నిర్మాతగా సిమ్రాన్

 

దక్షిణాది భాషల్లో ఎన్నో సినిమాలు చేసి తన గ్లామర్ తో అందరినీ ఆకట్టుకుని, కథానాయికగా ఓ వెలుగు వెలిగిన సిమ్రాన్ ఇప్పుడు నిర్మాతగా కొత్త అవతారం ఎత్తనున్నారు. సినిమా నిర్మాణ సంస్థను స్థాపించానని తానే స్వయంగా ఒక ప్రకటన ద్వారా చెప్పారు. 'సిమ్రాన్ అండ్ సన్స్' పేరుతో బ్యానర్ ని ప్రారంభించామని, ఈ బ్యానర్ ద్వారా సంవత్సరానికి రెండు సినిమాలు తీయాలని లక్ష్యంగా పెట్టుకున్నామని ఆమె తెలిపారు. సినిమాలపై తనకున్న అభిమానమే సినిమా నిర్మాణ రంగంపై దృష్టి పెట్టేలా చేసిందని అన్నారు.