EDITORIAL SPECIAL
  గుంటూరు జిల్లా నకరికల్లు మండలం కండ్లకుంటలో 1947 మే 2న జన్మించిన కోడెల... గుంటూరు మెడికల్ కళాశాలలో ఎంబీబీఎస్.. వారణాసిలో ఎంస్ పూర్తి చేశారు. అసలు ఆరోజుల్లో వైద్య విద్యను అభ్యసించడమే గొప్ప అయితే, ఎంఎస్ పూర్తి చేయడం మరో సంచలనం. అంతేకాదు నర్సరావుపేటలో సొంతంగా ఆస్పత్రిని నెలకొల్పి రూపాయికే వైద్యం అందించడంతో పల్నాడులో కోడెల పేరు మోరుమోగిపోయింది. రూపాయి డాక్టర్ గా పేరు తెచ్చుకున్న కోడెలను ప్రజలు ఎంతో అభిమానించేవారు. అందుకే ఎన్టీఆర్ పార్టీ పెట్టినప్పుడు కోడెలను రాజకీయాల్లోకి రావాలని స్వయంగా కోరారు. ఎన్టీఆర్ స్వయంగా కోరడంతోనే అతి చిన్న వయసులో వైద్య వృత్తి నుంచి రాజకీయాల్లోకి వచ్చారు కోడెల. అయితే, రాజకీయాల్లో వచ్చినా, ఎమ్మెల్యేగా గెలిచినా, మంత్రిగా పనిచేసినప్పటికీ, కొద్దిరోజులు ప్రజలకు వైద్యసేవలు అందించారు. అందుకే కోడెల అంటే పల్నాడు ప్రజలకు అంత అభిమానం. కోడెలపై పల్నాడు ప్రజలకున్న అభిమానమే ఆయన్ను వరుసగా ఐదుసార్లు ఎమ్మెల్యేగా చేసింది. 1983లో మొదటిసారి నర్సరావుపేట నుంచి ఎమ్మెల్యేగా గెలిచిన కోడెల శివప్రసాద్... అప్పట్నుంచి 1999వరకు వరుసగా ఐదుసార్లు ఎమ్మెల్యేగా విజయం సాధించి పల్నాడు ప్రాంతంలో తిరుగులేని, ఎదురులేని నేతగా ఎదిగారు. ఎన్టీఆర్, చంద్రబాబు ప్రభుత్వాల్లో మంత్రిగా పనిచేశారు. 1987-88 మధ్య హోంమంత్రిగా, అలాగే, భారీ మధ్యతరహా నీటిపారుదల శాఖ మంత్రిగా, పంచాయతీరాజ్ శాఖ మంత్రిగా పనిచేశారు. అయితే, 2004, 2019 ఎన్నికల్లో కోడెల ఓటమి చెందారు. 2014లో మళ్లీ సత్తెనపల్లి నుంచి విజయం సాధించి నవ్యాంధ్రప్రదేశ్ కు తొలి స్పీకర్ గా సేవలందించారు. అయితే, కోడెలది తలదించని వ్యక్తిత్వం.... తలవంచని మనస్తత్వం... అంతేకాదు అత్యంత సున్నిత మనస్కుడు... స్నేహశీలి... పరువు కోసం ప్రాణాలిచ్చే మనిషి... అదే ఇప్పుడు ఆయన ప్రాణాలను బలిగొంది. చిన్న ఆరోపణను కూడా తట్టుకోలేని మనస్తత్వం కోడెలది... అలాంటిది వైసీపీ ప్రభుత్వం వచ్చిన 3 నెలల్లోనే  ఒక్క కోడెలపైనే 19 కేసులు పెట్టింది. ఇక ఆయన కుమారుడు, కూతురుపై పెట్టిన కేసులకు లెక్కే లేదు. పైగా కోడెలపై దొంగతనం కేసు మోపడం... ఆ కేసుల్లో జీవితఖైదు పడే సెక్షన్లను పెట్టడం ఆయనకు తీవ్ర మనస్తాపం కలిగించింది. జగన్ ప్రభుత్వం వచ్చిన నాటి నుంచి వంద రోజుల్లో వంద రకాలుగా వేధించడంతో కోడెల తీవ్ర ఒత్తిడికి గురయ్యారు. రాజకీయాల్లో రాటుతేలిన నేత అయినప్పటికీ, చివరి రోజుల్లో అలాంటి అపనిందలను తట్టుకోలేకపోయారు. ముఖ్యంగా తనపై మోపిన అసెంబ్లీ ఫర్నిచర్ దొంగతనం అభియోగం నుంచి బయటపడేందుకు కోడెల తీవ్రంగా ప్రయత్నించారు. ఇందులో తన తప్పేమీ లేదని నిరూపించుకునేందుకు శతవిధాలా ప్రయత్నించారు. ముందుగా అసెంబ్లీ సెక్రటరీకి లేఖ రాశారు... ఆ తర్వాత అసెంబ్లీ స్పీకర్, ప్రభుత్వానికి లేఖ రాశారు... తనను మానసికంగా క్షోభపెట్టొద్దంటూ వేడుకున్నారు... అసెంబ్లీ ఫర్నిచల్ తరలింపులో తన తప్పులేదని, హైదరాబాద్ నుంచి ఫర్నిచర్ ను తీసుకొచ్చే క్రమంలో అధికారులే తన క్యాంప్ కార్యాలయానికి తెచ్చిపెట్టారని, తన పదవీ కాలం పూర్తయిన తర్వాత  వెంటనే ఫర్నిచర్ ను తీసుకెళ్లమని కోరానని, లేదా వెల కడితే డబ్బు చెల్లిస్తానని జూన్ ఏడునే లేఖ రాశానని, కానీ అధికారులు స్పందించలేదని, ఆ తర్వాత అసెంబ్లీ కార్యదర్శికి, స్పీకర్ కి లేఖలు రాశానని, అయినా స్పందించకుండా, తనపై తప్పుడు ఆరోపణలు చేస్తున్నారంటూ కోడెల ఆవేదన వ్యక్తంచేశారు. అయితే, ఇప్పటికే తన కార్యాలయం నుంచి ఫర్నిచర్ ను తీసుకెళ్లారని, ఇంకా ఏమైనా ఉంటే తీసుకెళ్లొచ్చని, కానీ తనను ఇబ్బంది పెట్టొద్దంటూ ప్రభుత్వానికి కోడెల విజ్ఞప్తి చేశారు. 37ఏళ్లుగా నిబద్ధతతో రాజకీయాల్లో ఉన్నానని, అనవసరంగా తనపై తప్పుడు ఆరోపణలుచేస్తూ, దొంగతనం కేసు మోపి, తనను మానసిక క్షోభకు గురిచేయవద్దని కోరారు. కానీ జగన్ ప్రభుత్వం కనికరించలేదు... కోడెలపై వేధింపులకు పాల్పడింది. 90రోజుల్లో 19 కేసులు పెట్టి క్షోభకు గురిచేసింది. కోడెలకున్న మంచి పేరును చెడగొట్టేందుకు కుట్ర చేసింది. ముఖ్యంగా అసెంబ్లీ ఫర్నిచర్ విషయంలో వైసీపీ నాయకులు, వైసీపీ మీడియా చేసిన రచ్చను కోడెల తట్టుకోలేకపోయారు. చివరి ఆ మనోవేదనతోనే బలవంతంగా ప్రాణాలు తీసుకున్నారు.
  'బండ్లు ఓడలవుతాయి, ఓడలు బండ్లు అవుతాయి' అనడానికి కోడెల జీవితాన్ని ఉదాహరణగా చెప్పుకోవచ్చేమో. గుంటూరు జిల్లాలో ప్రజలకు సుపరిచితుడైన వైద్యుడిగా ముద్ర వేసుకున్న కోడెల.. రాజకీయాల్లోకి ప్రవేశించి చెరగని ముద్ర వేసుకున్నారు. తెలుగుదేశం పార్టీలో అంచెలంచెలుగా ఎదిగి సీనియర్ నేతగా రాష్ట్రవ్యాప్తంగా పేరు సంపాదించుకున్నారు. మంత్రిగా, అసెంబ్లీ స్పీకర్ గా విశేష సేవలందించారు. అయితే ఇదంతా ఒకప్పటి మాట. గత కొంత కాలంగా వరుస ఆరోపణలతో సతమతమవుతున్న కోడెల.. మనస్తాపానికి గురై ఆత్మహత్య చేసుకొని తుదిశ్వాస విడిచారు. 2014 లో టీడీపీ విజయం తరువాత స్పీకర్ గా బాధ్యతలు చేపట్టిన కోడెల.. 2019 ఎన్నికలకు ముందు వరకు తన బాధ్యతను నిర్వర్తించారు. అయితే 2019 ఎన్నికల్లో టీడీపీ ఘోర ఓటమితో ఆయనను సమస్యలు చుట్టుముట్టాయి. వరుస ఆరోపణలతో ఆయన ఉక్కిరిబిక్కిరి అయ్యారు. కోడెల ఫ్యామిలీ సత్తెనపల్లి, నర్సరావుపేట నియోజకవర్గాల్లో కోడెల టాక్స్ పేరుతో.. ప్రజలను ఇబ్బంది పెట్టిందని ఆరోపణలు వచ్చాయి. ముఖ్యంగా కోడెల కుమారుడు, కూతురిపై పలు కేసులు కూడా నమోదయ్యాయి. ఇద్దరు పలువురి వద్ద డబ్బులు వసూలు చేసారని, కొందరికి డబ్బులు ఎగ్గొట్టారని ఇలా రకరకాలు ఆరోపణలు వచ్చాయి. అంతేకాదు కోడెల కుటుంబం మీద ఇంకా ఆరోపణలు వచ్చాయి. కోడెల అసెంబ్లీ ఫర్నీచర్ మాయం చేసారని అధికార పార్టీ ఆరోపించింది. అయితే కోడెల మాత్రం తాను చెప్పే ఫర్నీచర్ తీసుకెళ్లానని, తిరిగి అప్పగించడానికి లేఖలు కూడా రాసానని చెప్పుకొచ్చారు. ఈ అసెంబ్లీ ఫర్నీచర్ అంశంలో కోడెల తీవ్ర విమర్శలు ఎదుర్కొన్నారు. దీంతో ఆయన తీవ్ర మనస్తాపానికి గురయ్యారు. వీటికితోడు ఆయన అద్దె పేరుతో ప్రభుత్వ సొమ్ముని దోచేస్తున్నారని కూడా ఆరోపణలు వచ్చాయి. ఆయన గుంటూరులోని తన భవనాన్ని, వైద్య శాఖకు అద్దెకిచ్చి.. సరైన వసతులు లేకపోయినా అధికమొత్తంలో అద్దె వసూలు చేసారని వార్తలొచ్చాయి. అంతేకాదు ఆసుపత్రులకు సరఫరా చేసే దూది విషయంలో కూడా కోడెల కుటుంబం అవినీతికి పాల్పడిందని ఆరోపణలు వినిపించాయి. ఆసుప్రతులకు దూది సరఫరా చేసే కాంట్రాక్టు తీసుకున్న కోడెల ఫ్యామిలీ.. నాసిరకం దూదిని తెప్పించి సరఫరా చేసారని ప్రచారం జరిగింది.   వైసీపీ అధికారంలోకి వచ్చినప్పటి నుంచి కోడెల మీద ఇలా వరుస ఆరోపణలు వచ్చాయి. అయితే ఇదంతా కక్ష సాధింపేనని కోడెల పదేపదే ఆవేదన వ్యక్తం చేశారు. స్పీకర్ గా ఉన్న సమయంలో తన బాధ్యతను నిర్వర్తిస్తూ.. వైసీపీ ఎమ్మెల్యేలను సస్పెండ్ చేసానని.. కానీ వైసీపీ అధికారంలో వచ్చిన తరువాత దాన్ని మనసులో పెట్టుకొని తనను రాజకీయ వేధింపులకు గురి చేస్తుందని కోడెల ఫీలయ్యారు. అంతేకాదు ఈ వరుస ఆరోపణలతో కోడెల గుండెపోటుతో ఆసుపత్రిలో కూడా చేరారు. అయినా ఆయన మీద ఆరోపణలు ఆగలేదు. ఈ నేపథ్యంలో తీవ్ర మనస్తాపానికి గురైన కోడెల ఆత్మహత్య చేసుకుని లోకాన్ని విడిచారు. తెలుగు రాజకీయాల్లో సీనియర్ రాజకీయ నేతగా పేరు తెచ్చుకున్న కోడెల.. ఆరోపణలు, వేధింపులు తట్టుకోలేక ఆత్మహత్య చేసుకోవడం నిజంగా దురదృష్టకరం.
