ఇంటి ఓనర్- ఆ ఇంట్లో అద్దెకు రావాలనుకుంటున్న ఏకాంబరాన్ని ఇంటర్ వ్యూ చేస్తోంది.
"చూడు- అద్దె పే చేస్తున్నాం కదాని మీ ఇష్టమొచ్చినట్లు న్యూసెన్స్ చేయడానికి వీల్లేదు. ముఖ్యంగా అరుపులు, కేకలు, శబ్ధాలు- అనేవి నాకస్సలు వినబడకూడదు- అర్ధమయిందా?"
"అయింది మేడమ్!"
"మీకు అరచి కేకలేసే పిల్లలున్నారా?"
"లేరు మేడమ్"
"మీ ఇంట్లో టీవీ, రేడియో, మ్యూజిక్ డెక్, హార్మోనీ, పియానో లాంటివేమయినా ఉన్నాయా?"
"అవేమీ లేవు మేడమ్-"
"నువ్వూ. మీ ఆవిడా కొట్టాడుకుని కేకలేసుకుంటూంటారా?"
"అస్సలు లేదు మేడమ్- చాలామెల్లగా మాట్లాడుకోవటం అలవాటు మాకు-"
"ఇదంతా ఎందుకు చెప్తున్నానంటే ఇంత చిన్న శబ్దం కూడా మాకు సరిపడదు-"
"ఒకే ఒక్క శబ్దం వస్తుంది మేడమ్- మరి దానికి మీరు ఓకే అంటే......?"
"ఏమిటా శబ్దం?"
"నేను రైటర్ని మేడమ్! పెన్ తో కాగితం మీద రాసేప్పుడు ఆ శబ్దం వస్తూంటుంది."
"మనం కేరళలో పుట్టకపోవటం చాలా అదృష్టం! కదా రాణీ?"
"ఎందుకలా అంటున్నావ్?"
"ఎందుకేమిటి? మనకి మళయాళం ఒక్క ముక్క కూడా రాదు కదా!"
ఓ చిన్న పిల్లడు దారి తప్పిపోయాడు. ఒక పోలీస్ అతనిని ఇంటికి చేర్చాలని ప్రయత్నించాడు.
"నీ పేరేంటో చెప్తే మీ ఇంట్లో వాళ్ళకు చెప్తానోయ్-"
"మా వాళ్ళకు నాపేరు తెలుసండీ"
"మమ్మీ! నీకెప్పుడయినా విపరీతమయిన తలనొప్పి వస్తుందా?"
"మీరింట్లో చేరి అల్లరి చేస్తున్నప్పుడు రాకేమవుతుంది?
"పాపం అమ్మమ్మ! ఎంత బాధపడిందో-"
"ఒరేయ్- కాళ్ళు లేకుండా నేలమీద ఫాస్ట్ గా పరుగెత్తేదేంట్రా?"
"నీళ్ళు-"
"నువ్ నిద్రపోయే ముందు లాస్ట్ లో ఏం చేస్తావ్ రా?"
"మిగతా వాళ్ళంతా నిద్రపోయారో లేదో చూస్తా-"
"చూశావా శిరీషా! అక్కడ టీషర్ట్ వేసుకుని నిలబడ్డాడు చూడు! వాడిని చూస్తే మండిపోతోంది నాకు- పెద్ద రోగ్ లాగున్నాడు-" మండిపడుతూ అంది రజని.
"కానీ పాపం వాడు అసలు నీ వేపే చూడటం లేదు కదా- ఆ సినిమా పోస్టర్ వంక చూస్తున్నాడు-"
"అదే- అందుకే నాకు మండేది-"
ఒక కంపెనీ మేనేజర్ తన అసిస్టెంట్ మేనేజర్ని పిలిచాడు.
"మనం ఈ మధ్య ఒక ఎకౌంట్స్ క్లర్క్ ని అపాయింట్ చేసుకున్నాం- గుర్తుందా?"
"ఉంది సార్"
"వాడిమీద నాకు డౌటుగా ఉంది- దొంగ చూపులూ- వాడూనూ-"
"ఛ! వాడలా కనబడినంత మాత్రాన అలా అనుకోకూడదు సార్-"
"అలా కనబడ్డాడని కాదోయ్- వారం నుంచీ అసలు కనబడటం లేదని-"
"హాయ్ ముకుంద్- నిన్న క్రికెట్ మాచ్ సూపర్బ్ గా ఆడావనుకో- కంగ్రాచ్యులేషన్స్-"
"నేనాడటం ఏమిటి నా మొఖం! డకవుట్ అయ్యాను కదా-"
"నీ ఆట అద్భుతం అని మరి మీ ఆపోజిట్ టీమ్ వాళ్ళందరూ మెచ్చుకుంటున్నారేంటి?"
