జగన్ చదువుకునేటప్పుడు అన్ని పరీక్షలూ కాపీకొట్టే పాసైన లక్షణాలు కనిపిస్తున్నాయి. ఈ కాపీకొట్టే గుణాన్ని జగన్ రాజకీయాల్లో కూడా కంటిన్యూ చేస్తున్నాడు. తెలుగుదేశం అధ్యక్షుడు చంద్రబాబు ఏ పని చేస్తే అదేపని, అదే తరహాలో చేసేస్తున్నాడు. బాబు దీక్షచేస్తే జగన్ దీక్ష చేశాడు. బాబు ఢిల్లీ వెళ్ళొచ్చాడని ఇప్పుడు జగన్ కూడా ఢిల్లీ వెళ్ళాడు.   రాష్ట్ర విభజన జరక్కుండా చూడాలని పలువురు జాతీయ నేతలను కలసి బతిమాలడం జగన్ పర్యటనలో పైకి చెబుతున్న ఎజెండా. అయితే జగన్ జాతీయ నేతలను కలవాలని ఉత్సాహం చూపిస్తున్నాడు. అయితే జగన్‌ని కలవటానికి మాత్రం జాతీయ నేతలు ఆసక్తి కనబరచడం లేదు. లక్షల కోట్ల అవినీతి ఆరోపణలలో కొట్టుమిట్టాడుతూ, పదహారు నెలలపాటు జైల్లో వుండొచ్చిన జగన్‌తో మాట్లాడ్డానికి కూడా అనేకమంది జాతీయ నాయకులు ఇష్టపడటం లేదు. వాళ్ళంతా జగనొచ్చాడు బాబోయ్ అనుకుంటున్నారు. పైకి సమైక్యవాదినని చెప్పుకుంటున్నప్పటికీ, సోనియాకీ, జగన్‌కి మధ్య రహస్య ఒప్పందాలు జరిగిన విషయం తేటతెల్లమైపోయాయి. ఇలాంటి పరిస్థితుల్లో సోనియాకి నమ్మినబంటు లాంటి జగన్‌ని కలవటం ఎందుకన్న అభిప్రాయం జాతీయ నాయకులలో కలిగింది. అయితే కలవటానికి వచ్చినవాడిని వద్దు పొమ్మనడం బాగోదన్న ఉద్దేశంతోనే తటపటాయిస్తున్నారు.  జగన్ తమను కలవటానికి వచ్చినా, ఏదో మాటవరసకి పలకరించడమే తప్ప అతనిని సీరియస్‌గా తీసుకోకూడదని జాతీయ నాయకులు భావిస్తున్నట్టు తెలుస్తోంది. జగన్ తన ఢిల్లీ పర్యటనలో భాగంగా చంద్రబాబు గతంలో కలసిన నాయకులందర్నీ కలవటంతోపాటు మరికొంతమంది నాయకులను కూడా కలసి తన ‘సంఖ్యాబలం’ పెంచుకునే ఉద్దేశంలో వున్నట్టుంది. అయితే ఢిల్లీ పర్యటనలో చంద్రబాబుకు లభించినంత ప్రాధాన్యం జగన్‌కి లభించకపోవచ్చునని రాజకీయ పరిశీలకులు భావిస్తున్నారు. ఏది ఏమైనా పరీక్షల్లో కాపీకొట్టి పాసవ్వొచ్చేమోగానీ, రాజకీయాల్లో కాపీకొడితే ఫెయిలవటం ఖాయమని జగన్‌కి జ్ఞానోదయం  కలిగేలా చెప్పేదెవరు?  
      రాష్ట్ర ప్రభుత్వం నిర్వహిస్తున్న మలివిడత రచ్చబండ కార్యక్రమం మొదలైంది. ఈ కార్యక్రమం పేరును ‘రచ్చబండ’ అని పెట్టేకంటే ‘ఆపరేషన్ సీమాంధ్ర’ అని పెడితే బాగుండేదని రాజకీయ పరిశీలకులు అంటున్నారు. తనను తాను సమైక్యాంధ్ర ఛాంపియన్‌గా సీమాంధ్ర ప్రజల ముందు నిలుపుకునేందుకు తంటాలు పడుతున్న సీఎం కిరణ్ రచ్చబండ కార్యక్రమాన్ని ఒక మంచి మార్గంగా ఎంచుకున్నారు.     ఈ కార్యక్రమం ద్వారా సీమాంధ్ర ప్రజలకు చేరువ అయ్యే వ్యూహరచన చేశారు. భవిష్యత్తులో తాను కాంగ్రెస్ నుంచి విడిపోయి సొంత పార్టీ పెడితే సీమాంధ్ర ప్రజలు తనకు పూర్తి మద్దతు ఇచ్చేలా ఇప్పటి నుంచే గ్రౌండ్ ప్రిపేర్ చేసుకుంటున్నారు. సీమాంధ్రుల మనసులను గెలుచుకోవడానికి ఏర్పాటు చేసిన ఈ కార్యక్రమానికి ‘ఆపరేషన్ సీమాంధ్ర’ అనే పేరు కరెక్టేమో! అందరూ ఊహించినట్టే రచ్చబండను తన ఇమేజ్ పెంచుకోవడానికి సీఎం ఉపయోగించుకోవడం ప్రారంభించేశారు. విశాఖ జిల్లా చోడవరంలో జరిగిన రచ్చబండ కార్యక్రమంలో స్థానికుల సమస్యల పరిష్కారం కంటే సమైక్యాంధ్ర నినాదాన్నే ప్రధానంగా ముందుకు తీసుకొచ్చారు. రాష్ట్రం విడిపోవడం తనకు ఎంతమాత్రం ఇష్టం లేదని, చివరి వరకు రాష్ట్రం ముక్కలు కాకుండా కాపాడతానని ప్రసంగించారు. రాష్ట్రం విడిపోతే వచ్చే నష్టాలను ఏకరువు పెట్టారు. సీఎం ఇలా మాట్లాడుతూ వుంటే సీమాంధ్రుల మనసులు ఒకసారి కాకపోతే ఒకసారైనా కరగకుండా వుంటాయా అని ఆయన అనుకూల వర్గాలు ఆశాభావంతో వున్నాయి. రచ్చబండలో సమైక్య నినాదాన్ని చాటడంతోపాటు స్థానికులకు బోలెడన్ని వరాలు కూడా సీఎం ప్రకటించారు. వందల కోట్ల రూపాయల అభివృద్ధి పనులకు వాగ్దానాలు చేశారు. ఈసారి రచ్చబండలో భాగంగా సీఎం కిరణ్ మొత్తం నాలుగు సీమాంధ్ర జిల్లాల్లో పర్యటించనున్నారు. ఈ పర్యటనలో ఈ నాలుగు జిల్లాలనూ తన ‘గ్రిప్’లోకి తెచ్చుకోవాలని కిరణ్ కృతనిశ్చయంతో ఉన్నట్టు తెలుస్తోంది. తెలివైన వాడు ఎలాంటి పరిస్థితినైనా తనకు అనుకూలంగా మలచుకోగలడు. ముఖ్యమంత్రి కిరణ్ వరస చూస్తుంటే ఆయన తెలివైనవాడు కాదని ఎవరైనా అనగలరా?  
      కేంద్ర మంత్రి ఆంటోని రాష్ట్ర విభజన మీద ఒక నివేదిక తయారుచేసి కాంగ్రెస్ హైకమాండ్‌కి ఇచ్చినట్టు వార్తలు వచ్చినట్టు తెలిసిందే. ఆంటోనీ గారు ఆంధ్రప్రదేశ్‌ ముఖం చూడకుండానే, అనారోగ్యంతో బెడ్‌రెస్ట్ తీసుకుంటూనే ఎప్పుడు విభజన సమస్యని స్టడీ చేశారోగానీ మొత్తానికి ఒక నివేదిక మాత్రం కాంగ్రెస్ అధిష్ఠానానికి సమర్పించారని వినిపించింది.     ఆ నివేదికలో ఉన్నాయని భావిస్తున్న అనేక అంశాలు తెలంగాణవాదుల గుండెల్లో రైళ్ళు పరిగెత్తించాయి. వాటిలో చాలా ముఖ్యమైనది తెలంగాణ రాష్ట్రం ఏర్పడిన తర్వాత గడచిన కాలం నుంచి వర్తించేలా జీవోలు జారీ చేయకూడదన్న అంశం. ఇది తెలంగాణవాదులకు దడపుట్టేలా చేసింది. రేపు నిజంగా తెలంగాణ ఏర్పడితే భూములు తదితర అంశాల విషయంలో గడచిన కాలం నుంచి వర్తించేలా జీవోలను జారీ చేసి సీమాంధ్రుల సంగతి తేల్చాలన్న పథకం తెలంగాణ వాదుల్లో వుంది. కాంగ్రెస్ అధికారంలోకి వచ్చినా, టీఆర్ఎస్ అధికారంలోకి వచ్చినా తెలంగాణలో భూములు కొన్న సీమాంధ్రులను వేధించే ప్రణాళిక తెలంగాణ వాదుల్లో వుంది. జీఓఎం సమావేశం సందర్భంగా అసదుద్దీన్‌తో ఆంటోనీ తాను కాంగ్రెస్‌కి ఎలాంటి నివేదిక సమర్పించలేదని చెప్పారు. అయినా సరే ఆంటోనీ నివేదిక ఇచ్చే వుంటారని, అందులో తాము భయపడుతున్న అనేక అంశాలు వుండే వుంటాయని టీ కాంగ్రెస్ నాయకులు భయపడుతున్నారు. ఆంటోనీ కమిటీ ఇచ్చిన నివేదికను యథాతథంగా తెలంగాణ బిల్లులో చేరిస్తే తెలంగాణ వచ్చిన తర్వాత సీమాంధ్రులను సాధించే అవకాశం వుండదని బాధపడుతున్నారు. తెలంగాణ వచ్చినా సీమాంధ్రుల జుట్టు తమ చేతిలోనే వుండాలని టీ కాంగ్రెస్ నాయకులు కోరుకుంటున్నారు. ఉందో లేదో తెలియని ఆ నివేదికలో మార్పులు చేర్పులు చేయాలని కోరుకుంటున్నారు. ఈ విషయంలో ఆంటోనీ సార్ని ఎలా కాకాపట్టాలో చెప్పండి మహాప్రభో అని జైపాల్‌రెడ్డిని ఆశ్రయించారు. ఈ అంశం మీదే శుక్రవారం నాడు ఢిల్లీలోని జైపాల్‌రెడ్డి నివాసంలో సమావేశమై ఆంటోనీని తమకు అనుకూలంగా ఎలా మార్చుకోవాలన్న అంశం మీద గంటలు గంటలు చర్చించారు. ఇంతకీ ఈ సమావేశంలో ఆంటోనీని బుట్టలో వేసుకునే మార్గం దొరికిందో లేదో!

బలిదేవత సోనియా!

Publish Date:Nov 15, 2013

      సోనియా భజన చేయడంలో మితిమీరిపోతున్న తెలంగాణ కాంగ్రెస్ నాయకులను చూసి తెలంగాణ ప్రజలు అసహ్యించుకుంటున్నారు. పదవుల కోసం ఇంతలా దిగజారుతున్న టీ కాంగ్రెస్ నాయకులు తెలంగాణ ప్రజల్లో చులకనైపోతున్నారు. తెలంగాణ రాష్ట్రం ఇస్తున్నట్టు ప్రకటించిన సోనియాగాంధీ మీద టీ కాంగ్రెస్ నాయకులకు అభిమానం, గౌరవం పొంగి పొర్లిపోతున్నాయి. తెలంగాణ ముఖ్యమంత్రి రేసులో వున్నవాళ్ళందరూ సోనియాగాంధీని ఆకాశానికెత్తేస్తూ కీర్తిస్తున్నారు.   సోనియాని దేవత అంటున్నారు. కొంతమంది మరీ టూమచ్‌గా సోనియాకి తెలంగాణ వ్యాప్తంగా గుడులు కట్టాలని తీర్మానించేస్తున్నారు. సోనియా గుడుల నిర్మాణానికి స్థలాలను కూడా మంజూరు చేయాలని డిమాండ్ చేస్తున్నారు. నిజంగా తెలంగాణ కాంగ్రెస్ నాయకులు గుడులు కట్టదలుచుకుంటే కట్టాల్సింది సోనియా గుడులు కాదు.. నిజాం చెర నుంచి తెలంగాణకు విముక్తి కల్పించిన సర్దార్ వల్లభాయ్ పటేల్ గుడులు కట్టాలి. తెలంగాణ రాష్ట్రాన్ని కోరుకుంటూ చనిపోయిన యువకుల గుడులు కట్టాలి. అంతేగాని, తెలంగాణ ప్రజల్ని అమాయకుల్ని చేసి ఆడిస్తున్న, తెలుగుజాతిని నడి రోడ్డమీద నిలబెట్టిన సోనియాగాంధీకి గుడులు కట్టాలని కోరుకోవడమేంటి? ఇది టీ కాంగ్రెస్ నాయకుల లోలోపల జీర్ణించుకుపోయిన బానిసత్వానికి నిదర్శనంగా కనిపిస్తోంది. ఇలాంటి వాళ్ళకు వాత పెట్టాలంటే తెలుగుదేశం పార్టీ తెలంగాణ నాయకుడు రేవంత్‌రెడ్డే కరెక్ట్. గత కొంతకాలంగా సోనియాగాంధీ గుడుల డిమాండ్‌ను పరిశీలిస్తున్న ఆయన ఒక్కసారిగా గళం విప్పారు. వందలాదిమంది తెలంగాణ యువకులు ప్రాణాలు తీసుకోవడానికి కారణమైన సోనియాగాంధీని తెలంగాణ కాంగ్రెస్ నాయకులు దేవత అని కీర్తిస్తున్నారని, ఆమె దేవత కాదని.. బలులు కోరే బలిదేవత అని విమర్శించారు.
  Hyderabad, Hyderabad and Hyderabad!! To put it out succinctly this is what the thorny issue between Andhra Rayalaseema people and Telanagana people. Everybody knows if this particular City would not have been there, one, the issue of bifurcation would not have arisen; two, even if evolved, Andhra people would not have had any objection. But, the fact is there is Hyderabad.   A City challenging the other four metropolis of India. Keeping the big Cities of Mumbai, Kolkata, New Delhi, and Chennai on the toes, the City of Hyderabad is and was always a force to be reckoned with. The City of Hyderabad remained an important focal point in all the discussions relating to bifurcation of the state of Andhra Pradesh.   The importance of Hyderabad is such that neither of the contending parties are ready to part the same. Now, with both sides fighting a heated battle out there for atleast a slice of the City which both parties believe earnestly that it belongs to them, let us once again visit the City of Hyderabad to see what are the thorny issues or to say even glorious features that is making the division become a vexatious issue.   These are some of the issues that the writer felt as The Issues. Some may agree and some may not agree too…!!   First, a brief look into the history: · As can be seen from the historical facts the Hyderabad being capital of erstwhile Hyderabad state under the rule of Nizam recorded excellent growth. It is because of this people from different parts of the country and also from Coastal Andhra and Rayalaseema migrated to Hyderabad and other parts of Telangana long time back.   Thus by the time the state of Andhra Pradesh was formed in 1956 the city of Hyderabad already attained cosmopolitan nature in relation to those times. · As recorded by Justice Srikrishna Committee the first phase of migration to Hyderabad and Telangana started when the Nizam invited farmers from the Coastal Andhra to settle and cultivate lands under Nizam Sagar dam.   After the Hyderabad was made capital of united Andhra Pradesh this migration further increased and in 1980s during the regime of Telugu Desam large investors and businessmen migrated to Hyderabad and thereby enhanced its economic strength in due course of time.   The development of Hyderabad reached all time high during the regime of Chandrababu Naidu due to robust growth of IT and ITES industry. · Though people from all the regions of the state contributed for the present status of Hyderabad, majority of the investments came from people of Coastal Andhra, Rayalaseema, other parts of the country and foreign investors. Therefore all these groups developed an inseparable bondage with Hyderabad.   Some interesting facts: One can understand the heart burn of those affected by the bifurcation of the State decision only when one knows about certain facts relating to Hyderabad. Therefore, following facts are placed for better appreciation of the issue. ·   Greater Hyderabad Municipal Corporation (GHMC), formed in 2007. GHMC covers an area of 626 Sq.km and was formed by combining an erstwhile Municipal Corporation of Hyderabad (MCH) and another 12 municipalities. GHMC provides for civic services and necessary infrastructure. ·   The population of Hyderabad is four times larger than the second largest city in Andhra Pradesh, i.e. Visakhapatnam. · Hyderabad Metropolitan Development Authority (HMDA) covers a much larger area of 7073 sq.km. with a population of over 7 million. ·   HMDA is almost twice the size of Goa, which is only 3702 sq.km and much larger than the National Capital Territory of Delhi, which is 1483 sq. km. It is much larger than Union Territories like Chandigarh (114 sq.km) and Puduchery (492 sq.km).    There are more than 58 Research Centres that are funded / sponsored by the Central government and which were established post 1956 after the merger. The people of Seema Andhra are apprehensive that the new state, if formed will be bereft of any of these institutions and there will be a complete lack of research based institutions in the state.   The 40 Public Sector Undertakings (PSUs) including Defence and other sensitive areas which were established post 1956 after the merger. All these have come since Hyderabad is the capital of Andhra Pradesh state.   The people of Seema Andhra At least some of these would have been set up in Seemandhra if it were a separate state even earlier without getting merged. Now the Seemandhra does not have any PSU worth mentioning. It will sound very ethical if the Seemandhra people demand a fair share in some of these and ask them to relocate a portion of some of these institutions be transferred to the new state, if it is formed.   The New Delhi IIT, it is believed, has made a blue print saying that it will cost about Rs. 2.5 lakh crores to construct a Capital, if at all the AP state is bifurcated. How such huge amounts are to be provided? · As on date the Hyderabad hosts many significant institutions, · Nine educational institutions, mostly universities supported by the state government. ·   The share of modern services in Hyderabad‟s economy has increased from 24% to 39% in a relatively short period of time i.e 1999-2006.    The Hyderabad contributed about Rs. 32,000 crore out of the total earnings of Rs. 2,17,000 crore through exports of Information Technology and Information Technology Enabled Services (IT and ITES) from India in 2008-09 and this remained steady.   Out of the total Rs. 65000 crores of IT exports from Andhra Pradesh, over 63500 crores are generated only from Hyderabad as on 2012-13. A mere 1600 crores are generated in the cities of Vizag, Kakinada, Vijayawada and Tirupati. ·   The districts of Hyderabad and adjoining Rangareddy put together account for 40% of revenues from property transfers and this indicates the quantum of investments in real estate sector. · In the recent times several projects have been completed or in the process of completion in Hyderabad involving investments worth several thousands of crores of rupees. Some of the key projects are provided below. ·   The Rajiv Gandhi International Airport with current capacity of 10 million passengers and designed for an eventual capacity of 40 million passengers per annum.(Rs.2800 Crore) · The Narasimha Rao Expressway is an 11.6 km elevated Expressway connecting the Rajiv Gandhi International Airport to the city.    The Outer Ring Road, which is a 159 km ring road providing connectivity to various state and national highways and the Rajiv Gandhi International Airport (Rs.6,696 Crore). · The Hyderabad Growth Corridor initiative is a plan to develop “urban settlements”, around the Outer Ring Road. · The Hyderabad Multi-modal Transport service (MMTS) is a city train service, associated with South Central Railway.(Rs.772 Crore).   The Hyderabad Metro Rail project .The first phase envisages a route length of 72 km covering three high density traffic corridors of Hyderabad.(Rs.15,957 Crore) · More than half of the income of the State’s own revenue comes from Hyderabad and the abutting Rangareddy district. In 2012-13 out ofthe total State’s revenue of about Rs. 72,000 crores, Hyderabad and adjoining Rangareddy districts together accounted for Rs. 37,555crores through different taxes.   Now Say…… As the famous poet Sri Sri said, the labourers who have carried the stones for the construction of Tajmahal should also be honoured. If some one says that Hyderabad has been built exclusively by Telenagana people and Andhra People do not have any say in that will be hiding the facts.   ( By: *Neelayapalem Vijay Kumar*)

కనిపించుటలేదు!

Publish Date:Nov 14, 2013

      ఉండవల్లి అరుణ్‌కుమార్, లగడపాటి రాజగోపాల్ అనే ఇద్దరు రాజకీయ నాయకులు గతంలో ప్రతిరోజూ మీడియాలో కనిపించేవారు. తెలంగాణ రాదు.. సీమాంధ్రులకేం భయంలేదు.. తెలంగాణ రాకుండా చేసే సత్తా మాకు వుందని చెప్పేవారు. వీళ్ళమాటలు నమ్మి సీమాంధ్రులు దారుణంగా మోసపోయారు.   కేంద్ర ప్రభుత్వం తెలంగాణ ఇవ్వడానికి మహా ఆత్రంగా పరిగెత్తుతున్న ప్రస్తుత తరుణంలో వారం పది రోజులకు ఒకసారి కూడా వీళ్ళు మీడియాలో కనిపించడం లేదు. అలాగే సీమాంధ్రలో కూడా వీళ్ళు ఎక్కడా కనిపించడం లేదు. వీళ్ళ నియోజకవర్గాల ప్రజలకయితే అస్సలు కనిపించడం లేదు. ఈ క్రింది ఆధారాలతో వీళ్ళిద్దర్నీ గుర్తుపట్టవచ్చు. వీళ్ళలో ఉండవల్లి అనే వ్యక్తి చాలా మాటకారి. మాటలతోనే కడుపు నింపేస్తూ వుంటాడు. లాపాయింట్లు తీస్తూ వుంటాడు. అస్సలు కోపాన్ని ప్రదర్శించకుండా చిరునవ్వుతో వుంటాడు. ఈయన న్యూఢిల్లీలో సోనియాగాంధీ ఇల్లు, ఎఐసీసీ ఆఫీసు పరిసరాల్లో తిరుగుతూ వుండొచ్చు. అలాగే లగడపాటి రాజగోపాల్ చూడ్డానికి స్పోర్ట్స్ మాన్‌లాగా వుంటాడు.  జేబులో ఎప్పుడూ డబ్బుల కట్టలు పెట్టుకుని వుంటాడు. దేన్నయినా డబ్బుతో కొనేయొచ్చన్న ఆత్మవిశ్వాసం ముఖంలో కనిపిస్తూ వుంటుంది. ఒక్కసారి మాట్లాడ్డం మొదలుపెడితే ఎంతసేపయినా నాన్‌స్టాప్‌గా మాట్లాడుతూనే వుంటాడు. ఈయన కూడా ఉండవల్లి కనిపించే ఏరియాల్లోనే కనిపించే ఛాన్సుంది. వీళ్ళిద్దరూ ఉండవల్లి, లగడపాటి అని షార్ట్ కట్ పేర్లతో పిలిస్తే పలుకుతారు. వీళ్ళు ఎవరికైనా కనిపిస్తే దయచేసి మాకు మాత్రం అప్పగించవద్దు. వాళ్ళని తీసుకెళ్ళి వేరే ఏదైనా స్టేట్‌లో వదిలేయగలరు. మళ్ళీ ఆంధ్రప్రదేశ్ వైపు వెళ్ళవద్దని బెదిరించగలరు. వాళ్ళు కనిపించకుండా వుంటేనే మాకు హాయిగా వుంది. వీళ్ళు ఆంధ్రప్రదేశ్ వైపు రాకుండా చేసిన వాళ్ళకి మంచి బహుమతి అందించగలం. బాబూ ఉండవల్లీ, నాయనా లగడపాటీ.. మీరు దయచేసి ఆంధ్రప్రదేశ్‌కి రాకండి. వచ్చి మా చెవుల్లో మళ్ళీ పూలు పెట్టే ప్రయత్నం చేయకండి. మిమ్మల్ని నమ్మి ఆల్రెడీ ఒకసారి మోసపోయాం. మమ్మల్ని మళ్ళీ మోసం చేయకండి.                                      ఇట్లు                                 సీమాంధ్ర ప్రజలు  

‘ఛీ’బీఐ ‘చీప్’