  ఏపీ సీఎంగా వైఎస్ జగన్ వంద రోజుల పాలనను పూర్తి చేసుకున్న సంగతి తెలిసిందే. జగన్ 100 రోజుల పాలనపై టీడీపీ, బీజేపీ నేతలు ఇప్పటికే విమర్శలు గుప్పించగా.. తాజాగా జనసేన నివేదికను విడుదల చేసింది. 9 అంశాలతో కూడిన 33 పేజీల నివేదికను జనసేన అధినేత పవన్ కళ్యాణ్ విడుదల చేశారు. వైసీపీ పాలనలో పారదర్శక, దార్శనికత లోపించిందని నివేదికలో పేర్కొంది. వైసీపీ 100రోజుల పాలన ప్రణాళికాబద్ధంగా లేదని.. డెంగీ, మలేరియా వంటి సీజనల్‌ వ్యాధుల నివారణలో ప్రభుత్వంలో సన్నద్ధత లోపించిందని చెప్పుకొచ్చింది. వరదల సమయంలో ప్రభుత్వం.. పునరావాస చర్యలు కూడా వేగంగా చేపట్టలేదని జనసేన తన నివేదికలో తెలిపింది. ఈ సందర్భంగా పవన్ మాట్లాడుతూ.. వైసీపీ 100 రోజుల పాలన ప్రణాళికాబద్ధంగా లేదని విమర్శించారు. పాలనలో దార్శనికత, పారదర్శకత లోపించిందని అన్నారు. ఎన్నికల్లో 150కి పైగా సీట్లను గెలుచుకున్న వైసీపీ పాలనపై కనీసం ఒక సంవత్సరం వరకు తాము మాట్లాడాల్సిన అవసరం ఉండదని అనుకున్నామని.. కానీ, మూడు వారాల్లోపే వారు తీసుకున్న ఆందోళనకర నిర్ణయాలు ప్రజలు ఆక్షేపించేలా ఉన్నాయని విమర్శించారు. ‘సీజనల్‌ వ్యాధుల నివారణ చర్యలు తీసుకోవడం విఫలం చెందింది. ఇసుక విధానాన్ని ఇంతవరకు ప్రకటించకపోవడం చేతగానితనం. ఇసుక పాలసీని ప్రకటించకపోవడం పట్ల ప్రభుత్వాన్ని ఏమనాలో అర్థం కావడం లేదు. ఇసుక విధానం ప్రకటించకపోవడం వల్ల లక్షమంది నష్టపోయారు. ఇది పూడ్చుకోలేని నష్టం’ అని పవన్ చెప్పుకొచ్చారు.   ‘ఏపీ ఇప్పటికే అప్పుల్లో కూరుకుపోయింది. వైసీపీ జనరంజక పథకాలు అమలు చేయాలంటే రూ.50వేల కోట్లు అవసరం, ఎక్కడ నుంచి తెస్తారు?. టీడీపీ హయాంలో అవకతవకలు జరిగితే సరిచేయండి. వైసీపీ తీరు వల్ల పెట్టుబడిదారులు వెనక్కి వెళ్లిపోతున్నారు.. కొత్త పరిశ్రమలు రావడంలేదు. రాష్ట్ర ప్రభుత్వాన్ని సొంత ప్రయోజనాల కోసం నడపొద్దు. ప్రభుత్వ విధానాలు రాజధాని భవిష్యత్‌ను ప్రశ్నార్థకం చేశాయి’ అని పవన్ వ్యాఖ్యానించారు. ఏషియా పల్స్ అండ్ పేపర్ మిల్స్ పరిశ్రమ రూ.24 వేల కోట్ల పెట్టుబడితో ప్రకాశం జిల్లాలో ప్లాంట్ పెట్టేందుకు ప్రయత్నించినప్పుడు.. రాష్ట్రంలో పరిస్థితులను చూసి ఆ కంపెనీ మహారాష్ట్రకు తరలిపోయిందని పవన్ గుర్తు చేశారు. రాష్ట్రానికి రూ. 2.58 లక్షల కోట్ల అప్పులున్నాయని.. దీనికి తోడు జగన్ ఇచ్చిన హామీలు అమలు కావాలంటే రూ.50 వేల కోట్లు కావాలని పవన్ తెలిపారు. ఇప్పటికే తెచ్చిన అప్పులకు వడ్డీలు కడుతూ మళ్లీ కొత్త పథకాలకు నిధులు ఎక్కడి నుంచి వస్తాయని పవన్ ప్రశ్నించారు. ‘ఏపీ ప్రజలకు పోలవరం జీవనాడి. పోలవరంలో అవకతవకలు జరిగితే విచారణ జరిపించాలి. పోలవరం ఆపేస్తే రైతాంగానికి, విశాఖ తాగునీటికి ఇబ్బంది. కృష్ణా వరదల సమయంలో సీఎం జగన్‌ అమెరికాలో ఉన్నారు. ఇక్కడున్న వైసీపీ పెద్దలు బిజీగా ఉండి వరదల నిర్వహణను పట్టించుకోలేదు. వరదల సమయంలో వైసీపీ మంత్రులు సరిగా నడుచుకోలేదు. వైసీపీ తీరు వల్ల వేల టీఎంసీల నీరు సముద్రంలో కలిసింది. రాయలసీమకు వరద నీటిని తీసుకెళ్లలేకపోయారు.కృష్ణా వరదలతో ఓ ప్రాంతంలోని ఇళ్లు మునిగిపోతుంటే.. మంత్రులంతా మాజీ సీఎం ఇంటి ముంపుపై దృష్టిపెట్టారు’ అని పవన్ విమర్శించారు.
ALSO ON TELUGUONE N E W S
తెలుగు ప్రేక్షకులు విషాదాంత ముగింపును జీర్ణించుకోలేరని చెప్పడానికి పలు సినిమాలు ఉదాహరణలుగా నిలిచాయి. తమిళ, కన్నడ సినిమాల్లో ఉన్నట్టు తెలుగులో సాడ్ ఎండింగ్స్ తక్కువ. ఈ సెంటిమెంట్ పక్కన పెట్టిన 'సైరా నరసింహారెడ్డి' టీమ్ విషాదాంత ముంగిపు వైపు మొగ్గు చూపింది. చరిత్రలోకి తొంగి చూస్తే... ఉయ్యాలవాడ నరసింహారెడ్డిని తెల్లదొరలు ఉరి తీశారు. చరిత్రలో ఉన్నది ఉన్నట్టు తీశామని దర్శకుడు సురేందర్ రెడ్డి స్పష్టం చేశారు. విషాదాంత ముగింపును ప్రేక్షకులు హర్షిస్తారా? అనే ప్రశ్నకు... "ఉయ్యాలవాడ ఉరి తరవాత ఆయన తలను 30 ఏళ్లు కోటగుమ్మానికి వేలాడదీశారు. తెల్లదొరలు అలా చేశారు అంటే, వాళ్లను ఉయ్యాలవాడ ఎంత భయపెట్టి ఉండాలి? నా దృష్టిలో అది గొప్ప విక్టరీ. ఉయ్యాలవాడ మరణంతో భారతదేశంలో స్వాతంత్ర్య ఉద్యమం మొదలైంది. ఆయన జీవితం, త్యాగం, మరణం... గొప్ప విజయం" అని ఆయన అన్నారు. దీన్నిబట్టి 'సైరా నరసింహారెడ్డి'లో చిరంజీవి పాత్ర మరణిస్తుందని ఊహించవచ్చు. ఆల్రెడీ ట్రైలర్ లో ఉరికంబంలో నిలబడిన చిరంజీవి విజువల్స్ చూపించి... ప్రేక్షకులను ప్రిపేర్ చేస్తున్నారు.
హీరో గోపీచంద్, డైరెక్టర్ సంపత్ నంది కాంబినేషన్‌లో ఇదివరకు 'గౌతమ్ నందా' సినిమా వచ్చింది. గౌతమ్, నందా అనే రెండు భిన్న పాత్రల్లో గోపి నటనకు ప్రశంసలు లభించాయి. వాటిలో ఒకటి నెగటివ్ కేరెక్టర్ కావడం గమనార్హం. అయితే బాక్సాఫీస్ వద్ద ఆ మూవీ ఆశించిన రీతిలో ఆడలేదు. అయితే గోపి, సంపత్ మరోసారి కలిసి పనిచేయడానికి అదేమీ అడ్డు కాలేదు. అవును. గోపీచంద్, సంపత్ నంది కాంబినేషన్‌లో మరో సినిమా రాబోతోంది. ఈ మూవీని శ్రీనివాసా సిల్వర్ స్క్రీన్ బేనర్‌పై శ్రీనివాస్ చిట్టూరి నిర్మించనున్నారు. ఇంతకుముందు ఆయన సమంత ప్రధాన పాత్ర పోషించిన 'యు టర్న్' మూవీని నిర్మించారు. గోపి, సంపత్ కాంబినేషన్ మూవీని హై బడ్జెట్, హై టెక్నికల్ వాల్యూస్‌తో నిర్మించనున్నట్లు ఆయన చెప్పారు. ఈ సినిమా ఎప్పుడు మొదలయ్యేది, హీరోయిన్ ఎవరు, ఇతర కీలక పాత్రధారులు, టెక్నీషియన్స్ వివరాలను త్వరలో తెలియజేస్తామన్నారు. ఈ మూవీకి కథ, మాటలు, స్క్రీన్‌ప్లేలను దర్శకుడు సంపత్ స్వయంగా సమకూరుస్తున్నారు.
