సూర్యాపేటలో చంద్రబాబు కామెడీ

తెలుగుదేశం పార్టీ అధ్యక్షుడు చంద్రబాబు నాయుడు నల్గొండ జిల్లా సూర్యాపేటలో భలే కామెడీ చేశారు. పాపం రాష్ట్రంలోని 294 అసెంబ్లీ స్థానాలు, 42 పార్లమెంట్ స్థానాలకు వేలాది మంది అభ్యర్థుల్ని పరిశీలించి, వడపోసి, ఎంపికచేసి, నిర్ణయించి... ఇలా నానా తంటాలు పడిన ఆయన బుర్రలో బోలెడన్ని పేర్లు మిక్సయిపోయినట్టున్నాయి. అందుకే ఆయన గుర్తుంచుకోవాల్సిన వాళ్ళ పేర్లు మర్చిపోతున్నారు. మొన్నీమధ్య సూర్యాపేటలో ప్రచారానికి వెళ్ళిన చంద్రబాబు ప్రసంగిస్తూ వుండగానే ఆయన పక్కనే వున్న అసెంబ్లీ అభ్యర్థి పేరు మరచిపోయారు. ‘ఇక్కడి నుంచి పోటీ చేస్తున్న ...’’ అని ఆగిపోయి అసెంబ్లీ అభ్యర్థి పేరు పక్కనే వున్న అభ్యర్థి పటేల్ రమేష్ రెడ్డినే  కనుక్కుని మైకులో ఎనౌన్స్ చేశారు. అసెంబ్లీకి పోటీ చేస్తున్న అభ్యర్థి పేరునే మరచిపోయిన చంద్రబాబును చూసి అప్పుడు అందరూ నవ్వుకున్నారు. రాజకీయ వర్గాల్లో కూడా దీని గురించి చెప్పుకుని నవ్వుకుంటున్నారు. ఏది ఏమైనా చంద్రబాబు మైండ్ బాగా పనిచేయాలంటే కొంతకాలం రెస్ట్ తీసుకోవాలి. ఎన్నికల సమయంలో రెస్టు ఎలాగూ వుండదు. ఎన్నికల తర్వాత ఆయన రెస్టు తీసుకుంటారో లేదో చూడాలి.