material from the head office located again in Hyderabad. He too was made to appear before the Andhra Pradesh police.   However, in both the instances, the Andhra Pradesh High Court dismissed the cases filed against both the media houses.  In fact, in the case of the Teluguone.com Managing Director, the High Court even commented that "registration of crime by the police without material evidence to constitute cognisable offense creates an impression of kakistocracy in the public mind that may even lead to anarchy."    The YSRCP MP said in Parliament on Thursday that "it is unusual in the sense that there appears to be no material to justify the censorship other than the allegation by the petitioner." He even said that it prevents the legitable State Government even to the effect there is no substance in the allegation. Going by Vijaya Sai Reddy's statement itself is it not "unusual' to summon the chairman of the popular satellite news channel and the managing director of the website in these defamation cases.    The general practice is that any story that appears either in the print media or in the electronic media, the first thing the person concerned should do is that a denial should be given to the respective media house. If the denial is not published or not aired, as the case may be, then the affected person or institution has every right to move the court with a defamation suit. In bot the instances, no denial was given to the media houses. Is it not 'unusual' in the YSRCP MP's own terminology? It is a fact that the Indian Constitution has not given unfettered power to any of the four organs, bet it Legislature, Executive, Judiciary or the Media.    Coming to the judiciary and the legislature, it is very important to be taken into consideration to study interrelations and intra relations of the two important pillars of democracy. In the preamble of the Indian Constitution, utmost importance is given to the justice at the highest level. The Constitution lays down the structure and defines and demarcates the role and functions of Parliament and judiciary and establishes norms for checks and balances.    In the statute, there is a separation of functions but not powers. While judicial review over administrative action has evolved on the lines of common law doctrines such as ‘proportionality’, ‘legitimate expectation’, ‘reasonableness’ and principles of natural justice, the Supreme Court of India and the various High Courts are given powerSs to rule on the constitutionality of legislative as well as administrative actions.    In majority of the cases, the power of judicial review is exercised to protect and enforce the fundamental rights guaranteed in Part III of the Constitution (Balakrishnan 2009). The higher courts are also approached to rule on questions of legislative competence, mostly in the context of Centre-State relations since Article 246 of the Constitution read with the 7th Schedule, contemplates a clear demarcation as well as a zone of intersection between the law-making powers of Parliament and the various State Legislatures.    The warrant for judicial review comes from a combined reading of Articles 13, 32 and 142 of the Constitution. Article 13(2) provides that “The State shall not make any law which takes away or abridges the rights conferred by this part and any law made in contravention of this clause shall, to the extent of the contravention, be void (Govt. of India 2007) while Article 32 and 226 give any person the right to move the Supreme Court or the High Court, respectively, for the enforcement of fundamental rights guaranteed in Part III of the Constitution.    Article 142 provides that the Supreme Court “may pass such decree or make such order as is necessary for doing complete justice in any cause or matter,” and such decree or order is “enforceable throughout the territory of India.” (Govt. of India 2007: 58). Article 142, especially the phrase “complete justice”, has given the judiciary a virtual license to intervene in any matter whatsoever. Perhaps, Vijaya Sai Reddy has forgotten this while mentioning that 'Andhra Pradesh has not only been suffering financially and economically but also judicially."    In addition to these textual enablers, the courts have over the years, created their own powers in a number of domains. He might not be aware that the Indian Supreme Court is the ultimate interpreter and guardian of the Constitution. It can invalidate a law enacted by the legislature in certain circumstances (Chatterjee 2005) If the legislature makes a law by transgressing its jurisdiction. or if a law abridges the Fundamental Rights of the Citizens.    