దర్శక ధీరుడు, జక్కన్న రాజమౌళి, సూపర్ స్టార్ మహేష్ బాబు కాంబినేషన్లో సినిమా కోసం ప్రేక్షకలోకం ఎప్పటి నుండో ఎదురు చూస్తోంది. ఒకరితో మరొకరు సినిమా చేయాలని వీరిద్దరూ ఎదురు చూస్తున్నారు. మహేష్, రాజమౌళికి నిర్మాత కె.ఎల్. నారాయణ అడ్వాన్సులు ఇచ్చారు. ఆయన నిర్మాణంలో సినిమా ఉంటుంది. మరొకరు నిర్మాణ భాగస్వామిగా ఉండే అవకాశం ఉంది. జనవరి 2020 తర్వాత ఈ సినిమాపై క్లారిటీ వస్తుందని, నెక్స్ట్ ఇయర్ ఎండింగ్ లోపు సెట్స్ మీదకు వెళుతుందని ఇండస్ట్రీ టాక్. ప్రజెంట్ అనిల్ రావిపూడి దర్శకత్వంలో మహేష్ బాబు 'సరిలేరు నీకెవ్వరు' చేస్తున్నారు. జనవరికి ఆ సినిమా విడుదల అవుతుంది. యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ హీరోలుగా రాజమౌళి చేస్తున్న 'ఆర్‌ఆర్‌ఆర్‌' షూటింగ్ జనవరికి పూర్తవుతుంది. కానీ, పోస్ట్ ప్రొడక్షన్ వర్క్స్ బ్యాలన్స్ ఉంటాయి. అవి పూర్తి చేసి, సినిమా పబ్లిసిటీపై దృష్టి పెట్టి జూలైలో సినిమా విడుదల అయ్యేవరకూ రాజమౌళి బిజీ. మధ్యలో మహేష్ కథపై కొంత దృష్టి పెట్టినా... 'ఆర్‌ఆర్‌ఆర్‌' విడుదల తర్వాతే పూర్తిస్థాయిలో దృష్టి పెట్టగలరు. 'ఆర్‌ఆర్‌ఆర్‌' విడుదల తర్వాత మహేష్ బాబుతోనే రాజమౌళి సినిమా ఉండటం ఖాయమని ఫిలింనగర్ టాక్.
  '13 బి', 'ఇష్క్', 'మనం', '24'.. ఈ సినిమాల పేర్లు చాలదూ.. ఒక డైరెక్టర్ ఎంత ప్రతిభావంతుడో చెప్పడానికి! మరి అంతటి టాలెంటెడ్ డైరెక్టర్ అయిన విక్రమ్ కుమార్‌కి ఏమైంది? అతని మ్యాజిక్ ఏమైంది?.. అనే మాటలు టాలీవుడ్‌లో వినిపిస్తున్నాయి. ఏ తరహా కథ అయినా ఒక థ్రిల్లర్ తరహాలో రూపొందించే దర్శకుడిగా విక్రమ్ కుమార్ పేరు తెచ్చుకున్నాడు. అతని బలమంతా స్క్రీన్‌ప్లేలో ఉందని విమర్శకులు భావిస్తూ వచ్చారు. కానీ ఇవాళ ఆ స్క్రీన్‌ప్లేలోనే అతను బలహీనంగా కనిపిస్తుంటే అందరూ ఆశ్చర్యపోతున్నారు. అఖిల్ అక్కినేనితో అతను రూపొందించిన సినిమా 'హలో'.. బలహీనమైన స్క్రీన్‌ప్లే వల్లే హిట్ కాలేకపోయింది. రమ్యకృష్ణ కేరెక్టర్ వచ్చినప్పుడల్లా ప్రేక్షకులు బోర్ ఫీలవడం, హీరో హీరోయిన్ల మధ్య రొమాన్స్‌కి తావులేని విధంగా స్క్రీన్‌ప్లే తయారు చేసుకోవడం, వాళ్లిద్దరి మధ్యా వచ్చే సన్నివేశాలు ఆకర్షణీయంగా లేకపోవడం.. వంటి కారణాలతో ఆ సినిమా ఆశించిన రీతిలో ఆడలేదు. ఇప్పుడు నానితో అతను రూపొందించిన 'నానీస్ గ్యాంగ్ లీడర్' సైతం అదే దారిలో వెళ్తోందని ట్రేడ్ రిపోర్టులు చెబుతున్నాయి. తొలి వారాంతం రెండు తెలుగు రాష్ట్రాల్లో 56 శాతం రికవరీ సాధించిన ఆ సినిమా వసూళ్లు సోమవారం నుంచి భారీ స్థాయిలో పతనమవడం ఆందోళన కలిగిస్తోంది. సోమవారం ఈ ఏరియాల్లో ఆ సినిమా కేవలం 6 శాతం రికవరీనే రాబట్టింది. వెరసి 62 శాతం రికవరీ అయ్యిందన్న మాట. ఆ తర్వాత కూడా థియేటర్లలో జనం పలచగానే కనిపిస్తున్నారని రిపోర్టులు వస్తున్నాయి. ఇదే ట్రెండ్ కొనసాగితే లాభాల మాట అటుంచి, బయ్యర్లు సేఫ్ అవడం అసాధ్యమనే మాట గట్టిగా వినిపిస్తోంది. సినిమా సినిమాకీ కథల ఎంపికలో విలక్షణత్వాన్ని ప్రదర్శిస్తూ వస్తోన్న విక్రమ్.. 'గ్యాంగ్ లీడర్'ని కామెడీ మేళవించిన రివెంజ్ డ్రామాగా రూపొందించాడు. కానీ స్క్రీన్‌ప్లే డల్‌గా ఉండటం వల్లే ప్రేక్షకుల సంఖ్య రోజురోజుకూ తగ్గిపోతూ వస్తోందని విశ్లేషకులు చెబుతున్నారు. ఫస్టాఫ్ కాస్త ఆసక్తికరంగా సాగినా, ఇంటర్వెల్ తర్వాతి నుంచీ కథలో అదే క్యూరియాసిటీని మెయిన్‌టైన్ చెయ్యడంలో డైరెక్టర్ విఫలమయ్యాడు. గ్యాంగ్ మెంబర్స్‌కు సంబంధించిన ట్విస్టులు టీవీ సీరియళ్ల ట్విస్టుల్లా ఉన్నాయనే మాట వినిపిస్తున్నదంటేనే.. అతని స్క్రీన్‌ప్లే ఏ స్థాయిలో ఉందో ఊహించుకోవచ్చు. ఇప్పటికైనా విక్రమ్ మేల్కొని.. సబ్జెక్ట్‌తో పాటు తన స్క్రీన్‌ప్లేలో దొర్లుతున్న లోపాల్ని సరిచేసుకోగలిగితేనే మునుముందు జనాకర్షకంగా సినిమాలు తియ్యగలుగుతాడు.. లేదంటే.. 'హలో', 'నానీస్ గ్యాంగ్ లీడర్' ఫలితాలే రిపీట్ అవుతాయని విశ్లేషకులు అభిప్రాయపడుతున్నారు.
  ఇప్పటివరకూ వరుణ్ తేజ్ చేసిన కేరెక్టర్లనీ ఒకెత్తయితే, 'వాల్మీకి'లో చేసిన గద్దలకొండ గణేశ్ కేరెక్టర్ ఇంకో ఎత్తు. వయొలెంట్‌గా, వైల్డ్‌గా కనిపించే కేరెక్టర్‌లో మొదటిసారి మనం చూడబోతున్నాం. నటుడిగా వేరియేషన్ చూపించే కేరెక్టర్ అతడికి దొరికింది. ఇలాంటి కేరెక్టర్ చెయ్యాలని అతను ఎందుకు అనుకున్నాడు? నటుడిగా తనకు ఎలాంటి బౌండరీస్ ఉండకూడదని అనుకుంటాడు వరుణ్. ఏదో ఒక ఇమేజ్‌కే పరిమితమవ్వాలని అతడికి లేదు. 'వరుణ్.. ఏ కేరెక్టరైనా చేస్తాడు'.. అనిపించుకోవాలనేది అతడి తపన. 'హీరో ఎప్పుడూ ఎందుకు మంచోడై ఉండాలి? చెడ్డవాడు అయినప్పుడు ఎలా ఉంటుంది?' అని వరుణ్ అనుకుంటున్న రోజుల్లోనే హరీశ్ శంకర్ అతని దగ్గరకు తమిళ హిట్ ఫిల్మ్ 'జిగర్తాండ' స్క్రిప్టును తీసుకువచ్చాడు. అది నచ్చి, చెయ్యాలనుకున్నాడు. అలా అని వెంటనే నిర్ణయం తీసుకోలేదు. స్నేహితులు, సన్నిహితులు "బ్యాడ్ గై కేరెక్టర్ చెయ్యడం కరెక్ట్ కాదేమో.. చూసుకో" అని సలహా ఇచ్చారు. మూర్ఖంగా ఉండకుండా పక్కవాళ్లు చెప్పేది వినాలనుకున్నాడు వరుణ్. అయితే మిగతా వాళ్ల కంటే ఒక వ్యక్తి మాటపై అతనికి ఎక్కువ గురి. ఆ వ్యక్తి చెప్పాడంటే ఆలోచించకుండా చేసేస్తాడు వరుణ్. ఆ వ్యక్తి.. మెగాస్టార్ చిరంజీవి. ఆయనను చిన్నప్పట్నుంచీ 'డాడీ' అనే పిలుస్తాడు వరుణ్. ఆయనకు ఫోన్ చేసి, "డాడీ.. ఒక కథ అనుకుంటున్నాను. వింటారా?" అనడిగి, హరీశ్ శంకర్‌ను ఆయన దగ్గరకు తీసుకెళ్లాడు. చిరంజీవి విన్నారు. "కథ చాలా బాగుంది. నువ్వు చెయ్యాలనుకుంటున్న కేరెక్టర్ అమేజింగ్‌గా ఉంది. ఈ సినిమా నువ్వు చెయ్యాలి" అని చెప్పడమే కాకుండా, చిన్న చిన్న మార్పులు కూడా సూచించారు. చిరంజీవి ఓకే అనడంతో మరో ఆలోచన లేకుండా 'వాల్మీకి'కి ఓకే చెప్పేశాడు వరుణ్. ఇక గద్దలకొండ గణేశ్ లుక్ ఎలా ఉండాలనే విషయంలో వరుణ్, హరీశ్ శంకర్ మధ్య ఎక్కువ చర్చే నడిచింది. వరుణ్ ధ్యాస అంతా తొలినాళ్లలో చిరంజీవి కనిపించిన రూపంపైనే ఉంది. ముఖ్యంగా చిరంజీవి తొలిసారి నటుడిగా కెమెరా ముందుకు వచ్చిన 'పునాది రాళ్లు' సినిమాలో కనిపించిన విధానమంటే వరుణ్‌కు బాగా ఇష్టం. అందులో నుదుటున పడే విధంగా బాగా పెంచిన ఉంగరాల జుట్టు అంటే మరీ ఇష్టం. ఆ లుక్‌లో కనిపిస్తానని వరుణ్ రిఫరెన్స్ చూపడంతో హరీశ్ శంకర్ సైతం సరే అనేశాడు. అలా గద్దలకొండ గణేశ్‌గా ఆ లుక్‌ను అడాప్ట్ చేసుకున్నాడు వరుణ్. లుక్ సరే.. డైలాగ్ డెలివరీ మాటేమిటి?.. అనేది నెక్స్ట్ ఇష్యూ. కారణం.. గణేశ్ మాట్లాడేది రూరల్ తెలంగాణ యాస. 