Publish Date:Nov 14, 2013

      కనకపు సింహాసనమున శునకమును కూర్చుండబెట్టిన వెనుకటి గుణమేల మానున్... అనే మాటను ఎవరిని ఉద్దేశించి అన్నారో తెలుసా? సీబీఐ చీఫ్ రంజిత్ సిన్హా లాంటివాళ్ళని ఉద్దేశించే అని వుంటారు. అసలు సీబీఐ అనేది చట్టబద్ధత లేని ఒక పనికిమాలిన సంస్థ అని ఈమధ్య గౌహతి హైకోర్టు డిసైడ్ చేసింది. అలాంటి సంస్థకి కాంగ్రెస్‌ని కాకాపట్టి, భజనచేసి చీఫ్ పదవి సంపాదించుకున్న వ్యక్తి రంజిత్ సిన్హా. తాను సీబీఐ చీఫ్ పదవి చేపట్టిన దగ్గర్నుంచీ ఏలినవారు వేలెత్తి చూపించిన వారితోపాటు, తన వ్యక్తితగ విరోధులను కూడా సీబీఐ అండతో వేధిస్తూ కాలక్షేపం చేస్తున్నారు. కడుపు నిండింది.. కాలక్షేపానికో పదవి దొరికింది.. అక్కడితో అయ్యగారు ప్రశాంతంగా వుండొచ్చు కదా!     అలా వుంటే జీవితంలో థ్రిల్లు, ట్విస్టు ఏముంటాయి? కడుపు నిండిన వాళ్ళకి నోరు ఎక్కువగా పనిచేస్తుందంటారు. రంజిత్ సిన్హా విషయంలో కూడా అదే జరిగింది. ‘క్రీడల్లో నైతికత, నిజాయితీ, చట్టం అవసరం’ అనే అంశం మీద ఢిల్లీలో జరిగిన ఒక సదస్సులో ఈ పెద్దమనిషిని మాట్లాడమని పిలిచారు. అక్కడకి వెళ్ళిన రంజిత్ సిన్హా బెట్టింగ్ మంచిది కాదు అని ఒక్క మాట చెప్పి నోరు మూసుకుని వస్తే సరిపోయేది. తన క్రియేటివిటీని అందరికీ తెలియజేయాలన్న ఉద్దేశంతో బెట్టింగ్‌ని, అత్యాచారాన్నీ పోలుస్తూ మాట్లాడాడు. దాంతో అయ్యగారి మాట్లాడిన తీరు మహిళలను కించపరిచేలా వుందని నిరసనలు వ్యక్తమయ్యాయి. మొదట్లో లైట్‌గా తీసుకున్న సిన్హా పరిస్థితి చెయ్యి దాటిపోతోందని అర్థం చేసుకుని ఏదో నోరుజారి, మైండ్ అదుపులో లేక, అనాలోచితంగా అలా మాట్లాడేశానే తప్ప తనకు మహిళలంటే అత్యంత గౌరవమని చెప్పాడు. అయినా వివాదం సర్దుమణగలేదు. ఈ విషయాన్ని అంత ఈజీగా వదిలిపెట్టమని జాతీయ మహిళా కమిషన్ సభ్యురాలు నిర్మలా సావంత్ ప్రభవాల్కర్ అంటున్నారు. ఒక ఉన్నతమైన పదవిలో వుండి అత్యంత నీచమైన వ్యాఖ్యలు చేసిన రంజిత్ సిన్హా మీద చట్టపరమైన చర్యలు తీసుకోవాలని, ఆయన్ని సీబీఐ డైరెక్టర్ పదవి నుంచి తప్పించాలని డిమాండ్ చేస్తున్నారు. ఈ అంశంలోకి భారతీయ జనతాపార్టీ, సీపీఎం కూడా ఎంటరయ్యారు. రంజిత్ సిన్హా తక్షణం తన పదవికి రాజీనామా చేయాలని ఈ రెండు పార్టీలు డిమాండ్ చేస్తున్నాయి. చీప్ కామెంట్లు చేసి ఛీ కొట్టించుకుంటున్న సీబీఐ చీఫ్ ఇప్పుడేం చేస్తారో చూడాలి.  
      బీజేపీ రాష్ట్ర అధ్యక్షుడు కిషన్‌రెడ్డిలో రూపాయంత ఆలోచన వుందిగానీ, దాంతోపాటే రూపాయి పావలా అంత ఆవేశం వుంది. పావలా ఎక్కువున్న పాపానికి ఆయన ఆలోచనని ఆవేశం డామినేట్ చేస్తోంది అదీ కిషన్‌రెడ్డితో వచ్చిన సమస్య! ఆంధ్రప్రదేశ్ రాష్ట్రాన్ని విభజించాలని, తెలంగాణ ఇచ్చేయాలని బీజేపీ కేంద్ర నాయకత్వానికి పెద్దగా ఆలోచన లేకపోయినప్పటికీ, విభజనవాదాన్ని బీజేపీ మెడమీద గుదిబండలా వేసింది మాత్రం కిషన్‌రెడ్డి లాంటి బీజేపీ తెలంగాణ నాయకులే!   తెలంగాణ రాష్ట్రం ఏర్పడితే లాభాల కంటే నష్టాలే ఎక్కువగా వున్నాయని తెలిసినా తెలంగాణ వాదానికి మద్దతు ఇవ్వక తప్పని పరిస్థితిలోకి బీజేపీ చేరుకుంది. కాంగ్రెస్ అడ్డగోలుగా తెలంగాణను విభజిస్తోందని అర్థమైపోతున్నా ఏమీ చేయాలేని స్థితిలో బీజేపీ వుంది. దీనికి కిషన్‌రెడ్డి కూడా కారణం. తెలంగాణకు మద్దతిస్తే ఈ ప్రాంతంలో బీజేపీ హవా నడుస్తుందని, బోలెడన్ని సీట్లు వస్తాయని బీజేపీ కేంద్ర నాయకత్వంలో అతి నమ్మకం కలిగించారు. ఇప్పుడు కేంద్రం తెలంగాణ రాష్ట్రం ప్రకటించాక బీజేపీకి అసలు పరిస్థితి అర్థమైంది. అటు సీమాంధ్రలో తుడిచిపెట్టుకుపోవడం, ఇటు తెలంగాణలో మూలనపడటం ఖాయమని తెలుసుకుంది. జరిగిన నష్టాన్ని పూడ్చుకునే భాగంగా బీజేపీ కేంద్ర నాయకత్వం తెలుగుదేశం పార్టీకి చేరువయ్యే ప్రయత్నాలు చేస్తోంది. నరేంద్రమోడీ ప్రధాని అభ్యర్థిగా ముందుకు వచ్చిన తర్వాత ఆ ప్రయత్నాలు మరింత ముమ్మరమయ్యాయి. అయితే ఈ పరిణామాలను కరడుగట్టిన విభజనవాది కిషన్‌రెడ్డి జీర్ణించుకోలేకపోతున్నారు. అందుకే తెలుగుదేశంతో దోస్తీకి బీజేపీ ప్రయత్నించడం లేదని వారానికి నాలుగుసార్లు ప్రకటిస్తున్నారు. అటు సీమాంధ్రలో, ఇటు తెలంగాణలో బీజేపీ ఏ పార్టీతోనూ పొత్తు పెట్టుకోకుండా ఒంటరిగానే పోటీ చేసి ఘన విజయాలను సాధిస్తుందని చెబుతున్నారు. కిందపడ్డా నాదే పైచేయి అనే తత్వం కిషన్‌రెడ్డిలో కనిపిస్తోంది. వచ్చే ఎన్నికలలో బీజేపీ ఇప్పుడున్న రెండు అసెంబ్లీ స్థానాలను గెలుచుకునేది కూడా కష్టమేనని రాజకీయ పండితులు విశ్లేషిస్తున్నారు. ఇలాంటి పరిస్థితుల్లో తెలుగుదేశంతో స్నేహం కుదరబోతుంటే ఎగిరి గంతేయాలే తప్ప మోకాలు అడ్డు వేసే వ్యాఖ్యలు చేయడం మంచిదికాదని అంటున్నారు. అయినా ఎవరికి ఏది ప్రాప్తమో అది జరగకుండా ఆగుతుందా?  
      ఇల్లు కాలి ఒకడు ఏడుస్తుంటే... చూరులో చుట్ట కాలి ఇంకొకడు ఏడిచాడంట. కాంగ్రెస్, టీఆర్ఎస్ పార్టీల పరిస్థితి ఇలాగే వుంది. ఒకపక్క రాష్ట్రాన్ని విభజించొద్దు మహాప్రభో అని తెలుగుజాతి మొత్తుకుంటూ వుంటే, మరోపక్క కాంగ్రెస్, టీఆర్ఎస్ పార్టీలు విలీనానికి సంబంధించిన డ్రామాలు ఆడుతున్నాయి. తెలుగుజాతి సమాధి మీద మరమరాలు, చిల్లరడబ్బులు ఏరుకోవడానికి ప్రయత్నాలు చేస్తున్నాయి. అడ్డగోలుగా అయినా సరే ఆంధ్రప్రదేశ్ రాష్ట్రాన్ని విభజిస్తే టీఆర్ఎస్ పార్టీ కాంగ్రెస్‌లో విలీనం అయిపోతుందని కాంగ్రెస్ నాయకులు భావించారు. తద్వారా రాహుల్‌బాబు ప్రధాని కావడానికి వీలవుతుందని ఆశించారు.   కాంగ్రెస్ పార్టీ తెలంగాణకి ఓకే అన్న తర్వాత టీఆర్ఎస్ అధినేత కేసీఆర్ తన విశ్వరూపం చూపించాడు. విలీనం విషయంలో దాగుడు మూతలు ఆడటం ప్రారంభించాడు.  ఆ దాగుడు మూతలు ముదిరిపోయి- ‘‘అసలు తమ పార్టీ కాంగ్రెస్ పార్టీలో విలీనం కావాల్సిన అవసరమే లేదు.. వచ్చే ఎన్నికలలో మా పార్టీయే తెలంగాణలో అధికారంలోకి వస్తుంది. తెలంగాణ ప్రజలు టీఆర్ఎస్‌కే అధికారం కట్టబెట్టాలని కోరుకుంటున్నార’’ని స్టేట్‌మెంట్ ఇచ్చేశాడు. దాంతో కాంగ్రెస్ పార్టీ గతుక్కుమంది. కేసీఆర్‌ని నమ్ముకుని రాష్ట్రాన్ని ముక్కలు చేస్తుంటే కేసీఆర్ ఇలా ప్లేటు ఫిరాయించాడేంటా అని టెన్షన్ పడిపోయింది. టెన్షన్ తగ్గిన తర్వాత తన మార్కు రాజకీయాలకు తెరతీసింది. కేంద్ర ప్రభుత్వం పూర్తిగా సీమాంధ్రులకు అనుకూలంగా మారిపోయినట్టు.. తెలంగాణ ఇచ్చినా విభజనవాదులకు పెద్దగా ఒరిగేదేమీ లేదన్నట్టుగా పరిస్థితులు క్రియేట్ చేసింది. విభజన ప్రక్రియని సంక్లిష్టం చేసింది. దాంతో కేసీఆర్ మళ్ళీ కాంగ్రెస్ పార్టీ లైనులోకి వచ్చాడు. కాంగ్రెస్‌ని మంచి చేసుకుని విభజనలో తెలంగాణకి ఎక్కువ మేలు జరిగి, సీమాంధ్రులకు గుండుకొట్టేలా చేయాలని ప్లాన్ వేశాడు. తన దగ్గర సిద్ధంగా వున్న విలీనం ప్రతిపాదనని మరోసారి తెరమీదకి తెచ్చాడు. కాంగ్రెస్‌లో తమ పార్టీ విలీనం కాదని తాను చెప్పలేదని, పార్లమెంట్‌లో బిల్లు ఆమోదం పొందిన తర్వాత విలీనం సంగతి ఆలోచిస్తానని కాంగ్రెస్ పార్టీకి ఓ బిస్కెట్ వేశాడు. ఆ బిస్కెట్ అందుకున్న కాంగ్రెస్ పార్టీ కేసీఆర్ మీద తన విశ్వాసాన్ని ఎలా చూపిస్తుందో వేచిచూడాలి.
      మహబూబ్‌నగర్ జిల్లా పాలెం దగ్గర జబ్బార్ ట్రావెల్స్ బస్సు అగ్ని ప్రమాదానికి గురై 45 మంది మృత్యువాత పడిన దుర్ఘటన ఇంకా కళ్ళముందు కదులుతూనే వుంది. ప్రైవేట్ ట్రావెల్స్‌ విధానాలను, నిర్లక్ష్యాన్ని సమర్థించడం కాదుగానీ, ఆ దుర్ఘటన జరిగిన తర్వాత అందరూ ప్రైవేట్ ట్రావెల్స్ నిర్వహించే వాళ్ళని విలన్ల మాదిరిగా చూశారు. ఆర్టీయే అధికారులు అయితే సడెన్‌గా వాళ్ళ డ్యూటీలు గుర్తొచ్చి రాష్ట్రవాప్తంగా ప్రైవేట్ ట్రావెల్స్ నడిపే బస్సులను చెక్ చేశారు. వందలాది బస్సులను సీజ్ చేశారు. ప్రజల్ని కాపాడటం, ప్రైవేట్ బస్సుల ఆగడాలను అరికట్టడమే తమ లక్ష్యమన్నట్టు చాలా హడావిడి చేశారు. అయితే ఈ రూల్స్, చెకింగ్స్, బస్సులను సీజ్ చేయడం, కేసులు పెట్టి జైల్లో తోయడం ఇవన్నీ ప్రైవేట్ ట్రావెల్స్ వాళ్ళకి మాత్రమే వర్తింపజేస్తారా? ఆర్టీసీ బస్సులకు వర్తింపజేయరా? ఇదేనా ప్రభుత్వ చిత్తశుద్ధి? పాలెం దుర్ఘటన జరిగిన తర్వాత రాష్ట్రంలో అనేక ఆర్టీసీ బస్సులు చిన్నచిన్న ప్రమాదాలకు గురయ్యాయి. రెండు మూడు ప్రాణాలు కూడా పోయాయి. వాటి గురించి పట్టించుకున్నవాళ్ళే లేరు. మంగళవారం రాత్రి నల్గొండ జిల్లా చింతపల్లి దగ్గర హైదరాబాద్ నుంచి నెల్లూరుకు వెళ్తున్న ఆర్టీసీ గరుడ బస్సు లగేజీ బాక్సులో అర్ధరాత్రి సమయంలో మంటలు చెలరేగాయి. ప్రయాణికులు అప్రమత్తంగా ఉండి మంటలను గుర్తించి ఆర్పడంతో పెనుప్రమాదం తప్పింది. ఒకవేళ ఈ ప్రమాదంలో జరగరానిది జరిగితే ఎవరు బాధ్యులు? ప్రైవేట్ బస్సులను ఉద్యమంలా తనిఖీలు చేస్తున్న ఆర్టీఏ అధికారులు ఒక్క ఆర్టీసీ బస్సునైనా తనిఖీ చేసిన పాపాన పోయారా? రాష్ట్ర వ్యాప్తంగా వేల సంఖ్యలో ఆర్టీసీ డొక్కు బస్సులు తిరుగుతున్నాయి. వాటి కండీషన్ మీద ఆర్టీఏ అధికారులెవరైనా ఆర్టీసీని ప్రశ్నించిన దాఖలాలున్నాయా?  రోడ్లమీద ఎక్కడబడితే అక్కడ ఆర్టీఏ అధికారులు ప్రైవేట్ బస్సులను ఆపి తనిఖీలు చేస్తుంటారు. ఇలా ఆర్టీసీ బస్సులను ఆపి ఏనాడైనా తనిఖీ చేశారా? ఆర్టీసీ బస్సులు పూర్తి సురక్షితంగా వుంటాయని, వాటికి అస్సలు ప్రమాదాలు జరగవని, వాటిని తనిఖీ చేయాల్సిన అవసరం లేదని ఆర్టీఏ అధికారులకు ఎవరైనా సర్టిఫికెట్ రాసిచ్చారా? మొత్తమ్మీద ఈ మొత్తుకోవడం వెనుక ఉన్న బాధ ఏమిటంటే, ప్రైవేట్ బస్సుల మీద ఎలాంటి రూల్స్ ప్రయోగిస్తున్నారో  ఆర్టీసీ బస్సుల మీద కూడా అవే రూల్స్ ప్రయోగించాలి. ప్రయాణికుల ప్రాణాలు కాపాడాలి.  
      ఆలూలేదూ చూలూ లేదు అల్లుడి పేరు సోమలింగం అనేది ఓ పాత సామెత. ఆ సామెత తెలంగాణ కాంగ్రెస్ నాయకులకు అతికినట్టు సరిపోతుంది. ఇంకా తెలంగాణ రానేలేదు. తెలంగాణ వస్తుందో రాదో ఇచ్చేస్తున్నాం అని ప్రకటించిన కాంగ్రెస్ వాళ్ళకి కూడా కూడా తెలియడం లేదు. కానీ టీ కాంగ్రెస్ నేతలు మాత్రం తెలంగాణ ముఖ్యమంత్రి పోస్టు గురించి నానా టెన్షన్లూ పడుతున్నారు. కాస్తంత పెద్ద గొంతుతో జై తెలంగాణ అన్న ప్రతి ఒక్క నాయకుడూ నేనే కాబోయే ముఖ్యమంత్రిని అని కలలు కంటున్నారు. అయితే అందరి కలలమీదా సీనియర్ కాంగ్రెస్ నాయకుడు, కేంద్రమంత్రి జైపాల్‌రెడ్డి కడవలకొద్దీ నీళ్ళు కుమ్మరించారు. ‘‘తెలంగాణ రాష్ట్రం ఏర్పడ్డాక కాంగ్రెస్ అధికారంలోకి వస్తుంది. అప్పుడు జైపాల్‌రెడ్డి తెలంగాణ రాష్ట్రానికి తొలి ముఖ్యమంత్రి’’ అనే వార్తలు ఢిల్లీ స్థాయిలో  వినిపిస్తున్నాయి. ఆ వార్తలు చాలామంది తెలంగాణ కాంగ్రెస్ నాయకులలో ఆవేదన కలిగిస్తున్నాయి. సొమ్మొకరిది సోకొకరిది అన్నట్టు తామంతా తంటాలు పడి తెలంగాణ కోసం నానా హడావిడి చేస్తే ఫలితాన్ని మాత్రం నిన్నగాక మొన్న రంగంలోకి వచ్చిన జైపాల్‌రెడ్డి సొంతం చేసుకుంటున్నారని బాధపడుతున్నారు. స్వతహాగా సమైక్యవాది అయిన జైపాల్‌రెడ్డి మూడు నాలుగు నెలల క్రితం వరకు తాను విభజనవాదినని ఎక్కడా బయటపడలేదు. ఈమధ్యకాలంలోనే ఆయన రాష్ట్రాన్ని విభజించాలనే డిమాండ్ నెత్తికి ఎత్తుకున్నారు. రాజకీయాల్లో సీనియర్ కావచ్చేమోగానీ, తెలంగాణ వాదాన్ని బలంగా వినిపించడంలో తమకంటే చాలా జూనియర్ అయిన జైపాల్‌రెడ్డి ఇప్పుడు తెలంగాణ సీఎం సీటును ఎగరేసుకుపోవాలని కోరుకోవడం అన్యాయమని చాలామంది తె.కాం. నాయకులు లోలోపల ఆక్రోశిస్తున్నారు. తెలంగాణకి ముఖ్యమంత్రి అవ్వాలనుకుంటున్న జానారెడ్డి మొదలుకుని షబ్బీర్ అలీ వరకూ అందరూ జైపాల్‌రెడ్డి ఆధిపత్యాన్ని భరించలేకపోతున్నారు. జైపాల్‌రెడ్డి ముఖ్యమంత్రి కాకుండా ఉండటానికి ఏం చేయడానికైనా సిద్ధంగా వున్నట్టు కనిపిస్తున్నారు. అధిష్ఠానం దగ్గర జైపాల్‌కి నై చెప్పడానికి సిద్ధమవుతున్నారు. అవసరమైతే తామంతా ఒక్కటై తమలో ఒకరిని ముఖ్యమంత్రిగా ప్రమోట్ చేసి జైపాల్‌రెడ్డికి చెక్ పెట్టడానికి వ్యూహరచన చేస్తున్నారు.
  ప్రజల భావోద్వేగాలతో ముడిపడి ఉన్నరాష్ట్ర విభజన, తెలంగాణా ఏర్పాటు అనే రెండు అంశాలు అన్ని పార్టీలకు ఒక రాజకీయ క్రీడగా మారిపోయింది. ఈ వ్యవహారంలో ప్రతీ పార్టీ కూడా తాము ఈ అంశాల నుండి ఏవిధంగా రాజకీయ లబ్ది పొందగలము? ఈ సమస్యల నుండి బయటపడి, వైరి పక్షాలను దెబ్బతీయాలని వ్యూహ ప్రతివ్యూహాలు రచిస్తూ రాజకీయ చదరంగం ఆడుకొంటున్నాయి.   ఇది ప్రజల భావోద్వేగాలతో చెలగాటమేనని వాటికీ తెలుసు. గనుకనే ఆ భావోద్వేగాలను కూడా తమ రాజకీయ లబ్ధికి నేర్పుగా ఉపయోగించుకోవాలని చూస్తున్నాయి. రాజకీయ పార్టీల ఈ వికృత క్రీడ వలననే సమస్య మరింత జటిలమవుతోంది.   ఇందులో మొట్ట మొదటి దోషి కాంగ్రెస్ పార్టీయే. ఇంతటి క్లిష్టమయిన, సున్నితమయిన అంశాన్ని,సరిగ్గా ఎన్నికల ముందు మొదలుపెట్టడమే దాని ఆలోచన ఏమిటో స్పష్టం అవుతోంది. అయితే అది వరుస పెట్టి చేస్తున్నతప్పుల వలన అది ఆశించిన ప్రయోజనం దక్కకపోగా, రాష్ట్రం నుండి పూర్తిగా తుడిచిపెట్టుకుపోయే పరిస్థితి చేజేతులా కల్పించుకొంటోంది.   తన మద్దతు ఉంటే తప్ప కాంగ్రెస్ గట్టెకలేదనే సంగతి కనిపెట్టిన బీజేపీ కూడా మాట మార్చిందిప్పుడు. బీజేపీ తెలంగాణా బిల్లుకి మద్దతు ఇవ్వకపోతే రాష్ట్ర ఏర్పాటుకి అవకాశం లేదని గ్రహించిన కేసీఆర్ కూడా మాట మర్చితెరాస వచ్చే ఎన్నికలలో ఒంటరిగా పోటీ చేస్తుందని చెపుతున్నాడు.   ఎందుకంటే కాంగ్రెస్ తెలంగాణా ఇచ్చినా ఇవ్వకున్నా తెరాసకు వచ్చేనష్టం ఏమీ లేదు. తెలంగాణా ఏర్పాటయితే సానుకూల ఓటుతో గెలవగలదు. లేకుంటే తెలంగాణా సెంటిమెంటుతో గెలవగలదు. కానీ ముందుగా పోయేది మాత్రం కాంగ్రెస్ పార్టీయే.
  ఇక సీమాంధ్రలో పరిస్థితి దీనికి భిన్నంగాలేదు. రాష్ట్ర విభజన ప్రక్రియ ముందుకు సాగుతున్నకొద్దీ క్రమంగా కిరణ్ మేలి ముసుగులు తొలగిపోతుంటే, ఆయన సమైక్యవాదం ఎటువంటిదో ప్రజలకీ అర్ధం అవుతోంది. కాంగ్రెస్ తురుపు ముక్కగా భావించబడుతున్న జగన్మోహన్ రెడ్డి, మొదట సమైక్యవాదం బలంగా వినిపించి, ఇప్పుడు కీలకమయిన తరుణంలో కాడి పక్కన పడేసి ఓదార్పు యాత్రలు, దేశాటనలు అనడం కూడా ఈ రాజకీయ క్రీడలో భాగమే.   వచ్చే ఎన్నికలలో యుపీయే కూటమి మెజార్టీ సాధిస్తే, కేంద్రంలో తమకు అతను మద్దతు ఇస్తాడని కాంగ్రెస్ భావిస్తే, అతను దేశాటన చేసి కాంగ్రెసేతర పార్టీలను, ప్రభుత్వాలను కూడగట్టే పనిలో ఉన్నాడు. అయితే అది విభజన సజావుగా సాగేందుకు ఎంచుకొన్న మార్గమో లేక తనపై వస్తున్న ఆరోపణలను తప్పించుకొనేందుకు ఉపాయమో ఆయనకే తెలియాలి.   ఇక తెదేపా రాష్ట్ర విభజన ప్రక్రియలో నిత్యం మారుతున్న రాజకీయ పరిణామాలను జాగ్రత్తగా గమనిస్తూ తదనుగుణంగా ఎప్పటికప్పుడు తన వ్యూహాలను మార్చుకొంటూ ముందుకు సాగుతోంది తప్ప నేటికీ రాష్ట్ర విభజనపై నిర్దిష్టంగా మాట్లాడటం లేదు.   చివరికి మజ్లిస్ వంటి చిన్న పార్టీ కూడా రాష్ట్ర విభజనతో తన వోటు బ్యాంక్ చీలిపోతుందనే ఆలోచనతో రాష్ట్రాన్ని సమైక్యంగా ఉంచమని కోరుతూ వచ్చి, విభజన అనివార్యమని భావించి తన సమైక్యవాదం వలన తనకే నష్టమని గ్రహించగానే ఈరోజు అఖిలపక్ష సమావేశంలో తప్పనిసరి పరిస్థితుల్లో తెలంగాణా ఏర్పాటుకు అంగీకరిస్తున్నామని చెప్పి, వీలయితే రాయల తెలంగాణా ఏర్పాటు చేయమని ఒక ఉచిత సలహా కూడా పడేసింది.   ఈవిషయంలో మొదటి నుండి ఖరాఖండిగా ఉన్నవి ఒక్క లెఫ్ట్ పార్టీలేనని చెప్పక తప్పదు. సీపీఎం నేటికీ రాష్ట్ర విభజనను నిర్ద్వందంగా వ్యతిరేకిస్తూనే ఉంది. సీపీఐ తెలంగాణా ఏర్పాటుని అంతే ఖచ్చితంగా సమర్దిస్తూ వచ్చింది.   అయితే ఆ రెండు పార్టీలు రాష్ట్రంలో కానీ దేశంలో గానీ తామే స్వయంగా ప్రభుత్వం ఏర్పరిచే స్థితిలో లేవు గనుకనే అంత నిక్కచ్చిగా ఉండగలిగాయని చెప్పవచ్చును. అంతే కాక వాటి వైఖరి వలన ఆ రెండు పార్టీలకి కొత్తగా వచ్చేలాభం కానీ నష్టం గానీ ఏమీ ఉండదు కూడా. లేకుంటే అవీ ఇతర పార్టీలలాగే వ్యవహరించేవేమో!

మీ రచ్చబండ మండ!