If Vijaya Sai Reddy is aware of the Supreme Court's power that the apex court is the ultimate authority to decide whether a law imposes unreasonable restriction on the enjoyment of the Right to Freedom guaranteed under Article 19 of the Constitution, he could have knocked at the doors of the highest court of India, instead of making such remarks on teh floor of Parliament.    What is surprising and shocking even to the legal luminaries is that the YSRCP MP has every right to approach the apex court against the High Court orders. They are of the strong opinion that as ton why the YSRCP MP made such sweeping remarks in Parliament before approaching the Supreme Court.  Quoting Article 129 of the Indian Constitution, they said “the Supreme Court shall be a court of record and shall have all the powers of such a court including the power to punish for contempt of itself.”    Since, Vijaya Sai Reddy made the charges against the judiciary, he certainly attracts contempt. In this regard, the legal experts quote the case of Baradanath Mishra vs the Registrar of the Orissa High Court. In this case, the Odisha High Court held that the court has to ask whether the vilification is of the judge as a judge, or it is the vilification of the judge as an individual. If the latter the judge is left to his private remedies and the court has no power to commit for contempt. If it is the former, the court will proceed with scrupulous care in cases that are clear and beyond a reasonable doubt. And hence, in this case, the YSRCP MP went on record making such remarks against the judiciary.    They even point out the Pritam Lal vs High Court of Madhya Pradesh in which the Supreme  Court held that to preserve the proceedings of the courts from interference and to keep the streams of justice pure, it becomes the duty of the court to punish the contemner in order to preserve its dignity.   No one can claim immunity from law if his or her act or conduct interferes or obstructs the due course of justice. In this case the court even felt that making libellous accusations against the sitting judges of the High Court amounts to interference with the administration of justice.   Even iIn Shamsher Singh Bedi vs High Court of Punjab and Haryana, the Supreme  Court held that if remarks made against the judge are scandalous and can pervert the course of justice by interfering with the proper administration of justice, then it amounts to contempt.    The same jurisprudence was reiterated in Dr D.C. Saxena vs Hon’ble The Chief Justice of India where the court held that scandalising the court or judge, undermines people’s confidence in the administration of justice and brings the court into disrepute. Such disrespect tantamounts to criminal contempt. A scurrilous attack on a judge questioning his authority would amount to contempt. The legal experts are expressing surprise as to how the YSRCP MP, who is well versed with legal laws and the parliamentary democracy, has missed these facts before making such a statement with members of Parliament as witnesses.    So, members of the media, the judiciary and the legislature are now expressing surprise at Vijaya Sai Reddy's remarks made on the floor of Parliament.

జలుబు కోసం కొన్ని చిట్కాలు

* జలుబుతో బాధపడుతుంటే మిరియాలు,బెల్లం, పెరుగు కలుపుకుని సేవించండి. దీంతో ముక్కు దిబ్బడ తగ్గిన జలుబు నుంచి ఉపశమనం కలుగుతుంది. * ప్రతి రోజు నీటిని బాగా మరగబెట్టి చల్లార్చి తాగితే జలుబు నుంచి త్వరగా ఉపశమనం కలుగుతుందంటున్నారు వైద్యులు. * పాలలో జాజికాయ, అల్లం, కుంకుమ పువ్వు కలుపుకుని ఉడకబెట్టండి. ఉడకబెట్టిన తర్వాత నీరు సగానికి వస్తే గోరువెచ్చగా ఉన్నప్పుడే సేవించండి. దీంతో జలుబు నుంచి ఉపశమనం కలుగుతుంది. * ఏడు- ఎనిమిది మిరియాలు నెయ్యిలో వేంచుకున్న వెంటనే సేవించాలి. ఆ తర్వాత గోరు వెచ్చని పాలను సేవించాలి. దీంతో శరీరంలో వ్యాధి నిరోధక శక్తి పెరిగి జలుబు తగ్గుముఖం పడుతుంది. * తమలపాకు రసంలో లవంగాలు, అల్లం రసాన్ని తేనెలో కలుపుకోవాలి. ఈ మిశ్రమాన్ని సేవించిన వెంటనే జలుబు మటుమాయం. * అజీర్ణం, గొంతు నొప్పి వంటి సమస్యలతో బాధపడుతుంటే... పరగడుపున ఒక గ్లాసు గోరువెచ్చటి నీటిలో చిటికెడు జీలకర్ర పొడి, టీ స్పూన్ నిమ్మరసం, టీ స్పూన్ తేనె కలుపు కుని తాగాలి. ఇలా వారం రోజులు చేస్తే పూర్తిగా ఉపశమనం లభిస్తుంది. * గ్లాసు గోరువెచ్చని నీటిలో టీ స్పూన్ నెయ్యి కలిపి రాత్రి పడుకునే ముందు తీసుకుంటే మలబద్దకం నుండి ఉపశమనం లభిస్తుంది.  