'ఎఫ్ 2' మూవీలో వరుణ్ హైదరాబాదీ అబ్బాయిగా తెలంగాణ యాసలో మాట్లాడినా.. రూరల్ తెలంగాణ యాసతో పోలిస్తే అది సాఫ్ట్ కింద లెక్క. గ్రామీణ తెలంగాణ యాస కొట్టినట్లుగా ఉన్నా, అది చాలా స్వచ్ఛమైంది. హరీశ్ శంకర్ రూరల్ తెలంగాణ నుంచి వచ్చిన వ్యక్తి కాబట్టి, ఆ యాసపై ఆయనకు గట్టి పట్టు ఉంది. అందువల్ల ఆ యాసలో డైలాగ్స్ రాశాడు. ఆ యాసలో మాట్లాడటానికి హరీశ్‌తో చాలా సమయం వెచ్చించాడు వరుణ్. హరీశ్ చెప్తుంటే, యాసలో డైలాగ్స్ ఎలా చెప్పాలో తెలుసుకుటూ వచ్చాడు. అలా ఇందులో వరుణ్ డైలాగ్ డెలివరీకి హరీశ్ శంకర్ చాలా హెల్ప్ చేశాడన్న మాట. సెట్స్‌పై సీన్‌లో నటించేప్పుడు డైలాగ్ చెప్పడం వేరు.. ఆ తర్వాత లిప్ మూమెంట్‌కు తగ్గట్లు డబ్బింగ్ థియేటర్‌లో డబ్బింగ్ చెప్పడం వేరు. గద్దలకొండ గణేశ్ కేరెక్టర్‌కు డబ్బింగ్ చెప్పడానికి వరుణ్ కాస్త శ్రమించాడనే చెప్పాలి. సినిమాలో మిగతా పోర్షన్‌కు పెద్ద కష్టపడకుండానే డబ్బింగ్ చెప్పినా ఇంటర్వెల్ సీక్వెన్స్‌కు చెప్పడానికి కష్టపడ్డాడు వరుణ్. ఇంటెర్వెల్ బ్లాక్ 20 నిమిషాలుంటుంది. వరుణ్ పర్ఫార్మెన్స్‌కు బాగా స్కోప్ ఉన్న సీక్వెన్స్. అమేజింగ్ ట్విస్ట్ ఉన్న సీన్. మామూలుగా అయితే రెండు మూడు గంటల్లో ఆ సీక్వెన్స్‌కు డబ్బింగ్ చెప్పేయొచ్చు. కానీ ఆ ఒక్క ఎపిసోడ్‌కు డబ్బింగ్ చెప్పడానికి ఒక రోజంతా తీసుకున్నాడు వరుణ్. ఎందుకంటే.. ఆ సీన్‌లో చాలా వేరియేషన్స్ ఉంటాయి కాబట్టి. రేపు ప్రేక్షకులు కచ్చితంగా ఆ ఇంటర్వెల్ ఎపిసోడ్ గురించి మాట్లాడుకుంటారనే గట్టి నమ్మకాన్ని వరుణ్ వ్యక్తం చేస్తున్నాడు. 'జిగర్తాండ'లో ఈ కేరెక్టర్ చేసిన బాబీ సింహాను చూస్తే మనకు భయమేస్తుంది. అతని పర్ఫార్మెన్స్‌కు నేషనల్ అవార్డ్ కూడా వచ్చింది. 'వాల్మీకి'లో గద్దలకొండ గణేశ్‌ను చూసినా అంతే భయపడతారని యూనిట్ మెంబర్స్ చాలా కాన్ఫిడెంట్‌గా చెబుతున్నారు. ఒక డిఫరెంట్ లెవల్లో ఆ కేరెక్టర్‌ను వరుణ్ చేశాడనేది వాళ్ల మాట.
  కోడెల గురించి తెలిసినవాళ్లు... ఆయనది చాలా సున్నిత మనస్తత్వం అంటారు. రూపాయి డాక్టర్ గా పేదల ప్రజలకు సేవలందించిన కోడెల ...రాజకీయాల్లోకి వచ్చాకే రాటుదేలారని చెబుతారు. స్వయంగా ఎన్టీఆర్ కోరడంతో చిన్న వయసులోనే రాజకీయాల్లో వచ్చిన కోడెల... అప్పటికే పల్నాడులో తిరుగులేని ఆధిపత్యం చెలాయిస్తోన్న కాసు కుటుంబానికి ఎదురెళ్లి నర్సరావుపేట నుంచి ఎమ్మెల్యేగా ఘనవిజయం సాధించారు. అయితే, 1983లో కోడెల ఎమ్మెల్యేగా గెలిచాక, కాసు కుటుంబం దాడికి ప్రయత్నించింది. దాంతో కోడెలకు ప్రజలే అండగా నిలబడ్డారు. కోడెలను వాటర్ ట్యాంక్ లో పెట్టి, ఆయనకు రక్షణగా నిలిచారు. ఆ సంఘటనే కోడెలలో పట్టుదల రగిల్చింది. దాంతో ప్రజల అండదండలతో పల్నాడులో పట్టుసాధించిన కోడెల... తర్వాతి కాలంలో రాజకీయంగా రాటుదేలారు. కాసు కుటుంబం అరాచకాలకు ఎదురెళ్లి ప్రజలకు రక్షణగా నిలబడ్డారు. ఆ తెగువే కోడెలను అతికొద్దికాలంలోనే ప్రజానాయకుడిగా చేసింది. దాంతో ఒక్క పల్నాడులోనే కాదు... మొత్తం ఉమ్మడి ఆంధ్రప్రదేశ్ లోనే కోడెల పేరు మోరుమోగిపోయింది. తన వ్యక్తిత్వంతో తలదించని నేతగా ఎదిగారు. పల్నాడు పులిగా పేరు తెచ్చుకున్నారు. తెలుగుదేశంలో ఫైర్‌బ్రాండ్‌గా మారారు. అలాంటి వ్యక్తి ఆత్మహత్య చేసుకున్నారంటే ఇప్పటికీ నమ్మలేకపోతున్నారు ఆయన గురించి తెలిసినవాళ్లు.  ఉమ్మడి ఆంధ్రప్రదేశ్ లో హోంమంత్రిగా పనిచేసిన కోడెలకు రాజకీయ వేధింపులు, కక్ష సాధింపు చర్యలు, కేసుల గురించి తెలియకుండా ఉండదు. రాజకీయాల్లో ఇది సహజమే అయినా, జగన్ ప్రభుత్వం మాత్రం... ఎన్నో అడుగులు ముందుకేసి కోడెలకు ఊపిరిసలపనీయకుండా చేసింది. కేసు మీద కేసు పెడుతూ, 3నెలల కాలంలోనే కుటుంబం మొత్తంపై దాదాపు 30 కేసులను పెట్టించి వేధించింది. దాంతో కోడెల కుమిలిపోయారు. మానసికంగా కుంగిపోయారు. 70ఏళ్ల పైబడిన వయసులో ధైర్యం సడలింది. మానసిక-ఆత్మస్థైర్యం దెబ్బతింది. ఆ సమయంలో పార్టీ అండ కోసం కోడెల ఎదురుచూశారు. కానీ అసెంబ్లీ ఫర్నిచర్ దొంగతనం అభియోగాల నేపథ్యంలో... కోడెలకు అండగా నిలిచేందుకు చంద్రబాబు వెనుకంజ వేశారు. కోడెలపై ఎంతో అభిమానమున్నా, అత్యంత సన్నిహితుడైనా, వెనకేసుకొస్తే ఎక్కడ పార్టీకి చెడ్డపేరు వస్తుందోనని బాబు భయపడ్డారు. కోడెలపై, కోడెల కుటుంబంపై జగన్ సర్కార్ ... వరుస కేసులు పెడుతుంటే చంద్రబాబు ఒక్క మాట కూడా మాట్లాడలేదు... పార్టీ తరపున అండగా ఉంటామని భరోసా ఇవ్వలేదు... కనీసం కోడెలను పరామర్శంచలేదు... ఇదే కోడెలను మరింత కుంగదీసింది. ఒకవైపు జగన్ ప్రభుత్వ వేధింపులు.... మరోవైపు బాబు నుంచి అండ లేకపోవడంతో మానసికంగా కుంగిపోయిన కోడెల... ఎటూపాలుపోక విధిలేని పరిస్థితుల్లోనే ఆత్మహత్యకు ఒడిగట్టారని అంటున్నారు. కోడెల ఆత్మహత్య తర్వాత చంద్రబాబు .... జగన్ ప్రభుత్వంపై ఒక్కసారిగా విరుచుకుపడ్డారు. కోడెల మరణాన్ని తలచుకుకుని కన్నీళ్లు పెట్టుకున్నారు. హైదరాబాద్ నుంచి గుంటూరు వరకు కోడెల భౌతికకాయం వెంటే చంద్రబాబు కూడా వచ్చారు. అయితే, ఇదంతా కోడెల బతికుండగా, ఆయనకు అండగా నిలిచి ఉంటే కోడెల బతికుండేవారని అనుకుంటున్నారు. కనీసం కోడెలను జగన్ ప్రభుత్వం వేధిస్తోందంటూ నిన్న పెట్టినట్లు ...కనీసం మూడ్రోజులు ముందు చంద్రబాబు ప్రెస్ మీట్ పెట్టుంటే ఆయన బతికేవారని, ఆత్మహత్య నిర్ణయం తీసుకుని ఉండేవారు కాదని అంటున్నారు.