ఇన్ కమ్ టాక్స్ ఆఫీసర్ "అరె- మనదేశం మీద అభిమానం ఉండాలయ్యా! టాక్స్ లు చిరునవ్వులతో కట్టటానికి అలా ఫీలవుతారేంటి- నాకర్ధం కాదు?"
"టాక్స్ లు కాష్ రూపంలోనే కట్టాలని అనుకున్నా సార్-"
"డాక్టర్- నిజం చెప్పండి! నేనింకెంత కాలం బ్రతుకుతాను?" ఒకావిడ డాక్టర్ నడిగింది-
"ఖచ్చితంగా చెప్పలేను గానీ ఒక్క విషయం మాత్రం చెప్పగలను- ఇక నుంచీ స్టార్టయే కొత్త టీవీ సీరియల్స్ మాత్రం చూడకండి-"
"మనీషా! నిజం చెప్పవే! ఆ రాకేష్ కి వాళ్ళ మావయ్య విల్లులో ఇచ్చిన యాభైలక్షల కోసమే నువ్ రాకేష్ ని పెళ్లిచేసుకున్నావ్ కదూ?"
"అక్కడే నాకు మండేది! వాళ్ళ మావయ్య ఇచ్చాడని కాదు. ఇంకెవరిచ్చినా నాకు ఓకే-"
"నిజం చెప్తున్నారా ఉమేష్! నా లైఫ్ లో నేను పైకి రావటానికి మూడే మూడు ఉపయోగపడినయ్-"
"ఏమిట్రా అవి?"
"లిఫ్ట్, ఎస్కలేటర్, మెట్లు-"
"నేను ప్రపంచంలో ఏ మూలకెళ్ళినా నా గాళ్ ఫ్రెండ్ అక్కడే కలుసుకుంటుంది నన్ను- తెలుసా?"
"అలా ఎలా?"
"ఏముంది? నా క్రెడిట్ కార్డ్ తీస్తే చాలు- క్షణాల్లో వాలిపోతుంది-"
"నాకు తెలీక అడుగుతున్నా! ఈ డాక్టర్లు, నర్సులు ఆపరేషన్ థియేటర్ లో మాస్క్ లు ఎందుకువేసుకుంటారు?"
"అది గూడా ఎరుకలేదుబే? వాళ్ళల్లో ఎవళ్ళు ఏం తప్పు జేసినా ఎవళ్ళు జేసిందీ- ఇంకొకళ్ళకి తెలీకుండా ఉంటానికి-"
"మా బాస్ ని మచ్చిక చేసుకోవాలంటే ఏం చేయాలి?"
"అది కూడా తెలీదా? మంచి జోక్ ఒకటి మీ బాస్ మాంఛి మూడ్ లో ఉండగా చెప్పేసెయ్-"
"ఆపనెప్పుడో చేశా! అయినాగానీ ఆ జోక్ కి నవ్వకపోగా వార్నింగ్ లెటర్ ఇచ్చాడు"
"పిచ్చివాడా! అందుకే జోక్ లెప్పుడూ ఆఫీస్ లో చెప్పకూడదు. ఆదివారం నాడొక్క రోజే వాళ్ళు రిలాక్స్ డ్ గా ఉంటారు గనుక..."
"అర్ధమయిందిలే- రేపాదివారమే బాస్ ఇంటికెళ్ళి జోక్ చెప్తా!"
"అదే పరమ తెలివితక్కువ పని! ఆదివారం నాడు బాస్ నవ్వాలంటే-శుక్రవారం సాయంత్రం బాస్ ఇంటికెళ్ళి జోక్ చెప్పాలి!"
కేవలం రికమండేషన్లతో, లంచాలతో ఐఏఎస్ లయిన ఇద్దరు బార్ లో కూర్చుని లాండ్ గ్రాబర్ ఇప్పిస్తోన్న మందుకొడుతున్నారు.
"నేను గొప్ప ఇంటెలిజెంట్ ననే కదా- ఐఏ ఎస్ లో సెలెక్ట్ చేసుకున్నారు. కానీ మా అబ్బాయి ఎంత తెలివి తక్కువ వాడో చెప్తే నువ్ ఆశ్చర్యపోతావ్-" అన్నాడొకడు.