Publish Date:Nov 12, 2013

      కాంగ్రెస్ పార్టీ లాంటి అన్నీ వదిలేసిన పార్టీ గూగుల్‌లో వెతికినా దొరకదేమో! రాష్ట్ర ముఖ్యమంత్రి కిరణ్ కుమార్ రెడ్డి తెలంగాణ ప్రాంతంలో రచ్చబండ కార్యక్రమాన్ని నిర్వహించాలని పూనుకోగానే, ఉప ముఖ్యమంత్రి దామోదర రాజనర్సింహ ముఖ్యమంత్రి తెలంగాణ పర్యటనని బహిష్కరించాలని పిలుపు ఇచ్చేశాడు. విప్ గండ్ర వెంకట రమణారెడ్డి అయితే, ముఖ్యమంత్రి తెలంగాణ ప్రాంతానికే రావడానికి వీల్లేదు.. ఆయన్ని తెలంగాణ కాంగ్రెస్ నాయకులెవరూ తెలంగాణకు ఆహ్వానించడానికి వీల్లేదంతే అంటూ హుకుం జారీ చేశాడు. రచ్చబండలో ముఖ్యమంత్రితో కలసి పాల్గొనాల్సిన మంత్రులు మాకు వేరే అర్జెంటు పనుందని తప్పించుకున్నారు.. చివరికి అందరూ కలసి రచ్చబండనే రద్దుచేశారు. ఇంత కంగాళీ పార్టీ, ప్రభుత్వం సోమాలియాలో కూడా ఉండదేమో!     మెదక్ జిల్లాలో రచ్చబండ కార్యక్రమాన్ని చేపట్టబోతున్నట్టు ముఖ్యమంత్రి అలా ప్రకటించాడో లేదో తెలంగాణ కాంగ్రెస్ నాయకులు చెలరేగిపోయారు. రచ్చబండ కార్యక్రమాన్ని రద్దు చేయాల్సిందేనని పట్టుబట్టారు. మరోవైపు మెదక్ జిల్లా కాంగ్రెస్ నాయకుడు జగ్గారెడ్డి రచ్చబండ నిర్వహణకి అవసరమైన అన్ని ఏర్పాట్లూ చేసేశాడు. ముఖ్యంమంత్రితో రచ్చబండకి హాజరు కావలసిన తెలంగాణ మంత్రులు ‘‘మేం సోనియాగాంధీకి కృతజ్ఞతలు చెప్పే సభలో పాల్గొంటున్నాం కాబట్టి మేం రానేరాం’’ అనేశారు. ముఖ్యమంత్రి రచ్చబండలో పాల్గొంటే నానా న్యూసెన్సూ చేస్తామని కాంగ్రెస్ నాయకులే వార్నింగులు ఇచ్చారు. దాంతో ముఖ్యమంత్రి మెదక్ జిల్లాలో రచ్చబండ కార్యక్రమాన్ని రద్దు చేసుకున్నాడు. వీళ్ళ రాజకీయాల గొడవేంటోగానీ, రచ్చబండ కార్యక్రమం సజావుగా జరిగితే సామాన్యులు ఎదుర్కొంటున్న సమస్యలు కొన్నయినా తీరేవి. తెలంగాణ కాంగ్రెస్ నాయకులు ఆ ఛాన్స్ కూడా లేకుండా చేశారు. ఇదే విషయాన్ని ఎమ్మెల్యే జగ్గారెడ్డి కూడా చెబుతున్నాడు. మెదక్ జిల్లాలో జరిగే రచ్చబండ కార్యక్రమాల్లో ఈసారి సీఎం మెదక్ జిల్లాకు రెండు వందల కోట్ల రూపాయల నిధులు ప్రకటించాలని అనుకున్నారని, దాన్ని తెలంగాణ కాంగ్రెస్ నాయకులే చెడగొట్టారని విమర్శిస్తున్నాడు. అయినా సీఎం తెలంగాణలో పర్యటించకుండా ఎవరూ చేయలేరని, త్వరలో లక్షమందితో సంగారెడ్డిలో బహిరంగ సభ ఏర్పాటు చేస్తానని, దానికి సీఎం కూడా హాజరవుతారని జగ్గారెడ్డి ప్రకటించాడు. ఈ వ్యవహారమంతా చూసి తెలంగాణ ప్రజలు మీ రచ్చబండ మండ అని గొణుక్కుంటున్నారు.  
      హైదరాబాద్‌లో రాజకీయంగా మంచి పట్టు వున్న ఎం.ఐ.ఎం. పార్టీ రాష్ట్ర విభజన విషయంలో వ్యవహరిస్తున్న విధానం చాలా వెరైటీగా, ప్రజల్ని కన్ఫ్యూజ్ చేసే విధంగా వుందని రాజకీయ పరిశీలకులు అంటున్నారు. మొదటి నుంచీ రాష్ట్రం సమైక్యంగా వుండాలని వాదిస్తూ వచ్చిన ఎం.ఐ.ఎం. మీద తెలుగు ప్రజలకు ఎంతో గౌరవం ఏర్పడింది. విభజనవాదులు రాష్ట్రాన్ని ముక్కలు చేయాలని చేసే ప్రయత్నాలను ఎం.ఐ.ఎం. అడ్డుకుంటుందన్న నమ్మకం అందరిలోనూ పెరిగింది.     అయితే ఆమధ్య ఎం.ఐ.ఎం. అకస్మాత్తుగా తన విధానాన్ని మార్చుకుంది. ‘‘రాష్ట్రం సమైక్యంగానే వుండాలి. ఒకవేళ రాష్ట్రాన్ని విభజించాల్సి వస్తే రాయల తెలంగాణ ఏర్పడాలి’’ అని ఒక విచిత్రమైన వాదనని తెరమీదకు తీసుకొచ్చింది. దాంతో సమైక్యవాదులందరూ ఈ వాదనను ఎలా అర్థం చేసుకోవాలో అర్థంకాక కన్ఫ్యూజ్ అయిపోయారు.  రాయల తెలంగాణ ఏర్పాటయితే ఎం.ఐ.ఎం.కి ప్రత్యేకంగా ఒరిగేదేమీ లేకపోయినా అలాంటి స్టేట్‌మెంట్ ఎం.ఐ.ఎం. నేతల నుంచి ఎందుకొచ్చిందో ఆ భగవంతుడికే తెలియాలి. విభజన తప్పదంటే హైదరాబాద్‌లో సీమాంధ్రులు ప్రశాంతంగా ఉండాలంటే హైదరాబాద్‌ని యూటీ చేయాలన్న డిమాండ్ తెరమీదకి వచ్చినప్పుడు... మీ ప్రశాంతత సంగతి మాకెందుకు.. హైదరాబాద్‌ని యూటీ చేయడానికి మేం ఒప్పుకోం అని ఎం.ఐ.ఎం. తేల్చిపారేసింది. ఎం.ఐ.ఎం.కి తమమీద మీద అభిమానం లేకపోతే లేకపోయింది.. కనీసం జాలీ దయా కూడా లేకుండా పోయాయే అని సీమాంధ్రులు బాధపడుతున్నారు. ఈమధ్యకాలంలో ఎం.ఐ.ఎం. తన రాయల తెలంగాణ నినాదంలో మార్పులు, చేర్పులు కూడా చేసింది. రాయల తెలంగాణ అంటే మొత్తం తెలంగాణ జిల్లాలు, నాలుగు రాయలసీమ జిల్లాలతో ఏర్పడేది కాదట. పది తెలంగాణ జిల్లాలు ప్లస్ రాయలసీమలోని కర్నూలు, అనంతపురం జిల్లాలతో ఏర్పడిన రాయల తెలంగాణ ఏర్పడితేనే ఎం.ఐ.ఎం. ఒప్పుకుంటుందట. రాయలసీమలోని రెండు జిల్లాల మీద ప్రేమ ఎందుకో, మిగతా రెండు జిల్లాలు చేసిన పాపమేమిటో ఎం.ఐ.ఎం. నాయకులకు తప్ప ఎవరికీ అర్థంకాని విషయం. మొత్తమ్మీద రాష్ట్ర విభజన ఇష్యూలో తెలుగు ప్రజలను అయోమయానికి  గురిచేయడానికి ఎం.ఐ.ఎం. కూడా తనవంతు కృషి చేస్తోంది.
      మధ్యప్రదేశ్ ముఖ్యమంత్రిగా ఫెయిల్... ఆంధ్రప్రదేశ్ కాంగ్రెస్ వ్యవహారాల ఇన్‌ఛార్జిగా ఫెయిల్... దిగ్విజయ్ సింగ్ ఎక్కడ లెగ్గు పెట్టినా తాను ఫెయిలవుతూ, లెగ్గు పెట్టిన ప్రదేశాన్నీ ఫెయిల్ చేస్తూ మిస్టర్ ఫెయిల్యూర్‌గా పేరు సంపాదించుకున్నాడు. ఎక్కడా పనికిరానివాడు రాజకీయాల్లో పనికొస్తాడని అంటారు. రాజకీయాల్లో కూడా పనికిరాకుండా పోయిన దిగ్విజయ్ ఇంకెక్కడ పనికొస్తాడో ఏంటో!   ఈమధ్యకాలంలో దిగ్విజయ్ చేస్తున్న కామెంట్లు, కొడుతున్న పంచ్ డైలాగ్స్ వింటుంటే ఫ్యూచర్లో దిగ్విజయ్ సింగ్ సినిమా రైటర్‌గా ట్రై చేస్తే బెటరేమోననిపిస్తోంది. ఎప్పుడు మీడియావాళ్ళు మాట్లాడించినా ‘‘అన్ని పార్టీలూ ఒప్పుకున్న తర్వాతే కాంగ్రెస్ పార్టీ తెలంగాణ ప్రకటించింది’’ లాంటి రొటీన్ డైలాగ్స్ కొడుతూ వుంటాడు. ఇతను ఇలా రొటీన్‌గా మాట్లాడేస్తూ ఉంటాడులే అనుకుని ఫిక్సయితే, సడన్‌గా సమైక్యవాదుల గుండెల్లో బాంబులు పేలే డైలాగ్ కొడతాడు. ఆ బాంబుల ధాటికి విలవిలలాడుతున్న సమైక్యవాదులను చూసి విభజనవాదులు సంతోషిస్తూ వుంటారు.  అయితే వాళ్ళ సంతోషం కూడా ఎక్కువకాలం నిలవదు. వాళ్ళకి షాక్ తగిలే డైలాగ్ ఒకటి దిగ్విజయ్ కొట్టడంతో వాళ్ళు కూడా విలవిలలాడుతూ వుంటారు. ఇలా డైలాగుల మీద డైలాగులు కొడుతూ అటు సమైక్యవాదులని, ఇటు విభజనవాదులని మాటలతో కొడుతున్న దిగ్విజయ్ సింగ్ భవిష్యత్తులో  సినిమాల్లో పంచ్ డైలాగుల రచయితగా స్థిరపడతాడని ఆశిద్దాం. సరే ఆయనగారి ఫ్యూచర్ ఎలా వున్నా, ప్రెజెంట్‌లో ఆయన కొట్టిన ఓ పంచ్ డైలాగ్ విభజనవాదులని కంగారుపెడుతోంది. ‘‘తెలంగాణ రాష్ట్రం వచ్చిన పదేళ్ళ తర్వాత విభజనవాదులు పశ్చాత్తాపపడతారు’’ అని దిగ్విజయ్ సింగ్ సార్ అన్నారట. ఆ మాట దిగ్విజయ్ ఎందుకన్నాడో, అలా అనడం వెనుక అసలు ఉద్దేశమేంటో అర్థంకాక విభజనవాదులు అదరిపోతున్నారు. పదేళ్ళ తర్వాత తెలంగాణవాదులు పశ్చాత్తాపపడే పరిస్థితులని క్రియేట్ చేయడానికి కాంగ్రెస్ పార్టీ ఇప్పటి నుంచే ఏదైనా మెలికలు పెట్టబోతోందా అనే అనుమానం విభజనవాదులను పట్టి పీడిస్తోంది. అందుకే కేంద్రం ప్రతిపాదిస్తున్న ప్రతి అంశాన్నీ భూతద్దంలో చూసి విభజనవాదులు బెదిరిపోతున్నారు.
      కాంగ్రెస్ పార్టీకి బ్యాడ్ టైమ్ స్టార్ట్ అయింది. దానికి సంబంధించిన సూచనలు ఇప్పుడిప్పుడే కనిపిస్తున్నాయి. సీమాంధ్రలో కాంగ్రెస్ పార్టీని ఈసారి ఎన్నికలలో ఏం చేయబోతున్నారని అక్కడి ప్రజల్ని అడిగితే, చెప్పులతో కొట్టి, చీపుళ్ళతో తన్ని ఊడ్చేస్తామని చెబుతున్నారు. కాంగ్రెస్ పార్టీ కూడా అందుకు మానసికంగా సిద్ధమైనట్టే కనిపిస్తోంది. భవిష్యత్తులో తాము కాంగ్రెస్‌ని ఎలా దెబ్బ తీయబోతున్నామన్న దానికి సమైక్యవాదులు ఆల్రెడీ శాంపిల్ చూపించారు. ఢిల్లీలోని ఏఐసీసీ ప్రధాన కార్యాలయాన్ని ముట్టడించి చెప్పులు విసిరారు. కాంగ్రెస్ పార్టీని ఎన్నికలలో సీమాంధ్ర నుంచి ఊడ్చిపారేయడానికి సీమాంధ్ర మహిళలు చీపుళ్ళు సిద్ధం చేసుకుంటున్నారు. సీమాంధ్రలో చీపుళ్ళు సిద్ధమవుతున్నాయి.     ఢిల్లీలో మాత్రం ఆల్రెడీ కాంగ్రెస్‌ పార్టీని ఊడ్చేయడానికి చీపుళ్ళు సిద్ధమయ్యాయి. చీపురుకట్ట గుర్తుతో ఎన్నికల బరిలోకి దిగిన ఆమ్ ఆద్మీ పార్టీ ఢిల్లీలో విజయం సాధించే అవకాశాలు కనిపిస్తున్నాయి. చాలాకాలంగా ఢిల్లీని మురికికూపంగా మార్చిన కాంగ్రెస్ పార్టీని ఆమ్ ఆద్మీ పార్టీ చీపురు ఊడ్చిపారేసే సూచనలు కనిపిస్తున్నాయని రాజకీయ పరిశీలకులు చెబుతున్నారు. ఆమ్ ఆద్మీ పార్టీ తమ పార్టీకి అందుతున్న చందాల విషయంలో చాలా పారదర్శకంగా వ్యవహరించింది. తమకు అందిన చందాల వివరాలను బయటపెట్టింది. అందులో కొన్ని ప్రవాస భారతీయుల నుంచి అందిన చందాలు కూడా వున్నాయి. విదేశాల నుంచి ఆమ్ ఆద్మీ పార్టీకి అందిన చందాలపై విచారణ జరిపించనున్నట్టు కేంద్ర ప్రభుత్వం ప్రకటించింది. ఇది తమమీద విజయం సాధించబోతున్న ఆమ్ ఆద్మీ పార్టీ నాయకుడు అరవింద్ కేజ్రీవాల్ మీద కాంగ్రెస్ పార్టీ కక్షసాధింపు చర్యేనని రాజకీయ పరిశీలకులు విశ్లేషిస్తున్నారు. ఇది కాంగ్రెస్ మార్కు విచారణ జరిపి, ఆమ్ ఆద్మీ పార్టీని బలహీనపరిచే కుట్రలో భాగమని అభివర్ణిస్తున్నారు. రాజకీయ పార్టీలకు లభించే చందాలను బహిర్గతం చేయాల్సన అవసరం లేదనీ గొంతెత్తి చాటి, పార్లమెంటులో బిల్లు కూడా ఆమోదించిన కాంగ్రెస్ పార్టీ ఇప్పుడు తన ప్రత్యర్థి రాజకీయ పార్టీ చందాలపై విచారణ జరిపించాలనుకోవడం విచిత్రంగా వుందని అంటున్నారు.  కాంగ్రెస్ పార్టీ ప్రయత్నాలను అరవింద్ కేజ్రీవాల్ తిప్పికొడుతున్నారు. తన పార్టీ చందాలపై విచారణ జరిపించే ముందు కాంగ్రెస్ పార్టీ తనకు వస్తున్న చందాలను బహిర్గతం చేయాలని సవాల్ విసిరారు. చందాల బహిర్గతం విషయంలో కాంగ్రెస్ కిక్కురుమనడంలేదు.
      రాష్ట్ర విభజన ద్వారా సీమాంధ్ర ప్రజల్ని దారుణంగా మోసం చేయడానికి కాంగ్రెస్ ప్రభుత్వం శరవేగంగా సన్నాహాలు చేస్తోంది. రాష్ట్ర విభజనను వ్యతిరేకిస్తున్న సీమాంధ్ర ప్రజలు మీ మోసాలు సాగవంటూ సీమాంధ్రులు వందరోజులకు పైగా శాంతియుతంగా నిరసన కార్యక్రమాలు చేస్తున్నారు. సీమాంధ్రులను శాంతింపజేయనిదే రాష్ట్ర విభజన సజావుగా సాగదన్న విషయం కాంగ్రెస్ హైకమాండ్‌కి అర్థమైంది. దాంతో సీమాంధ్రుల చెవుల్లో పూలు పెట్టి, శాంతపరిచే కార్యక్రమాలు చేపట్టింది.   మూడు రోజుల క్రిందటి వరకూ సీమాంధ్రులు కూడా మనుషులేనా అన్నట్టు వ్యవహరించిన కాంగ్రెస్ నాయకత్వం ఇప్పుడు కాంగ్రెస్ ప్రభుత్వం సీమాంధ్రులకు అనుకూలంగా ఉందన్న సంకేతాలను లీకుల రూపంలో  బయటపెడుతోంది. ఆంటోనీ కమిటీ కాంగ్రెస్ నాయకత్వానికి ఇచ్చిన నివేదికలో సీమాంధ్రులకు అనుకూలంగా అనేక అంశాలు ఉన్నట్టు క్రియేట్ చేసింది. అలాగే భద్రతకి సంబంధించి నియమించిన టాస్క్ ఫోర్స్ కూడా సీమాంధ్రులకు అనుకూలంగా ఉండే విధంగా నివేదిక సమర్పించినట్టు కలరింగ్ ఇచ్చింది. అలాగే కాంగ్రెస్ సమన్వయ కమిటీ భేటీలో ముఖ్యమంత్రి చేసిన వాదనే పైచేయి సాధించినట్టు, పరిస్థితులు సీమాంధ్ర ప్రాంతానికి అనుకూలంగా మారుతూ ఉండటంతో భేటీలో పాల్గొన్న ఉప ముఖ్యమంత్రి దామోదర రాజనర్సింహ చాలా ఆగ్రహాన్ని వ్యక్తం చేసినట్టు లీకులు పంపించింది. ఇవన్నీ చూసి సీమాంధ్ర ప్రజలందరూ కాంగ్రెస్ ప్రభుత్వం మరీ తాము అనుకున్నంత చెడ్డది కాదని భావించి, కాంగ్రెస్ మీద వున్న ఆగ్రహాన్ని తగ్గించుకుంటారని కాంగ్రెస్ నాయకత్వం భావిస్తున్నట్టు విశ్లేషకులు అంటున్నారు. తమ చేతి నుంచి జారిపోయిన సీమాంధ్రులను మళ్ళీ తమ గుప్పిట్లోకి తెచ్చుకునే ప్రయత్నాల్లో భాగమే ప్రస్తుత పరిణామాలని విశ్లేషకులు అంటున్నారు. వీటన్నిటి తోడు ముఖ్యమంత్రి కిరణ్ తాజాగా రాష్ట్రాన్ని విభజించాల్సి రావడం పట్ల దిగ్విజయ్ చాలా బాధపడిపోతున్నారని చెప్పడం కూడా సీమాంధ్రుల చెవుల్లో పూలు పెట్టే కాంగ్రెస్ వ్యూహంలో భాగమేనని విశ్లేషిస్తున్నారు. కాంగ్రెస్ నాయకులు మొసలి కన్నీరు కార్చడం కాదు.. గుండెలు బాదుకుని రోదించినా వారిని సీమాంధ్ర ప్రజలు ఎట్టి పరిస్థితుల్లోనూ నమ్మరు.
  రాష్ట్ర విభజన ద్వారా రాష్ట్రంలో ప్రతిపక్ష పార్టీలకి, ముఖ్యంగా తెరాస,తేదేపాలకు చెక్ పెట్టాలని చూస్తున్న కాంగ్రెస్ పార్టీ, తను ప్రదర్శిస్తున్నఅతితెలివికి, దురాశకి తానే బలయిపోవచ్చును.   కాంగ్రెస్ సంస్కృతికి భిన్నంగా ముఖ్యమంత్రి కిరణ్ కుమార్ రెడ్డి తనను ఎంతగా దిక్కరిస్తున్నప్పటికీ ఆయనపై ఎటువంటి చర్యలు చెప్పట్టకపోగా, ‘అతను క్రమశిక్షణ గల కాంగ్రెస్ విదేయుడని, అధిష్టానం గీసిన గీతను దాటబోడని, విభజన ప్రక్రియ సజావుగా జరిగేందుకు ఆయన అంగీకరించాడని’ సాక్షాత్ దిగ్విజయ్ సింగ్ ప్రకటించారు. అయితే ఆయన మాటలను కిరణ్ కుమార్ రెడ్డి ఖండించినప్పటికీ, సజావుగా సాగిపోతున్నవిభజన ప్రక్రియను గమనిస్తే దిగ్విజయ్ సింగ్ మాటలు నిజమేనని అర్ధం అవుతోంది.   ఈవిధంగా విభజన ప్రక్రియ సజావుగా పూర్తి చేసిన తరువాత ముందే అనుకొనట్లుగా ఆయన తన సమైక్య చాంపియన్ ట్రోఫీ పట్టుకొని కాంగ్రెస్ నుండి బయటపడి కొత్త పార్టీతో ప్రజల ముందుకు రావచ్చును. ఇది కాంగ్రెస్ వ్యూహంలో భాగమయినట్లయితే అప్పుడు సీమంధ్రలో కాంగ్రెస్, కిరణ్ కాంగ్రెస్, వై.కాంగ్రెస్ అని మూడు కాంగ్రెస్ పార్టీలు మేకతోలు కప్పుకొన్న నక్కలా ప్రజల ముందుకు వస్తాయి.   అందులో కిరణ్, వై కాంగ్రెస్ రెండూ పాజిటివ్ ఓట్లకు గాలం వేస్తే, కాంగ్రెస్ పార్టీ మిగిలిన ఓట్లను చీల్చడానికి ప్రయత్నిస్తుంది. తద్వారా తెదేపాకు చెక్ పెట్టవచ్చునని కాంగ్రెస్ ఆలోచనగా కనిపిస్తోంది.   అయితే సరిగ్గా ఇదే కారణంతో ప్రజలు ఈ మూడు కాంగ్రెస్ పార్టీలను తిరస్కరించి, తేదేపాకు పట్టం కట్టే అవకాశం చాలా ఉంది. ఈ మూడు కాంగ్రెస్ పార్టీలలో దేనికి ఓటేసినా కూడా అవి అంతిమంగా మళ్ళీ కాంగ్రెస్ ఖాతాలోనే జమా అవుతాయి.   రాష్ట్ర విభజన చేసినందుకు కాంగ్రెస్ పార్టీని గట్టిగా శిక్షించాలని భావిస్తున్న ప్రజలు ఈ మూడు మేకవన్నె కాంగ్రెస్ పార్టీలను పక్కన బెట్టి, సమర్ధమయిన పాలన అందించిన తేదేపాకు ఓటేయవచ్చును. మంచి పరిపాలన దక్షుడిగా పేరు తెచ్చుకొన్న చంద్రబాబుకి అటువంటి ఇమేజ్ కలిగి ఉన్నమోడీ కూడా ఒకవేళ తోడయినట్లయితే తెదేపా విజయావకాశాలు మరింత మెరుగుపడవచ్చును. ఇక అధికారంలో ఉన్న ప్రభుత్వాన్నిసాగనంపి మళ్ళీ ప్రత్యామ్నాయ పార్టీకి అధికారం అప్పగించే అలవాటు కారణంగా కూడా తేదేపాకు విజయవకాశాలున్నాయి.   బీజేపీ వైపు చూస్తున్న కేసీఆర్ కూడా కాంగ్రెస్ పార్టీకి హ్యాండిస్తే తెలంగాణాలో కూడా కాంగ్రెస్ పార్టీ ఘోరంగా దెబ్బతినడం ఖాయం. ఏమయినప్పటికీ కాంగ్రెస్ పార్టీ ప్రదర్శిస్తున్న అతి తెలివితేటలే ఆ పార్టీ కొంప ముంచడం మాత్రం ఖాయం.

అందరికి టెస్ట్‌ చేయ‌డం ఆచరణ సాద్యం కాదు!