ఆపిల్‌కి తాత అరటిపండు

అరటిపండు అన్ని రుతువులలో, అన్ని ప్రాంతాలల్లో దొరికే పండు. శరీరంలో ప్రతి అవయవం మీద ప్రభావం చూపే శక్తి అరటికి వుంది. అందుకే రోజుకి ఒక్క అరటిపండు అయినా తినాలని చెబుతారు. పోషకాల విషయానికి వస్తే నిజానికి ఆపిల్ కన్నా అరటే ముందుంటుందని చెప్పాలి.  ప్రొటీన్లు, కార్బోహైడ్రేట్లు, విటమిన్లు ఆపిల్ కన్నా అరటి పండు నుంచి మనకి  ఎక్కువగా అందుతాయి. ఎవరెవరికి ఈ అరటి మేలు చేస్తుందో చూద్దాం.   * రక్తలేమితో బాధ పడేవారికి అరటిని మించిన మందు మరొకటి లేదు. దీనిలో వున్న అధిక ఐరన్ రక్తంలోని హిమోగ్లోబిన్ ఉత్పత్తిని పెంచుతుంది.    * అరటిలో పొటాషియం అధికం. అలాగే ఉప్పు తక్కువ కాబట్టి రక్తపోటుతో బాధపడేవారికి మంచి ఆహరం.   * పిల్లలకి మంచి జ్ఞాపకశక్తి కోసం రోజు ఒక అరటిపండు తినిపించాలి. దీనిలోని పొటాషియం మెదడు చురుకుదనాన్ని పెంచుతుంది. బ్రిటన్‌లో జరిపిన ఓ పరిశోధనలో రోజు అరటిపండు తిన్న పిల్లలలో జ్ఞాపక శక్తి కూడా పెరిగినట్టు తేలింది .   * ఎసిడిటితో బాధపడే వారికీ అరటిపండు సహజమైన యాంటి ఆసిడ్. అల్సర్లతో బాధపడేవారు కూడా అరటిపండు తింటే ఉపశమనం వుంటుంది. కడుపులోపలి గోడల మీద పొరగా ఏర్పడి ఆమ్లాల ప్రభావాన్ని అరటిపండు తగ్గిస్తుంది.   * ఇంపీరియల్ కాలేజీ అఫ్ లండన్‌లో జరిపిన ఓ అధ్యయనంలో రోజూఅరటిపండు తిన్న పిల్లలు మిగతా పిల్లల కంటే  34% తక్కువ అస్తమాకి గురి అయ్యే ప్రమాదం వున్నట్టు తేలింది.   * న్యూ ఇంగ్లాండ్ జర్నల్ అఫ్ మెడిసిన్ వారి ప్రకారం ప్రతిరోజూ అరటిపండు తినేవారిలో గుండె జబ్బు, రక్తనాళాలు మూసుకుపోవటం వంటి ప్రమాదాలుదాదాపు 40% తగ్గుతాయి.   * ఈ పండులోని విటమిన్ బి నాడుల మీద ప్రభావం చూపి ప్రశాంతతని అందిస్తుంది.అలాగే ఇందులోని విటమిన్ బి 6 రక్తంలోని గ్లూకోజు స్థాయిని నియంత్రిస్తుంది. ఫలితంగా మంచి మూడ్ కలిగివుంటాం.   ఇలా అరటిపండు నుంచి మనకి ఎన్నో పోషకాలు లభిస్తాయి . కాబట్టి  చక్కటి ఆరోగ్యానికి రోజుకి ఒక అరటిపండు తినటం మర్చిపోకండి. -రమ

కలలు కనే కళ్ళని అలవనీకండి..

