సిబీఐ సోదాలకు బ్రేక్

డీఎంకే యూపీఏ ప్రభుత్వానికి మద్ధతు ఉపసంహరించుకున్న మరుసటి రోజే ఎం.కె. స్టాలిన్ నివాసం, ఆయన వ్యక్తిగత కార్యదర్శి నివాసాల్లో సీబీఐ జరుపుతున్న సోదాలు నిలిపివేశారు. విదేశీ కార్ల దిగుమతి సుంకం చెల్లింపు విషయంలో రెవెన్యూ ఇంటలిజెన్స్ డైరెక్టర్ ఫిర్యాదుతో రంగంలోకి దిగిన సిబీఐ గురువారం స్టాలిన్ నివాసంపై దాడులు చేసి సోదాలు నిర్వహించింది. డిఎంకే యూపీఏ నుండి వైదొలగడంతో పాటు ఐదుగురు మంత్రులు రాజీనామా కూడా చేశారు. యూపీఏ ప్రభుత్వానికి బయటనుండి కూడా మద్ధతు ఇవ్వబోమని కరుణానిధి స్పష్టం చేయడంతో కేంద్ర ప్రభుత్వం కక్షసాధింపు చర్యలు చేపట్టిందని తీవ్ర విమర్శలు రావడంతో కేంద్ర ప్రభుత్వం వెనకడుగు వేసింది. కేంద్ర ఆర్థికమంత్రి చిదంబరం కూడా సిబీఐ దాడులకు నిరసన తెలపడంతో యూపీఏ ప్రభుత్వం సిబీఐణి తక్షణమే సోదాలు నిలిపివేయాలని సిబీఐని ఆదేశించడంతో సిబీఐ సోదాలు ఆపి వెనక్కి వెళ్ళిపోయారు.