ఇప్పుడు ఏదైనా పొరపాటు చేసి క‌రోనా వ్యాప్తికి అవకాశం ఇస్తై భవిష్యత్తులో మనల్ని మనం క్షమించుకోలేం. కరోనా వ్యాప్తి అగిన తర్వతానే లాక్ డౌన్ ఎత్తేయాలి. కరోనా కట్టడికి సామాజిక దూరం ఒక్కటే మార్గం. అభివృద్ది చెందిన దేశాలు సైతం కరోనా మహ్మమారిని ఎదుర్కోలేక కష్టాలు పడుతున్నాయ‌ని మంత్రి కెటి రామారావు ఆందోళ‌న వ్య‌క్తం చేశారు. 130 కోట్ల జనాభా ఉన్న దేశంలో అందరికి టెస్టులన్న అలోచన ఆచరణ సాద్యం కాదు. విచ్చలవిడి టెస్టులకు అనుమతిస్తే ప్రజల భయాందోళనల నేపధ్యంలో టెస్టు సెంటర్ల దోపిడీకి దారి తీస్తుంది. అవసరం అయిన వారీకీ టెస్టులు చేసే వీలుండని పరిస్ధితి ఏర్పడుతుంది. అందుకే విచ్చలవిడి టెస్టులకు ప్రభుత్వం అనుమతి ఇవ్వదని ఆయ‌న స్ప‌ష్టం చేశారు. కరోనా ను ఎదుర్కోనేందుకు ప్రభుత్వం అన్ని విధాలుగా సిద్దంగాఉన్నది. అవసరం అయిన సౌకర్యాలు, వైద్యసామాగ్రిన సిద్దం చేసి ఉంచుతున్నాం. లాక్ డౌన్లో ఒక్క అకలి చావు లేకుండా చూడాలన్న లక్ష్యంతో పనిచేస్తున్నం. మద్యతరగతి, పేదల సమస్యలను పరిగణలోకి తీసుకుని పనిచేస్తున్నాం. పారిశ్రామిక వర్గాలు, కేంద్రంతో సంప్రదింపులు చేస్తున్నామ‌ని మంత్రి కె.తారక రామారావు మీడియాతో మాట్లాడారు.   లాక్ డౌన్ పొడగించేందుకు సిద్దంగా ఉన్నామని ముఖ్యమంత్రి చెప్పారు. అమెరికా, యూరప్ లోని ఇటలీ, స్పెయిన్ లాంటి పరిస్థితులు ఇక్కడ తలెత్తకుండా ఉండాలంటే లాక్ డౌన్, సామాజిక దూరం ఒక్కటే మార్గమని ఆయ‌న అభిప్రాయ‌ప‌డ్డారు. మూడు దశల్లో కరోనా వైరస్ ని ఎదుర్కోవడమే లక్ష్యంగా తెలంగాణ ప్రభుత్వం పనిచేస్తున్నదని కెటిఆర్ అన్నారు. ఇప్పుడు ఏదైనా పొరపాటు చేసి క‌రోనా వ్యాప్తికి అవకాశం ఇస్తై భవిష్యత్తులో మనల్ని మనం క్షమించుకోలేం. కరోనా వ్యాప్తి అగిన తర్వతానే లాక్ డౌన్ ఎత్తేయాలి. కరోనా కట్టడికి సామాజిక దూరం ఒక్కటే మార్గం. అభివృద్ది చెందిన దేశాలు సైతం కరోనా మహ్మమారిని ఎదుర్కోలేక కష్టాలు పడుతున్నాయ‌ని మంత్రి కెటి రామారావు ఆందోళ‌న వ్య‌క్తం చేశారు. 130 కోట్ల జనాభా ఉన్న దేశంలో అందరికి టెస్టులన్న అలోచన ఆచరణ సాద్యం కాదు. విచ్చలవిడి టెస్టులకు అనుమతిస్తే ప్రజల భయాందోళనల నేపధ్యంలో టెస్టు సెంటర్ల దోపిడీకి దారి తీస్తుంది. అవసరం అయిన వారీకీ టెస్టులు చేసే వీలుండని పరిస్ధితి ఏర్పడుతుంది. అందుకే విచ్చలవిడి టెస్టులకు ప్రభుత్వం అనుమతి ఇవ్వదని ఆయ‌న స్ప‌ష్టం చేశారు.     కరోనా ను ఎదుర్కోనేందుకు ప్రభుత్వం అన్ని విధాలుగా సిద్దంగాఉన్నది. అవసరం అయిన సౌకర్యాలు, వైద్యసామాగ్రిన సిద్దం చేసి ఉంచుతున్నాం. లాక్ డౌన్లో ఒక్క అకలి చావు లేకుండా చూడాలన్న లక్ష్యంతో పనిచేస్తున్నం. మద్యతరగతి, పేదల సమస్యలను పరిగణలోకి తీసుకుని పనిచేస్తున్నాం. పారిశ్రామిక వర్గాలు, కేంద్రంతో సంప్రదింపులు చేస్తున్నామ‌ని మంత్రి కె.తారక రామారావు మీడియాతో మాట్లాడారు.     లాక్ డౌన్ పొడగించేందుకు సిద్దంగా ఉన్నామని ముఖ్యమంత్రి చెప్పారు. అమెరికా, యూరప్ లోని ఇటలీ, స్పెయిన్ లాంటి పరిస్థితులు ఇక్కడ తలెత్తకుండా ఉండాలంటే లాక్ డౌన్, సామాజిక దూరం ఒక్కటే మార్గమని ఆయ‌న అభిప్రాయ‌ప‌డ్డారు. మూడు దశల్లో కరోనా వైరస్ ని ఎదుర్కోవడమే లక్ష్యంగా తెలంగాణ ప్రభుత్వం పనిచేస్తున్నదని కెటిఆర్ అన్నారు.

ఆదాయమైన వదులుకుంటా, జనం ప్రాణాలు నాకు ముఖ్యం

* సఫాయన్న సేవకు చేతులెత్తి నమస్కరిస్తాడు  * బతుకుంటే బలుసాకైనా తినొచ్చంటడు  ఒక రాష్ట్ర ముఖ్యమంత్రి మీద రెండు రోజుల పాటు నిరంతరాయంగా సోషల్ మీడియా లో చర్చ..ఆయన నిరాఘాట, నిరుపమాన శబ్ద ప్రకటన మీద అన్ని సోషల్ మీడియా వేదికలు విస్మయం వ్యక్తం చేయటం... ఈ మధ్య కాలం లో ఎక్కడా చూడలేదు, వినలేదు కూడా.. సోషల్ మీడియా ను మోడీ మ్యానియా కమ్మేసిన వేళ, వాస్తవాల ప్రకటన తో, విస్తుపోయే నిజాలతో ఆయన విసిరిన మాటల మంత్రదండం ముందు చాలా మంది నాయకుల వాక్పటిమ వెలవెలపోయింది. ఎందుకంటే, ఆయన మాటల్లో నిజాయితీ ఉంది కాబట్టి, నిజముంది కాబట్టి. ఉమ్మడి ఆంధ్ర ప్రదేశ్ ముఖ్యమంత్రులలో -టంగుటూరి ప్రకాశం పంతులు, ఎన్ టీ రామారావు ల తర్వాత, సామాన్యుడిని ఆకట్టుకునే నాయకత్వ పటిమను సాంతం సొంతం చేసుకున్న ముఖ్యమంత్రిగా కె సి ఆర్ చరిత్ర సృష్టించారు. ఇది పొగడ్త కాదు, ప్రశంసా కాదు... సోషల్ మీడియా ఎనాలిసిస్.  సిబ్బందిని మోటివేట్ చేయడంలో, ప్రత్యర్థులకు వార్నింగ్ ఇవ్వడంలో, వినేవాళ్ళకి విసుగు రాకుండా మాట్లాడటంలో ఆయనకు పోటీ లేదు.... ఎదురు ఒక్క పేపర్ ఉండదు.., ఒక్క నోట్ ఉండదు.... తడబాటు ఉండదు... చెప్పాల్సింది సూటిగా, సుత్తి లేకుండా....జనానికి అర్థం అయ్యేలా....భరోసా ఇచ్చేలా....ఇంగ్లీష్, హిందీ, తెలుగు అన్ని భాషల్లో.... ఇంకో బైట్ అని అడిగే పని కూడా ఉండదు. అది ఆయన గొప్పతనం.. అది ఆయన దక్షత. ఇదేదో ఆయన్ను పొగిడే ప్రహసనం కాదు. కరోనా లాక్ డౌన్ విషయం లో మరో రెండు వారాలు కొనసాగించాలని కుండబద్దలు కొట్టిన కె సి ఆర్, బతికుంటే బలుసాకు తిందామంటూ చెప్పుకొచ్చిన తీరు, ఈ పదిహేను రోజుల్లో తెలంగాణ 435 కోట్ల రూపాయల ఆదాయం కోల్పోయిందని చెపుతూనే, ప్రజల ప్రాణాల కాన ఆర్ధిక మాంద్యం తనకు లెక్క కాదని తేల్చిపారేశారు. ఈ 15 రోజుల్లో తెలంగాణ కు కేవలం రెండు కోట్ల రూపాయల ఆదాయం వచ్చిందనీ, అయినా కూడా జనాన్ని బతికుంచుకోవటమే తనకు ముఖ్యమని స్పష్టం చేసిన ఆయన నాయకత్వం దేశాన్ని ఆకట్టుకుంది. నరేంద్ర మోడీ వారాంతపు కార్యక్రమాలలో ఒవైసీ కి కనిపించిన ఎంటర్టైన్మెంట్, కె సి ఆర్ అనర్గళ ఉపన్యాసం లో కనిపించకపోవటానికి కారణం ఏమిటంటే, ఈయన జనం బాగు కోరుకుని లాక్ డౌన్ కొనసాగించాలని చెప్పటం. తాను మాట్లాడుతున్న అంశం మీద విపరీతమైన అధారిటీ, కాగితాలు చూసి చదివే అలవాటు ఏ మాత్రం లేని క్షుణ్ణమైన పరిజ్ఞానం, ఎదుటివాడు ప్రశ్నించటానికి ఏ మాత్రం అవకాశం ఇవ్వని కూలంకుష పరిశోధన కె సి ఆర్ కు పెట్టని ఆభరణాలు. ప్రజలను మానసికంగా సిద్ధం చేయటానికి ఆయన వారి మీద ఎలాంటి ఒత్తిడీ చేయలేదు. ఉన్న వాస్తవాలను మాత్రమే అందరిముందూ పరిచారు. సామాన్యుడికి అర్ధమయ్యే భాషలో చెప్పారు.. ఈ సాహసోపేత కార్యక్రమంలో సేవలందిస్తున్న డాక్టర్లందరికీ, నర్సులు, పారిశుధ్య కార్మికులు అందరికీ మొక్కుతున్నానంటూ ముందుకు వచ్చిన ముఖ్యమంత్రి కె సి ఆర్. కష్ట కాలంలో ప్రజలను, ప్రభుత్వ యంత్రాంగాన్ని కె సి ఆర్ మోటివేట్ చేసిన తీరు తో దేశం యావత్తూ చకితమై చూసింది.  సోషల్ మీడియా అనలిటిక్స్ అంతా కూడా కె సి ఆర్ లోని వినూత్న కోణాన్ని తమకర్ధమైన భాషలో అనువదించే పనిలో బిజీ అయిపొయింది. ఒక జగన్మోహన్ రెడ్డి, ఒక నవీన్ పట్నాయక్, ఒక మమతా  బెనర్జీ, ఒక అరవింద్ కేజ్రీ వాల్, ఒక  నితీష్ కుమార్..మీరందరూ కూడా అద్భుతంగా శ్రమిస్తూ ఉండవచ్చు గాక.. కానీ, ఒక కె సి ఆర్ దగ్గరున్న మోటివేషన్ టెక్నాలజీ మాత్రం మీ దగ్గర లేదనేది సోషల్ మీడియా ఎనాలిసిస్. అంతే కాదు, ప్రధాన మంత్రి నరేంద్ర మోడీ మీద సోషల్ మీడియా వేసిన సెటైర్ల పైన కూడా కె సి ఆర్ విరుచుకుపడటాన్ని సోషల్ మీడియా ప్లాట్ ఫార్మ్స్ విస్తారంగా చర్చించాయి. సంక్షోభ సమయం లో దేశ ప్రధాని కి దన్నుగా నిలబడటం ద్వారా కె సి ఆర్, సరైన రాజకీయ స్ఫూర్తిని ప్రదర్శించారని, సఫాయన్న నీకు సలామన్నా అంటూ వినమ్రపూర్వక విజ్ఞప్తి చేయటం ద్వారా జన హృదయాన్ని చూరగొన్నారని కూడా సోషల్ మీడియా వేదికలు ప్రశంసించాయి. భేష్ కె సి ఆర్.. మీ స్ఫూర్తి మా గుండెలకు ఊపిరినిచ్చింది. రేపటి మీద ఆశ చిగురింప చేసింది.

చంద్రబాబు సైకాలజీ పై సైంటిస్ట్ పేర్ని నాని రిపోర్ట్

* ఐ సి యు లో ఉన్న టీ డీ పీ కి రోజూ ఆక్సిజన్ ఎక్కిస్తున్న వై ఎస్ ఆర్ సి పీ * నాయుడు అంతర్జాతీయ తీవ్రవాది అని తేల్చిన పేర్ని నాని * ఏజెంట్ పేర్ని నాని పరిశోధనలో బయటపడ్డ నాయుడు అంతర్రాష్ట్ర లింకులు పిచ్చ పీక్ కు వెళిపోతే, ఇలాంటి ఆరోపణలే చేస్తారు మరి. ఒక రాష్ట్ర మాజీ ముఖ్యమంత్రి గురించి మాట్లాడేటప్పుడు, ఉండాల్సిన కనీస మర్యాదను కరకట్ట దారిలో తొక్కేసి మరీ, కసిగా రాష్ట్ర రవాణా,సమాచార పౌరసంబంధాల శాఖమంత్రి పేర్నినాని చేసిన కామెంట్స్ ఇప్పుడు సోషల్ మీడియా లో హాట్ టాపిక్ గా మారాయి. రాష్ట్రం లో నిరుటి ఎన్నికల్లో పరువు కోల్పోయి, 23 సెగ్మెంట్స్ కు పరిమితమైన చంద్రబాబు నాయుడు, పార్టీ ఉనికి కోసం ఏదో తనదైన శైలిలో రోజు వారీ చేసే అనుగ్రహ భాషణాల్లో కూడా కుట్ర కోణాలు వెతికే పేర్ని నాని ని చూసి సోషల్ మీడియా జాలిపడుతోంది. ఐ సి యు లో ఉన్న తెలుగు దేశం పార్టీకి మూడు రాజధానుల ఇష్యూ తో తిరిగి ఆక్సిజన్ ఎక్కించిన పాలక వై ఎస్ ఆర్ సి పీ నాయకులు , తాజాగా కరోనా వ్యాప్తి నేపథ్యంలో చంద్రబాబు నాయుడు పై ఒళ్ళు మరిచి చేస్తున్న విమర్శలూ, ఆరోపణలూ కూడా సోషల్ మీడియా కి కావాల్సినంత ఆహారం ఇస్తున్నాయి. ఈ కోవలోనే పేర్ని నాని సైంటిస్ట్, ఇంకా ఇంటెలిజెన్స్ ఆఫీసర్ అవతారాలు ఎత్తారు. ప్రతిపక్ష నాయకుడు చంద్రబాబు నాయుడు ఎప్పుడు , ఎక్కడ, ఏమి చేస్తున్నారు, ఎలా చేస్తున్నారనే మినిట్ to మినిట్ ప్రోగ్రాం వివరాలు తన దగ్గర ఉన్నాయంటూ విలేకర్ల సమావేశం లో వెల్లడించారు.  చంద్రబాబు పక్కరాష్ట్రం లో బతుకుతున్నారని కనుక్కున్న ఆయన, తన పరిశోధనలో చంద్రబాబుకు, అంతర్జాతీయ తీవ్రవాదులకు పెద్ద  తేడా కనిపించడం లేదనే విషయాన్ని కనుక్కున్నారు. చంద్రబాబు మనస్తత్త్వం చూస్తే అంతర్జాతీయ తీవ్రవాదిలా ఉన్నారన్న పేర్ని నాని, తన పరిశోధన లో వెల్లడైన మరిన్ని సంచలన విషాలను షేర్ చేశారు.  "తీవ్రవాదులు కూడా వేరే దేశంలో ఉంటూ ఇక్కడ బాంబులు పెడుతూ,రకరకాల వైరస్ లు పంపుతుంటారు. నాశనం కోరుకుంటారు. పాజిటివ్ కేసులు వచ్చినచోట్ల కూడా(రెడ్ జోన్లు) వైద్యులు,పారిశుధ్యకార్మికులు,రెవిన్యూ, ఏఎన్ఎంలు, ఆశావర్కర్లు వాలంటీర్లు వీరంతా చిరుద్యోగులు ప్రాణాలకు తెగించి సేవలందిస్తున్నారు.మిలటరీలో దేశాన్ని కాపాడటానికి ఏ విధంగా సైనికులు పోరాడుతున్నారో అదే విధంగా వారందరూ సేవలందిస్తున్నారు.విలేకరులను చూసైనా చంద్రబాబు సిగ్గుతెచ్చుకోవాలి.ఆర్దిక బాధలు దిగమింగి ప్రజలను అప్రమత్తం చేయడం లో, ప్రభుత్వసూచనలు ప్రజలకు చేరవేయడంలో ప్రజలను మేలుకొల్పుతూ వ్యాధిని అరికట్టడంలో విలేకరులు సేవలందిస్తున్నారు. మీడియా వారు సామాజిక బాధ్యతగా పనిచేస్తున్నారు. ఇంకా వ్యాధి ప్రబలుతుందని చంద్రబాబు చెబుతున్నారు.అంటే మీరు ఎవర్ని దెబ్బతీయదలుచుకున్నారు.ఎవరి ఆత్మస్దైర్యం దెబ్బతీస్తున్నారు.ప్రాణాలకు తెగించి సేవలందిస్తున్నవారిని వారి ఆత్మస్ధైర్యాన్ని దెబ్బతీస్తున్నారా. కరోనా వ్యాధి వస్తుందనే ముందువరకు కూడా చాలా డిపార్ట్ మెంట్లను తిట్టుకునే పరిస్దితి నుంచి ఈరోజు ఆ యా డిపార్ట్ మెంట్లను,ఉద్యోగులను ప్రజలు నేడు వారి సేవలు చూసి వేనోళ్ల కొనియాడుతున్నారు. కరోనా లెక్కలు దాచామని చంద్రబాబు దుష్ప్రచారం చేస్తున్నారు.చంద్రబాబు లెక్కలు చెబితే వారికి పరీక్షలు చేయిస్తాం," అని కూడా పేర్ని నాని సవాల్ చేశారు. ఆంధ్ర  రాష్ట్రంలో ఐదుకోట్ల మంది ఉంటే ఐదుకోట్ల మందికి పరీక్షలు చేస్తారా.ఎక్కడైతే వ్యాధిప్రబలుతుంటే అక్కడ పరీక్షలు చేస్తారు.14 ఏళ్లు ముఖ్యమంత్రిగా చేసిన తనకు ఇవి తెలియవా, అంటూ కూడా పేర్ని నాని ప్రశ్నించారు.  దొంగలెక్కలు రాయడం చంద్రబాబుకే అలవాటు.దుర్మార్గమైన ఆలోచనలు చంద్రబాబు మానుకోవాలని సూచించిన పేర్ని నాని పరిశోధన లో తేలిన విషయాలేమిటంటే, చంద్రబాబు కు మానవత్వం లేదు.మానవీయకోణం లేవని. వేల సంఖ్యలో మరణాలు ఉన్నాయి కాని ప్రభుత్వం దాస్తుందనే విధంగా చంద్రబాబు మాట్లాడుతున్నారంటే విలేకరులు వాస్తవాలు దాస్తున్నట్లుగా మాట్లాడుతున్నట్లేకదా అని కొత్త లాజిక్ ని కూడా పేర్ని నాని తీశారు. కరోనా సోకిందనే బాధ కంటే ఇలాంటి దిక్కుమాలిన వ్యక్తి మమ్మల్ని ఇన్నాళ్లు పాలించారా అని ప్రజలు బాధపడుతున్నారని కూడా పేర్ని నాని కనుగొన్నారు.  ఈ యుధ్ద వాతావరణంలోనే కాదు చంద్రబాబు పాలనలో రైతులకు ఇవ్వాల్సిన సబ్సిడీలు ఇవ్వకుండా, ధాన్యం కొని వారికి డబ్బులు చెల్లించకుండా, విత్తనాలు అందించకుండా అన్ని విధాలా బాధ పెట్టిన విషయాన్నీ కూడా పేర్ని నాని కనుగొన్నారు.

స్పీల్‌బ‌ర్గ్‌, జాన్ విలియ‌మ్స్ జోడీ 10 గ్రేటెస్ట్ మూవీస్‌

  సినిమా హిస్ట‌రీలో సుదీర్ఘ కాలం ప‌నిచేసే, లేదా ఎక్కువ సినిమాల‌కు ప‌నిచేసే జోడీలు అరుదుగా క‌నిపిస్తుంటారు. అలాంటి వారిలో మ‌రింత అరుదైన జోడీ స్టీవెన్ స్పీల్‌బ‌ర్గ్‌, జాన్ విలియ‌మ్స్‌. స్టీవెన్ స్పీల్‌బ‌ర్గ్ గురించి ప్ర‌పంచ‌వ్యాప్తంగా ఉన్న సినీ ప్రియుల‌కు తెలుసు. హాలీవుడ్ గ్రెటెస్ట్ డైరెక్ట‌ర్స్‌లో ఆయ‌న ఒక‌రు. ఇక‌.. జాన్ విలియ‌మ్స్ టాప్ మోస్ట్ మ్యూజిక్ కంపోజ‌ర్స్‌లో ఒక‌రు. 1974లో 'ద సుగ‌ర్‌ల్యాండ్ ఎక్స్‌ప్రెస్' మూవీతో మొద‌లైన వారి క‌ల‌యిక 2017లో వ‌చ్చిన 'ద పోస్ట్'' దాకా కొన‌సాగుతూ వ‌చ్చింది. త‌మ కెరీర్‌లో అనేక అవార్డుల‌ను సొంతం చేసుకున్న ఆ ఇద్ద‌రూ క‌లిసి కొన్ని ముఖ్య‌మైన‌, ప్ర‌భావ‌వంత‌మైన చిత్రాల‌కు ప‌నిచేశారు. వాటిలో జురాసిక్ పార్క్‌, రైడ‌ర్స్ ఆఫ్ ద లాస్ట్ ఆర్క్‌, సేవింగ్ ప్రైవేట్ ర్యాన్‌, క్యాచ్ మి ఇఫ్ యు కెన్ వంటి క్లాసిక్స్ ఉన్నాయి. స్టీవెన్ స్పీల్‌బ‌ర్గ్‌ తీసిన దాదాపు 30 భిన్న‌మైన ప్రాజెక్టుల‌కు లెజెండ‌రీ మ్యూజిక్‌ను అందించారు జాన్ విలియ‌మ్స్‌. మ్యూజిక్‌ను కంపోజ్ చేయ‌డంలో ఆయ‌న అప్రోచ్ చాలా భిన్నంగా ఉంటుంద‌నే పేరు తెచ్చుకున్నారు. 'ఇ.టి', 'క్లోజ్ ఎన్‌కౌంట‌ర్స్ ఆప్ ద థ‌ర్డ్ కైండ్' లాంటి సైన్స్ ఫిక్ష‌న్ అడ్వెంచ‌ర్స్‌, 'షిండ్ల‌ర్స్ లిస్ట్', 'లింక‌న్' లాంటి పీరియ‌డ్ డ్రామాలు దాకా భిన్న జాన‌ర్ల‌కు ఆయ‌న అద్భుత‌మైన సంగీతాన్ని అందించారు. వాట‌న్నింటిలో జాన్ విలియ‌మ్స్ ద బెస్ట్ మ్యూజిక్ ఇచ్చిన ప‌ది స్టీవెన్ స్పీల్‌బ‌ర్గ్ మూవీస్‌... 1. జాస్ (1975) 2. క్లోజ్ ఎన్‌కౌంట‌ర్స్ ఆఫ్ ద థ‌ర్డ్ కైండ్ (1977) 3. రైడ‌ర్స్ ఆఫ్ ద లాస్ట్ ఆర్క్ (1981) 4. ఇ.టి. ద ఎక్స్‌ట్రా-టెర్రెస్ట్రియ‌ల్ (1982) 5. జురాసిక్ పార్క్ (1993) 6. షిండ్ల‌ర్స్ లిస్ట్ (1993) 7. సేవింగ్ ప్రైవేట్ ర్యాన్ (1998) 8. క్యాచ్ మి ఇఫ్ యు కెన్ (2002) 9. వార్ ఆఫ్ ది వ‌ర‌ల్డ్స్ (2005) 10. లింక‌న్ (2012)

అందం, అభినయం భగవంతుడు మీకిచ్చిన వరం.. మ‌హేశ్‌కు చిరు ప్ర‌శంస‌!

  ఆగ‌స్ట్ 9 మ‌హేశ్ బ‌ర్త్‌డే సంద‌ర్భంగా అభిమానుల నుంచే కాకుండా ఫిల్మ్ ఫ్రాట‌ర్నిటీ నుంచి విషెస్ వెల్లువెత్తుతున్నాయి. అనేక‌మంది ప్ర‌ముఖులు ఆయ‌న‌కు శుభాకాంక్ష‌లు తెలియ‌జేస్తూ, భ‌విష్య‌త్తులో మ‌రిన్ని శిఖ‌రాలు అందుకోవాల‌నే ఆకాంక్ష‌ను వ్య‌క్త‌ప‌రుస్తున్నారు. వీరంద‌రిలో మెగాస్టార్ చిరంజీవి నుంచి మ‌హేశ్ అందుకున్న శుభాకాంక్ష‌లు ప్ర‌త్యేకంగా నిలిచాయి. అవును. సూప‌ర్‌స్టార్ బ‌ర్త్‌డేకి మెగాస్టార్ విషెస్ తెలియ‌జేశారు. త‌న సోష‌ల్ మీడియా హ్యాండిల్ ద్వారా "అందం, అభినయం భగవంతుడు మీకిచ్చిన వరం. మరెన్నో  మరిచిపోలేని పాత్రలు చేయాలనీ, మీ  కలలన్ని నెరవేరాలని కోరుకుంటూ, Happy Birthday @urstrulyMahesh..  May you have a Wonderful year ahead!" అని ట్వీట్ చేశారు చిరంజీవి.     మొద‌ట్నుంచీ ఆ ఇద్ద‌రి మ‌ధ్య స‌న్నిహిత అనుబంధం ఉంటూ వ‌స్తోంది. 2020 జ‌న‌వ‌రిలో 'స‌రిలేరు నీకెవ్వ‌రు' మూవీ ప్రి రిలీజ్ ఈవెంట్‌కు చీఫ్ గెస్ట్‌గా వ‌చ్చి మ‌హేశ్‌ను చిరంజీవి ఆశీర్వదించిన విష‌యం తెలిసిందే. ఇప్పుడు మ‌రోసారి మ‌హ‌శ్‌పై త‌న‌కున్న వాత్స‌ల్యాన్నీ, అనుబంధాన్నీ చాటుకున్నారు చిరంజీవి. అందులో "అందం, అభినయం భగవంతుడు మీకిచ్చిన వరం" అనే మాట‌లు ఆయ‌న నుంచి రావ‌డంతో అంద‌రూ హ‌ర్షిస్తున్నారు.

