నీచమైన ప్రాణులు అంతే

కృమి కుల చిత్తం లాలా క్లిన్నం విగంధి జుగుప్సితం

నిరుపమ రసం ప్రీత్యా ఖాదన్ఖరాస్థి నిరామిషమ్‌ ।

సురపతిమపి శ్వా పార్శ్వస్థం విలోక్య న శంకతే

న హి గణయతి క్షుద్రో జంతుః పరిగ్రహ ఫల్గుతామ్‌ ॥

కుక్కకి ఒక ఎముక ముక్క దొరికితే చాలు- అందులో మాంసం లేకపోయినా, పురుగులు చేరి కంపుకొడుతున్నా, జుగుప్సాకరంగా ఉన్నా... మహా పారవశ్యంతో దాన్ని నాకుతూ ఉంటుంది. ఆ సమయంలో దాని ఎదుట ఇంద్రుడే ప్రత్యక్షమైనా సిగ్గుపడదు. నీచప్రాణులు ఎప్పుడూ అంతే! తాము స్వీకరించే పదార్థం ఎలాంటిది అన్న పట్టింపు వాటికి ఉండదు. నీచ మానవుల వ్యక్తిత్వం కూడా ఇలాగే ఉంటుంది అని చెప్పడం శతకకారుని ఉద్దేశంగా కనిపిస్తుంది.