  జనసేన అధినేత పవన్ కళ్యాణ్ తెలంగాణ కాంగ్రెస్ పార్టీలో చిచ్చు పెట్టినట్లు తెలుస్తోంది. యూరేనియం తవ్వకాలకు వ్యతిరేకంగా ఆయన ఏర్పాటు చేసిన రౌండ్ టేబుల్ సమావేశానికి కాంగ్రెస్ ముఖ్యనేతలు వెళ్లడం.. కొంత మంది కాంగ్రెస్ నేతలకు నచ్చలేదు. ఈ విషయాన్ని హైలెట్ చేస్తూ.. పవన్ సమావేశానికి వెళ్లిన రేవంత్ రెడ్డి సహా పార్టీ నేతల్ని టార్గెట్ చేస్తూ.. హైకమాండ్ కు ఫిర్యాదుల పరంపర ప్రారంభమైంది. రాష్ట్ర కాంగ్రెస్ వ్యవహారాల ఇన్చార్జ్ కుంతియా సమక్షంలో.. దీనిపై పెద్ద రచ్చే జరిగింది. ముఖ్యంగా మాజీ ఎమ్మెల్యే సంపత్ కుమార్.. రేవంత్ రెడ్డిపై విమర్శలకు..ఈ అఖిలపక్ష సమావేశాన్ని ఉపయోగించుకున్నట్లుగా తెలుస్తోంది. యురేనియం అంశాన్ని తెర మీదకు తెచ్చింది కాంగ్రెస్ అని, పవన్ కు సంబంధం ఏంటని సంపత్ ప్రశ్నించారు. కాంగ్రెస్ లాంటి జాతీయ పార్టీ వెళ్లి జనసేన ఫ్లాగ్ కింద కూర్చోవడం ద్వారా.. ఎలాంటి సంకేతాలు పంపించాలని అనుకుంటున్నారంటూ నేతలను నిలదీశారు. మన పార్టీ పిలిచినప్పుడు పవన్ రాలేదని గుర్తు చేశారు. సీనియర్ నేతలంతా వెళ్లి పవన్ దగ్గర కూర్చోవడం ఏంటని సంపత్ తీవ్ర స్థాయిలో విమర్శలు గుప్పించారు. సంపత్ అభిప్రాయంతో కుంతియా కూడా ఏకీభవించడంతో.. జనసేన అఖిలపక్ష సమావేశానికి వెళ్లడం తప్పేనని సీనియర్ నేతలు అంగీకరించినట్టు తెలుస్తోంది. మళ్లీ పునరావృతం కాకుండా చూస్తామని పీసీసీ చీఫ్ ఉత్తమ్ హామీ ఇచ్చేశారు. కొన్ని అంశాలలో విపక్షాలు కలిసి పోరాడటం సహజం. ముఖ్యంగా ప్రస్తుత పరిస్థితుల్లో అందర్నీ కలుపుకొని పోవడం కాంగ్రెస్ కి అవసరం. కానీ కొందరు నేతలు మాత్రం పవన్ సమావేశానికి వెళ్లిన నేతలను తప్పుపడుతున్నారు. అయితే దీని వెనుక మరో కారణం ఉందని తెలుస్తోంది. టీపీసీసీ చీఫ్ రేసులో రేవంత్ రెడ్డి ముందున్నారని ప్రచారం జరుగుతోంది. హైకమాండ్ కూడా రేవంత్ కి తెలంగాణలో పార్టీ పగ్గాలు ఇవ్వాలని భావిస్తున్నట్లు తెలుస్తోంది. ఈ క్రమంలో రేవంత్ రెడ్డిని కట్టడి చేసేందుకు కొందరు కాంగ్రెస్ సీనియర్ నేతలు.. ఆయన పార్టీని చిన్న బుచ్చుతున్నారన్న ప్రచారం నిర్వహించి.. అఖిలపక్ష సమావేశానికి వెళ్లడం తప్పన్నట్లుగా మాట్లాడారని తెలుస్తోంది.
  నేషనల్ ఫ్రంట్ తో కేంద్రంలోనూ చక్రం తిప్పుతామంటూ సార్వత్రిక ఎన్నికలకు ముందు హడావిడి చేసిన గులాబీ బాస్ కేసీఆర్.... టీఆర్ఎస్ కు జాతీయ పార్టీ గుర్తింపు తీసుకొచ్చేందుకు ప్రయత్నాలు మొదలుపెట్టినట్లు తెలుస్తోంది. అనేక సంక్షేమ, అభివృద్ధి పథకాలతో దేశానికే ఆదర్శంగా నిలుస్తూ, పలు రాష్ట్రాల ప్రజల సైతం ఆకట్టుకున్న కేసీఆర్... తన పథకాలకు లభిస్తోన్న ఆదరణ, గుర్తింపుతో, రెండు మూడు రాష్ట్రాలకు పార్టీని విస్తరించాలని వ్యూహరచన చేస్తున్నారట. ముఖ్యంగా తనకు ఎక్కువగా గుర్తింపు ఉన్న... ఆంధ్రప్రదేశ్, అలాగే కర్నాటక, మహారాష్ట్రల్లో పోటీకి కేసీఆర్ గ్రీన్ సిగ్నల్ ఇచ్చారని అంటున్నారు. ఆంధ్రప్రదేశ్ లో ఎలాగూ కేసీఆర్ ఎవరో తెలుసు... టీఆర్ఎస్ గురించి... కేసీఆర్ పరిపాలన గురించి తెలుసు. అయితే, కర్నాటక, మహారాష్ట్ర వాసులకు ఎలా తెలుస్తుందనుకుంటున్నారా? ఇక్కడే కేసీఆర్ తెలివిగా, పావులు కదుపుతున్నారు. కర్నాటక, మహారాష్ట్రల్లో తెలుగువాళ్లు ఉండే ప్రాంతాల్లో పోటీకి ప్లాన్ చేస్తున్నారు. ముఖ్యంగా కర్నాటకలోని బళ్లారి, మహారాష్ట్రలోని నాందేడ్ లో పోటీకి సిద్ధమవుతున్నారు. ఎందుకంటే, నిజాం హయాంలో ఈ రెండు ప్రాంతాలూ తెలంగాణలోనే ఉండటమే కాకుండా, ఇఫ్పటికీ అక్కడ అధిక సంఖ్యలో తెలుగు ప్రజలు ఉండటంతో, వాటిని ఎంచుకున్నట్లు తెలుస్తోంది. ఇటీవల కేసీఆర్ ను కలిసిన పలువురు మహారాష్ట్ర నేతలు... తెలంగాణలో అమలవుతోన్న పథకాలు అద్భుతంగా ఉన్నాయని, మహారాష్ట్ర ప్రజలను కూడా ఆకట్టుకుంటున్నాయని చెప్పుకొచ్చారు. అంతేకాదు మహారాష్ట్రలోనూ టీఆర్ఎస్ పోటీచేస్తే మంచి ఆదరణ లభిస్తుందని వివరించారు. దాంతో మహారాష్ట్ర స్థానిక సంస్థల ఎన్నికల్లో పోటీచేయడానికి కేసీఆర్ సూత్రప్రాయంగా అంగీకరించారని చెబుతున్నారు. ముఖ్యంగా నాందేడ్ జిల్లాలోని దెగ్లూర్, నాయిగాం, భోకర్, హిమాయత్ నగర్, కిన్ వట్ నియోజకవర్గాల్లో టీఆర్ఎస్ పోటీకి దిగనున్నట్లు తెలుస్తోంది. అలాగే, కర్నాటక బళ్లారిలోనూ పోటీ చేయాలని నిర్ణయానికి వచ్చారట. ఇకపోతే మరో తెలుగు రాష్ట్రం ఆంధ్రప్రదేశ్ లోనూ బరిలోకి దిగాలని డిసైడ్ చేశారట. త్వరలో జరగనున్న ఏపీ స్థానిక సంస్థల ఎన్నికల్లో పోటీకి దిగాలని ఆలోచిస్తున్నారట. మొత్తానికి జాతీయ హోదాపై కన్నేసిన టీఆర్ఎస్.... ఏపీ, మహారాష్ట్ర, కర్నాటకలో పోటీకి దిగబోతోంది. మరి, తెలంగాణలో తిరుగులేని పట్టుసాధించిన గులాబీ పార్టీ, పక్క రాష్ట్రాల్లో పాగా వేయాలన్న వ్యూహం ఏ మేరకు ఫలిస్తుందో... జాతీయ పార్టీగా అవతరించాలన్న కల నెరవేరుతుందో లేదో చూడాలి.
  తూర్పుగోదావరి బోటు ప్రమాదంపై ప్రధాని మోడీ తీవ్ర దిగ్భ్రాంతి వ్యక్తంచేశారు. మృతుల కుటుంబాలకు ప్రగాఢ సానుభూతి తెలిపారు. ఇది చాలా బాధాకరమైన దుర్ఘటన అంటూ ట్వీట్ చేశారు. అయితే, బోటు ప్రమాదంపై ఏపీ అండ్ తెలంగాణ బీజేపీ అధ్యక్షులు లక్ష్మణ్‌, కన్నా ఘాటుగా స్పందించారు. బోటు ప్రమాదంపై పూర్తిస్థాయి విచారణ జరిపించాలని తెలంగాణ బీజేపీ అధ్యక్షుడు లక్ష్మణ్ డిమాండ్ చేశారు. అనుమతి లేకుండా బోట్లు నడుపుతున్నా, ప్రభుత్వం ప్రేక్షక పాత్ర వహించడం దురదృష్ణకరమన్నారు. ఇక ఏపీ బీజేపీ అధ్యక్షుడు కన్నా కూడా తీవ్రంగా స్పందించారు.  గోదావరిలో తరచూ ప్రమాదాలు జరుగుతున్నా, అధికారులు చర్యలు తీసుకోవడం లేదని, ఎవరో ఒకరి స్వలాభానికి ప్రజల ప్రాణాలు పోతూనే ఉన్నాయని మండిపడ్డారు. ఇలాంటి ఘటనలు పునరావృతం కాకుండా ప్రభుత్వం శాశ్వత ప్రాతిపదికన చర్యలు తీసుకోవాలని డిమాండ్ చేశారు. మరోవైపు, బోటు ప్రమాదంపై అటు ఏపీ ముఖ్యమంత్రి వైఎస్ జగన్మోహన్‌రెడ్డి... ఇటు తెలంగాణ సీఎం కేసీఆర్... తీవ్ర దిగ్భ్రాంతి వ్యక్తంచేశారు. మృతుల కుటుంబాలకు ఏపీ ప్రభుత్వం 10లక్షల చొప్పున ఎక్స్‌ గ్రేషియా ప్రకటించగా, అలాగే తెలంగాణ బాధిత కుటుంబాలకు... కేసీఆర్‌ ప్రభుత్వం అదనంగా మరో 5లక్షలు పరిహారంగా అందజేయనుంది. తూర్పుగోదావరి బోటు ప్రమాదంలో ఎక్కువమంది తెలంగాణవాసులు ఉండటంతో సహాయక చర్యలపై ముఖ్యమంత్రి కేసీఆర్ ఆరా తీశారు. మరోవైపు సీఎం కేసీఆర్ ఆదేశాలతో ఏపీ చేరుకున్న తెలంగాణ మంత్రి పువ్వాడ అజయ్‌... బాధితులను పరామర్శించడంతోపాటు రెస్క్యూ ఆపరేషన్స్ ‌ను దగ్గరుండి పర్యవేక్షిస్తున్నారు.
  బోటు ప్రమాదానికి అనేక కారణాలు వినిపిస్తున్నాయి. ముఖ్యంగా గోదావరిలో అధిక నీటి ప్రవాహమే బోటు బోల్తాకి ప్రధాన కారణమని అంటున్నా, అధికారుల అలసత్వం, బోటు సిబ్బంది నిర్లక్ష్యమే కొంపముంచినట్లు తెలుస్తోంది. గోదావరిలో ప్రవాహం అధికంగా ఉన్న సమయంలో పాపికొండలకు బయల్దేరడం అదిపెద్ద తప్పు అయితే, ప్రయాణికులు అందరికీ లైఫ్ జాకెట్లు ఇవ్వకపోవడంతో మరో ఘోర తప్పిదంగా కనిపిస్తోంది. అలాగే అనుభవం లేని డ్రైవర్లు, బోటు సిబ్బంది కారణంగానే ఈ ప్రమాదం జరిగినట్లు తెలుస్తోంది. ప్రవాహ ఉధృతిని అంచనా వేయలేకపోవడం... మలుపు దగ్గర చాకచక్యంగా వ్యవహరించలేకపోవడంతో... సుడిగుండాలకు బోటు బోల్తా కొట్టిందని ప్రమాదం నుంచి బయటపడిన ప్రయాణికులు అంటున్నారు. అయితే, బోటు మొదటి అంతస్తులో ఉన్నవాళ్లు... రెండో అంతస్తులోకి వెళ్లడంతోనే ఈ ప్రమాదం జరిగిందనే మాట కూడా వినిపిస్తోంది. ప్రయాణికులు ఒక్కసారిగా కింది అంతస్తు నుంచి పై అంతస్తుకు వెళ్లడంతో బోటు బ్యాలెన్స్ తప్పి, బోల్తాపడిందని అంటున్నారు. ఇదిలాఉంటే, ప్రమాదానికి గురైన బోటుకు ఎలాంటి అనుమతులు లేవని అధికారుల పరిశీలనలో తేలింది. పర్యాటకశాఖ నుంచి అనుమతులు తీసుకోకుండానే, రాయల్ వశిష్ట ప్రైవేట్ బోటును నడుపుతున్నట్లు గుర్తించారు. పైగా ఐదు లక్షలు పైగా ఇన్‌ ఫ్లో ఉండగా, పాపికొండలకు బోటు బయల్దేరడం అతిపెద్ద తప్పిదంగా అధికారులు తేల్చారు.