మ‌హేశ్ బ‌ర్త్‌డే స్పెష‌ల్: 'స‌ర్కారు వారి పాట' మోష‌న్ పోస్ట‌ర్‌

  ఆగ‌స్ట్ 9 అంటే సూప‌ర్ స్టార్ మ‌హేశ్ ఫ్యాన్స్‌కు పండ‌గ రోజు.. కార‌ణం అది ఆయ‌న బ‌ర్త్‌డే. ఆ రోజు వాళ్లు భారీ కేక్‌లు క‌ట్ చేసి, ర‌క్త‌దానాలు చేసి, సోష‌ల్ యాక్టివిటీస్‌లో పాల్గొని మ‌హేశ్‌పై త‌మ అభిమానాన్ని చాటుకొనే రోజు. అయితే ఇప్పుడు క‌రోనా మ‌హ‌మ్మారి కోర‌లు చాచి విజృంభిస్తుండ‌టంతో ఆ యాక్టివిటీస్‌కు దూరంగా ఉండాల్సిందిగా మ‌హేశ్ త‌న అభిమానుల‌ను కోరాడు. అయితే క‌రోనాతో బాధ‌ప‌డుతున్న వారిని కాపాడ‌టం కోసం ప్లాస్మా డొనేష‌న్‌పై ప్ర‌జ‌ల్లో అవ‌గాహ‌న క‌లిగించాల్సిందిగా వారిని కోరాడు. దాంతో పాటు త‌న ఫ్యాన్స్‌ను ఆనందింప‌జేయ‌డం కోసం త‌న తదుప‌రి చిత్రానికి సంబంధించిన ఒక అప్‌డేట్ ఇచ్చాడు మ‌హేశ్‌. ఆయ‌న ప‌ర‌శురామ్ డైరెక్ష‌న్‌లో 'స‌ర్కారు వారి పాట' చిత్రాన్ని చేసేందుకు సిద్ధ‌మ‌వుతున్న విష‌యం తెలిసిందే. త‌న బ‌ర్త్‌డే సంద‌ర్భంగా ఆదివారం ఉద‌యం 9:09 గంట‌ల‌కు టైటిల్ మోష‌న్ పోస్ట‌ర్‌ను రిలీజ్ చేయించాడు మ‌హేశ్‌. త‌మ‌న్ బీజియం అద‌ర‌గొడుతుండ‌గా మ‌హేశ్ చేయి ఒక రూపాయి కాయిన్‌ను పైగెర‌వేయ‌గా, 'స‌ర్కారు వారి పాట' అంటూ లేడీ వాయిస్ ట్రాక్ పాడుతుండ‌గా టైటిల్ ప్ర‌త్య‌క్ష‌మైంది. "హ్యాపీ బ‌ర్త్‌డే సూప‌ర్‌స్టార్ మ‌హేశ్‌బాబు" అంటూ ఇంగ్లీషులో అక్ష‌రాలు ప‌డ్డాయి. నిమిషాల వ్య‌వ‌ధిలోనే ల‌క్ష‌ల్లో వ్యూస్ వ‌చ్చాయి. సినిమా షూటింగ్ ఇంకా మొద‌లు కాక‌పోయినా మోష‌న్ పోస్ట‌ర్‌తో సూప‌ర్‌స్టార్ త‌మ‌కు ఆనందం చేకూర్చాడ‌ని ఆయ‌న ఫ్యాన్స్ సంబ‌ర‌ప‌డుతున్నారు.

రానా పెళ్లి గ్రూప్ ఫొటో.. రామానాయుడు ఒక్క‌రు మిస్స‌య్యారు!

  టాలీవుడ్ అంద‌గాడు రానా ద‌గ్గుబాటి, ఇంటీరియ‌ర్ డిజైన‌ర్ మిహీకా బ‌జాజ్ వివాహం శ‌నివారం రాత్రి రామానాయుడు స్టూడియోస్‌లో కొద్దిమంది అత్యంత స‌న్నిహితుల స‌మ‌క్షంలో జ‌రిగిన విష‌యం తెలిసిందే. వ‌ధూవ‌రుల కుటుంబ స‌భ్యుల‌తో పాటు అక్కినేని ఫ్యామిలీలోని నాగ‌చైత‌న్య‌, సమంత దంప‌తులు కూడా ఈ వేడుక‌కు హాజ‌ర‌య్యారు. రానాకు చైతూ మేన‌త్త కుమారుడనే విష‌యం తెలిసిందే. చైతూ త‌ల్లి ల‌క్ష్మి కూడా ఈ పెళ్లికి వ‌చ్చారు. ఈ సంద‌ర్భంగా ద‌గ్గుబాటి ఫ్యామిలీతో పాటు వీరంతా క‌లిసి గ్రూప్ ఫొటో దిగారు. అందులో ఒకే ఒక‌రు లేని లోటు స్ప‌ష్టంగా క‌నిపిస్తోంది. ఆ వ్య‌క్తి.. రామానాయుడు. పెద్ద మ‌న‌వ‌డి పెళ్లి చూసుకోకుండానే ఐదేళ్ల క్రితం రామానాయుడు మృతి చెందారు. రానా పెళ్లి గ్రూప్ ఫొటోలో రామానాయుడి స‌తీమ‌ణి రాజేశ్వ‌రి ఆయ‌న‌ను గుర్తుకు తెచ్చారు. రామానాయుడి ఇద్ద‌రు కుమారులు సురేశ్‌బాబు, వెంక‌టేశ్‌, ఇద్ద‌రు కోడ‌ళ్లు, కుమార్తె ల‌క్ష్మి, మ‌న‌వ‌ళ్లు, మ‌న‌వ‌రాళ్లు క‌లిసి ఉన్న ఈ గ్రూప్ ఫొటో ఆన్‌లైన్‌లో వైర‌ల్‌గా మారింది. రానా పెళ్లి ఆల్బ‌మ్‌కు ఈ ఫొటోనే హైలైట్.  

మిహీకాతో ఏడ‌డుగులు న‌డిచిన‌ రానా

  తెలుగు చిత్ర‌సీమ‌లోని మోస్ట్ ఎలిజిబుల్ బ్యాచిల‌ర్స్ లిస్ట్ నుంచి రానా ద‌గ్గుబాటి వైదొలిగాడు. శ‌నివారం రాత్రి 8:30 గంట‌ల‌కు ఈ 35 ఏళ్ల అంద‌గాడు త‌న ఫియాన్సీ మిహాకీ బ‌జాజ్ మెడ‌లో మూడు ముళ్లు వేశాడు. హైద‌రాబాద్ ఫిల్మ్‌న‌గ‌ర్‌లోని రామానాయుడు స్టూడియోస్‌లో అత్యంత స‌న్నిహితుల మ‌ధ్య వారి వివాహ వేడుక సింపుల్‌గా జ‌రిగింది. క‌రోనా మ‌హ‌మ్మారి నిబంధ‌న‌ల మేర‌కు వివాహ వేదిక వ‌ద్ద శానిటైజ‌ర్ స్టాండ్స్‌, ఫేస్ మాస్క్‌లు, డిసిన్‌ఫెక్టెంట్ ట‌న్నెల్స్‌ను ఏర్పాటు చేశారు. అతిథులు భౌతిక దూరాన్ని పాటిస్తూ వేడుక‌లో పాల్గొన్నారు. వ‌ధూవ‌రుల కుటుంబ స‌భ్యులతో పాటు అక్కినేని ఫ్యామిలీ, అల్లు అర్జున్ వంటి కొద్దిమంది రానా స్నేహితులు ఇందులో పాల్గొన్నారు. వ‌ర్షాకాలం కావ‌డం, గ‌త కొద్ది రోజులుగా ఏదో ఒక స‌మ‌యంలో వ‌ర్షం కురుస్తుండ‌టంతో పెళ్లి వేడుక‌కు ఎలాంటి ఆటంకం క‌లిగించ‌కూడ‌ద‌నే ఉద్దేశంతో ముందు జాగ్ర‌త్త‌గా వేదిక‌ను వాట‌ర్‌-ప్రూఫింగ్‌గా ఉండేట్లు జాగ్ర‌త్త‌లు తీసుకున్నారు. మిహీకా, ఆమె త‌ల్లి బంటీ.. ఇద్ద‌రూ ఈవెంట్ ప్లాన‌ర్స్ కావ‌డంతో పెళ్లి వేదిక ఏర్పాట్ల‌ను ద‌గ్గ‌రుండి ప‌ర్య‌వేక్షించారు. వ‌ర్షం వ‌చ్చినా ఎలాంటి ఇబ్బందులు క‌ల‌గ‌ని రీతిలో వేదిక‌ను తీర్చిదిద్దారు.   

రాజకీయాలకు బలౌతున్న ఐఏఎస్ అధికారులు

ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు. తండ్రి చేతిలో ఎత్తులు చుసిన వారు తనయుడి చేతిలో లోతులు చూస్తున్నారు. వారిద్దరూ సీనియర్ ఐఏఎస్ అధికారులు. ఒకరినైతే మెడపట్టుకుని బయటకు గెంటేశారు. మరొకరిని కులం పేరుతో కుళ్లపొడుస్తున్నారు. విచిత్రం ఏమిటంటే ఈ ఇద్దరు అధికారులూ కూడా చంద్రబాబు అంటే గిట్టనివారే. ఇద్దరు అధికారులు కూడా చంద్రబాబు ముఖ్యమంత్రిగా ఉన్నప్పుడు చిన్న చూపుకు గురి అయిన వారే. ఒకరు బలయ్యారు.. మరొకరు అవుతున్నారు. ఆ ఇద్దరూ ఎవరంటే ఒకరు ఎల్‌వి సుబ్రహ్మణ్యం. రెండో వారు నిమ్మగడ్డ రమేష్ కుమార్. చంద్రబాబు ముఖ్యమంత్రిగా ఉన్న సమయంలో సీనియర్ అయినా ఎల్‌వి సుబ్రహ్మణ్యంకు జగన్ కేసుల్లో సహా ముద్దాయిగా ఉన్నారని ప్రాధాన్య పోస్టులు ఇవ్వలేదు. ఒక సందర్భంలో కీలకమైన వైద్య ఆరోగ్య శాఖ కార్యదర్శి పోస్టు ఇచ్చినా మళ్ళీ ఆయనను అక్కడ నుంచి తీసి అత్యంత చిన్నదైన యువజన శాఖకు మార్చారు. ఇక రమేష్ కుమార్ పరిష్తితి కూడా దాదాపుగా అంతే. చంద్రబాబు హయాంలో ఆయనకు ఏ కీలక శాఖ లభించలేదు. ఈ ఇద్దరూ వై ఎస్ రాజశేఖరరెడ్డి ముఖ్యమంత్రిగా ఉన్నప్పుడే ప్రతిభకు తగిన గుర్తింపు పొందారు. ఎల్‌వి సుబ్రహ్మణ్యం, రమేష్ కుమార్ ఇద్దరూ ఆర్ధిక శాఖను నిర్వహించిన వారే. ఆర్ధిక శాఖలో ఈ ఇద్దరిదీ ప్రత్యేకమైన శైలి అని వారితో సాన్నిహిత్యం ఉన్న అధికారులు అంటారు. రాష్ట్రంలో ఆర్ధిక క్రమశిక్షణ తీసుకురావడంలో బిల్లుల చెల్లింపు తదితర విషయాలలో ఎలాంటి వివాదాలు రాకుండా చూసిన వారన్న విషయాన్ని మర్చిపోలేం అని చెప్తున్నారు. ఆర్ధిక క్రమశిక్షణ తీసుకురావడం, జవాబుదారీతనం, దుబారా తగ్గించడం వంటి విషయాల్లో ఈ ఇద్దరూ అనేక చర్యలు తీసుకున్నారు.వీరికి ఇంకో పోలిక కూడా ఉంది. నిమ్మగడ్డ రమేష్ కుమార్, ఎల్‌వి సుబ్రహ్మణ్యం ఇద్దరూ కూడా తిరుమల తిరుపతి దేవస్థానం ట్రస్టు బోర్డు ముఖ్య కార్యనిర్వహణాధికారులుగా పని చేశారు. ఈ ఇద్దరి హయాంలో తిరుమల పవిత్రత రెండింతలు పెరగడమే కాకుండా క్రమ శిక్షణ ఉండేదన్న విషయం మర్చిపోరాదు. భక్తుల సౌకర్యార్ధం ఈ ఇద్దరి హయాంలో పలు కీలక నిర్ణయాలు తీసుకున్నారు. ఎంతో సీనియర్ రాజకీయ నాయకులు ట్రస్టు బోర్డు చైర్మన్లుగా ఉన్నా కూడా ఎల్‌వి సుబ్రహ్మణ్యం, రమేష్ కుమార్ ఈవోలుగా ఉన్నప్పుడు వీరు చెప్పినట్లే నడచుకునేవారన్న పేరుండేది. వృత్తి పట్ల అంతటి నిబద్ధతతో ఈ ఇద్దరు అధికారులు పని చేశారు. అత్యంత సీనియర్ అయిన ఎల్‌వి సుబ్రహ్మణ్యం ను పక్కన పెట్టి ఆయన కన్నా జూనియర్లకు చంద్రబాబునాయుడు చీఫ్ సెక్రటరీ పదవిని అప్పగించారు. అయినా ఎల్‌వి సుబ్రహ్మణ్యం ఎలాంటి వివాదాస్పద వ్యాఖ్యలు చెయ్యని విషయం మనం చూసాం. సార్వత్రిక ఎన్నికల సమయంలో అప్పటి రాష్ట్ర ప్రభుత్వ ప్రధాన కార్యదర్శి పునేటాను పక్కన పెట్టి కేంద్ర ఎన్నికల సంఘం ఎల్‌వి సుబ్రహ్మణ్యంను రాష్ట్ర ప్రభుత్వ ప్రధాన కార్యదర్శిగా నియమించింది. ఎన్నికల కమీషన్ ప్రధాన కార్యదర్శిగా నియమించాక సహ ముద్దాయిని సిఎస్ గా ఎలా నియమిస్తారని విమర్శించారు కూడా.   ఆ తర్వాత ముఖ్యమంత్రి అయిన జగన్ ఎల్‌వీ ని కొనసాగించగా జగన్ ను అందరూ మెచ్చుకున్నారు కూడా. అయితే ఏమైందో ఏమూ కానీ కొద్ది కాలంలోనే ఎల్‌వి ని అత్యంత అవమానకరంగా పదవి నుంచి జగన్ తొలగించిన విధానం కూడా తెలిసిందే. ఇప్పుడు నిమ్మగడ్డ రమేష్ కుమార్ కు కూడా దాదాపుగా అలానే జరిగింది. ఆయనను రాష్ట్ర ఎన్నికల అధికారిగా నియమించడం చంద్రబాబుకు అస్సలు ఇష్టం లేదు. చంద్రబాబు దగ్గర పని చేయడం రమేష్ కుమార్ కూ ఇష్టం లేదని అంటారు. అయితే తన కార్యదర్శిగా పని చేసిన రమేష్ కుమార్ కు రాష్ట్ర ఎన్నికల సంఘానికి నియమించాలని అప్పటి గవర్నర్ ఇ ఎస్ ఎల్ నర్సింహన్ చంద్రబాబుపై వత్తిడి తెచ్చారనీ. గత్యంతరం లేని పరిస్థితుల్లో చంద్రబాబు రమేష్ కుమార్ కు రాష్ట్ర ఎన్నికల సంఘాన్ని అప్పగించారనీ అంటున్నారు. రమేష్ కుమార్ పేరు బదులు వేరే అధికారి పేరు రాష్ట్ర ఎన్నికల సంఘానికి సిఫారసు చేశామని చంద్రబాబు కూడా చెప్పారు. అటువంటి రమేష్ కుమార్ ఇప్పుడు చంద్రబాబు ఏజెంటుగా జగన్ చేతిలో ముద్ర వేయించుకోవడం దురదృష్టం. ఈ ఇద్దరూ ముక్కుసూటిగా మాట్లాడే అధికారులు. ఎలాంటి మొహమాటం లేకుండా విధులు నిర్వర్తించే వారన్న పేరుంది. అలాంటి ఈ ఇద్దరూ కూడా అత్యంత ఘోరమైన అవమానాన్ని పొందారు. ఈ అవమానాలకు వీరు అర్హులు కాదని మాత్రం కచ్చితంగా చెప్పవచ్చని అధికార వర్గాలు అనుకుంటున్నారు. నాయకులు తమ స్వంత ప్రయోజనాల కోసం అఖిల భారత సర్వీసు అధికారులకు కులాలు, ప్రాంతాలు అంటగట్టడం ఏంటని కొందరు ఆవేదన చెందుతున్నారు.

ఆంధ్ర లో బీజేపీ 'పంచ్' తంత్రం...

  * దిగుమతి నాయకులు, బిజినెస్ లీడర్లు, లాబీయిస్టులు కలిసి బీ జె పి ని ఎటు నడిపిస్తారో....  * ఇంతకీ స్థానిక సమరం లో సత్తా చూపించే ట్యాలెంట్ ఆ పార్టీకి ఉన్నట్టా, లేనట్టా....  * జి వి ఎల్ ఋతుపవనాల్లాంటి వారు... ఇలావచ్చి అలా పలకరించి, అటు నుంచి ఆటే మాయమైపోతారు  * సి ఎం రమేష్ లాబీ మాస్టర్ గా ఢిల్లీ లో ప్రసిద్ధులు.. నోకియా మాదిరి ఈయన కూడా కనెక్టింగ్ పీపుల్ నినాదాన్ని బలంగా నమ్మిన వారు  * సుజనా చౌదరి... గత్యంతరం లేని పరిస్థితుల్లో అమరావతి నినాదాన్ని భుజాన వేసుకుని చందమామ కథలో విక్రమార్కుడి మాదిరి ... వై ఎస్ ఆర్ సి పి లోని బేతాళుడి తో జగడమాడుతుంటారు  * టీ జీ వెంకటేష్.. అవసరార్ధ రాజకీయాల కు కేరాఫ్ అడ్రెస్ .... రాయలసీమ అనేది ఈయనకు ట్యాగ్ లైన్ ...దురదపుట్టినప్పుడు గోక్కోవటానికి ఉపయోగపడే ఆరో వేలుగా ఆయన ఆ నినాదాన్ని బాగా వాడేస్తారు..  * అంగ వంగ కళింగ రాజ్యాలను అవలీలగా గెలిచిన చక్రవర్తి, చివరకు ఆముదాలవలస లో ఓడిపోయినట్టు, రాష్ట్ర బీ జె పి అధ్యక్షుడు కన్నా లక్ష్మీ నారాయణ , చివరకు పవన్ కళ్యాణ్ తో కలిసి స్థానిక సమరం లో బీజేపీకి కాస్తో కూస్తో ఉన్న ఇమేజ్ ని పణం గాపెట్టే సాహసానికి ఒడిగట్టారు  ఆ ఐదుగురూ ఇంతకీ ఏమి చేస్తున్నట్టు..భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్ , కాంగ్రెస్ లో నుంచి బీ జె పి లోకి షిఫ్ట్ అయిన  బీ జె పి అధ్యక్షుడు కన్నా లక్ష్మీ  నారాయణ కలిసి ఈ స్థానిక సమరం లో రాష్ట్రం మొత్తం మీద కనీసం ఒక్కొక్కరికి 50 చొప్పున 250 మంది ఎం పి టి సి లు, జెడ్ పీ టి సి లను  గెలిపించుకురాగలరా అనేది చాలా పెద్ద సందేహం గా కనిపిస్తోంది. ఎందుకంటే, నిన్ననే విజన్ డాక్యుమెంట్ ని కలిసి ఆవిష్కరించిన బీ జె పి , జన సేన కంబైన్ నేతలు , చాలా పెద్ద  దృశ్యాన్నే జనం ముందు ఆవిష్కరించే ప్రయత్నం చేశారు. వై ఎస్ ఆర్ సి పి, తెలుగుదేశం పార్టీ లకు తామే ప్రత్యామ్నాయమన్నట్టు గా ప్రకటించుకున్న ఈ ఐదుగురిదీ  వాస్తవానికి తలో దారీ.. ఎవరు , ఎప్పుడు, ఎందుకు, ఎలా మాట్లాడతారో తెలీని గందర గోళం ....  జి వి ఎల్ నరసింహ రావు ది అయితే సొంత రాజ్యాంగం, పూర్తిగా పార్టీ రాష్ట్ర శాఖ తో  గానీ, లేదా బీ జె పి లో ఉన్నతెలుగుదేశం మాజీ లతో  కానీ ఈయనకు ఎలాంటి సంబంధాలు ఉండవు.  రాష్ట్రాన్ని ఎప్పుడైనా పలకరించడానికి రుతు పవనాల మాదిరి అలా చుట్టపు చూపు గా వచ్చేసి ,  ఇలా మాయమైపోయే  జి వి ఎల్ వ్యవస్థ ల గురించి రాష్ట్ర బీ జె పి లో ఎవరికీ ఎలాంటి క్లూలు ఉండవు. ఈయన దారి రహదారి. ఈయన వ్యవస్థ ఇలాఉంటే, బీ జె పి లో ఉంటూ కూడా ఇంకాతెలుగు దేశం ఎజెండా , జెండా రెండూ మోస్తున్నట్టు కనిపించే సుజనా చౌదరి ఒక్క అమరావతి అంశం మీద తప్పించి, ఇతరత్రా ఏదీ మాట్లాడటానికి ఎక్కువగాఇష్టపడరు. జీ వీ ఎల్ కు, సుజనా కూ క్షణం పడదు. ఆయన ఎడ్డెం అంటే ఈయన తెడ్డెం అనే రకం.. ఏ మాత్రం పొసగని,పొంతన లేని పరస్పర భిన్నమైన అభిప్రాయాలు గల వీరిద్దరూ ఉత్తర ధృవం, దక్షిణ ధృవం మాదిరి ఒకే పార్టీ లో ఉంటూ కూడా కామన్  ఎజెండా తో పని చేసిన దాఖలాలు ఇప్పటివరకూ అయితే లేవు.   ఇహ, సి ఎం రమేష్ గురించి వేరే చెప్పనక్కర్లేదు. ఆయన తన బిజినెస్ వ్యవహారాలను బీ జె పి తో ముడి కట్టేసి, ఏ పార్టీ లో ప్రయాణిస్తున్నాడో కూడా మర్చే పోయి, మొన్నటికి మొన్న పరిమళ్ నత్వాని ని జగన్ మోహన్ రెడ్డి దగ్గర ప్రవేశ పెట్టడం లో కీలక పాత్ర పోషించిన  ఘనుడు. గుర్తు చేస్తే కానీ తానూ బీ జె పి లో ఉన్నాననే విషయం గుర్తుండని ఈయన కు  బీ జె పి, జన సేన కలిసి పోటీ  చేస్తున్న విషయం తెలుసో లేదో అని కూడాపార్టీ శ్రేణులు గుసగుస లాడుకుంటున్నాయి.  ఇహ వీరందరినీ సమన్వయము చేసుకుని  ముందుకెళ్తున్నట్టు భావిస్తూ , బాహ్య ప్రపంచం ముందు ఆవిష్కృతమయ్యే  వ్యక్తి మరెవరో కాదు... సాక్షాత్తూ  రాష్ట్ర బీ జె పి అధ్యక్షుడు కన్నా లక్ష్మీ నారాయణ. ఈయన, పవన్ కళ్యాణ్ తో కలిసి ప్రయాణించటానికి అంతగాసుముఖం గా లేదు...కారణమేమిటంటే, చంద్రబాబు నాయుడు లాంటి యోధులతో పోరాడిన తన రాజకీయం , చివరకు ఇలా ఏ పూట ఎక్కడ ఉంటారో కూడా తెలీని పవన్ కళ్యాణ్ పార్టీతో కలిసి పని చేయాల్సిన దుస్థితికి దిగజారటమేమిటని  తరచూ తనలో తానె కుమిలి పోతున్నట్టు సమాచారం.  ఇహ, టీ జీ వెంకటేష్ అయితే మరీను..... రాయలసీమ నినాదాన్ని తన ట్యాగ్ లైన్ గాచేసుకుని కాలక్షేపం చేసేస్తూ... ప్రస్తుతానికి బీ జె పి లో నివసిస్తూ ....ఈ స్థానిక ఎన్నికల సమరం లో తన పాత్ర ఏమిటో కూడాతెలీకుండా జీవనం వెళ్లదీస్తున్నారు. మొత్తానికి ఈ పంచ పాండవులు స్థానిక సమరం లో తమ 'పంచ్ ' పవర్ ఏమిటో ఈ నెలాఖరు లోగా చుపిస్తారేమోననే బోలెడు , ఇంకా గంపెడాశతో బీ జె పి అభిమానులు ఆత్రంగా ఎదురు చూస్తున్నారు.

