రెండు నెలల జైలు జీవితం తరువాత చింతమనేనికి బెయిలు మంజూరు

తెలుగుదేశం పార్టీ మాజీ ఎమ్మెల్యే చింతమనేని ప్రభాకర్ కు బెయిలు మంజూరు చేసింది కోర్టు. ఆయన మీద ఉన్న నాలుగు కేసుల్లో బెయిలు ఇస్తున్నట్లుగా తెలిపింది. ఈరోజు జైలు నుంచి విడుదలయ్యే అవకాశముంది. త్వరలోనే అన్ని కేసుల్లో బెయిల్ లభిస్తుందని ఆయన అనుచరులు ఆశాజనకంగా ఉన్నారు. చింతమనేని ప్రభాకర్ పై దాదాపు 60కి పైగా కేసులు నమోదయ్యాయి. 70 రోజుల నుంచి చింతమనేని ప్రభాకర్ ఏలూరు జైలులోనే రిమాండ్ ఖైదీగా ఉంటున్నారు. ఆయనకు ఒక కేసులో బెయిల్ వచ్చినా.. ఏదో ఒక కారణంతో మరొక కేసులో అరెస్ట్ చేస్తుండంతో రెండు నెలలకు పైగానే చింతమనేని ప్రభాకర్ జైలు జీవితం గడిపారు. ఆయన జైలు నుంచి విడుదల ఈరోజు కానున్నారు. విడుదల అవుతున్నారన్న సంతోషం వ్యక్తం చేసే గ్యాప్ లో విచారం వ్యక్తం చేసే వార్తను వినిపిస్తున్నారు. మరొక కేసులో చింతమనేనిని అరెస్ట్ చేస్తారన్న ప్రచారం జోరుగా జరుగుతుంది.