నీటిపై ప్రయాణమంటే చిన్న పిల్లవాడి మొదలు వృద్ధుల వరకు అందరిలోనూ ఉత్సాహం ఉరకలేస్తోంది. ఆ ఆనంద క్షణాలను మనసులో మధురమైన గుర్తులుగా మార్చుకుందామని పర్యాటకులు ఆశిస్తారు. కానీ, అలలపై ఆహ్లాదంగా సాగిపోవాల్సిన బోటు ప్రయాణాలు విషాదాంతమవుతున్నాయి. యాత్రికుల రక్షణ గాల్లో దీపంలా మారుతున్నాయి. ముఖ్యంగా పాపికొండల్లో జల విహారం ప్రాణ సంకటంగా మారుతోంది. ప్రకృతి అందాలను తనివితీర తిలకిస్తూ ఉరకలెత్తే ఉత్సాహంతో గోదావరి అలల సయ్యాటతో మునిగి తేలాలన్న సరదాల మాటున విషాదం పొంచి ఉందనే భయంకర నిజాన్ని పర్యాటకులు ఊహించలేకపోతున్నారు. దాంతో జల అందాలను ఆస్వాదిస్తూ చేసిన ప్రయాణం క్షణాల్లోనే ఆవిరైపోతున్నాయి. తూర్పుగోదావరి జిల్లా దేవీపట్నం దగ్గర జరిగిన బోటు ప్రమాదంలోనూ ఇదే జరిగింది. అప్పటివరకు గోదావరి అందాలను చూసి పర్యాటకులు పరవశించిపోయారు. పాపికొండలను చూస్తున్నామన్న ఆనందంలో కేరింతలు కొట్టారు. గోదావరి చుట్టూ అల్లుకున్న ప్రకృతి అందాలకు ఫిదా అయిపోయారు. లోకాన్ని మరిచి...పరిసరాలను మైమరిచి నదీ సోయగాలను చూస్తూ ఉత్సాహంగా ముందుకుసాగారు. సహచర టూరిస్టులు, బంధువులు, కుటుంబ సభ్యులతో జాలీగా  గడుపుతూ ఫొటోలకు పోజులిచ్చారు. మరోవైపు బోటులో సాంస్కృతిక కార్యక్రమాలను ఆస్వాదించారు. అయితే, ఆ అందమైన ప్రకృతే వికృతంగా మారుతుందని ఊహించలేకపోయారు. గోదారమ్మ అమాంతం తమను మింగేస్తుందని అనుకోలేదు. అలాంటి పరిస్థితి వస్తుందని అస్సలు ఊహించలేదు. దాంతో ఒక్కసారిగా పడవ పక్కకు ఒరిగి గోదావరిలో మునిగిపోతుంటే... పర్యాటకులు చేసిన హాహాకారాలు, ఆర్తనాదాలు... ఆ గోదారమ్మ వినిపించుకోలేదు. కుటుంబ సభ్యుల కళ్లెదుటే ఆత్మీయులు జలసమాధి అయిపోయారు. దాంతో విహరయాత్ర కాస్త విషాదయాత్రగా మారిపోయింది. అయితే, బోటు పైఅంతస్తులో ఉన్నవారు మాత్రమే, ఈ ప్రమాదం నుంచి బయటపడినట్లు తెలుస్తోంది. కింది అంతస్తులో అద్దాల మధ్య ఉన్నవారతా జలసమాధి అయ్యారని భావిస్తున్నారు. బోటు దాదాపు 300 అడుగుల లోతులోకి దిగిపోవడంతో... వాళ్లంతా బోటులోనే చిక్కుకుని మరణించారని అంచనా వేస్తున్నారు. బోటును బయటికి తీస్తేనే, మృతుల సంఖ్యపై క్లారిటీ వచ్చే అవకాశం కనిపిస్తోంది.
  అది ఓ ప్రభుత్వ ఆసుపత్రి... అందులోని ఐసీయూ వార్డు. ఆ వార్డులో చావుబతుకుల మధ్య ఉన్న ఓ వృద్ధుడు. ఖచ్చితంగా అతను ఆ రాత్రిని మించి బతకడని వైద్యులందరికీ తేలిపోయింది. అందుకనే అతని బంధువులు అందరికి ఫోన్లు చేసి త్వరగా రమ్మంటున్నారు. ఆసుపత్రిలో అతని తాలూకు పిల్లలు ఎవరన్నా ఉన్నారేమో అని ఓ నర్సు వార్డు బయట అటూఇటూ చూసింది. వార్డు బయట బెంచీ మీద ఓ యువకుడు కనిపించాడు. ‘ఐసీయూ వార్డులో ఫలానా పెద్దాయన మీ తండ్రేనా!’ అని అడిగింది.‘ఏ ఏమైంది!’ అని కంగారుగా అడిగాడు ఆ యువకుడు.   ‘ఆయన ఆఖరి క్షణాల్లో ఉన్నారు. తన కొడుకుల కోసం తెగ కలవరిస్తున్నారు. ఈ రాత్రి కాస్త ఆయన పక్కనుంటే ప్రశాంతంగా కన్నుమూస్తారు’ అని చెప్పుకొచ్చింది నర్సు.‘నేను ఆయన చిన్న కొడుకుని. దయచేసి ఈ రాత్రి ఆయన పక్కనే ఉండే అవకాశం ఇవ్వండి,’ అని అడిగాడు యువకుడు. యువకుడు లోపలికి వెళ్లేసరికి వృద్ధుని పరిస్థితి నిజంగానే బాగోలేదు. కళ్లు తెరుచుకోవడం లేదు. ఏదేదో కలవరిస్తున్నాడు. కొడుకుల స్పర్శ కోసం చేతిని చాస్తున్నాడు. యువకుడు ఠక్కున వెళ్లి ఆ చేతిని అందుకున్నాడు. అతని పక్కనే ఒక బల్ల వేసుకుని రాత్రంతా కూర్చున్నాడు.   ఆ రాత్రి ఒకో జాము గడిచేకొద్దీ వృద్ధుడు తన జీవితానికి సంబంధించి ఏవేవో చెబుతూ ఉన్నాడు. దానికి యువకుడు ఊ కొడుతూనే ఉన్నాడు. మధ్యమధ్యలో వృద్ధుడు యువకుడి చేతిని గట్టిగా అదిమిపట్టుకుంటూ ఉన్నాడు. చివరికి ఆ సమయం రానే వచ్చింది. వృద్ధుడు శరీరంలో ఇక ప్రాణం నిలిచేట్లు లేదు. ఆఖరుగా ‘బిడ్డా! నువ్వు ఈ చివరి క్షణాల్లో నా దగ్గర ఉంటావని అనుకోలేదు. ఇంతకంటే నాకు ఇంకేం కావాలి,’ అంటూ చెక్కిలి మీద నుంచి కన్నీరు జారుతుండగా కన్నుమూశాడు. ఆ దృశ్యం చూసిన యువకుడికి దుఃఖం ఆగలేదు. కన్నీటిని అదిమిపెట్టుకుంటూ బయటకు వెళ్లి కూర్చున్నాడు. కాసేపటికి అతని దగ్గరికి నర్సు కంగారుగా రావడం కనిపించింది. ‘ఆ ముసలాయన కుటుంబమంతా ఇప్పుడే వచ్చింది. నిన్న రాత్రి వాళ్లు రాలేకపోయారంట. వాళ్లలో ఒకతను ఆయన చిన్నకొడుకునని అంటున్నాడు. మరి మీరెవరు?’ అని అడిగింది.   ‘నిజానికి ఆ ముసలాయన ఎవరో నాకు తెలియనే తెలియదు. కానీ చివరిక్షణంలో ఆయన దగ్గర ఎవరూ లేకపోవడం మాత్రం బాధ కలిగించింది. జీవితంలో ఎంత సాధించినా ఆఖరు క్షణాన ఒంటరిగా మిగిలిపోవడం నిజంగా నరకం. అందుకనే మీరు నన్ను పిలిచినప్పుడు మారుమాటాడకుండా లోపలకి వచ్చేశాను. మంచం మీద ఉన్న ఆ మనిషికి కావల్సింది తనవారు పక్కనే ఉన్నారన్న ధైర్యం, వారి స్పర్శలో ఉండే స్థైర్యం... అని అర్థమైంది. మరేం ఆలోచించకుండా ఆయనకి నా చేతిని అందించాను. జీవితపు చివరి క్షణంలో కావల్సిన తృప్తిని ఇచ్చాను’ అంటూ సంజాయిషీగా చెప్పుకొచ్చాడు.     ..Nirjara
  We've heard enough on anger and said enough on it. But it has been our companion all through the while. We tried hard to control it and failed. So! let's give one more try!! The Occurrence: Anger might be the result of the external situation (like traffic, argument..) or might be triggered by our low mood. Surprisingly it was found out that some people can genetically be much furious than the rest. And of course, the circumstances that we've faced and the way we've moulded our character do affect our angry moods. The Result: The fire in the tree would burn it and the forest. So does the anger! We and our lives are the first and fatal victims to our anger. If suppressed, it would boil our heart and mind. And if expressed it would derail our circumstances.  Our goodwill, relations, transactions... get vulnerable at our ire. By the time we realise that, things should have been dealt with ease... they would've turned worse. And repentance is all that's left after the fist of rage. The Solution: While there are lot of advices given on the net and in the books on anger management... I've found the following to be practical and useful . You can add your own solution to the list.   - Expressing in the most plausible manner: If you feel that your displeasure should be conveyed, do it with a coat of sugar. Convey that you are upset, let them know that your are hurt... but let your tone be mild, and your words be polite. - Divert the force: Every emotion of us is a power! If expressed, it would result into something. So why not get a positive result from our displeasure. I've once heard from my lecturer - `Whenever my family members did upset me, I just kept quiet and immersed in my studies. I'm certainly aware of the fact that a bright career is the solution for many of my personal problems.