ఏపీలో వంద కోట్ల దందా.. రియల్ క్రైమ్ స్టోరీ

సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన.. ఆ రియల్ స్టోరీ టైటిల్ వచ్చేసి.. "ఓ కిడ్నాప్, వంద కోట్ల స్కాం". 'నేనే రాజు నేనే మంత్రి' మూవీలో ఒక డైలాగ్ ఉంటుంది. మీరు ఏ పార్టీకి ఓటేసినా మేమే అధికారంలో ఉంటామని. అవును.. కొందరు రాజకీయ నాయకులు.. ఎన్నికల్లో ప్రజలు ఏ పార్టీని గెలిపిస్తే.. ఆ పార్టీలోకి జంప్ చేస్తారు. అలాగే అధికారులు కూడా.. ఏ పార్టీ అధికారంలోకి వస్తే ఆ పార్టీ నేతలని కాకాపడుతూ వారి ఆటలు సాగిస్తుంటారు. ఈ రియల్ స్టోరీ వింటే అది నిజమని మీకే అర్ధమవుతుంది. కాకినాడలోని సర్పవరంకి చెందిన ఆకుల గోవిందరాజు అనే వ్యక్తికి భోగాపురంలో వంద కోట్ల విలువైన 18 ఎకరాల ల్యాండ్ ఉంది. ఈ ఒక్క విషయం చాలదా.. మాఫియా కన్ను ఆయన మీద పడటానికి. ఎక్కడో ఆకాశంలో ఎగురుతున్న గద్దకి కింద ఉన్న కోడిపిల్ల కనిపించినట్టు.. మాఫియా వాళ్ళకి ఎక్కడున్నా విలువైన ల్యాండ్స్ కనిపిస్తాయి కదా. అలాగే, బలగ ప్రకాష్ అనే మాఫియా లీడర్ కి.. ఆకుల గోవిందరాజుకి చెందిన ల్యాండ్ పై కన్నుపడింది. ఇంకేముంది ఏకంగా పోలీసులనే రంగంలోకి దింపాడు. ఇక పోలీసులైతే ఓ అడుగు ముందుకేసి ఏకంగా కిడ్నాప్ కే తెరలేపారు. 2017.. సెప్టెంబర్ 19 .... శూన్యమాసం.. అమావాస్య.. మంగళవారం.. మధ్యాహ్నానికి- సాయంత్రానికి నడుమ సూర్యుడు మండిపోతున్న సమయం... అబ్బా ఏమన్నా ముహూర్తమా... శూన్యమాసం.. అమావాస్య.. మంగళవారం.. ఇదే కిడ్నాప్ కి సరైన ముహూర్తం అనుకున్నారేమో పోలీసులు... AP 30 AB 6655 నెంబర్ గల ఇన్నోవా కార్ లో.. పోలీసులు ఆకుల గోవిందరాజు ఇంటికి వచ్చారు. కారు నెంబర్ ఫ్యాన్సీగా ఉన్నా, ఆ ఖాకీలు చేసే పని మాత్రం ఏ మాత్రం పద్దతిగా లేదు. వాళ్ళు చేసే పనేంటో ఆ చుట్టుపక్కల ఉన్నవారికి తెలియదు. కొత్త మొహాలు కావడంతో.. చుట్టుపక్కల వారు కొందరు ఆశ్చర్యంతో, కొందరు అనుమానంతో చూస్తున్నారు. వాళ్ళు అలా చూస్తుండగానే.. దొంగల రూపంలో వచ్చిన పోలీసులు.. గోవిందరాజుని ఇన్నోవాలో పడేసి.. జెట్ స్పీడ్ లో హైవే ఎక్కారు. పోలీసుల భాషలో చెప్పాలంటే దీనినే కిడ్నాప్ అంటారు. కారు హైవే మీద దూసుకెళ్తుంది. ఆ స్పీడ్ చూస్తే.. అంబులెన్స్ డ్రైవర్ కావాల్సిన వ్యక్తి ఇన్నోవా డ్రైవ్ చేస్తున్నాడేమో అనిపిస్తుంది. డ్రైవర్ స్టీరింగ్ పట్టుకుంటే.. మనం ఖాళీగా ఉండి ఏం చేస్తాం అనుకున్నారేమో.. మిగతా పోలీసులు గోవిందరాజు పనిపెట్టారు. కారు.. కాకినాడ నుంచి భోగాపురం చేరేవరకు.. అంటే దాదాపు నాలుగు గంటల పాటు... గోవిందరాజుని భయపెట్టారు.. బెదిరించారు.. చిత్రహింసలు పెట్టారు. ఒక్కమాటలో చెప్పాలంటే నరకం చూపించారు. కారు సాయంత్రం 6 గంటలకు భోగాపురం సబ్ రిజిస్టార్ ఆఫీస్ కి చేరుకుంది. ఖాకీలకు భయపడ్డాడో, కాసులకు కక్కుర్తి పడ్డాడో తెలియదు కానీ.. సబ్ రిజిస్టార్ పందిళ్లపల్లి రామకృష్ణ.. సాయంత్రం 4:30 కే రిజిస్ట్రేషన్ కాగితాలు సిద్ధం చేసి.. పదేళ్ల తర్వాత ఫారెన్ నుంచి రిటర్న్ వస్తున్న ఫ్రెండ్ కోసం ఎదురుచూస్తున్నట్టు.. గుమ్మం వైపు చూస్తూ పోలీసుల కోసం ఎదురుచూస్తున్నాడు. ఇంతలో పోలీసులు గోవిందరాజుని తీసుకొని గుమ్మంలోకి అడుగు పెట్టనే పెట్టారు. గుమ్మంలో వాళ్ళ అడుగు పడిందో లేదో.. సబ్ రిజిస్టార్ మోహంలో వెలుగు వచ్చింది. గోవిందరాజు మోహంలో భయం పెరిగింది. భయంతో చూస్తుండగా ఎదురుగా కుర్చీలో కూర్చొని ఉన్న మాఫియా లీడర్ బలగ ప్రకాష్ కనిపించాడు. జర్నీలో పోలీసుల చిత్రహింసలతో భయపడిపోయిన గోవిందరాజు.. బలగ ప్రకాష్ ని చూసి మరింత భయపడ్డాడు. బలగ ప్రకాష్.. పోలీసుల మాదిరి సాగదియ్యలేదు.. కమర్షియల్ సినిమాల్లో విలన్ లాగా ఒక్కటే డైలాగ్ కొట్టాడు.. "సంతకం పెడతావా? సమాధిలో పడుకుంటావా?".... ఆ ఒక్క డైలాగ్ తో గోవిందరాజు భయం చావుభయంగా మారిపోయింది. ఎదురుగా మాఫియా లీడర్.. చుట్టూ భోగాపురం సీఐ నర్సింహారావు, ఎస్సైలు తారక్, మహేష్.. హెడ్ కానిస్టేబుల్ గోవిందరావు.. ఉన్నారు. ఎస్సైల పేర్లు తారక్, మహేష్ అని హీరోల పేర్లు ఉన్నాయి కానీ.. వాళ్ళ బిహేవియర్ మాత్రం పెద్ద విలన్ల పక్కన ఉండే చెంచా విలన్లు లాగా ఉంది. అన్యాయాన్ని అడ్డుకోవాల్సిన పోలీసులే.. మాఫియా లీడర్ తో కలిసిపోయి.. చిత్రహింసలు చేసి బెదిరిస్తుంటే.. తప్పనిసరి పరిస్థితుల్లో, వంద కోట్లు కంటే విలువైన ప్రాణం కోసం, అన్యాయం ముందు తలవంచి గోవిందరాజు సంతకం పెట్టాడు. ఆ ఒక్క సంతకంతో.. గోవిందరాజు మొహంలో తప్ప.. అక్కడున్న అందరి మొహాల్లో లక్ష్మీకళ ఉట్టిపడింది. అన్నట్టు ఇంత జరుగుతున్నా అక్కడ ఇతరులు ఎవరూ లేరా? అని మీకు అనుమానం రావొచ్చు. అక్కడ నిజంగానే ఎవరూ లేరు.. ఎందుకంటే వాళ్ళు పెట్టిన ముహూర్తం అలాంటిది మరి. శూన్యమాసం-అమావాస్య.. బుద్ధి ఉన్నోడు ఎవడైనా రిజిస్ట్రేషన్ పెట్టుకుంటాడా? వీళ్లంటే.. వంద కోట్ల కబ్జా ల్యాండ్ కాబట్టి.. బుద్ధిని పక్కనపెట్టి.. బెదిరించి.. రిజిస్ట్రేషన్ చేపించుకున్నారు. ఇప్పుడు అర్థమైందా వాళ్ళ శూన్యమాసం-అమావాస్య కాన్సెప్ట్ ఏంటో?!!.. ఈ కిడ్నాప్- కబ్జా వ్యవహారంపై.. సర్పవరం పోలీస్ స్టేషన్ లో 330/217 నెంబర్ తో కేస్ రిజిస్టర్ అయింది. అదేంటో.. FIR కూడా అయిన తరువాత.. చార్జిషీట్ దాఖలు చేయడానికి.. రాజమౌళి RRR చేయడానికి తీసుకునే టైం కన్నా ఎక్కువ తీసుకుంటున్నారు సర్పవరం పోలీసులు. రెండున్నరేళ్లుగా నాన్చుతూనే ఉన్నారు. ఈ విషయం గురించి.. ఏపీ హ్యూమన్ రైట్స్ కమిషన్ కి కాకినాడ పోలీసులు రిపోర్ట్ కూడా పంపారు. కానీ చార్జిషీట్ దాఖలు చేసే విషయంలో సర్పవరం సీఐ డిలే చేస్తూనే ఉన్నాడు. ఏంటి ఆ సీఐ ధైర్యం?.. భయపడితే భయపడటానికి ఆయన పోస్ట్ మ్యాన్ కాదు.. పోలీసోడు.. దానికితోడు పొలిటిషీయన్స్ సపోర్ట్ ఉన్నోడు. అవును.. ఈ వ్యవహారంలో.. బడా పొలిటిషీయన్స్ సపోర్ట్ కూడా ఉంది. అదే పోలీసుల ధైర్యం... శ్రీకాకుళం జిల్లాకి చెందిన మాజీ మంత్రి, ప్రస్తుత టీడీపీ నేత.. అలాగే గత ప్రభుత్వ హయాంలో విప్ గా పనిచేసిన నేత.. వీరిద్దరి సాయంతో సర్పవరం పోలీస్ స్టేషన్ ని ఫుల్ గా influence చేసే ప్రయత్నం బలంగా నడుస్తుంది. అందుకే చార్జిషీట్ కి మోక్షం కలగట్లేదు. ఇంత పెద్ద కిడ్నాప్- కబ్జా జరిగితే అస్సలు చర్యలే తీసుకోకుండా ఎలా ఉన్నారని అనుకుంటున్నారేమో... అబ్బో చాలా పెద్ద చర్య తీసుకున్నారు. భోగాపురం ఇన్స్పెక్టర్ ని బదిలీ చేసారు. అదేంటి!!.. అంత జరిగితే కేవలం బదిలీనా అనుకోవద్దు.. రాజకీయ ఒత్తిళ్లు అలాంటివి మరి.. అర్థంచేసుకోవాలి... ఇంకో విషయం ఏంటంటే.. ఈ వ్యవహారం డీజీపీ ఆఫీస్ కి కూడా చేరింది. మరి ఇంకేంటి.. వెంటనే అందరి మీద చర్యలు తీసుకొని ఉంటారుగా అంటారా? అబ్బో.. మీరు పవర్ ఫుల్ పోలీస్ ఆఫీసర్ సినిమాలు చూసి బాగా మోసపోయారు... అలాంటి పప్పులు ఇక్కడ ఉడకవు. వాస్తవానికైతే... CRPC 41A కింద డీజీపీ నియమించే ఓ సీనియర్ అధికారి.. విచారణ జరిపి.. తదుపరి చర్యల వరకు.. ఆ సీఐని సస్పెండ్ చేసే అవకాశముంది. కానీ ఇక్కడ అలాంటిదేం జరగలేదు. ఏదో ఫార్మాలిటీకి బదిలీతో సరిపెట్టారు. గోవిందరాజు ని బెదిరించి వంద కోట్ల విలువైన ల్యాండ్ అన్యాయంగా లాక్కున్నారు. అయినా తప్పు చేసిన వాళ్ళు బాగానే ఉన్నారు. పైగా గోవిందరాజునే ఇంకా టార్చర్ చేస్తున్నారు. రాజకీయ ఒత్తిళ్లలో భాగంగా.. ప్రస్తుత సర్పవరం సీఐ మరియు అర్బన్ డీఎస్పీ.. గోవిందరాజుని పదేపదే తిప్పించుకుంటున్నారు. ఇక కాకినాడలో ఉద్యోగం వెలగపెడుతున్న.. ఇప్పటి ఓ మంత్రిగారి బావమరిది.. రంగంలోకి దిగడంతో ఈ కేసు మరింత డైల్యూట్ అయింది. అసలే భోగాపురంలో ఎయిర్ పోర్ట్ అంటున్నారు. రెక్కలున్న విమానాలు వస్తున్నాయి అంటే.. ఆటోమేటిక్ గా భూముల ధరలకు రెక్కలొస్తాయి కదా.. అందుకే పోలీసులు- పొలిటీషియన్స్ అండతో మాఫియా ఇంతలా రెచ్చిపోతుంది. అంతేకాదు.. ఈ వ్యవహారం వెనుక.. 2017 ప్రాంతంలో ఉత్తరాంధ్ర జిల్లాల్లో పనిచేసిన ఓ కలెక్టర్ మరియు ఎస్పీ పాత్ర ఉన్నట్టు.. సెక్రటేరియట్ వర్గాల వద్ద స్పష్టమైన సమాచారం ఉంది. టీడీపీ పెద్దతలకాయలకు సన్నిహితులైన ఈ ఐఏఎస్, ఐపీఎస్ లు.. వైసీపీ ప్రభుత్వ హయాంలో కూడా తమ హవా కొనసాగించడం... అందరినీ ముక్కు, మూతి ఇలా అన్నింటి మీదా వేలేసుకునేలా చేస్తుంది. ఇంతకీ ఆ ఐఏఎస్ & ఐపీఎస్ ఎవరు? * ఒకరు.. పరుల అవినీతి మీద కాంతివంతంగా దండెత్తే ఐఏఎస్... * ఇంకొకరు.. పొద్దునలేస్తే సుభాషితాలు చెప్పే పాలమీగడ లాంటి ఐపీఎస్.. ఈయనకి టెక్నాలజీ మీద గ్రిప్ బాగా ఎక్కువ. ఈ వ్యవహారంలో వీరిద్దరి పాత్ర కూడా ప్రముఖంగా ఉంది. 'వంద గొడ్లను తిన్న రాబందు కూడా ఒక్క గాలివానకు కూలిపోతుంది' అన్నట్టు.. ఈ అవినీతి రాబందులను భయపెట్టే గాలివాన ఇప్పుడిప్పుడే మొదలవుతుంది. మాఫియా లీడర్ బలగ ప్రకాష్ కనుసన్నల్లో.. ఐఏఎస్, ఐపీఎస్లు, పోలీసులు, పొలిటీషియన్స్ అండతో జరిగిన ఈ అన్యాయంపై.. గోవిందరాజు కొద్ది నెలలుగా పోరాడుతూనే ఉన్నాడు. న్యాయం కోసం ఆయన ఎక్కని గుమ్మం దిగని గుమ్మం లేదు. సన్నిహితుల సాయంతో న్యాయం కోసం పోరాడుతున్నాడు. ఆ పోరాడంతో కొన్ని విషయాలు కూడా వెలుగులోకి వచ్చాయి. వాస్తవానికి అప్పుడు జరిగింది తప్పుడు రిజిస్ట్రేషన్ అని పేర్కొంటూ... భోగాపురం రిజిస్టార్ డాక్యుమెంట్ రైటర్.. 2019 అక్టోబర్ 19 తేదీన.. 164 CRPC స్టేట్మెంట్ ని.. కాకినాడ ఫస్ట్ అడిషనల్ జ్యూడిషల్ సివిల్ జడ్జ్.. ముందట ఇచ్చాడు. అంతేకాదు.. సీసీ కెమెరాలతో దొంగలని పట్టుకునే పోలీసులు.. ఆ సీసీ కెమెరాల పుణ్యమా అని అడ్డంగా బుక్ అయ్యారు. సర్పవరం లో కిడ్నాప్ చేసి.. భోగాపురం తీసుకెళ్లిన.. నాలుగు గంటల తతంగమంతా.. పలు చోట్ల సీసీ కెమెరాలలో రికార్డు అయింది. క్షవరం అయితే కానీ ఇవరం రాదని.. సీసీ కెమెరాలు చూసి దోషులని పట్టుకునే పోలీసులు.. ఆ సీసీ కెమెరాల సంగతి మర్చిపోయి ఇలా దొరికిపోవడం కామెడీగా ఉంది. మొత్తానికి కొద్దికొద్దిగా కదులుతున్న తీగతో.. దందా చేసి ఇన్నాళ్లు డొంకలో దాక్కున్నవారు.. ఇప్పుడిప్పుడే భయంతో వణుకుతున్నారు. ముఖ్యంగా డీజీపీకి కంప్లైంట్ వెళ్లడంతో ఐఏఎస్, ఐపీఎస్ ఒణికిపోతున్నారట. మరి ముఖ్యంగా ఆ ఐపీఎస్ అయితే.. డైపర్ వేసుకొని తిరుగుతున్నాడని టాక్... ఇప్పటికే ఆ ఐపీఎస్ గడిచిన రెండు నెలల్లో.. బలగ ప్రకాష్ టీం తో.. ఒకే హోటల్ లో 17 సార్లు సిట్టింగ్ వేశాడు. దీన్నిబట్టే అర్థంచేసుకోవచ్చు ఆ ఐపీఎస్ ఎంతలా వణికిపోతున్నాడో!! తప్పుని సరిదిద్దాల్సిన పోలీసులే.. ఇంత పెద్ద తప్పు చేశారు. ఈ విషయం డీజీపీ దృష్టికి కూడా వెళ్ళింది. మరి ఆయన ఈ కిడ్నాప్-కబ్జా వ్యవహారంలో ఇన్వాల్వ్ అయినవారిపై ఎలాంటి చర్యలు తీసుకుంటారు?.. బాధితుడికి ఎప్పుడు న్యాయం చేస్తారు? ఆయన ఇలాగే మౌనంగా ఉంటే ప్రజలకు పోలీసు వ్యవస్థ మీదే నమ్మకం పోతుంది. ఇక ఈ విషయంలో సర్కార్ కూడా అడుగు ముందుకేసి బాధితుడికి న్యాయం చేయాల్సిన అవసరముంది. అవినీతి రహిత పాలనే అందించడమే తమ లక్ష్యమని చెప్పుకునే అధికారపార్టీ.. అవినీతి-అన్యాయం చేసిన వారికి.. పరోక్షంగా అండగా ఉండటం ఎంత వరకు కరెక్ట్? గత ప్రభుత్వం మీద, అప్పుడు వారికి సన్నిహితంగా ఉన్న కొందరు అధికారులపైనా.. ఇప్పటి అధికారపార్టీ నేతలు పదేపదే అవినీతి ఆరోపణలు చేస్తుంటారు. మరి ఈ వ్యవహారం మీద ఎందుకు నోరు మెదపడం లేదు? ఇందులో తమ పార్టీ నేతలు కూడా ఉన్నారా? లేక పార్టీ సీనియర్ నేతైన మంత్రి గారి బావమరిది ఇన్వాల్వ్ అయ్యాడని వెనకడుగు వేస్తున్నారా? ప్రభుత్వం దీనిపై స్పందించాలి. ఈ భోగాపురం భాగోతం వెనుకున్న వారిపై ప్రభుత్వం కఠినంగా వ్యవహరించి.. బాధితుడికి న్యాయం చేయాలి. లేదంటే ప్రభుత్వం మీద కూడా నమ్మకం పోతుంది.  

క‌విత‌, ష‌ర్మిలా రాజ్య‌స‌భ‌కు వెళ్తారా?

తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.  సామాజిక కోణంలో తమకు అవకాశం దక్కుతుందని పలువురు సీనియర్లు భావిస్తుండగా, ఇప్పటివరకు పార్టీ తరఫున రాజ్యసభ పదవులు దక్కని వర్గాల వారూ ఆశగా ఎదురుచూస్తున్నారు. పార్టీ అధినేత కేసీఆర్‌ నిర్ణయం కోసం ఉత్కంఠగా ఎదురుచూస్తున్నారు.  నిజామాబాద్‌ మాజీ ఎంపీ కవితను ఈసారి పార్టీ తరఫున రాజ్యసభకు పంపిస్తార‌నే ప్ర‌చారం విస్తృతంగా జరుగుతోంది. అయితే సి.ఎం. కేసీఆర్ ఆలోచ‌నే ఎలా వుందో ఎవ‌రూ అంచ‌నా వేయ‌లేక‌పోతున్నారు. కెటిఆర్ సి.ఎం. అవుతారా? క‌వితా రాజ్య‌స‌భ‌కు వెళ్తారా?  అయితే హ‌రిష్‌రావు ఈ ప‌రిణామాల‌పై ఎలా స్పందిస్తారు? అనే అంశంపై టిఆర్ ఎస్ కార్య‌క‌ర్త‌ల్లో విస్తృతంగా చ‌ర్చ జ‌రుగుతోంది. జాతీయ రాజకీయాల్లోకి వెళ్లాలనుకుంటున్న సీఎం కేసీఆర్‌ తన తరఫున ఢిల్లీ, ఇతర రాష్ట్రాల్లో ఫెడరల్‌ ఫ్రంట్‌ ఏర్పాటు ప్రయత్నాలకు నమ్మకమైన వారి కోసం అన్వేషిస్తున్నారు.  రాజ్యసభ సీటు భర్తీ సామాజిక కోణంలోనే ఉంటుందని టీఆర్‌ఎస్‌ ముఖ్యులు భావిస్తున్నారు. ఏపీ కోటాలో పదవీ విరమణ చేస్తున్న టీఆర్‌ఎస్‌ రాజ్యసభ సభ్యుడు కె.కేశవరావుకు వయసు రీత్యా ఈసారి అవకాశం ఉండకపోవచ్చన్న అంచనాలున్నాయి. రెడ్లకు అవకాశం లభిస్తే, మాజీ ఎంపీ పొంగులేటి శ్రీనివా్‌సరెడ్డి, మాజీీ స్పీకర్‌ కె.ఆర్‌.సురే్‌షరెడ్డి, ఎమ్మెల్సీ నాయిని నర్సింహారెడ్డి మధ్య పోటీ ఉంటుందని చెబుతున్నారు. కమ్మ సామాజిక వర్గానికి ఇవ్వాలనుకుంటే మండవ వెంకటేశ్వరావు, తుమ్మల నాగేశ్వరరావు పేర్లు పరిశీలించవచ్చని అంటున్నారు. బీసీలకు అవకాశం ఇస్తే సిరికొండ మధుసూదనాచారి, బస్వరాజు సారయ్య పేర్లు పరిశీలిస్తారని చెబుతున్నారు. ఎస్సీ కోటాలో భర్తీ చేయాలని భావిస్తే కడియం శ్రీహరి, మాజీ ఎంపీ మంద జగన్నాథం పేర్లు పరిశీలిస్తారని అంటున్నారు. ఎస్సీల్లోనే మాలలకు అవకాశం ఇవ్వాలని అనుకుంటే, టీఎ్‌సఐఐసీ చైర్మన్‌ గాదరి బాలమల్లు, ఎస్టీ అయితే సీతారాంనాయక్‌ పేరు ఉండొచ్చని అంటున్నారు. అనూహ్యంగా ఒక పారిశ్రామికవేత్తను టీఆర్‌ఎస్‌ తరఫున రాజ్యసభకు పంపాలని అనుకుంటే హెటిరో అధినేత పార్థసారథిరెడ్డి పేరు పరిశీలించవచ్చని చెబుతున్నారు.  ఆంధ్రప్రదేశ్ కు చెందిన రాజ్యసభ స్థానాలు ఎవరికీ కేటాయించాలని ఇన్నాళ్లు చర్చించిన అధికార పార్టీ ఓ నిర్ణయానికి వచ్చిందని తెలుస్తోంది. ఈ మేరకు ఏపీ నుంచి రాజ్యసభకు ప్రాతినిధ్యం వహించే వారి జాబితా సిద్ధమైనట్టు సమాచారం.  కీలకమైన పదవులు కావడంతో పార్టీ నమ్ముకున్నోళ్లు.. తమకు అండగా నిలబడిన వ్యక్తులను ఎంపిక చేసినట్లు పార్టీ వర్గాల్లో వార్త వినిపిస్తోంది.  మాజీ ఎంపీ వైవీ సుబ్బారెడ్డి - సజ్జల రామకృష్ణారెడ్డితో పాటు మాజీమంత్రి - ఏపీసీసీ మాజీ అధ్యక్షుడు రఘువీరారెడ్డి ఉన్నట్లు తెలుస్తోంది. అయితే రఘువీరారెడ్డి కాకుంటే సుప్రీంకోర్టు రిటైర్డ్ జస్టిస్ జాస్తి చలమేశ్వర్ కూడా ఉన్నట్లు వార్తలు వస్తున్నాయి. ఈ జాబితా ఫైనలైనట్టు తెలుస్తోంది.  షర్మిల ఆపద సమయంలో జ‌గ‌న్‌కు తోడుగా నిలిచారు. జగనన్న వదిలిన బాణాన్ని అంటూ పాదయాత్ర చేశారు. కష్టకాలంలో పార్టీకి షర్మిల పెద్ద దిక్కుగా నిలిచారు. తన సొంత మీడియా సాక్షి ప్రారంభించినప్పటి నుంచి సజ్జల రామకృష్ణారెడ్డి జగన్ తో ఉన్నారు. సాక్షి పత్రిక ఎడిటోరియల్ డైరెక్టర్ గా కొనసాగుతూనే జగన్ కు రాజకీయాలపై సలహాలు సూచనలు ఇచ్చారు. ఆ తర్వాత సజ్జలను పార్టీలోకి ఆహ్వానించి పెద్ద పదవే ఇచ్చారు. విజయ సాయిరెడ్డి తర్వాత జగన్ కు అత్యంత నమ్మకస్తుడు సజ్జలనే. ఆయన పార్టీలో జగన్ రాజకీయ సలహాదారుడిగా పార్టీ రాజకీయ వ్యవహారాల కమిటీలో పని చేశారు. ప్రస్తుతం ఆంధ్రప్రదేశ్ ప్రభుత్వ సలహాదారుడిగా కొనసాగుతున్నారు. కడప జిల్లాకు చెందిన వ్యక్తి. ఎప్పుడూ తన తోడు ఉండడంతో ఆయనను రాజ్యసభకు జగన్ పంపించనున్నట్టు తెలుస్తోంది. ప్రకాశం జిల్లాకు చెందిన వైవీ సుబ్బారెడ్డి జగన్ పార్టీ పెట్టినప్పటి నుంచి ఉన్నారు. గతంలో ప్రకాశం ఎంపీగా సుబ్బారెడ్డి పని చేశారు. ఈసారి జరిగిన ఎన్నికల్లో సుబ్బారెడ్డి పోటీ చేయలేదు. అప్పుడు ఆయన పదవులు ఆశించకపోవడంతో ఇప్పుడు రాజ్యసభకు పంపించాలని నిర్ణయానికి వచ్చారు. పార్టీలో కీలక నాయకుడిగా గుర్తింపు పొందిన సుబ్బారెడ్డిని రాజ్యసభకు పంపితే న్యాయం జరుగుతుందనే భావనలో జగన్ ఉన్నారంట. అనూహ్యంగా రాజ్యసభకు పంపే జాబితాలో ప్రస్తుతం కాంగ్రెస్ పార్టీ సీనియర్ నాయకుడు రఘువీరారెడ్డి ఉండడం గమనార్హం. అనంతపురము జిల్లాకు చెందిన రఘువీరారెడ్డికి పిలిచి మరి రాజ్యసభ సీటు ఇస్తామంటున్నారు. యాదవ సామాజికి వర్గానికి చెందిన రఘువీరారెడ్డి జగన్ తండ్రి వైఎస్సార్ తో మంచి అనుబంధం ఉంది. అయితే రఘువీరారెడ్డి కాకుంటే మరొకరిని కూడా దృష్టిలో పెట్టుకున్నారు. భారత అత్యున్నత న్యాయస్థానం సుప్రీంకోర్టు జడ్జిగా పని చేసిన జస్టిస్ జాస్తి చలమేశ్వర్ ను రాజ్యసభకు పంపించాలని భావిస్తున్నారంట.  కృష్ణాజిల్లా యాదవ సామాజిక వర్గానికి చెందిన చలమేశ్వర్ సేవలను వినియోగించుకునేలా పార్టీ ఒక నిర్ణయానికి వచ్చిందంట. ఎందుకంటే తరచూ జగన్ న్యాయస్థానాల్లో చిక్కులు ఎదుర్కొంటున్నారు. చలమేశ్వర్ సేవలు వినియోగించుకుంటే జగన్ సేఫ్ గా ఉండడంతో పాటు న్యాయ కోవిదుడికి గౌరవంగా రాజ్యసభను ఇద్దామనే ఆలోచనలో ఉన్నారంట.