ఎగ్జామ్స్ టైం వస్తోందంటే చాలు పిల్లలు చదివి చదివి అలసిపోతారు. అలాంటి చిన్ని కళ్ళని మనం కాకపోతే ఎవరు పట్టించుకుంటారు చెప్పండి. వాళ్ళు ఎక్కువగా చదవటం వల్ల వచ్చే ఒత్తిడిని కళ్ళు వెంటనే మనకి తెలియచేస్తాయని చెప్తున్నారు కంటి వైధ్యులు. అలా అలిసిపోయిన కళ్ళని కొన్ని జాగ్రత్తలు తీసుకోవటం ద్వారా కాపాడుకోవచ్చట. పిల్లలు చదువుకునే సమయంలో వాళ్ళ గదిలో ఉండే గాలి వెలుతురుని అంతగా పట్టించుకోరు. తొందరగా చదివేసుకోవాలనే తపన తప్ప వాళ్ళకి ఇంకో ధ్యాస ఉండదు. తగినంత వెలుతురు లేని చోట చదవటం వల్ల కళ్ళు దెబ్బతినే ప్రమాదం ఉందిట.   * ఏకధాటిగా చదివే సమయంలో కళ్ళనుంచి నీరు కారుతుంది. అలాంటి సమయంలో పల్చటి మజ్జిగలో తడిపిన దూదిని కళ్ళ మీద వేసుకుని ఒక 5 నిమిషాలు ఉంచినా చాలు. * నిద్ర లేవగానే ముందుగా కళ్ళ మీద చల్ల నీళ్ళని అయిదు నిమిషాల పాటు కొట్టుకోవాలి. ఇలా చేస్తే ఎంత అలిసిపోయిన కళ్ళయినా సేద తీరుతాయి. * కళ్ళ మంటలు తగ్గాలంటే ప్రతి ఇరవై నిమిషాలకోసారి కళ్ళు ఆర్పుతూ తెరుస్తూ ఉండాలి. అదే పనిగా ఎక్కువసేపు ఒకే వైపు చూస్తూ ఉండిపోకూడదని చెప్తున్నారు డాక్టర్లు.   * అలిసిపోయిన కళ్ళకి ఫ్రిజ్ లో పెట్టి తీసిన టీ బాగ్స్ బాగా పనికొస్తాయి. అలా బయటకి తీసిన టీ బాగ్స్ ని కళ్లపై ఉంచుకుని కాసేపు అయ్యాక తీసి చల్ల నీళ్ళతో కళ్ళు కడిగితే చాలా రిలీఫ్ గా ఉంటుంది. * కీరా దోసని గాని, బంగాళదుంపని గాని పల్చటి చక్రాలుగా తరిగి కళ్ల రెప్పలపై వేసి ఉంచినా కళ్ళు త్వరగా చల్లబడతాయి.   * అలసట వల్ల కళ్ళ కింద బ్లాక్ సర్కిల్స్ వస్తే టమాటో గుజ్జులో చిటికెడు పసుపు, 1 స్పూన్ నిమ్మరసం,1 స్పూన్ సెనగపిండి వేసి ముద్దలా చేసి దానిని కనురెప్పలపై పూసి అరగంట తర్వాత కడిగేసుకుంటే బ్లాక్ సర్కిల్స్ తొందరగా మాయమవుతాయి. * రోజ్ వాటర్ కళ్ళకి మంచి మందులా పనిచేస్తుంది. రోజ్ వాటర్ లో దూది ముంచి దానిని కనురెప్పలపై వేసినా కళ్ల అలసట తగ్గుతుంది. * చదువుతూనే కళ్ళకి అప్పుడప్పుడు చిన్నపాటి ఎక్సరసైజ్ ని చేయిస్తూ ఉండాలి. ఐ బాల్స్ ని గుండ్రంగా తిప్పుతూ, కిందకి మీదకి,ఎడమవైపు కుడివైపు తిప్పుతూ ఉంటే కళ్ళు ఆరోగ్యంగా ఉంటాయి. ఈ జాగ్రత్తలతో పాటు కళ్ళకి మంచి ఆరోగ్యనిచ్చే ఆహారం కూడా తీసుకుంటే పిల్లల కళ్ళు దెబ్బతినకుండా ముద్దులొలుకుతూ ఉంటాయి. --కళ్యాణి  
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.