` - Skip the environment: Anger needs a dais for us to express. It might be the highway or the kitchen. It's better to move away from the place and let passions dilute. - The alternatives: Some situations keep recurring. They make you tense on the daily basis. It might be the pits on the road you pass or a friend that robs every penny out of you. Just change the road or bid goodbye to the friend   - Think logically: The first side effect that come along with anger is, that you lose the power to reason. Just let your mind be intact. Evaluate what has happened, deduce the possibilities, conclude a few things... and decide the course of action. - Watch your words: When we are in the hold of anger. We try to hurt as much as we could with our words. So let's watch our words. Let`s be civilised and let's hear what the other one is saying.  In other words, we say a lot when we are in anger. So let's hear a lot too! - Don't dig the past: The worst thing we do, during those moments of anger... is to dig the filth out of the past! Each and every moment of displeasure is recollected and associated with the present situation. So treat the present situation as unique and be likewise. - Calming down: This is my favourite one. The way we breath is directly associated to our emotions. So let's slow our veins down. Taking a deep and slow breath filling every inch of our lungs and exhaling slowly would certainly calm us down..     -nirjara
  ప్రపంచంలో అతి సులువుగా లభించేది ఏమన్నా ఉంటే సలహానే! అందుకనే ఎవరికి వారు అవసరం ఉన్నా లేకున్నా ఉచిత సలహాలు పడేస్తూ ఉంటారు. కానీ ఒకోసారి మనం ఆచితూచి ఇచ్చే సలహానే మరొకరి జీవితంలో వెలుగులు నింపుతుంది. వారి సమస్యను ధైర్యంగా ఎదుర్కొనేందుకు అండగా నిలుస్తుంది. అందుకనే అనువైన సలహాని ఇవ్వడం కూడా ఒక కళగా భావించవచ్చు. ఇందుకోసం కొన్ని మెలకువలు పాటిస్తే సరి...   అడగనిదే! అవతలివారి సమస్య మీకెంత సామాన్యంగా తోచినా, దానికి ఖచ్చితమైన సలహా మీ దగ్గర ఉందని అనిపించినా... అడగకుండా ఇచ్చే సలహాకి అంత ఉపయోగం ఉండదు. సరికదా! వారు నొచ్చుకునే ప్రమాదం కూడా లేకపోలేదు. ముఖ్యంగా అవతలి వ్యక్తితో అంత చనువు లేనప్పుడూ, నలుగురిలో ఉన్నప్పుడు... తొందరపడి ఇచ్చే సలహా వాళ్లని ఇబ్బంది పెట్టడానికే అవకాశం ఉంది. అందుకే అడగకుండా సలహా ఇవ్వకూడదంటారు పెద్దలు. ఒకవేళ అతని సమస్యకు మీ దగ్గరే పరిష్కారం ఉందని తోస్తే అతని అనుమతి తీసుకునో, ఒంటరిగా ఉన్నప్పుడో, మధ్యవర్తుల ద్వారాలో మీ సలహాను అందిస్తే సరి.   సావధానంగా విన్నాకే! సమస్య ఉన్నవారే సలహా కోసం అభ్యర్థిస్తారు. సమస్య ఉంది కాబట్టి దాని గురించి సుదీర్ఘంగా మాట్లాడి కొంత ఉపశమనాన్ని పొందాలని అనుకుంటారు. కాబట్టి సలహా ఇవ్వాలనుకుంటూ వారి మాటలను సావకాశంగా వినితీరాలి. మనకి కాస్త విసుగు అనిపించినా, వారిని అడ్డుకోకుండా సంభాషణను సాగించాలి. వీలైతే మరిన్ని ప్రశ్నలు వేసి, సమస్యలోని భిన్న కోణాలను తెలుసుకునేందుకు ప్రయత్నించాలి.   మనదిగా భావించి! సమస్య మనది కాకపోవచ్చు. కానీ మనం ఇచ్చే పరిష్కారంతో అది ముగిసిపోయే అవకాశం ఉంది. కాబట్టి సమస్యని కాసేపు మనదిగా భావిస్తేనే, అందులోని లోతుపాతులు తెలుస్తాయి. అలా కాకుండా కేవలం ఒక మూడో వ్యక్తిగానే ఉంటే, సమస్య చాలా తేలికగా కనిపిస్తుంది. ‘ఇదే ఇబ్బంది నాకు తలెత్తితే, నేను ఏం చేయగలను? నేను తీసుకునే ప్రతి నిర్ణయానికీ ఎలాంటి సావకాశాలు ఉన్నాయి?’ అని ఆలోచిస్తేనే సమస్యకు హేతుబద్ధమైన పరిష్కారం లభిస్తుంది.   చర్చించండి! సలహా అడిగారు కదా అని అవతలివారిని ఊదరగొట్టేస్తే సరిపోదు. సలహాలదేముంది! సవాలక్ష చెప్పేయవచ్చు! అవతలివారు కూడా మొహమాటానికి పోయి ఊరకుండిపోవచ్చు. కానీ సమస్య గురించి మీకు తోచిన అభిప్రాయాలు, పరిష్కారాలు... అన్నీ కూడా అవతలివారితో చర్చించి నిర్మొహమాటంగా తేల్చేయాలి. అప్పుడే సలహా ఇవ్వడం అనేది ఒక కాలక్షేపంగా కాకుండా కార్యాచరణకు మార్గంగా నిలుస్తుంది.   నిజాయితీతో! సలహా కోసం వచ్చారు కదా అని చాలామంది అవతలివారిని చులకనగా చూస్తుంటారు. కానీ అవతలివారు తమమీద ఒక భరోసాతో వచ్చారన్న బాధ్యతని గుర్తుంచుకోరు. అలాంటి భేషజాలకు పోకుండా సమస్యను సానుకూలంగా విని, నిజాయితీగా తోచిన సలహాను ఇవ్వడం అవసరం. ఒకవేళ సమస్య పరిథి మనల్ని దాటిపోతోందని అనిపిస్తే... ఫలానా వ్యక్తినో, నిపుణుడినో కలిస్తే మంచిది అని చెప్పేయడం మంచిది.   - నిర్జర.
  చంద్రయాన్‌-2లో భాగంగా ఇస్రో  చంద్రుడి దక్షిణ ధృవంపైకి పంపిన విక్రమ్ ల్యాండర్‌ ఆచూకీ ఇంకా లభించలేదు. ఇస్రో అత్యంత ప్రతిష్ఠాత్మకంగా చేపట్టిన చంద్రయాన్‌-2 ప్రయోగం కంచికి చేరినట్టే కనిపిస్తోంది. చంద్రుడికి అత్యంత సమీపకక్ష్యలోకి విజయవంతంగా చేరిన ల్యాండర్‌ విక్రమ్‌‌తో చివరి నిమిషంలో సంబంధాలు తెగిపోవడంతో యావత్ భారత్ దిగ్భ్రాంతికి లోనైన సంగతి తెలిసిందే. దీంతో విక్రమ్‌ జాడ కనుక్కునేందుకు సాయపడడానికి.. అమెరికా అంతరిక్ష పరిశోధన సంస్థ నాసా ముందుకు వచ్చింది. అయితే విక్రమ్ ల్యాండర్‌ను గుర్తించి ఫొటోలు తీయడంలో నాసా చేసిన చివరి ప్రయత్నం కూడా విఫలమైనట్లు కనిపిస్తోంది. నాసా ఆర్బిటర్ తీసిన చిత్రాల్లో కూడా విక్రమ్ ల్యాండర్ ఆనవాళ్లు కనిపించలేదు. విక్రమ్‌ ల్యాండర్‌ దిగిందని భావిస్తున్న ప్రాంతంలో ఆర్బిటర్ ఫొటోలు తీసింది. ఆ ఫొటోల్లో ఎక్కడా విక్రమ్‌ జాడ కనిపించడం లేదని, తమ ఆర్బిటర్‌ చంద్రుని ఉపరితలానికి అతి దగ్గర నుంచి ఫొటోలు తీయడం వల్ల నీడ ఎక్కువగా పడిందని నాసా తెలిపింది. నాసా చివరి ప్రయత్నం కూడా ఫలించకపోవడంతో ఇస్రో 'విక్రమ్ ల్యాండర్‌' పై ఆశలు వదులుకున్నట్లు కనిపిస్తోంది. ఈ నేపథ్యంలో చంద్రయాన్-2 ప్రయోగం గురించి తాజాగా ఇస్రో ఓ భావోద్వేగ ట్వీట్ చేసింది. తమకు అండగా నిలిచిన వారందరికీ ఇస్రో ధన్యవాదాలు తెలిపింది. ప్రపంచవ్యాప్తంగా ఉన్న భారతీయుల ఆశలను, ఆకాంక్షలను సాధించే దిశగా ప్రయత్నిస్తూనే ఉంటామని ఇస్రో ట్వీట్ లో పేర్కొంది.
  హుజుర్‌నగర్‌ ఉప ఎన్నిక కాంగ్రెస్ లో చిచ్చురేపుతోంది. హుజూర్ నగర్ లో త్వరలో జరగనున్న ఉపఎన్నికలో కాంగ్రెస్ అభ్యర్థిగా పద్మావతి పేరును టీపీసీసీ అధ్యక్షుడు ఉత్తమ్ కుమార్ రెడ్డి ప్రకటించిన విషయం తెలిసిందే. అయితే ఈ ప్రకటనను ఎంపీ రేవంత్ రెడ్డి తప్పుబట్టారు. ఏకపక్షంగా నిర్ణయం ఎలా తీసుకుంటారంటూ ప్రశ్నించారు. అంతేకాదు చామా కిరణ్ రెడ్డి పేరును తాను ప్రతిపాదిస్తున్నానని రేవంత్‌ ప్రకటించారు. అయితే రేవంత్ వ్యాఖ్యలను ఆ పార్టీ ఎంపీ కోమటిరెడ్డి వెంకట్‌రెడ్డి ఖండించారు. హుజూర్ నగర్ లో ఎవరిని అభ్యర్థిగా నిలబెట్టాలో మాకు తెలియదా? అని ప్రశ్నించారు. హుజూర్‌నగర్‌లో పద్మావతినే సరైన అభ్యర్థి అని కోమటిరెడ్డి స్పష్టం చేశారు.   రేవంత్ చెప్పే అభ్యర్థి పేరు నాకే కాదు.. జానారెడ్డికి కూడా తెలియదని.. ఇక ప్రజలకు ఎలా తెలుస్తుందని ప్రశ్నించారు. అభ్యర్థి ఎంపిక విషయంలో కొత్తగా వచ్చిన వారి సలహలు, సూచనలు అవసరం లేదని రేవంత్ ని పరోక్షంగా విమర్శించారు. 30ఏళ్లుగా రాజకీయాల్లో ఉన్నాం..మమ్మల్ని కాదని కొత్త అభ్యర్థిని పెడతారా? అని ప్రశ్నించారు. హూజుర్‌నగర్ కాంగ్రెస్ అభ్యర్ధిగా ఉత్తమ్ భార్య పద్మావతి రెడ్డిపై పార్టీలో ఏకాభిప్రాయం ఉందని అన్నారు. జానారెడ్డి, ఉత్తమ్‌కుమార్‌రెడ్డి.. నేను ఏకమయ్యాం. ఇన్నాళ్లు అభిప్రాయ భేదాలున్నాయి. ఇప్పుడు కలిసిపోయాం అని కోమటిరెడ్డి అన్నారు. పీసీసీ పగ్గాలపై కూడా కోమటిరెడ్డి స్పందించారు. కాంగ్రెస్ సీనియర్లంతా నన్నే పీసీసీ చీఫ్‌ కావాలని అంటున్నారని కోమటిరెడ్డి అన్నారు. గత ముప్పై సంవత్సరాలుగా పార్టీకి సేవ చేస్తున్నామని చెప్పిన ఆయన.. పాత తరం నాయకులు మొత్తం తనకు మద్దతుగా ఉన్నారని అన్నారు. దీంతోపాటు ఏఐసీసీ నాయకుల మద్దతు కూడ ఉందని కోమటిరెడ్డి అన్నారు.