అధికారంలో ఉంటే ఒకలా... ప్రతిపక్షంలో ఉంటే మరోలా... వైజాగ్ ఎపిసోడ్ నీతి ఏంటి?

రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా, అనామకులుగా మారిపోయారు. దశాబ్దాల తరబడి రాజ్యాన్ని ఏలినవారు, ఇప్పుడు సైడైపోవాల్సిన పరిస్థితులు ఏర్పడ్డాయి. తెలుగు రాష్ట్రాల్లో పలువురు ఉద్దండుల పరిస్థితి ఇప్పుడలాగే కనిపిస్తోంది. ఎంతోమంది ముఖ్యనేతలు తీవ్ర గడ్డుపరిస్థితులను ఎదుర్కొంటున్నారు. మళ్లీ వాళ్లకు మంచి రోజులు వస్తాయని మాత్రం కచ్చితంగా చెప్పలేని పరిస్థితులు కనిపిస్తున్నాయి. ఆంధ్రప్రదేశ్, తెలంగాణ రెండింటిలోనూ ఊహించని రాజకీయ మార్పులు జరగడంతో ఓడలు బళ్లు... బళ్లు ఓడలయ్యాయి.  అయితే, అధికారంలో ఉండగా ఒకలా, ప్రతిపక్షంలా ఉంటే మరోలా వ్యవహరించడం సర్వసాధారణంగా కనిపిస్తుంది. విపక్ష నేతగా ఉన్న సందర్భాల్లో నేతలు వ్యవహరించే తీరు ఒక్కోసారి సాధారణ ప్రజాస్వామిక సూత్రాలకు విరుద్ధంగా ఉంటుంది. నేటి ముఖ్యమంత్రి వైఎస్ జగన్మోహన్ రెడ్డి మూడేళ్ళ క్రితం విపక్ష నేతగా ఉన్నారు. అప్పట్లో ఆయన ప్రత్యేక హోదా కోసం పట్టుదలతో ఉన్నారు. క్యాండిల్ ర్యాలీ నిర్వహించేందుకు వైజాగ్ పర్యటనకు వెళ్లారు. అప్పటికే అక్కడ సీఐఐ పార్ట్ నర్ షిప్ సమ్మిట్ జరుగుతోంది. ఆ నేపథ్యంలో క్యాండిల్ ర్యాలీకి అనుమతిని ప్రభుత్వం నిరాకరించింది. అయినా కూడా జగన్ వైజాగ్ చేరుకున్నారు. అక్కడి నుంచి నగరంలోకి వెళ్లేందుకు ప్రయత్నించారు. అప్పట్లో పోలీసులు ఆయనను అడ్డుకున్నారు. తనను అడ్డుకోవడంపై అప్పట్లో విపక్ష నేతగా ఉన్న జగన్ తీవ్ర ఆగ్రహం వ్యక్తం చేశారు.  ఇక, ఇప్పడు ఏపీలో రాజధాని రగడ కొనసాగుతోంది. అందులో భాగంగా చంద్రబాబు చేపట్టిన వైజాగ్ యాత్రలో ఉద్రిక్తత చోటు చేసుకుంది. ఇందులో పోలీసులను తప్పు పట్టాల్సింది ఏమీ లేదు. అయితే, ఇలాంటి సమయంలో విపక్ష నాయకులు ప్రతిష్టాత్మకంగా తీసుకుంటారు. ఎలాగైనా పోలీసు వలయాన్ని ఛేదించుకోవాలని తాము అనుకున్నది చేయాలని చూస్తుంటారు. పొలిటికల్ మైలేజ్ పొందాలని ప్రయత్నిస్తుంటారు. చంద్రబాబు వైజాగ్ టూర్లోనూ అదే జరిగిందనే మాట వినిపిస్తోంది. నాయకులు విపక్షంలో ఉన్నప్పుడు పొలిటికల్ మైలేజ్ కోసం ప్రయత్నించడంలో తప్పు లేదు. కాకపోతే...ఆ ప్రయత్నాలు సమాజంలో ఉద్రిక్తతలు పెంచేవిగా మాత్రం ఉండకూడదంటున్నారు. అదే సమయంలో అధికారంలో ఉన్న నాయకులు ప్రజాస్వామ్యంలో విపక్షాలకు ఉండే ప్రాధాన్యాన్ని గుర్తించాలని సూచిస్తున్నారు. అధికారపక్షం, విపక్షం....రెండూ ప్రజాస్వామ్యానికి రెండు చక్రాల్లాంటివని, ఏ ఒక్కటి సరిగా లేకున్నా ప్రజాస్వామ్యం కుంటుపడుతుందని గుర్తుచేస్తున్నారు.

రాజీవ్ గాంధీ మరణించాక ఆ సీక్రెట్ బయటపెట్టిన వాజపేయి!!

అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది. ఒకరిపై ఒకరు హద్దు మీరి విమర్శలు చేసుకోవడమే తప్ప.. విలువైన రాజకీయాలు చేసేవారు ఎంతమంది ఉన్నారు ఈరోజుల్లో. ఎవరు అధికారంలోకి వచ్చినా ప్రతిపక్ష నేతల మీద కక్ష తీచుకోవాలన్న ధోరణే తప్ప.. ప్రజల కోసం ఒకరి సూచనలను ఒకరు గౌరవించుకుంటూ విలువైన రాజకీయాలు చేసేవారు ఎక్కడున్నారు?. ఈతరం రాజకీయ నాయకులు ముందుతరం వారిని చూసి ఎంతో నేర్చుకోవాలి. మాజీ ప్రధానులు రాజీవ్ గాంధీ- వాజపేయి మధ్య జరిగిన ఓ సంఘటన తెలిస్తే.. ఈ తరం రాజకీయ నాయకులు సిగ్గుతో తలదించుకుంటారు. అది రాజీవ్ గాంధీ ప్రధానిగా ఉన్న సమయం. అప్పుడు వాజపేయి ప్రతిపక్ష నేతగా ఉన్నారు. వారి మధ్య జరిగిన ఓ అపురూప సంఘటన గురించి ఇప్పుడు తెలుసుకుందాం.  " సార్..ప్రధానమంత్రి రాజీవ్ గాంధీ గారు లైన్ లో వున్నారు..మీతో మాట్లాడుతారుట ".. ఫోన్ పట్టుకుని వాజపేయి దగ్గరికి వచ్చి చెప్పాడు ఆయన వ్యక్తిగత కార్యదర్శి.." ఫోన్ అందుకున్న వాజపేయి ప్రధానమంత్రి తో రెండు నిమిషాలు మాట్లాడారు. ఫోన్ పెట్టేసి వాజపేయి కార్యదర్శి వంక చూసి "మనం ప్రధానమంత్రి తో పాటు ఐక్యరాజ్యసమితి సమావేశంలో పాల్గొనటానికి అమెరికా వెళ్తున్నాం.. ఏర్పాట్లు చూడండి" అనడంతో తను విన్నది నిజమేనా అని ఆశర్యంతో మరోమారు అటల్జీ ని అడిగి కన్ఫర్మ్ చేసుకున్నాడు కార్యదర్శి. " సార్..పత్రికలకు ప్రెస్ నోట్ పంపమంటారా?" నసిగాడు కార్యదర్శి వాజపేయి ఒక్క క్షణం అతనివంక చూసి నవ్వుతూ "నిక్షేపంగా" అన్నారు. ఈ వార్త అప్పట్లో ఇటు కాంగ్రెస్ పార్టీలోనూ, అటు బీజేపీ లోనూ పెద్ద దుమారం సృష్టించింది. రాజీవ్ గాంధీ నిర్ణయానికి కాంగ్రెస్ పార్టీలో సీనియర్లు సైతం ముక్కున వేలేసుకున్నారు. "సాక్షాత్తు ప్రధానమంత్రి హోదాలో ఐక్యరాజ్యసమితి ప్రతినిధుల సమావేశానికి అటెండ్ అవుతూ ప్రతిపక్షపార్టీ నేతను వెంటపెట్టుకెళ్లటం ఏంటి?" అంటూ పార్టీలో సన్నాయి నొక్కులు నొక్కారు. కానీ రాజీవ్ గాంధీ మాత్రం వాజపేయి ని తీసుకెళ్లడం వెనుక అసలు కారణాన్ని ఎవరికీ చెప్పలేదు. కానీ ఆయన మరణానంతరం వాజపేయే అసలు విషయాన్ని ప్రపంచానికి చెప్పారు.. ఆన్ టోల్డ్ వాజపేయి అనే పుస్తకం ద్వారా.. అదీ ఆయన మాటల్లోనే.. "1985 లోనే నాకు ఒక కిడ్నీ దెబ్బ తిని వైద్యం తీసుకుంటున్నా.1988 నాటికి రెండో కిడ్నీ కూడా దెబ్బతింది. డాక్టర్లు తక్షణం వైద్య చికిత్స అవసరం అన్నారు. ఇక్కడ కన్నా అమెరికాలో మెరుగైన వైద్యం అందుబాటులో ఉన్నందున అక్కడికి వెళ్లి ట్రీట్మెంట్ తీసుకోవాలని డాక్టర్లు సూచించారు. ఈ విషయం తెలుసుకున్న రాజీవ్ గాంధీ ఐక్యరాజ్యసమితి ప్రతినిధుల సమావేశానికి నన్ను కూడా రమ్మని ఫోన్ లో కోరారు. కానీ చివరగా ఆయన ఒక మాట చెపుతూ.. 'అటల్ జీ.. ఈ పర్యటనను పూర్తిగా మీ వైద్యానికి ఉపయోగించుకుని సంపూర్ణ ఆరోగ్యంతో ఇండియా కి రండి' అని చెప్పారు. ఈ రోజు నేను ప్రాణాలతో ఉన్నానంటే అది రాజీవ్ గాంధీ నాకు చేసిన ఉపకారం వల్లనే. నా కన్నా ఇరవై ఏళ్ళ చిన్నవాడు అయిన రాజీవ్ నాకు తమ్ముడిలాంటి వాడే" అని వాజపేయి అన్నారు. అది విలువలతో కూడిన రాజకీయమంటే. రాజీవ్ గాంధీ, వాజపేయి రాజకీయంగా ప్రత్యర్థులు కావచ్చు కానీ ఒకరినొకరు గౌరవించుకుంటూ విలువైన రాజకీయాలు చేశారు. వారిని చూసి ఈ తరం రాజకీయ నాయకులు ఎంతో నేర్చుకోవాలి. పొద్దున్న లేస్తే ఒకరిపై ఒకరు దుమ్మెత్తి పోసుకునే అధికార-ప్రతిపక్ష పార్టీల నాయకులు.. రాజకీయాలు పక్కన పెట్టి అప్పుడప్పుడన్నా నైతిక విలువలు పాటించాలన్న సూత్రం.. ఇలాంటి విషయాలు తెలుసుకుని అయినా పాటిస్తే బాగుండు..!

ఎడమ చేతి వాటం ఎందుకు ఉంటుంది?

మహాత్మాగాంధి గురించి చాలామందికి చాలా విషయాలు తెలుసు. కానీ ఆయనది ఎడమ చేతి వాటం అన్న విషయం తెలుసా! సచిన్‌ టెండుల్కర్‌ని క్రికెట్‌ ప్రపంచం దేవుడిగా ఆరాధిస్తుంది. ఆయన కుడిచేతితో బ్యాటింగ్‌ చేసినా... స్వతహాగా ఎడమచేతి వాటం ఉన్న మనిషన్న విషయం మాత్రం ఎవ్వరికీ తెలియదు. ఎడమచేతి వాటం ఉన్న ప్రసిద్ధుల గురించి చెప్పుకోవడం మొదలుపెడితే... ఆ జాబితా చాలా పెద్దదిగానే ఉంటుంది. కానీ అలా కొందరికి మాత్రమే ఎడమచేతి వాటం ఉండటం వెనక కారణం ఏమిటి? మన నాగరికత అంతా కుడిచేతి వాటానికి అనుకూలంగా కనిపిస్తుంది. కారు దగ్గర నుంచీ కత్తెర దాకా ప్రపంచం అంతా కుడిచేతివారికే అనుకూలంగా ఉంటుంది. ఎడమచేతి వాటం ఉన్నవారిని పరిశుభ్రత లేనివారుగానూ, వింతమనుషులుగానూ భావించడమూ కనిపిస్తుంది. ఇప్పుడంటే ఫర్వాలేదు కానీ.... ఒకప్పుడు ఎడమచేతివారిని మంత్రగాళ్లుగా, సైతానుకి ప్రతిరూపాలుగా భావించేవారట. అలా ఎడమచేతి వాటం ఉన్నవారిని తగలబెట్టిన సందర్భాలు కూడా చరిత్రలో ఉన్నాయని అంటారు. ఇంగ్లీషులో sinister అనే పదం ఉంది. దుష్టబుద్ధి కల మనిషి అని ఈ పదానికి అర్థం. అసలు ఈ పదమే sinistra అనే లాటిన్ పదం నుంచి వచ్చిందట. అంటే ఎడమచేయి అని అర్థం. దీనిబట్టి జనం ఎడమచేతి వాటం ఉన్నవారిని ఎలా అపార్థం చేసుకునేవారో గ్రహించవచ్చు. హిందూ సంప్రదాయంలో కూడా తంత్రాలతో కూడిన ఆచారాలను ‘వామాచారం’ అని పిలవడం గమనించవచ్చు. ఎడమచేతి వాటానికి కారణం జన్యువులు అన్న అనుమానం ఎప్పటి నుంచో వినిపిస్తున్నదే! దీనికి కారణం అయిన జన్యువులని ఆ మధ్య కనిపెట్టామని కూడా శాస్త్రవేత్తలు ప్రకటించారు. PCSK6 అనే జన్యువులో మార్పు కారణంగానే కొందరు ఎడమచేతి వాటంతో పుడతారని తేల్చారు. బిడ్డ కడుపులో ఉన్నప్పుడే... అతనిది కుడిచేతివాటమా, ఎడమచేతివాటమా అన్నది పసిగట్టేయవచ్చని చెబుతున్నారు. ఎడమచేతి వాటం ఉన్నవారు ఈ ప్రపంచంలో పదిశాతమే ఉంటారు. ఒకవేళ జన్యుపరమైన కారణాలు ఉంటే ఈ నిష్పత్తి సరిసమానంగా ఉండవచ్చు కదా అన్న అనుమానం రావచ్చు. దీనికి మన నాగరికతే కారణం అంటున్నారు. మనిషి సంఘజీవి. సాటి మనుషులతో కలిసి పనిచేస్తేనే అతని పని జరుగుతుంది, సమాజమూ ముందుకు నడుస్తుంది. ఈ క్రమంలో అతను తయారుచేసుకునే పరికరాలు అన్నీ కూడా కుడి చేతివాటం వారికే అనుకూలంగా ఉండేలా చూసుకున్నాడు. అలా నిదానంగా ఎడమచేతివాటాన్ని నిరుత్సాహపరుస్తూ వచ్చింది సమాజం. దాంతో క్రమంగా ఎడమచేతి వాటం ఉండేవారి సంఖ్య తగ్గిపోయింది. ఈలోగా భాషకి లిపి కూడా మొదలైంది. ఆ లిపి కూడా కుడిచేతి వాటంవారికే అనుకూలంగా రావడంతో... కుడిచేతివారిదే పైచేయిగా మారిపోయింది. ఈ ప్రపంచం అంతా కుడిచేతివారికే అనుకూలంగా ఉంటుందన్న విషయంలో అనుమానమే లేదు. కానీ ఇది ఒకరకంగా ఎడమచేతివారికి అదృష్టం కూడా! మిగతావారికి భిన్నంగా ఉండటం వల్ల, కొన్ని పోటీలలో ఎడమచేతి వాటం గలవారికి అనుకూలంగా ఉంటుంది. ఉదాహరణకు బేస్‌బాల్‌ ఆటనే తీసుకోండి. బేస్‌బాల్ ఆటగాడికి కనుక ఎడమచేతి వాటం ఉంటే అతని ఆట తీరుని పసిగట్టడం, శత్రువులకి అసాధ్యంగా మారిపోతుంది. ఈ తరహా లాభాన్ని negative frequency-dependent selection అంటారు. పైగా ఎడమచేతి వాటం ఉన్నవారు ఇతరులకంటే తెలివిగా ఉంటారనీ, వీరిలో సృజన ఎక్కువగా ఉంటుందని కూడా అంటారు. - నిర్జర.

