నీ ఛాలెంజ్ ను స్వీకరిస్తున్నా కోహ్లీ...
posted on May 24, 2018 11:57AM
విరాట్ కోహ్లీ ఛాలెంజ్ ను ప్రధాని నరేంద్ర మోడీ స్వీకరించారు. విరాట్ కోహ్లీ ఏంటీ..? ప్రధానికి సవాల్ విసరడం ఏంటీ..?దాన్ని మోడీ కూడా స్వీకరించడం ఏంటీ.. అసలు మోడీకి కోహ్లీ విసిరిన సవాల్ ఏంటీ అనుకుంటున్నారా... ? అదేంటంటే... మోదీకి కోహ్లీ ఫిట్నెస్ ఛాలెంజ్ విసిరాడు. అసలు సంగతేంటంటే...రెండు రోజుల క్రితం కేంద్రమంత్రి రాజ్యవర్థన్ సింగ్ రాథోడ్ ‘హమ్ ఫిట్తో ఇండియా ఫిట్’ అనే ఛాలెంజ్లో ఆయన స్వయంగా పుషప్స్ చేస్తున్న వీడియోను ట్విటర్లో పోస్టు చేసిన సంగతి తెలిసిందే. అంతేకాదు దానితో పాటు రాట్ కోహ్లీ, సైనా నెహ్వాల్, హృతిక్ రోషన్ కు ఈ ఫిట్నెస్ సవాల్ ను విసిరారు. దీంతో సైనా, హృతిక్ రోషన్ ఇప్పటికే ఈ ఛాలెంజ్ను స్వీకరించి మరికొందరికి ఈ సవాలును విసిరారు. తాజాగా కోహ్లీ కూడా రాథోడ్ సవాలును స్వీకరించాడు. తాను కసరత్తులు చేసిన వీడియోను పోస్త్ చేస్తూ.. తన భార్య అనుష్క శర్మ, ప్రధాని నరేంద్ర మోదీ, క్రికెటర్ మహేంద్ర సింగ్ధోనీ ఈ సవాలును స్వీకరించాల్సిందిగా కోరాడు. ఆశ్చర్యం ఏంటంటే.. కోహ్లీ సవాలుకు ప్రధాని మోదీ స్పందించారు. ‘నీ సవాలును స్వీకరిస్తున్నాను. త్వరలోనే నా ఫిట్నెస్ ఛాలెంజ్ వీడియోను పంచుకుంటాను’ అని తన మోదీ ట్విటర్లో తెలిపారు.