    జగన్ ప్రభుత్వం 29 మంది సభ్యులతో కూడిన టీటీడీ కొత్త జంబో పాలక మండలిని ప్రకటించిన విషయం తెలిసిందే. దీనిపై ఎపి మాజీ ప్రధాన కార్యదర్శి, బీజేపీ నేత ఐవైఆర్ కృష్ణారావు సెటైర్లు వేశారు. తాను టీటీడీ ఇవోగా ఉన్నపుడు 14 మంది సభ్యుల బోర్డుతోనే పెద్ద సమస్యగా ఉండేదని ఐతే ఇపుడు ఏకంగా 29 మంది సభ్యుల బోర్డును ప్రభుత్వం ఏర్పాటు చేయడం పట్ల అయన అసహనాన్ని వ్యక్తం చేశారు. అలాగే భక్తి భావాలు కలిగిన వాళ్ళు బోర్డులో ఉండాలంటే అది ఏ నాడూ జరగలేదని విమర్శించారు. రాజ్యసభ ఎంపీ సుబ్రహ్మణ్య స్వామి ప్రజా ప్రయోజన వ్యాజ్యంతోనైనా దేవాలయాలకు ప్రభుత్వం నుంచి విముక్తి వస్తేనే ముక్తి ఉంటుందన్నారు. టీటీడీ వ్యవస్థలో నిర్ణయాలు ఈఓ, చైర్మన్, ముఖ్యమంత్రి మధ్య నడుస్తాయని, బోర్డు సభ్యులు మాత్రం కేవలం దర్శనాలకు మాత్రమే పరిమితమని అయన తన ట్వీట్ లో పేర్కొన్నారు. 29 సభ్యుల బోర్డును మేనేజ్ చేయటం లో ఈవో పడే బాధ వర్ణనాతీతం అని అయన తన ట్వీట్ లో పేర్కొన్నారు.
సంవత్సరానికి 1,35,445 మంది... ప్రతిరోజూ సగటున 242 మంది మగవారు, 129 ఆడవారు జీవితాన్ని వద్దనుకుని బలవంతంగా ప్రాణాలు వదులుతున్నారు మన భారతదేశంలో. అందులోనూ 15 నుంచి 29 సంవత్సరాల మధ్య ఉన్నవారే ఎక్కువట. ప్రపంచవ్యాప్తంగా ఆత్మహత్యల నివారణ దినోత్సవంగా పాటిస్తున్న ఈరోజున ఆత్మహత్యలని నివారించడానికి మనంగా ఏం చేయాలని ఆలోచించి తీరాలి. సమాజం, సామాజిక సంస్థలు, ప్రభుత్వం బాధ్యత ఎంతవుందో.. వ్యక్తులుగా, మన బాధ్యత కూడా అంతే వుందన్నది నిజం. అందుకే పెద్ద పెద్ద సిద్ధాంతాలని పక్కనపెట్టి సగటు మనిషిగా ఆలోచిస్తే మనతోపాటు మసలే మన కుటుంబంలోని వ్యక్తి లేదా స్నేహితుడు, బంధువు, సహోద్యోగి లేదా పక్కింటివారు... ఇలా మన పరిధుల్లో మనకి పరిచయం వున్నవారు, నిన్నటిదాకా మనతో వున్నవారు హఠాత్తుగా చడీచప్పుడు లేకుండా బలవంతంగా ప్రాణాలు తీసుకుంటున్నారంటే అందులో మన పాత్ర ఏం లేదా? మనం చేయగలిగింది ఏం లేదా? వీటిని ఆపడం సాధ్యం కాదా? చిన్న విషయమే.. అందరికీ తెలిసిన విషయమే.. మనందరి అనుభవంలోనిదే. మనసుకి బాధ కలిగితే పంచుకోవడానికి ఒక వ్యక్తి కావలసి వుంటుంది. ఎలాంటి ఆక్షేపణలు లేకుండా కేవలం మనసుపెట్టి వినే ఒక్క వ్యక్తి చాలు ఆ నిమిషానికి దేవుడిలా కనిపిస్తాడు. అందుకే వినటం నేర్చుకుందాం. ఎదుటి వ్యక్తికి మాట్లాడే అవకాశమిద్దాం. మనసులోని బాధనంతా వెళ్ళగక్కేందుకు కొంచెం సమయం ఇద్దాం. సత్సంబంధాలు, సాన్నిహిత్యం మనుషుల్లో భరోసాని, ధైర్యాన్ని, నమ్మకాన్ని కలిగిస్తాయి. ఆపద రాగానే పరిగెట్టుకు రాగలరు. బాధని పంచుకోగలరు. దీనికి చేయాల్సిందల్లా ఒక్కటే.. కొంచెం మానవ సంబంధాలపై దృష్టి పెడదాం. ఉదయం లేచి మనకి ఎదురుపడే ప్రతి ఒక్కరిని చిన్న చిరునవ్వుతో పలకరిద్దాం. ఇంట్లోని పనిమనిషి నుంచి ఆఫీసులోని ప్యూను దాకా అందరినీ కుశలం అడుగుదాం. నాలుగు కబుర్లు చెబుదాం. మన జీవితంలోని విశేషాలని పంచుకుందాం. వాళ్ళ జీవితంలోని విశేషాలని అడుగుదాం. బలమైన మానవ సంబంధాలు ఎప్పుడూ ధైర్యాన్నిస్తాయి. ఆత్మహత్య అనే భూతం ఎప్పుడు ఎవర్ని నిశ్శబ్దంగా కబళిస్తుందో తెలీదు. బతుకు పోరాటంలో ఎత్తుపల్లాలు సహజమని తెలిసీ ఆ క్షణానికి నైరాశ్యానికి లొంగిపోయే వారెందరో! సహాయం చేయగలమా, వారి సమస్యలని తీర్చగలమా అన్నది పక్కన పెడితే, తన బాధలనయితే వినగలం కదా! నాలుగు ధైర్య వచనాలు పలకగలం కదా! ఏదో ఒక దారినైతే చూపించగలం కదా! ఇలా జరగాలంటే ముందు మనం నలుగురికి అందుబాటులో వుండాలి. ఒంటరితనపు కంచుకోటని బద్దలు కొట్టుకుని బయటకి రావాలి. ఈరోజున ఆ నిర్ణయం తీసుకుందాం. ‘‘ఆత్మహత్యల నివారణకి వ్యక్తిగా నేనేం చేయగలను’’ అన్న ఒక చిన్న ఆలోచన చేద్దాం. నలుగురితో ఆ ఆలోచని పంచుకుందాం. నిస్సహాయంగా, నిర్వేదంగా జీవితానికి వీడ్కోలు పలికే దుస్థితి ఎవరికీ రావద్దు అంటే కొంచెం మానవత్వంతో ఆలోచిద్దాం. మానవ సంబంధాలని బలపర్చుకుందాం. -రమ  
The deadly Ebola virus has claimed more than 700 people who have died of the deadly virus  and infected close to 1300 people that has spread across the West African nations of Liberia, Guinea, Sierra Leone, and Nigeria. Now whether other countries could also be infected because of this deadly virus is yet to be seen as it spread only through certain conditions Ebola is not known to infect people through the air -- you must come into contact with the virus somehow in order to be at risk for infection, It is transmitted through exposure to an animal that carries the virus (such as a bat or primate), through exposure to the bodily fluids of a human who is infected and symptomatic, and through exposure to items that have been contaminated with the virus. People who are "providing care for a household member ... when they're cleaning up vomit or diarrhea, they come into contact with the virus, and the way it's transmitted is there's virus in the fluids," she said. "That virus gets into your own body through the nose, mouth and such. Ebola can also survive outside the host for a significant period of time -- as long as a couple of days -- at room temperature. What happens to a person infected? Once the Ebola virus makes its way into the body, it gets in the body's cells and replicates itself. Then it comes bursting out of our cells and produces this protein that wreaks havoc. The protein is called ebolavirus glycoprotein, and attaches to the cells on the inside of the blood vessels. This increases permeability of the blood vessels -- leading to blood leaking out of the vessels. Even people who don't show hemorrhagic symptoms will experience this leaking of blood from the vessels -- which can eventually lead to shock and, ultimately, death. Patients infected with Ebola experience sudden fever, intense weakness, muscle pain, headaches, vomiting and diarrhea. As the disease progresses, it can cause kidney and liver failure as well as internal bleeding. Treatment for Ebola In the four decades since the Ebola virus was first identified in Africa, treatment hasn't changed much. There are no licensed drugs or vaccines for the deadly disease. Without a specific treatment, doctors and nurses focus on easing the disease's symptoms — fever, headache, vomiting and diarrhea — and on keeping patients hydrated and comfortable. For one thing, the Ebola virus is hard to work with. The virus doesn't grow well in petri dishes and experiments can only be done in the relatively few labs with the highest security measures. There are about a half dozen Ebola drugs and vaccines in development, several of which have received funding from the U.S. One drug developed by the U.S. Army has shown promising results when tested in monkeys. While animal studies for vaccine candidates have been encouraging, it's unclear what dose humans would need. Sources: Wikipiedia, Huffington Post, Kansascity.com
  Coconut Oil for Good health:People who consume coconut oil on a regular basis (referring to the Keralites) are known to have a healthy skin, free from any bacterial attacks, lustrous hair, are intelligent , slim - contrary to the studies which say coconut oil is fattening, and the most important factor (for women) have wrinkle free skin … Coconut oil is one of the richest sources of saturated fat with about 90 percent of calories as saturated fat. It contains lauric acid, a powerful antibacterial and antiviral agent that keeps away viruses, infections, inflammation and acne. Coconut oil is also rich in essential fatty acids and Vitamin E, which are perfect for keeping your skin moist, soft, and wrinkle-free ( anti aging benfits) and is also known to reduce weight.WOmen use coconut oil to remove makeup and clean their face with it before going to bed. Coconut oil is especially good if you have thyroid. Plus, there’s considerable evidence that this oil has so many health benefits: Coconut oil contains a lot of medium chain triglycerides, which are metabolized differently and can have therapeutic effects on several brain disorders. The medium chain triglycerides in coconut oil have been shown to increase 24 hour energy expenditure by as much as 5%, potentially leading to significant weight loss over the long term. Coconut oil can be applied topically as well, studies showing it to be effective as a skin moisturizer and protecting against hair damage. It can also be used as a mild form of sunscreen and as mouthwash. So do we need to give more scientific reasons to bring this healthy natural oil back into our lives?
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.