విజయమే ప్రతీకారానికి సమాధానం

ఉపకారికి నుపకారము విపరీతముగాదు సేయ వివరింపంగా నపకారికి నుపకారము నెపమెన్నక సేయువాడు నేర్పరి సుమతీ! అన్న సుమతీ శతకంలోని పద్యం చిన్నప్పుడు మనం చదివాం. ఈ పద్యం అర్థం  మేలు చేసిన వానికి మేలు చేయుట గొప్ప కాదు. హాని చేసిన వానికి అంతకుముందు వాడు చేసినదోషాలను లెక్కచేయక ఉపకారం చేసేవాడే నేర్పరి అని ఈ పద్యానికి అర్థం. ఈ కాలంలో అలాంటి వారు ఎవరుంటారు అని అనుకుంటాం. కానీ, మానవత్వం, మంచితనం ఉన్నవారు ఏ కాలంలోనైనా ఉంటారు. అయితే వారి సంఖ్య పరిమతంగా ఉండోచ్చు. ఎందుకంటే ఇది కలికాలం కదా.  సరే ఇక అసలు విషయానికి వస్తే..   వ్యాపార సంస్థల మధ్య పోటీ ఉంటుంది. కొన్నిసార్లు అది కాస్త పెరిగి ప్రతీకారంగా మారుతుంది. అయితే వ్యాపార ఒప్పందం కోసం పిలిచి అవమానపరిచిన ఒక సంస్థతో తిరిగి తొమ్మిదేళ్ల తర్వాత నష్టాల్లో ఉన్న ఆ సంస్థ ఉత్పత్తులను కొనుగోలు చేసి తన ఔదార్యం చాటుకున్న పారిశ్రామిక వేత్త రతన్ టాటా.  ప్రతీకారం అంటే అందనంత ఎత్తుకు ఎదగడమే అని కొత్త అర్థం చెప్పారు. ఎదుటివారిపై పగ సాధించడం అంటే విజయం సాధించడమే అని నిరూపించారు. మేలు చేసిన వానికి మేలు చేయుట గొప్ప కాదు. హాని చేసిన వానికి అంతకుముందు వాడు చేసిన దోషాలను లెక్కచేయక ఉపకారం చేసేవాడే నేర్పరి అన్న సుమతీ శతకంలోని నీతిని అక్షరాల పాటించారు.    రతన్ టాటా భారతీయ వ్యాపార సామ్రాజ్యంలో పరిచయం అవసరం లేని పేరు. జంషెడ్‌జీ నుసెర్వాన్‌జీ టాటా వంశంలో జన్మించారు. 1962లో టాటా స్టీల్ జంషెడ్ పూర్ ప్లాంట్‌లో అప్రెంటిస్‌గా తన ప్రస్థానాన్ని మొదలుపెట్టారు. 1868లో స్థాపించబడిన టాటా గ్రూప్ కు ఐదో చైర్మన్ గా  1991లో  జెఆర్‌డి టాటా నుంచి బాధ్య తలను స్వీకరించారు. అప్పట్లో 10 వేల కోట్ల రూపాయల టర్నోవర్ గల టాటా గ్రూప్ ను అంతర్జాతీయ కార్పోరేట్ సంస్థ స్థాయికి తీసుకువెళ్లారు. ఈ సంస్థ టర్నోవర్ నేడు 100 బిలియన్ డాలర్లకు పెరిగింది. టర్నోవర్‌లో 58 శాతం ఎగుమతుల ద్వారానే వస్తోంది. రతన్ టాటా నిరంతరాయంగా, అవిశ్రాంతంగా చేసిన కృషి ఫలితమే ఇది. టాటా గ్రూపును ఆయన విదేశాలకు కూడా విస్తరింపజేశారు.   టాటా గ్రూప్‌లో మొత్తం 32 పబ్లిక్ లిస్టెడ్ కంపెనీలు ఉన్నాయి. వీటి ఉమ్మడి మార్కెట్ క్యాప్ 8,882 కోట్ల డాలర్లు. మొత్తం షేర్ హోల్డర్ల సంఖ్య 38 లక్షలు. ఉద్యోగుల సంఖ్య 4.50,000. లిస్టెడ్ కంపెనీల్లో టాటా స్టీల్, టాటా మోటార్స్, టాటా కన్సల్టెన్సీ, టాటా పవర్, టాటా కెమికల్, టాటా గ్లోబల్ బేవరేజెస్, టాటా టెలీ, టైటాన్, టాటా కమ్యూనికేషన్స్, ఇండియా హోటల్స్ వంటి టాప్ కంపెనీలు ఉన్నాయి. గ్రూప్ వ్యాపారం 80 దేశాలకు విస్తరించి ఉంది. 85 దేశాలకు టాటా ఉత్పత్తులు ఎగుమతి అవుతున్నాయి.   టాటా గ్రూప్ ఛైర్మన్ గా రెండు దశాబ్దాలకు పైగా పనిచేసిన ఆయనలోని వ్యాపార దక్షతకు, మానవీయతకు దర్శణం ఫోర్డ్ సంస్థతో జరిగిన ఒప్పందం. స్టీల్, కెమికల్, మోటార్స్ ఇలా అనేక ఉత్పత్తులను దేశీయంగా తయారుచేస్తూ లక్షలాది మందికి ఉపాధి కల్పించిన  ఘనత రతన్ టాటాదే. భారతదేశంలో ట్రక్ ల తయారీలో అగ్రగామి టాటా మోటర్స్. వస్తువుల రవాణాకే పరిమితం కాకుండా  కార్లను కూడా తయారు చేయాలని సంకల్పించారు. అందుకు ఫలితంగా 1998 చివరి నాటికి టాటా ఇండికా అందుబాటులోకి తీసుకువచ్చారు. టాటా ఇండికా మొదటి స్వదేశీ మోడ్రన్ కారు. ఇది రతన్ టాటా డ్రీమ్ ప్రాజెక్ట్. దీనిని నిజం చేయడం కోసం ఆయన రాత్రింబవళ్ళు కష్టపడ్డారు. ఫలితంగా టాటా ఇండికా మార్కెట్ లోకి విడుదల చేశారు.  ఇది భారతీయ ఆటోమొబైల్ రంగంలో ఒక విప్లవాత్మక అంశంగా మారింది. అయితే  కార్ల అమ్మకాలు ఆయన అంచనాకు తగ్గట్టుగా జరగలేదు. దాంతో ఈ ప్రాజెక్ట్ ను వేరే మోటార్ కంపెనీ అమ్మాలని టాటా గ్రూప్ నిర్ణయించింది. 1999లో ఫోర్ట్ కంపెనీ టాటా ఇండియా ప్రాజెక్ట్ కొనుగోలు చేయడానికి ఆసక్తి కనబరిచింది. ముంబాయిలోని టాటా గ్రూప్ కార్యాలయంలో చర్చలు జరిపిన తర్వాత డెట్రాయిట్ లోని తమ ప్రధానకార్యాలయానికి టాటాగ్రూప్ చైర్మన్, ఇతర సభ్యులను ఆహ్వానించారు. రతన్ టాటా తన బృందంతో డెట్రాయిట్ లోని ఫోర్డ్ ఆఫీస్ కు చేరుకున్నారు. మూడు గంటల పాటు అక్కడ నిరీక్షించిన తర్వాత మీటింగ్ ఏర్పాటు చేసిన ఫోర్డ్ కంపెనీ ఛైర్మన్ బిల్ ఫోర్డ్ మీకు ఎం తెలుసని ప్యాసింజర్ కార్ల ఉత్పత్తి ప్రారంభించారు. మీ కార్లను కొలుగోలు చేసి మీకు పెద్ద సహాయం చేస్తున్నాం అంటూ రతన్ టాటాతో వ్యాఖ్యానిస్తాడు. ఆ మాటలను అవమానకరంగా భావించిన రతన్ తమ కార్ల ప్రాజెక్టును అమ్మడం లేదని చెప్పి,  ఒప్పందం చేసుకోకుండానే తన బృందంతో తిరిగి ముంబాయి చేరుకుంటారు. అదే రోజు కార్ల తయారీ ప్రాజెక్ట్ ను అమ్మకూడదని నిర్ణయించుకుని తన పూర్తి దృష్టిని కార్ల పరిశ్రమపై పెట్టారు. ఆ తర్వాత కొద్దికాలంలోనే ప్రపంచంలోని  ఆటోమొబైల్ రంగంలో టాటా కార్స్ మంచి పేరు సాధించాకున్నాయి.   2008లో టాటా మోటర్స్ బెస్ట్ సెల్లింగ్ కంపెనీగా మార్కెట్ లో నిలిచింది. అదే సమయంలో ఫోర్డ్ కంపెనీ నష్టాల బాటలో పడింది. ఫోర్డ్ కార్ల అమ్మకాలు బాగా తగ్గిపోవడంతో నష్టాల ఊబిలో చిక్కిన ఆ సంస్థ కార్లు జాగ్వార్, ల్యాండ్ రోవర్ కొనుగోలు చేస్తామని ఫోర్డ్ సంస్థకు ఆఫర్ ఇచ్చారు. ఈ రెండు కార్ల ప్రాజెక్ట్ ను అమ్మడం ద్వారా తమ సంస్థ నష్టాలను తగ్గించుకునే ప్రయత్నంలో ఫోర్డ్ చైర్మన్ బిల్ ఫోర్డ్ తమ బృందంలో ముంబాయిలోని టాటా కార్స్ ఆఫీస్ కు చేరుకున్నారు. మా రెండు కార్ల ప్రాజెక్ట్ ను కొలుగోలు చేయడం ద్వారా మీరు మాకు పెద్ద సహాయం చేస్తున్నారు అంటూ బిల్ ఫోర్డ్ రతన్ టాటాకు ధన్యవాదాలు చెప్పాడు. ఫోర్డ్ కంపెనీ ఐకాన్ గా భావించే జాగ్వార్ ల్యాండ్-రోవర్ బ్రాండ్‌లను 2.3 బిలియన్ డాలర్లకు కొనుగోలు చేశారు రతన్ టాటా. బిల్ ఫోర్డ్ మాదిరిగా అవమానకరంగా మాట్లాడే అవకాశం ఉన్నప్పటికీ  రతన్ టాటా హుందాగానే వ్యవహరించారు. తొమ్మిది సంవత్సరాల తక్కువ సమయంలోనే ఆటోమొబైల్ రంగంలో తన సత్తా చాటి ఫోర్డ్ లాంటి సంస్థను నష్టాల బారిన నుంచి రక్షించిన ఘనత రతన్ టాటాది. ఈ సంఘటన ఆయనలోని మానవత్వానికి, దార్శనికతకు దర్పణం పట్టే అనేక సంఘటనల్లో ఒకటి మాత్రమే.   భారతదేశంలో ఎక్కువ మంది ఇష్టపడుతున్న కార్లలో ఈ రెండు బ్రాండ్ కార్లు కూడా చేరాయి. ప్రపంచంలోని ఆటోమొబైల్ రంగంలో టాటా మోటార్స్ ప్రముఖ సంస్థగా మారింది. మధ్యతరగతి వారికి అందుబాటులో ఉండే ధరలో నానో కార్లను తయారు చేసిన టాటా గ్రూప్ తమ లాభాల్లో 66శాతం ఛారిటీ కార్యక్రమాలకే వినియోగిస్తోంది. కరోనా మహమ్మారి నియంత్రణ చర్యలకు 1500కోట్ల రూపాయల ఆర్థిక సహాయం ప్రకటించింది.

Plan your meals for healthy Lifestyle

Studies have shown that if you’re planning to lose weight you need to discuss on what groceries you are shopping for and not deviate. Avoid friends offers of eating sweet treats and boost intake of fruit and vegetables and plan your day to day meals. Planning your meals in advance and sticking to it makes you a healthy person. Studies show that this leads to weight loss because you fill up on healthy foods and feel less tempted to eat fatty snacks. Psychologist Cristina Albuquerque Godinho, from the Lisbon University Institute in Portugal, said the key to success was planning ahead and motivation.  She added: ‘Buying food ad hoc in the supermarket is not a helpful approach. Write a list and make a deliberate intention to change behaviour or lose weight, because this is a strategy that works.’ Miss Godinho said: ‘We found that having strategies in place to deal with a range of eating situations that could undermine good intentions is very important, and helps people to regulate their daily dietary choices. She added that eating more fruit and vegetables had been proven to keep weight down partly because it replaced less healthy food. People who said they would plan in advance how to get their five-a-day or more were much more likely to succeed in eating healthily. Those who understood the health benefits of eating well also found it easier to change their habits, according to the research to be published in the British Journal of Health Psychology.  

జోరుగాలివానతో కేరళ విమాన ప్రమాదం

చాకచక్యంగా వ్యవహరించి వందలాది మంది ప్రాణాలు కాపాడిన పైలట్లు   జరుగుతున్న విచారణ   శుక్రవారం 7ఆగస్టు 2020 ..  అరబ్ దేశాల్లోని దుబాయ్ నుంచి ఎయిరిండియా ఎక్స్ ప్రెస్ ఫ్లైట్ ఐఎక్స్ 1344 (బోయింగ్ 737 విమానం) కోజివీడ్ కాలికట్ కు బయలుదేరింది. ఈ విమానాన్ని వైమానిక దళ మాజీ పైలెట్ దీపక్ వసంత్ సాథే నడుపుతున్నారు. కో పైలట్ గా అఖిలేష్ కుమార్ ఉన్నారు. విమానంలో పది మంది చిన్నారులు, ఏడుగురు సిబ్బందితో కలిపి మొద్దం 191 మంది ప్రమాణికులు ఉన్నారని సమాచారం. ఈ విమానం 13సంవత్సరాల కిందటి  విటి -ఎెక్స్ హెచ్  బోయింగ్ 737 - 8హెచ్ జి విమానం.   భారత కాలమానం ప్రకారం సరిగ్గా రాత్రి ఏడు గంటల 39 నిమిషాలు. ఎయిరిండియా 1344 విమానాన్ని కోజివీడ్ విమానాశ్రయంలోని రన్ వే 28పై ల్యాండింగ్ కావడానికి పైలట్స్  ప్రయత్నం చేశారు. అయితే జోరుగాలి, భారీ వర్షం కారణంగా వారు చేసిన మొదటి ప్రయత్నం విఫలం అయ్యింది.  ఎయిర్ పోర్టు ప్రాంతంలో పలుమార్లు చక్కర్లు కొట్టిన తర్వాత మరోసారి ల్యాండింగ్ కావడానికి ప్రయత్నం చేశారు. రెండోసారి రన్ వే 10పై ల్యాండ్ కావడానికి సిద్ధపడ్డారు. ఆ సమయంలో గాలి 12నాట్స్ స్పీడ్ తో వీస్తోంది. విమానాన్ని వెనక్కి నుంచి జోరుగాలి ముందుకు తోయడంతో స్పీడ్ ను అదుపు చేయడానికి ప్రయత్నించారు. స్పాయిలర్స్, త్రస్ట్ రివర్స్, బ్రేక్స్  వేశారు. అయినా స్పీడ్ అదుపులోకి రాకపోవడంతో విమానం రన్ వే దాటి ముందుకు దూసుకు పోయ్యింది. భారీ వర్షం, జోరుగాలి, చీకటి కారణంగా విజుబులిటీ 2000మీటర్ల మేరకే ఉంది. పరిస్థితి పైలట్ల చేయి దాటి పోయింది. దాంతో రన్ వే దాటి ముందుకు వెళ్ళిన విమానం రన్ వే పక్కనే ఉన్న 50 అడుగుల లోతులో పడిపోయింది. భారీశబ్ధంలో విమానం విరిగిపోయింది. పైలట్ , కో పైలట్ తో సహా 17మంది అక్కడికక్కడే మరణించారు. 50మందికి పైగా గాయపడ్డారు. ఇందులో చాలా మంది పరిస్థితి సీరియస్ గా ఉంది.   వాతావరణం సరిగ్గా లేని కారణంగా ఈ ప్రమాదం జరిగిందని ప్రాథమిక విచారణలో తేలింది. ఈ విమాన ప్రమాదంలో  వైమానిక దళంలో పైలట్ గా విధులు నిర్వహించి ఎన్నో అవార్డులు అందుకున్న పైలట్ దీపక్ అప్రమత్తంగా వ్యవహరించడంతోనే భారీ ప్రాణనష్టం తప్పిందని అధికారులు అంటున్నారు. ప్రమాదాన్ని ముందే పసిగట్టి సకాలంలో ఇంజిన్లను ఆఫ్‌ చేయడం వల్ల విమానంలో మంటలు చెలరేగకుండా నివారించారు. దీంతో పెను ముప్పి తప్పి, వంద మంది ప్రాణాలు కాపాడారు. విమాన ప్రమాదంలో కీలకంగా భావించే ‘బ్లాక్‌ బాక్స్‌’ను అధికారులు స్వాధీనం చేసుకున్నారు. ప్రమాదానికి గల కారణాలను తెలుసుకునేందుకు విచారణ జరుగుతోంది.    ఇదే విధంగా 5ఫిబ్రవరి 2020న ఇస్తాంబుల్ విమానాశ్రయంలో ల్యాండింగ్ అయ్యే సమయంలో భారీవర్షం కారణంగా737 - 800 బోయింగ్ విమానం, పెగసాస్ ఎయిర్‌లైన్స్ ఫ్లైట్ 2193 ప్రమాదానికి గురైంది. ఈ ప్రమాదంలోనూ విమానం విరిగిపోయింది. ముగ్గురు వ్యక్తులు అక్కడిక్కడే మరణించారు. ఈ రెండు ప్రమాదాల్లోనూ బోయింగ్ 737 విమానమే ప్రదామానికి గురుకావడం యాదృచ్ఛికం. ఈ ప్రమాదాలపై పూర్తి స్థాయి విచారణ జరుగుతోంది.

క్యోటో కు బదులుగా నాగసాకీ

రెండో ప్రపంచయుద్ధం సమయంలో జపాన్ పై అమెరికా అణుబాంబులు వేసి పెను విధ్వంసానికి కారణమైంది. 6 ఆగస్టు 1945న హిరోషిమాపై యురేనియం గన్ రకం బాంబును (లిటిల్ బాయ్) వేసింది. ఆగస్టు 9 న ప్లుటోనియమ్ ఇంప్లోజను రకం బాంబును (ఫ్యాట్ మ్యాన్) నాగసాకిపై వేసింది. ఈ బాంబుల దాడిలో మరణించిన వారి సంఖ్య లక్షల్లోనే.. మానవ చరిత్రలోనే మరిచిపోలేని సంఘటనలుగా మిగిలిపోయాయి. అయితే ముందుగా అనుకున్న ప్రకారం క్యోటో నగరంపై దాడి జరగాలి. కానీ, అది నాగసాకి నగరానికి ఎందుకు మారింది..అధ్యక్షుడిని ఒప్పించి ఈ నగరాన్ని లక్ష్యాల జాబితాలో చేర్చింది ఎవరూ..   అణుబాంబుల పై పరిశోధనలు మాత్రం మొదట జర్మనీలో ప్రారంమయ్యాయి. 1938 లో జర్మను కెమిస్టులు ఓట్టో హాన్, ఫ్రిట్జ్ స్ట్రాస్‌మన్‌లు అణువిచ్ఛిత్తిని కనిపెట్టడంతోనూ విజయం సాధించారు. లీస్ మీట్నర్, ఓట్టో ఫ్రిష్‌లు దానికి సైద్ధాంతిక వివరణ ఇవ్వడంతోనూ బాంబు తయారీ సాధ్యమైంది. అయితే  జర్మనీ ముందుగా అణుబాంబును తయారు చేస్తుందేమోనన్న భయంతో  1939 చివర్లో అమెరికాలో దీనిపై పరిశోధనలు మొదలయ్యాయి. 1941 లో బ్రిటిషు వారి మాడ్ కమిటీ నివేదిక వచ్చేదాకా పరిశోధనలు అంతంత మాత్రంగానే సాగాయి. బాంబు తయారీకి కోసం టన్నుల కొద్దీ సహజసిద్ధ యురేనియమ్ బదులు 5-10 కిలోల శుద్ధి చేసిన యురేనియమ్-235 సరిపోతుందని ఈ నివేదిక స్పష్టం చేసింది. ఆ తర్వాత 1943 లో క్విబెక్ ఒప్పందం ప్రకారం యుకె, కెనడాల అణుకార్యక్రమాలు - ట్యూబ్ అల్లాయ్స్, మాంట్రియల్ లాబొరేటరీలు అమెరికా వారి మన్‌హట్టన్ ప్రాజెక్టులో విలీనమయ్యాయి. దాంతో  రాబర్ట్ జె ఓపెన్‌హీమర్ నేతృత్వంలో న్యూ మెక్సికోలోని లాస్ అల్మాస్ లేబొరేటరీ అణు బాంబు రూపకల్పనకు వేదికైంది.  మొదట రెండు రకాల బాంబులను తయారు చేసారు. మొదటిది, లిటిల్ బాయ్ - గన్ రకపు విచ్ఛిత్తి బాంబు (యురేనియమ్-235).] రెండవది, ఫ్యాట్‌మ్యాన్ - మరింత శక్తివంతమైన ఇంప్లోజన్ రకం బాంబు. జపాను వారు కూడా అణు బాంబు తయారీ ప్రారంభించారు. అయితే వారికి తగినన్ని ఆర్థిక, ఖనిజ వనరులు లేకపోవడంతో బాంబు తయారి సాధ్యం కాలేదు.     జపాన్ పై విజయం సాధించాలన్న లక్ష్యంతో అణుబాంబు దాడులకు సిద్ధమైన అమెరికా ముందుగా దాడులు చేయడానికి కొన్ని నగరాలను సూచించమని వైమానికాధికారులు, సైనికాధికారులు, శాస్త్రవేత్తలతో ఒక కమిటీ వేసింది. బాంబు వేసేందుకు ఎన్నుకునే నగరం వ్యాసం 4.8 కి.మీ. కంటే ఎక్కువ ఉండాలి. బాంబు పేలుడు వలన కలిగే విధ్వంసం భారీగా ఉండాలి అన్న లక్ష్యంతో ఐదు నగరాలను ఎంపిక చేశారు.    కోకురా: జపానులో అతిపెద్ద మందుగుండు సామాను తయారీ కేంద్రం హిరోషిమా: ఓడరేవు కేంద్రం, పారిశ్రామిక కేంద్రం, పెద్ద సైనిక స్థావరం యోకోహామా: విమానాల తయారీ, యంత్ర పరికరాలు, రేవులు, ఎలక్ట్రికల్ వస్తువులు చమురు శుద్ధి కేంద్రం వగైరాల కేంద్రం నీగాటా: ఉక్కు, అల్యూమినియమ్ కర్మాగారాలు, రేవు, చమురు శుద్ధి కర్మాగారం, వగైరాల కేంద్రం క్యోటో: పెద్ద పారిశ్రామిక కేంద్రం   ముందుగా కమిటీ తయారు చేసిన జాబితాలో నాగసాకి పేరు లేదు. అయితే క్యోటో నగరానికి ఉన్న చారిత్రిక, ఆధ్యాత్మిక, సాంస్కృతిక ప్రాముఖ్యత దృష్ట్యా ఈ నగరాన్ని జాబితా లోంచి తీసెయ్యాలని ఆర్మీ అధికారి హెన్రీ లూయిస్  స్టిమ్సన్ ఆర్మీ జనరల్ లూయిస్ ఆర్ గ్రోవ్స్‌కు సూచించాడు. కానీ దానికి ఉన్న సైనిక, పారిశ్రామిక ప్రాముఖ్యం కారణంగా ఆ నగరాన్ని జాబితాలో నుంచి తీసివేయడానికి గ్రోవ్స్ ఒప్పుకోలేదు. దాంతో  స్టిమ్సన్ అధ్యక్షుడు హారీ ట్రూమన్‌తో మాట్లాడి క్యోటోను లక్ష్యాల జాబితా నుండి తీసివేసేందుకు ఒప్పించాడు. క్యోటో స్థానంలో నాగసాకి పేరును సూచించాడు. యుద్ధనౌకా స్థావరం, నౌకా నిర్మాణ కేంద్రం, నౌకా దళానికి అవసరమైన ఆయుధాలను తయారు చేసే కేంద్రం నాగసాకిలో ఉండటంతో భారీ  విధ్యంసమే జరుగుతుందని గ్రోవ్స్ ను ఒప్పించారు. చివరకు 9 ఆగస్టు 1945  ప్లుటోనియమ్ ఇంప్లోజను రకం బాంబును (ఫ్యాట్ మ్యాన్) నాగసాకిపై వేశారు. స్టిమ్సన్ చెప్పినట్టే జపాన్ కు అపారమైన ప్రాణ, ధన, సైనిక నష్టం జరిగింది. ఈ దాడి జరిగిన ఆరు రోజుల తరువాత లొంగిపోతున్నట్లు జపాన్ ప్రకటించడంతో రెండవ ప్రపంచ యుద్ధం ముగిసింది. ఈ విధ్వంసం జరిగి 75 ఏండ్లు. ఆ రెండు నగరాల ప్రజలకే కాదు ప్రపంచం యావత్తు మరచిపోలేని దుర్ఘటనగా మిగిలింది.

విజయవాడ కోవిడ్ సెంటర్‌లో భారీ అగ్నిప్రమాదం.. ఏడుగురు మృతి

విజయవాడలోని హోటల్ స్వర్ణా ప్యాలెస్ లో రమేష్ హాస్పిటల్స్ యాజమాన్యం నిర్వహిస్తున్న కోవిడ్‌-19 చికిత్సా కేంద్రంలో షార్ట్ సర్క్యూట్ కారణంగా భారీ అగ్ని ప్రమాదం చోటుచేసుకుంది. ఈ ప్రమాదంలో ఇప్పటివరకూ ఏడుగురు మృతిచెందారు. ప్రమాదం జరిగిన వెంటనే ముగ్గురు చనిపోగా.. ఆసుపత్రిలో చికిత్ప పొందుతూ మరో నలుగురు ప్రాణాలు కోల్పోయారు. ఇంకా పలువురి పరిస్థితి విషమంగా ఉంది.   రమేష్ ఆస్పత్రి ఆధ్వర్యంలో పెయిడ్ క్వారం టైన్ నడుస్తోందని అధికారులు చెబుతున్నారు. దాదాపు 50 మంది కరోనా బాధితులు స్వర్ణ ప్యాలెస్‌లో చికిత్స పొందుతున్నారు. షార్ట్ సర్క్యూట్ కారణంగా అగ్ని ప్రమాదం జరగగా.. తొలుత గ్రౌండ్ ఫ్లోర్ లో అంటుకున్న మంటలు, తర్వాత పై అంతస్తులకు వ్యాపించాయి. విషయం తెలుసుకున్న అగ్నిమాపక సిబ్బంది తీవ్రంగా శ్రమించి, మంటలను అదుపులోకి తీసుకొచ్చారు. అంబులెన్స్‌లలో రోగులను వివిధ ఆస్పత్రులకు తరలించారు. భయంతో కొందరు భవనం పైనుంచి దూకగా వారిలో ఇద్దరి పరిస్థితి విషమంగా ఉంది. మృతుల సంఖ్య ఇంకా పెరిగే అవకాశం ఉందని తెలుస్తోంది.

Get back to Nature Food

  The International Raw Food day was celebrated yesterday on July 11th is an attempt to spread awareness about the benefits of eating raw food for good health. The 21st century has seen a rapid increase in the trend of fast food and other processed foods that have led to the increase in obesity levels and other non-communicable diseases like cardiovascular diseases, cancer, diabetes, hypertension, etc. In the wake of such trends catching up, health experts point at the emergent need to go back to the basics, to turn to nature and turn to into a raw food enthusiast. Nutritionists suggest that a minimum of three-quarters of a person's diet should consist of uncooked food. The higher the proportion of raw foods in our diet, the healthier we will be. Why is raw food beneficial for one's health? Experts and researchers in the field of health and nutrition have long stood by the benefits of raw food consumption. It is believed that just a little raw food in your diet can do wonders to your health. Raw food consumption can be an ideal way to get your daily quota of five portions of fruit and vegetables. It can help you get rid of stress, energizing your mind and body. Raw foods are full of essential nutrients, enzymes, vitamins and minerals, which are usually lost when processed or cooked. Not only this, raw foods are tad low on calories, they can help you maintain healthy skin, lustrous hair, better eyesight and can also help you boost your immunity and shed weight.  Forget your cola and junk and get down to some serious raw food cooking!  

Drinking black tea may help cut diabetes risk

  People who drink black tea are less likely to develop type 2 diabetes, say researchers. A new analysis of data from 50 countries found that the nations who drank the most black tea also suffered the lowest levels of the metabolic syndrome. Further the study, published in the British Medical Journal, found that high tea consumption was related to lower levels of obesity. Scientists believe that the fermentation process, which turns green tea black, could also cause the production of complex health-giving ‘flavonoids.’ They analysed consumption of black tea and the prevalence of various diseases, including type-2 diabetes. Ireland drank the most black tea, with each person consuming 2kg each a year, according to sales data. Britain and Turkey were close behind, with all three countries found to have lower levels of diabetes than others where consumption was low, including Brazil, Morocco and Mexico. However, tea drinking did not appear to have a strong association with any other diseases studied, according to the study led by Dr Ariel Beresniak from Data Mining International, in Geneva, Switzerland.

5 Reasons Why You Need Soy Daily

1. It is proved to be the only natural supplement that can cure chronic diseases like heart, cancer, diabetes, kidney problems, liver problems and osteoporosis. It effectively takes care of menopause and PMS symptoms. It is a natural estrogen that reduces the risk of post menopausal disease. Those women who include soy in their daily diet will have reduced chances of suffering from hormonal replacements. 2. Soy protein is the most recommended protein as it is rich in amino acids. For the body development, proteins (essential amino acids) are very highly necessary. Generally, to assimilate protein, the organs like kidney and bones (for calcium) have to work hard. This gradually may lead to bone related and kidney related ailments. Soy delivers calcium that strengthens bones and increases density. 3. Soy is an immune booster. The peptides in soy beans boost immune system and acts like a power shield against diseases. It also contains vitamins and minerals that are rare and are not found in other supplements. It is the best detox and cleans liver. From treating bronchitis to nasal congestion to allergies. Soy benefits even those suffering from respiratory disorders. 4. One of the special nutrient in soy is the antioxidant called isoflavones. The benefits of isoflavones is worth mentioning. It prevents cell damage (cancerous) caused due to free radicals. Isoflavones also prevent aging (premature aging) and reduce the blood cholesterol levels. 5. Soy benefits beauty. It strengthens hair (prevents hair fall) and also prevents aging of skin. The proteins in soy tighten, soften and bring youthful glow to skin. It also improves complexion and will keep a check on body weight (soy slimming diet). The fiber in soy provides a sensation of fullness thus preventing over intake of food. The lecithin in soy improves memory and develops concentration. All in all the best organic food supplement.  
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.